Shërbimet Sekrete

[Kercovari]

U paska shendru serbi juve ne ushtare narcizoid,e kjo do te thote te dashuruar ne vetevete, vetem ju jeni trima,politikan,pse jo edhe shpiun,Per ty enkas do te shkruje se je spiun i papes e ne kercovaret kemi patur dy agjente te udbes me leternjoftimi te tjeret jan atdhetare te squar dhe vigjilent kombit dhe popullit qe i perkasin,sjan as anrab e as shkerdhyes femish si ti...

[Guri i madh]

Postimi origjinal është bërë nga Kercovari

U paska shendru serbi juve ne ushtare narcizoid,e kjo do te thote te dashuruar ne vetevete, vetem ju jeni trima,politikan,pse jo edhe shpiun,Per ty enkas do te shkruje se je spiun i papes e ne kercovaret kemi patur dy agjente te udbes me leternjoftimi te tjeret jan atdhetare te squar dhe vigjilent kombit dhe popullit qe i perkasin,sjan as anrab e as shkerdhyes femish si ti...

kerqovar


a e formojna nji sherbim sekret se bashku


ti e menagjon finacimin une e menagjkaj personelin

informatat prej dores te par vetem per 5 minuta

[Kercovari]

Në Serbi, ministri i policisë provinciale Jusuf Karakushi iku në pension,kurse departamentin e tij e mori SUP-i Republikan i Serbisë.Pensionin i paplanifikuar e shoqëron edhe Dragan Mitroviq, kreu i SDB të Serbisë, i cili u zavendesua nga Predrag Todoroviq,nensekretar i SUP-it Republikan. Sekretariati Federativ, megjithatë, ndryshimet e personelit ishin të paralajmeruara.Foleshte se edhe ministr i brendshëm federale Peter Gracanin, dhe shef i SDBJ Zdravko Mustac do të dalin në pension. Në vendin e tyre, sipas çelsit jugosllave, do të vijnë personalitete nga Maqedonia, ndoshta Jovan Trpenovski, dhe nga Bosnja, Sredoje Noviç.

Por viti 1990,ishte shenjë me e mirë që në polici publiku dhe në policinë e shtetit diçka pregatitet. Shumë njerëz u larguan nga policia e Kosovës? rreth një mijë e pesëqind. Fjala ishte i një lloj dezertimit politik, i cili u krye nën presion të alternativës Prishtinase. Një numër i oficerëve të policisë shqiptare u larguan nga PSUP(Policia Krahinore) për t'u bashkuar me separatistët. Për disa ishte paguar një shumë e 3000-5000 marka gjermane në varesi të funkcionit qe kryenin në policinë Krahinore.Për Gazmend Maliqin,një ish drejtues i Tv Prishtinës thuhet se, e ndihmoi babai i tij Mehmet Maliqi, për të u be inspektor SDB-es(Udbes) së Kosovës,dhe dihet se ai është vëlla i Shkelzen Maliqit, kreu i alternativës kosovare,e bindi atë për të tradhtuar profesionin e tij.Jusuf Karakushi edhe zyrtarisht me 13 Qershor 1990, në një intervistë dhënë Radio Prishtinës, haptazi shprehu mbështetjen e tij separatistëve shqiptarë.

Kur të gjithë shqiptarët akuzohen për një lloj dezertimi të UDB-ës nga qarqet serbe,polici i parë i UDB-es me origjinë shqiptare arberesh,Josip Gjergja,ashtu e quajnë edhe serbet, dhe banorë po edhe funkcionarë ne policinë Federale nga Kroacia,njihet si armik potencial i serbeve nga rradhët kroate, po jo edhe si dezertorë,megjithate,shqiptarë.

Nuk do të ishtë nje habi e veçantë sikur dikush të pyeste:?.a i quan serbi këto dezertorë për të i mbrojtuar,apo vertetë kan dezertuar UDB-en dhe policine jugoslave për të u bashkur kauzës shqiptare?Ku humbën të gjithë ato figura eminente shqiptare të politikes dhe policese sekrete UDB-a,ishin apo ne vetë i quajtëm të tillë për të cilët as nuk folet më?.

Askush deri më sot nuk ka dhëne ndonje përgjigje,përveç akuza në dorë të parë të padokumentuara si armiq të kombit dhe kolobracionistë të Sërbisë.
A kanë qënë këto bashkëpuntorë të Sigurimit shqiptarë siç pohojnë serbët dhe disa qarqe të ish Republikave Jugoslave?Askush kurgjë nuk konfirmon.

Ndërkohë,të shohim si zbulon butile bire në prapanicë të Martinoviqit,urithin në Sekratiriatin e Punve të Brendshme Federale?


