Bastiset Ministria e Transportit dhe pronat e Fatmir Limajt

[Oqeani]

Hetimet e EULEX-it kundër korrupsionit dhe krimit të organizuar pritet të sjellin shumë shpejt rezultatet e para
EULEX: Arrestimet pritet të nisin javën e ardhshme





Hetimet e EULEX-it kundër korrupsionit dhe krimit të organizuar pritet të sjellin shumë shpejt rezultatet e para. Burime diplomatike kanë bërë të ditur për "Kohën Ditore" se hetimet e EULEX-it kanë ardhur deri në fazën, që gjatë ditëve të ardhshme pritet të bëhen arrestimet e para, më saktësisht marrja në pyetje e të dyshuarve. Burimet nuk e kanë mohuar mundësinë që të arrestuarit të jenë nga "rasti Limaj", mirëpo sipas burimeve, përveç në rastin e MTPT-së, hetuesit e EULEX-it janë duke punuar intensivisht edhe në dy nga gjashtë rastet e zyrtarëve të lartë të përfshirë në korrupsion dhe krim të organizuar.

Sipas burimeve, edhe dy rastet e tjera kanë të bëjnë me ministra në kabinetin e kryeministrit Hashim Thaçi. Përveç Limajt, edhe një ministër tjetër i dyshuar është nga radhët e PDK-së, ndërkaq i treti ministër, për të cilin hetuesit e EULEX-it janë duke punuar intensivisht, vjen nga LDK-ja.
Burimet diplomatike i kanë thënë "Kohës Ditore" se kjo është faza e parë e luftimit të korrupsionit në nivelin qendror, nga EULEX-i, ndërsa faza e dytë do të jetë në shtator.
Këtë shkrim e gjeni të plotë në numrin e sotëm të gazetës KD.