LDK - LDD: Shpresë për bashkim

Arb · 10-07-09, 13:45

Le te bashkohen. Por me nje kusht. Te gjithe ata qe bene karriere politike ne shpine te Presidentit Rugova, te largohen nga cfaredo posti me rendesi, ne strukturat drejtuese, duke u nis prej kryetinzakut Sejdiu, e teposhte...

LDK-se se bashkuar nuk i duhet vetem reforma, u duhet pastrim prej tylifare t'hargjumi (politikisht)

**Zero Cool** · 10-07-09, 16:14

LDK – LDD ka bashkim, s’ka bashkim ?

Lidhja Demokratike e Kosovës dhe Lidhja Demokratike e Dardanisë ka hapur një debat të ri, me bazë bashkimin e këtyre dy partive. Në një konferencë për media, Sekretari i përgjithshëm i LDK-së, Ramë Manaj, tha se LDK e mirëpret kthimin e çdo anëtari të LDD-së, dikur ish pjesëtarë të LDK-së. Ndërkohë, Lidhja Demokratike e Dardanisë ka hedhur poshtë mundësinë e bashkimit të kësaj partie me LDK-në, derisa ajo vazhdon me politikën e njëjtë.

Në prag të zgjedhjeve lokale në Kosovë, disa subjekte politike kanë hapur debate publike lidhur me anëtarësimin ndërmjet tyre por jo edhe për lidhjen e koalicioneve. Një komunikim përmes konferencave për media kanë zhvilluar sot, dy subjektet politike dikur të bashkuara, LDK dhe LDD. Sekretari i Lidhjes Demokratike të Kosovës, Ramë Manaj, theksoi se LDK, është e hapur dhe e gatshme për pranimin dhe rikthimin e të gjithë atyre që kanë shkuar në subjektet tjera politike, përfshirë edhe LDD-në. Por, sipas Manajt, mundësia e lidhjes së koalicionit me LDD-në është e vogël.

“Lidhja Demokratike e Kosovës është për kthim të atyre që kanë shkuar, por pret edhe anëtarësim të ri gjithsesi dhe ne presim se mund të jetë një moment i forcimit të mëtutjeshëm edhe kthimi i një pjesë të numrit më të madh të anëtarësisë, në këtë rast nga LDD-ja. LDK nuk është e gatshme të bëj koalicion parazgjedhor me askënd, në tashmë kemi dorëzuar aplikacionin dhe kemi konkurruar, apo hyrë në garë si subjekt i vetëm ndërsa çështje tjetër është periudha e balotazheve”, ka theksuar Manaj.

Ndërkaq, nga ana tjetër përfaqësues të Lidhjes Demokratike të Dardanisë, deklaruan sot në një konferencë për media se nuk mund të pritet nga LDD- ja që ti riparojë dëmet e bëra nga LDK-ja.

Sekretari i LDD-së, Lulzim Zeneli, bëri të ditur se nuk mund të ekzistojë asnjë formë bashkëpunimi pozitiv përderisa lidershipi i LDK-së aktuale vazhdon me politikën e vet destruktive. Për gjendjen ekzistuese, aspak të kënaqshme në mes të këtyre dy subjekteve politike dikur të bashkuara, sekretari Zeneli akuzoi presidentin, Fatmir Sejdiu.

“Lidhja Demokratike e Dardanisë asnjëherë nuk e ka konsideruar si kundërshtare anëtarësimin e LDK-së. Asnjë zhvillim pozitiv nuk mund të realizohet, apo formë e lidhjes, derisa lidershipi aktual i LDK-së vazhdon me politikën e njëjtë, e cila solli deri te ndarja e LDK-së së dikurshme të presidentit Rugova”, ka theksuar Zeneli.

Nga deklaratat e zyrtarëve të dy subjekteve politike u bë e ditur se transferimet janë të lira dhe të pranueshme, duke mohuar kategorikisht lidhjen e koalicionit. Sot pasdite, LDD-ja, prezanton në Gjilan, kandidatin për kryetar komune, në zgjedhjet e 15 nëntorit.

Huazuar nga RTK

**Zero Cool** · 10-07-09, 16:18

Kryesia: Qëndrimet e nënkryetari Ramosaj devijim nga vija programore e LDD-së

Përmes një komunikate për opinion thuhet se në takimin e rregullt te Kryesisë së Lidhjes Demokratike te Dardanisë me përfaqësuesit e degëve të saj në nivel të vendit dhe diasporës shqiptare është vlerësuar se LDD nuk qëndron prapa deklaratave, apo qëndrimeve të Berim Ramosaj, të cilat i cilëson si devijim nga vija programore e LDD-së.

Ne këtë tubim në tërësi u përkrahen qëndrimet e Kryesisë së LDD të kumtuara sot në konferencën për media të sekretarit të përgjithshëm të LDD-së, Lulezim Zeneli.

“Ky forum më i gjerë dhe më përfaqësues i bazës së anëtarësisë së partisë mbështet në plotëni komunikatën e kryesisë së LDD-së ku janë bërë publike qëndrimet e partisë”, u theksua ne mbledhje.
U vlerësua se Lidhja Demokratike e Dardanisë është e qetë dhe stabile dhe mbetet e përkushtuar për t’i ofruar qytetarit të Republikës së Kosovës alternativën më të besueshme për zgjidhjen e problemeve të shumta, si dhe kthimin e dinjitetit të qytetarit të rëndomtë pas 15 nëntorit, thuhet në komunikatën e LDD-së.

Huazuar nga RTK 10 korrik 2009 - 17:09:36