Urithi në SPB- Federativ

Atëherë shumë i përfoluri kreu i Shërbimit të Sigurimit Shtetëror të Jugosllavisë, dhe njeriu i dytë në Sekretariatin Federativ të punëve të brendëshme Zdravko Mustac,organizatori i arrestimit të „maspokovaceve“,ne mes tyre edhe Dr. Franjo Tuxhman ,në vitin 1990.u emerua këshilltar i posaçëm për siguri i Dr Franjo Tuxhman.
Në fillim të punës së tij në SDB-e (UDBA) të Jugoslavisë, shefi Mustac ka mbështetur opsionin jugosllav,por ndërkohë ka mbështetur gjithnjë pikëpamjet e koalicionit anti-serbë. Kjo është ndjerë sidomos në evolimin e nacionalizmit serb, e cila ishte i barazuar me nicionalizmin shqiptare,ku edhe nacionalizmi serb shpallet fajtor ekskluziv për gjendjen e rënuar dhe të rendë në Kosovës.

"Padrejtësi te Madhe u kanë shkaktuar Dolanc dhe Mustac popullit serb në Kosovë me insistimin e vazhdueshëm për të montuar rastin e Gjorgje Martinoviç ,ku thuhet se lëndimet fizike që ka shkaktuar butile e birës në prapanicë të Martinoviç, ka të bëjë me vetkënaqsi të këtij personi i prirur dhe i njohur për veprime seksuale pervese,e jo dhuna fizike e ushtruar nga shqiptarët siç thuhet në pretendimet sebe.."

Dokumenti që u krijua në 25 Dhjetor 1988,lëshuar nga prokurori federal Milosh Bakiç i cili e ka ndjekur rastin e tërë nga afër,është mësuar se Gjorgje Martinoviç është sulmuar nga tre shqiptarë etnikë, por që Shërbimi i Sigurimit të Jugosllavisë dhe KOS JNA bëri gjithçka për të penguar hetimin e këtij rasti, që nacionalistëve serbë të mos u jepet shkas dhe forcë shpirtërore për veprime të reja të tyre politike.

Pra,siç shihet se edhe një butile bire ne prapanicë i kujdoqoftë qëllimi dhe motivi,mund të ketë qënë shkas i një lufte në Kosovë,dhe sipas sërbëve, fajin më të madhë që nuk ka ndodhur lufta për prapanicën e Martinoviç e ka kroati Mustac,sepse:

Mustac në Prishtinë ishte në lidhje me Jusuf Karakushin, Memet Luma, Selim Broshi dhe njerëz të tjerë që më vonë kaluan në anën e nacionalistëve shqiptar dhe HDZ.Me këtë Mustac ka vendosur në një varëse rolin e UDB-es Serbe,duke thelluar konfliktin e vjetër midis policive sekrete Federale dhe të Republikës Serbe. Në anën tjetër ndaloi veprimtarinë e SDB.es të Jugosllavisë të veprojë kundër nacionalistëve shqiptar dhe spiunë,ku edhe shihet qartë nga një raporti sekret i Drejtorisë për emigrim......

"... zbatimin e politikave programore të miratuar dhe detyrat e programuara të kundërzbulimit dhe kundërverje agjensive të zbulimit dhe aktivitete të tjera armiqsore kundër Jugoslavisë nga ana e RP të Shqiperisë dhe qendrimi ofensiv kundër Shqiperisë,
SDB(Udba)e Jugosllavisë, ka zbuluar dobësitë e mëposhtme.Puna jonë e Operativit ofensivë-të zbulimit tonë me Shqipërinë, e cila ishte potencuar të kapet në pothuajse të gjitha takimet dhe organizimet e punës, pas viteve shtatëdhjetë, praktikisht nuk u vu në jetë asnjehere. Ne kemi pozicione të shprehura dhe të tjera strategjike në Shqipëri, përmes të cilave do të mund të na vijnë konfirmime vazhdimisht për të i realizuar, sidomos në raste emergjente të caktuara dhe situata të tjera me rëndësi për të vlerësuar situatën dhe zhvillimet e mundshme në këtë vend dhe qëndrimin e saj ndaj iredentës, emigrantëve shqiptarë në perëndim, dhe Aktiviteti i Informatoreve tanë dhe emigracionteve të tjerë në Shqipëri, shkalla e pranisë së faktorëve të huaj në terren të Shqipërisë dhe aktivitete të tjera të rëndësishme për sigurinë e Jugosllavisë në situata e caktuar.

