Bija ime

[Idila]

Kurorëzimi bashkëshortorë është garanca maksimale për grua¨n edhe më shumë se sa të ishte anëtare e parlamentit apo mbretëreshë.
Femra e pamoralshme gjithmonë është e përbuzur, e nënçmuar, askush nuk dëshiron të jetë në jetë bashkëshortore me të sa që edhe ai i cili është shkaktar që femrën e ndershme ta amoralizojë duke i premtuar kurorëzim. Premtimi i tij vazhdon, derisa ta amoralizijë dhe pastaj lehtë ia kthen shpinën duke mos e njohur dhe mos e pranuar që me të të kalojë jetë bashkëshortore.
Ai i cili të premtoi, kur të dëshironë të hyjë në jetë bashkëshortore, marton ndonjë tjetër, e cila është e ndershme, e moralshme, sepse edhe vetë ai nuk pajtohet që edukatorja e shtëpisë së tij të jetë një grua e dështuar.

Vijon...

[Idila]

Mashkulli, edhe nëse është i prishur, amoral, nëse nuk gjen në tregun e epsheve femra, të cilat pajtohen të përbuzin dhe të përkëmbin nderin e tyre, të jenë instrument dëfrimi në duart e burrit, nëse nuk gjenë femër të pamoralshme dhe të pandërgjegjshme që do ta shoqërojë për kurorëzim sipas parimeve të djallit dhe ligjeve shtazarake të maceve nëpër dritare, atëherë pamëdyshje do të kërkonte ndonjë femër, e cila do të jetë bashkëshorte e përhershme sipas parimeve islame.
Atëherë, dobësimi i tregut të kurorëzimit legjitim buron nga ju, sepse sikur të mos kishte nga ato të pamoralshmet, nuk do t`u dobësonte tregu i kurorëzimit, e as nuk do t`u forconte tregu i shkatërrimeve dhe çrregullimeve...... Pse nuk veproni?
Pse femrat e ndershme dhe të moralshme nuk bashkëveprojnë në luftë të përbashkët kundër kësaj anomalie të rrezikshme, kundër këtij turpi.

Vijon....

[Idila]

Ju femrat e ndershme keni më shumë prioritet se të tjerët të kontribuoni në këtë lëmi, sepse ju jeni ato që më së miri njihni gjuhën e femrës, mentalitetin dhe metodat për bindjen dhe të kuptuarit e saj.
Pastaj sakrificë e tërë kësaj anomalie jeni ju, vajzat e ndershme, të moralshme e besimtare. Duhet të formoni shoqëri, organizata e shoqata nga vetë ju që posedoni edukatë, arsimim dhe moral. T`u premtoni dhe ndihmoni motrave tuaja të devijuara që të kthehen në rrugën e vërtetë, rrugën e shëndoshë... T`i frikoni ato me frikën dhe dënimin e Allahut xh.sh.. Nëse ato përsëri nuk frikohen nga Allahu, t`u kërcënoheni me sëmundjet, po edhe këtë nëse nuk e pranojnë, atëherë t`u flitni atyre me gjuhën e realitetit duke u thënë: Ju jeni lulet e bukura dhe për këtë arsye sillen meshkujt rreth jush, por kjo bukuri e juaja, a do të jetë e përhershme? A ka në botë ndonjë gjë që ka qenë e përhershme e që edhe bukuria e së bukurës të jetë e përhershme? Si do të jetë gjendja e juaj atëherë, kur të shtyheni në moshë, të kërruset beli juaj dhe deformohen fytyrat tuaja?

Vijon...

[Idila]

Atëherë kush do të kujdeset për ju? Kush do të pyes për ju? A e dini se kush kujdeset për të vjetrit, i ruan dhe i nderon ata? Bijat dhe mbesat e tyre. Kjo grua e moshuar është Princeshë në familjen e vet, dhe e mban pozitën e saj.

Derisa isha në Bruksel, në udhëkryq të qytetit takova një grua të moshuar. Në momentin kur kalonim u hap sinjali për kalimin e automjeteve, por gruaja e moshuar ishte aq shumë e lodhur, saqë nuk e mbanin këmbët e saja. Dëshironte të kalojë rrugën, por makinat vetëm sa nuk e shtypën për toke, e askush nuk afrohej që t`ia shtrijë dorën e mëshirës për t`i ndihmuar. Djaloshit të ri, i cili ishte me mua, i thashë që të shkojë e t`i ndihmojë. Në këtë rast me ne ishte edhe profesori i nderuar Nedim Dhubjani, i cili banonte në Bruksel më shumë se dyzet vjetë dhe na u drejtua me këto fjalë:
"A e di se kjo grua e moshuar një ditë ishte bukuroshja e vendit, fitneja e njerëzisë. Meshkujt për të absorbuar dhe për t`u dëfryer me bukurin e saj përzemërsisht iu afroheshin duke i zbrazur tërësisht xhepat e tyre vetëm e vetëm që të fitojnë një buzëqeshje, një prekje apo puthje nga ajo..... E pasi që i ka kaluar rinia e saj dhe i është tretur bukuria e saj ka ngelur në atë gjendje, saqë nuk gjen se kush ta kapë për dore që t`i ndihmojë!!"

Vijon...

[Idila]

Shtrohet pyetja: A mund të jetë e barabartë kjo kënaqësi epshore me ato dhembje?! A do ta blesh me këtë fillim atë përfundim?!