LDK-ja duhet t’i kthehet Rugovizmit

[panta_rhei]

Në rastin e LDK-së "postrugovë", personalisht, si rugovist, jam ithtar i teorisë:

"Ruajtja me anë të shkatërrimit"

(Vikingët e lashtë, përkrah të vdekurit, në një anije i vendosnin të gjitha gjërat që i kishte përdorur i vdekuri për të gjallë të tij. Pastaj e digjnin anijen. Arsyetimi: Keqpërdorimi i gjërave të të vdekurit, e njollosë respektin dhe kujtimin për të.
Ose:
Gotën që ia kishte lënë gjyshja, e ruante si një kujtim të shenjtë. Por shpesh, shoqëria e përdorte atë gotë dhe luanin me të. I dukej se po luanin me gjyshen dhe kujtimin e saj. E theu gotën, e shkatërroi. Vetëm kështu ai, tashmë, mund të ruante të pastër dhe të paprekur kujtimin për gjyshen që e kishte dashur shumë).

Veprimet e njeriut, zakonisht, e kanë anën e tyre të vetëdijshme, por gjithmonë e përmbajnë edhe anën e të pavetëdijshmes, të ndërdijes.
Bojkotimin e zgjedhjeve të fundit, nga shumica absolute e elektoratit të LDK-së, e shoh pikërisht si veprim spontan për të ruajtur të pastër kujtimin për liderine vet shpirtëror - Rugovën. Ata nuk mundën ta durojnë një LDK që e "shkërdhen" turli eqeremi e turli hashimi. Kujtimin për LDK-në e sukseseve dhe të lavdisë populli i Kosovës e deshti të pastër. Prandaj vendosën: më mirë një LDK e shkatërruar, sesa një LDK e "shkërdhyer". (Kur shkërdhehet LDK-ja nga pisa si eqeremi, sejdiu e hashimi, a nuk e ndjeni sikur shkërdhehet edhe vepra e dr. Rugovës???)

Personalisht e kam përkrahur themelimin e LDD-së. Është një mënyrë shumë e pastër e respektit dhe e ruajtjes së filozofisë politike rugoviane.
Çdo tentativë për mashtrimin e popullit me një LDK si në kohën e Rugovës, është keqinterpretim dhe përbuzje e veprës së Dr. Rugovës.
Vdekja e dr. Rugovës, ose të paktën momenti i vdekjes së tij, ka qenë një fatkeqësi dhe padrejtësi historike ndaj popullit të Kosovës. (sepse) Bashkë me të ka vdekur edhe LDK-ja. Mendoj unë.
Falë Zotit, Kosova dhe populli i saj, janë gjallë. (Duke vuajtur pasojat dhe në agoni, pothuajse, të thellë.) Shpresoj që shpejt të këndellet dhe të marrë veten, të mësojë ecjen me këmbët e veta.
Sa më shpejtë aq më mirë.