"Kjo patjetër solli pesimizmin në shërbimin sekret,përshkak pranisë se mendimit se në një kohë të gjatë në territorin e Shqipërisë nuk mund të krijojmë asnjë pozicion bashkëpunues. Kjo ka çuar në disa nga demobilizimit dhe orientim më të madh që SDB(UDBA) të drejtohet kah qendrat e e sherbimit sekret shqiptarë ne vende te treta të, si dhe një ndryshim në qëndrimin e lidershipit politik në KSA të Kosovës, të cilën ata e pranuan transferimin e ish sherbimit të u dorzohet drejtuesve të PSUP'(Policia Krahinore e Kosovës).SDB, në fakt, e transferuar në Kosovës për të krijuar "marrëdhënie të mira" me Shqipërinë, dhe kjo ishte arsye që ndaj Shqiperisë të mos veprohet ne mënyrë ofensive për irituar ose ofenduar dhe nënvlersuar ato. Këto qëndrime të KSA të Kosovës, caktuan rolin për të ndërtuar marrëdhënie të reja me Shqipërinë,ose urë mbi të cilën ata duhet të ndërtojnë marrëdhënie të mira në mes Jugosllavisë dhe Shqipërisë. Në këtë kontekst, doli në shesh rezistenca aktuale për iniciativat e mara nga SDB(UDBA) për funksionimin ofensivë me Shqipërinë, e cila u shfaq sidomos në një takim të krerëve të Sigurimit të Shtetit në Bled dhe në Brezovicë. "

Shefi i shërbimit sekret Federal Zdravko Mustac, me Ministrin e Policisë Federale Tora Culafic ishin njerzit që urdhëruan konfrontim të policisë me serbët në Kosova, dhe në Mali i Zi. Dëshmi për ketë janë gjetur në raportin e" rreze të verdha", ku serbët shpallen si organizatorët kryesorë të ngjarjeve politike në Mal të Zi. Dëshmi të këtij lloji janë gjetur edhe në dokumentin e SDB SSUP nga 16 Janar 1989.me titullin "Disa karakteristika të pranishme për të vlerësuar zhvillimet e mundshme të sigurisë dhe situata në Mal të Zi "- rreptësisht konfidenciale.Ky vlerësim situate i Sherbimit Shtetrorë Jugoslavë për serbet dhe malazezet janë të bazuara në të dhëna të marra nga ana e shërbimit sekret të Jugosllavisë,SDB e Malit të Zi.

[Kercovari]

Për rastin Martinoviç është shkruar shumë.Të shohim se si e paraqet rastin një ndër gazetarët më të sukseshëm kosovarë që ka bërë jehonë të madhe në perendim,veçmas në shtypin gjermanofolës Enver Robelli.

Publikuar më | 11.11.2009 në Arkivin Mediatik Shqiptarë



Shishja e Martinoviçit

Si moment kyç për nxitjen e pakicës serbe për të protestuar gjoja kundër shtypjes, torturës, presionit dhe gjenocidit të shqiptarëve (po, edhe fjala gjenocid është përdorur atëherë!) Darko Hudelist e sheh një artikull të revistës serbe “NIN”. Në numrin e 12 majit 1985 “NIN” kishte shkruar mbi rastin Gjorgje Martinoviç. Ky punëtor i Shtëpisë së Armatës në Gjilan, më datën 1 maj 1985 ishte gjetur i lënduar në arën e tij dy kilometra larg qytetit. Mediat serbe kishin shkruar se Martinoviç ishte keqtrajtuar nga shqiptarët, të cilët ia kishin futur një shishe në anus. Më datën 4 maj 1985, në pesëvjetorin e vdekjes së Josip Broz Titos dhe gati katër javë pas vdekjes së Enver Hoxhës, gazeta “Politika” e Beogradit njoftoi se “këtë krim e kishin kryer terroristët shqiptarë” (“šiptarski teroristi”). Martinoviç u quajt menjëherë martir i kombit serb.

Revista “NIN”, lidhur me këtë rast, që në hyrje të artikullit shkruante: “Pse ende po na befasojnë rastet drastike në Kosovë? A duhet njeriu të frikësohet në vendin e tij, në arën e tij dhe të ikë nga fqinji i tij? A do t’i ndihmojmë këtij njeriu që më në fund të çlirohet nga kjo frikë?”

Apeli i drejtohej politikanëve udhëheqës serbë dhe ishte uverturë e fushatës mediale kundër shqiptarëve të Kosovës. Në mesin e shqiptarëve në atë kohë dyshohej se Martinoviç ishte vetëlënduar duke bërë eksperimente homoseksuale. Rasti “Martinoviç” shërbeu si ndezje iniciale e lëvizjes protestuese të pakicës serbe në Kosovë. Nga perspektiva e sotme mund të thuhet se nga shishja e thyer e Martinoviçit kishte dalë djalli i luftërave të mëvonshme nga Sllovenia në Kosovë.

Në vitet në vijim (1985-1989) një pjesë e madhe e serbëve, sidomos ata të Fushë-Kosovës dhe fshatrave përreth, të prirë nga elementë nacionalistë dhe shovinistë, organizuan me dhjetëra mitingje në Kosovë, Serbi dhe Mal të Zi, duke u ankuar për gjoja zullumin e shqiptarëve.

Darko Hudelist i përshkruan me hollësi gjithë këto tubime, në të cilat dominonin parullat luftënxitëse dhe kërkohej që Kosova të vihej nën administrim ushtarak. Njëkohësisht zëdhënësit e kësaj lëvizjeje të organizuar edhe me ndihmën e oficerëve të pensionuar si Radisav V. Filipoviçi kërcënonin se “populli serb” do të largohej kolektivisht nga Kosova nëse nuk “luftohet irredentizmi dhe separatizmi shqiptar”.

Jo të gjithë gazetarët e Beogradit e përcillnin me duartrokitje “zgjimin nacional serb në Kosovë”. Në numrin e 21 qershorit të vitit 1986 gazeta “Borba” kritikonte manipulimin me serbë dhe shpërndarjen e thashethemeve nga grupet destruktive për “nisjen e organizuar të qytetarëve të nacionalitetit serb dhe malazez drejt Beogradit”, ku nga drejtuesit politikë kërkohej “intervenim në Kosovë”. Të dirigjuar nga militantët politikë, serbët dhe malazezët do të shkojnë disa herë në mënyrë të organizuar në Beograd, ku do të dëgjojnë fjalime të zjarrta dhe premtime të mëdha për të “vendosur rendin në krahinën tonë jugore”.

Zemërimi i Azem Vllasit

Kryetari i atëhershëm i Lidhjes së Komunistëve të Kosovës, Azem Vllasi, në një takim me gazetarë të huaj kishte deklaruar se prapa veprimtarive nacionaliste në Fushë-Kosovë dhe në Beograd qëndrojnë “nacionalistët e përbetuar serbë të prirë nga Dobrica Qosiçi, Miodrag Bulatoviçi dhe Vuk Drashkoviçi”. Se gjithçka ishte e orkestruar mund të kuptohet nga përmbajtja e parullave gjatë mitingjeve të mbajtura në Beograd dhe gjetiu: “Ne jemi robër”, “Kosova është Serbi”, “Poshtë ballistët”, “Ku është udhëheqja”, “Ejani me neve” (në Kosovë, v.j.) etj. Situata eskalonte me shpejtësi të valëve të detit të trazuar. Pas çdo incidenti banal, siç ishte ndonjë rrahje mes fëmijëve serbë dhe atyre shqiptarë, pasonin tubime masive protestuese.

Si “dëshmi” ndaj opinionit jugosllav mbi “agresivitetin” e shqiptarëve pala serbe e komercializoi politikisht ngjarjen në kazermën e Paraçinit në Serbi: Më 3 shtator 1987 ushtari Aziz Kelmendi, sipas versionit zyrtar, vrau katër ushtarë, një serb, dy boshnjakë dhe një kroat. Në shenjë proteste në Serbi menjëherë u sulmuan disa dyqane të shqiptarëve dhe goranëve. Rrethanat e këtij incidenti kanë mbetur të mjegullta, madje ekzistojnë supozime se masakrën e kishte organizuar shërbimi sekret i Armatës Popullore të Jugosllavisë.

Njëkohësisht nën presionin e rrugës filloi një fushatë masive kundër liderëve apo ish-liderëve politikë të shqiptarëve të Kosovës. Komiteti Krahinor i Lidhjes së Komunistëve të Kosovës pranoi propozimin që nga radhët e Lidhjes Komuniste të përjashtoheshin Mahmut Bakalli, Xhavit Nimani, Ymer Pula, Xhevdet Hamza, Ismail Bajra, Sefedin Batalli dhe Mustafë Plakiçi për shkak të rolit të tyre, siç thuhej, “negativ”, i cili kishte ndikuar në eskalimin e “nacionalizmit dhe irredentizmit shqiptar”.

“Ne dy vëllezër bashkë luftojmë”

Lufta verbale u ashpërsua dukshëm në vjeshtë të vitit 1987, kur dikush nga radhët e mitingashëve serbë nxori nga naftalina një deklaratë të Fadil Hoxhës, të cilën, siç nënvizohej, lideri shumëvjeçar komunist i Kosovës e kishte bërë në vitin 1986 në Prizren gjatë një takimi joformal me oficerë rezervë të Armatës Popullore të Jugosllavisë. Sipas propagandistëve serbë, Fadil Hoxha kishte thënë se “në kafehanet private në Kosovë duhet lejuar të sillen femra nga viset e tjera të Jugosllavisë dhe me to të kënaqen ata individë, të cilët po i dhunojnë femrat e nacionaliteteve të tjera; shqiptaret nuk duan të jetë të tilla, kurse serbet dhe të tjerat do të dëshironin, atëherë pse të mos ua lejojmë”.

Ndonëse Fadil Hoxha kishte mohuar të ketë bërë një deklaratë të tillë, vala e protestave të grave serbe ishte e pandalshme. Gjatë një tubimi në Prishtinë, më 16 tetor 1987, qindra gra serbe këndonin këngën “Ne dy vëllezër bashkë luftojmë”, kërkonin armë dhe administratë ushtarake në Kosovë dhe klithnin parullën “Kokën e japim, Kosovën s’e japim”.

Njëzet vjet më vonë, në vitin 2009, këto parulla ende janë në përdorim. Një tubim i mbajtur në Fushë-Kosovë më 21 tetor 1987 kundër “deklaratës” së Fadil Hoxhës, sipas Darko Hudelistit, më shumë i përngjante një spektakli para një ndeshjeje futbolli apo projeksioni të një filmi. Gra nga katundi, gjysmanalfabete, mbanin fjalime politike me kërkesa ekstreme. Një fjalë përmendej nga të gjithë, gra e burra: diferencim. Domethënë largim i të gjithë atyre politikanëve shqiptarë që i kundërviheshin politikës agresive serbe. Përveç kërkesave bizare ishte kompozuar edhe një këngë kundër Fadil Hoxhës (“Mos lejoni komunistë të vërtetë/ Që unitetin ta shkatërrojnë ballistët e shkretë/ Fadil Hoxhë, ti tradhtar i vjetër/Ende mendja të shkon te një harem tjetër”).

Në tubime e mitingje zakonisht prezantoheshin edhe “statistika” mbi rastet e dhunës kundër serbëve në Kosovë. Për të vërtetuar nëse këto pretendime të grave dhe burrave serbë ishin të vërteta Hudelist drejtohet në Sekretariatin e Punëve të Brendshme të Kosovës (SPB), ku takohet me Jusuf Karakushin, atëbotë nënsekretar krahinor në SPB.

Faktet, sipas Karakushit, janë këto: Nga marsi 1981 deri në fund të vitit 1987 në Kosovë janë regjistruar dy vrasje, ku shkaktarë kanë qenë shqiptarët dhe viktima serbët apo malazezët (në fakt të dy rastet kishin ndodhur në vitin 1981). Në të njëjtën kohë kishin ndodhur tri vrasje, ku viktima ishin shqiptarët dhe doras serbët apo malazezët. Dhunimet: gjatë vitit 1987 nuk ishte shënuar asnjë rast. Nga viti 1982 deri në tetor të vitit 1987 në Kosovë ishin regjistruar 16 raste dhunimi, ku viktima ishin serbet apo malazezet dhe shkaktarë shqiptarët. Në të njëjtën kohë ishin evidentuar 138 raste dhunimi dhe 152 përpjekje për dhunim, ku viktimat dhe shkaktarët ishin të përkatësisë së njëjtë etnike. Sulmet me thikë: gjatë vitit 1987 ishte regjistruar një rast i tillë në Pejë, ku një shqiptar kishte atakuar një serb. Pala serbe kishte përmendur edhe rastin e vendosjes së një bombe në një shkollë fillore në Fushë-Kosovë. Në lidhje me këtë Karakushi kishte deklaruar: “Kjo është një dezinformatë e pastër, sigurisht e plasuar me qëllim të krijimit të pasigurisë mes nxënësve dhe opinionit të gjerë”.

Në vjeshtë të vitit 1987 në Prishtinë qarkullonte kjo barsoletë: Rreth një serbi, i cili futet në autobus, të gjithë shqiptarët të krijojnë një rreth, në mënyrë që askush gjatë udhëtimit të mos ia shkelë këmbën se kushedi si do të interpretohet kjo.

[lirik]

spiuna kan qen te gjith kta dhe spiuna ka pasur shum ma shum se sa q e mendohet -
por spiunat kan fat atyre u ece ne qdo regjim edhe sot ata shfrytzojne mundin dhe gjakune deshmorve ne vend se te jen te denuar sipas merites ata gzojne privilegje -
patriotet kurr dhe asnjiher
mnuk do ta shohin diten e vet gjithmone do te jen te shkelur e te perbuzur
sepse rrjeti i spiunve jan ma te shkatht se sa rrjeti i patritve keshtu esht kjo
dhe qendron kjo terori qe esht e vertet e pa mohueshme

[GURI SYLAJ]

Sherbimet Sekrete mund te klasifikohen ne shume menyra por njera prej tyre eshte edhe - qellimi i veprimtarise .
Ruajtja e Shtetit apo ruajtja e Klases Politike(pushtetit) !!?
E para eshte karakteristike e Sherbimeve ne shtetet me demokraci te zhvilluar kurse e dyta eshte karakteristike e Sherbimeve ne Autokraci dhe Diktatura!!!
Asnje organizim i mirefillt kombtar nuk ka mund te zbulohet poqese UDB te mos kishte njerezit e vet ne berthamat e keti Organizimi .
Suksesi i nje Kunderzbulimi (shtetrore e Kombtar) eshte gjetja e ketyre "Urithave " dhe demaskimi publik ,kushdoqofshin ,qe te mos na perseritet cdohere ne nje forme te re e edhe me perfide!!

P.S

Ky shkrim vendin e ka te histaoria por edhe ketu e nuk prishe pune .

[Kercovari]

Guri i nderuar
John Le Carre në librin e tij Shtepia Ruse,aktivitete spiunazhi ka përmbledh në formë të një romani,dhe ketu nuk mund te thuhet se kemi të bëjmë vetëm me një roman të thesjhtë po edhe me politikë dhe histori.
Pra,pjesë të politikës dhe historisë figurojnë edhe në literaturë,po edhe literatura në histori dhe në politikë,dhe pjesë nga këto mund të vendosën në tema politike dhe historike
Edhe këtu kemi të bëjmë me temë politiko historike
Disa shkëputje nga historia e sherbimeve sekrete serbe:
-------------------------------------------------------------------------------------------------------------------
Sërbët të irituar dhe të brengosur që SSDB-e Jugoslavisë.dhe pengesat që ajo i ben SDB-es serbe për të organizuar sherbimin sekret jugoslavë në teritor të Shqiperisë, një riorganizim i SDB-es serbe jashtë çdo influence të UDB-es Federative është urgjentisht i nevojshëm,dhe per ketë patjetër se do të u duhen "miqt shqiptarë" siç thuhet,duke vënë në shqyrtim faktet siç thuhet të veprimtarisë çetnike gjatë luftës në teritorin shqiptarë.

Këtu në mes tjerash përmenden disa lidhje bashkepunimi duke u mbështetur në fakte historike,dhe këto fakte siç thuhet u janë shperndarë të gjitha drejtorive policore ne Serbi dhe në Kosovë,dokument ky i" mirebesimit dhe bashkejeteses" në mes serbeve dhe shqiptareve nacionalistë që kan luftuar komunizmin.
A është ky fillimi i rrënimit të Jugoslavisë Socialiste,apo ringjallja e cetnikeve serb?.
Sipas dokumenteve me të cilët sherbehen që u përkasin forcave reaksinonare dhe Gjeneral Drazha Mihajloviçit,duke berë krahasim me sukseset e Drazhës athere dhe pamundesi veprimi të sherbimit sekret serbo-jugoslavë ne Shqiperi,na lë të kuptojmë se serbet mendojnë se janë me të aftë vetë të marrin çdo veprim në dorë se sa si forcë e bashkuar me popujt e tjerë Jugoslavë..këtu vjen në konsideratë edhe mosbesimi ndaj popujve të tjerë.

Të shohim nga disa pjesë historike se ku ishte suksesi serb në krye me Drazha Mihajloviçin gjatë luftës,dhe ku do të del sot me taktizime policore politike hibride-Komuniste&reakcionare dje dhe sot.
Cialt janë ato lidhje të sukseshme?

"........kjo ishte një lidhje e drejtpërdrejtë çetnike me Muharem Bajraktarijem.
Një tjetër qendër e këtyre lidhjeve ishte në territorin e Malit të Zi,e drejtuar nga Rudolf Major Perhinek (Rade Perišin ") dhe Major Savo Vukadinoviq.
Perhinek arriti të organizojë një rrjet të fortë të inteligjencës në Shqipëri, përmes të cilës ai mori të dhëna të rëndësishme. Sipas një raporti nga mesi i vitit 1942, një shqiptar ai ka paraqitur një raport, pjesë e të cilit është në lidhje me propozimet shqiptare për një kontratë me Drazha Mihailovic. Propozimet janë të përfshira në gjashtë pika:"

"1) -Gjenerali Mihailovic të japë fjalën e nderit që të zotohet bisnikëria e tij për të respektuar statusin e Kosovës (që nënkupton territorin e Kosovës, e cila shtrihet në jug të linjës Rozaje -. Novi Pazar-Tregu i ri) Ky status do të diskutohet nga një komision i përzier serbo-shqiptar pas përfundimit të luftës dhe kur të kemi formuar bashkimin e Ballkanit(Unioni Balkanik)".

Pra,këtu na freskohet edhe teza e Adem Demaqit për një bashkim të shteteve balkanike,qe do të thotë, se nuk qenka risi as politikisht po as historikisht.Andaj,s`kemi se çka pyesim serbet pse ato edhe gjatë viteve 80/90,lansojnë risi kët tezë por në formë të dosje gjoja sekrete për qëllime policore.
Kërkesat tjera që i shtrohen Gjeneralit Mihajloviç:


2)Të ndihmojë në organizimin tonë, të na sigurojë armë dhe të holla sa më parë
3) Shqiptarët, në këmbim të shërbimeve sipas artikulit. 1) nga Gjenerali Mihailovic, të marrin në konsideratë detyrimet se me anjë mjet lufte ose me ndihma jetësh nuk do të ndihmojnë muslimanët në Sanxhak, në qoftë se ata do të vinë në konflikt me organizaten çetnike.

4) Prej kohës qe ne kemi marë fondet e kërkuara në paragrafin. 2), ne jemi të detyruar të jemi të gatshëm në çdo moment për të kryer veprime kolektive me serbët kundër armikut.
5) Ne zotohemi gjithashtu, se nuk do të bashkëpunojmë me kroatët dhe muslimanët e Bosnjës të cilët janë drejtuar gjatë muajve të fundit Shefit tonë, Guvernatorit tonë të Krujës për bashkëpunim në të ardhmen në rast se fuqitë e Boshtit humbun luftën.

6) Ne nuk do të lejojmë ndonjë kompromis me italianët, të cilët për disa kohë i ka kapluar frika nga përfundimi i luftës,se do të humbin bregdetin e Adriatikut,për negocita në fshehtësi të një marrëveshje mbi një kompromis me shqiptarët etnikë për të krijuar mbretin e Italisë në Shqipëri, me shpres për të fituar Popullin shqiptar, duke përfshirë edhe pjesë të atyre që edhe tani janë duke luftuar kundër tyre,që në fund të u pamundësohet sllavëve dalja në Adriatik. "


Lidhjet që e bëri Perhinek, edhe pse ata nuk dhanë ndonjë rezultat të rëndësishëm, janë më realiste dhe më të fortë se të Gjurićevit.


Afersia teritoriale dhe mbeshtetja e njerëzve organizatës se Mihailoviçt, të cilit që me heret jetonin në Shqiperi,beri që të mendohet në sukses.


Mihailovic u përpoq që rryma të ndryshme reaksionare, që kanë mbirë gjatë luftës, dhe që ishin në kundërshtim me vetë organizmat e tyre, veç e veç të i përdorë për qëllime të veta.


Përveç lidhjes me Komitetin e Kosovës (në Jugosllavi), madje edhe gjatë vitit 1942 Perhinek ka krijuar lidhje me Prenk Galo, kreu i katolikëve në Shqipërinë veriore, dhe kolonel Bajraktarin, njeri i Zogut. Ai kishte një lidhje të veçantë me karakter(informatori) të inteligjencës, me metropolitin ortodoks dhe njerëzit përreth tij.

(Në Vazhdim)
Raporti "rreth situatës në veri të Shqipërisë" Perhinek informon Mihailovic:

[Kercovari]

"... Prenk Galja, komandant i Shqipërisë Veriore, një njeri i cili gëzon besimin e katolikëve, hapur u bashkua në luftën politike kundër kosovarëve-musliman, largimin e njerëzve nga pozicionet e tyre, njeri nga ato i cili kritikoi udhëheqjen-kosovare. Në një bisedë me Prenk,kam ardhur në përfundim të jetë i etur për të marrë ndonjë mbështetje në luftën kundër myslimanëve, me siguri do të kishte bërë këtë vetëm në marrëveshje me okupatorin ...""

Një raport nga gushti i vitit 1942 , Perhinek njoftonë Mihailovic se Prenkut "i dha udhëzime dhe një detyrë të re me një tendencë konflikti për të ndarë muslimanët dhe katolikët" shqiptarë .

Për të sinkronizuar këtë veprim, Mihailovic i dërgon Djuriçit direktivën e mëposhtme:

"Shqiptarët katolikë nga Shqipëria veriore të udhëhequr nga Prenk Galja, është e nevojshme që vazhdimisht të motivohen me luftën kundër muslimanëve shqiptarë, dhe të ndihmojmë ato në sigurimin e tyre me burimet e nevojshme".

"Sa njima je potrebno ugovoriti saradnju u akciji protiv muslimana za slučaj da sile Osovine gube rat, s tim da severna Albanija, sa našom pobedom, a pristankom Albanaca katolika, uđe u sastav velike Jugoslavije, u kojoj ne sme više biti muslimana."

"Me ta është e nevojshme që të bien dakord bashkëpunimi në veprim kundër muslimanëve në rast se forcat e boshtit humbi luftën, me këtë,me Shqipërinë e veriut, me fitoren tonë, dhe me pëlqimin e shqiptarëve katolikë, për t'u bërë pjesë e Jugosllavisë së madhe, në të cilën nuk duhet të ketë më asnjë myslimanë. "

Qëllimisht kamë lënë pjesë të tekstit nga serbishtja që të mos keqkuptohem se jan shpifje të dala personalisht nga unë.

Politika ndaj Shqipërisë, Mihailovic padyshim ka përdorur taktikën e vjetër të regjimit të ish-Jugosllavisë, e cila ka për qëllim të thellojë më shumë konflikte dhe ndarje fetare dhe fisnore në Shqipëri, dhe në luftën e tyre të përbashkët të i tërheq në favor të saj.

Taktika të tilla të Mihailovic, qartë shprehen në një telegram drejtuar majorit Sava Vukadinoviq me 23 Tetor 1943, në të cilën, në mes tjerash, rekomandon:

"Marrëdhëniet tona me shqiptarët katolikët,duhet fshehur nga shqiptarët myslimanë, për të ruajtur lidhjet edhe me ta, kështu që nëse ndodh një konflikt, ju qëndroni anash."

Në të njëjtën mënyrë Perhinek në shkurt të vitit1943 raporton Mihailovicit:

"Si Forca politike në Shqipëri që janë të rëndësishme:.në jug të Shqiperisë janë fisi Toska, në Shqipëri të Veriut fisi Gege Këto dy fise janë të ndarë politikisht, dhe dialekti është shumë e ndryshëm, dhe për ketë kjo ndarje duhet të jetë edhe më e përshtatshme,që ne në mënyra me të afta të përdorim për interest tona ... "

"Mihailovic e pranoj pa probleme këtë qendrim, sepse ai ishte në rreshtin e parë për të arritur qëllimet e tij pushtues-shoviniste dhe antipopullore, e cila është e konfirmuar nga direktivat e tij në adresë të Vukadinoviq Sava me 11 Dhjetor të vitit 1943, për të krijuar lidhje me të forta në marrëdhënie me shqiptarët në të gjitha anët për një luftë të përbashkët kundër komunistëve "Për sukseset e arritura në bashkëpunim me shqiptarët,Perhinek me 23 Tetor 1943 Mihailovic u informua:

"Në kufirin tonë me Shqipërinë,ushtrohet ligji dhe rendit. Prenk Galja, i cili është zoti absolut i katolikëve të Vrmozhe dhe Klimensta, është me predisponim të mirë ndaj nesh. Nuk e lejonë asnjë veprim kundër nesh përmes territorit të tij. Ky në këtë situatë pë ne është i mirseardhur. Edhe disa nga njësitet tona gjetën strehim në territorin e tij. "

"Mihailovic për këto shërbime, Prenk Galës i dhe një shumë të madhe parash, dhe disa armë. Mihailovic në shtator të vitit 1943.urdheroi major Lasicin qe Prenkut në vazhdimsi t`i jepen disa shuma të hollash, kështu që ai do të ketë njerëzit e tij. Ne nuk mund të llogarisin që të gjithë shqiptarët të blejm me para, sepse kaq shumë para as që mund të kemi, por ne mund të blejm me ryshfet disa individë."

Nga të gjitha llogaritë, duket se fuqia katolike në Shqipëri, ka favorizuar organizatën e Mihailovicit.Për këtë me 25 Tetor 1943 Vukadinoviq kishte informuar Mihailovicin:

"... mbi propaganda aktive greke për bashkimin e Shqipërisë dhe Greqisë. Agjentët grek erdhën në Shkodër, dhe patën një takim me klerin katolik. Kleri nuk e pranojë propozimin e tyre, por ata formuan një komision i kryesuar nga prifti Ilircadi nga Kastrati. Ky është kleriku i zgjedhur nga Komiteti klerik katolik në Shkodër.Ky klerik ka për detyrë të vendosë një lidhje me Ministrin jugosllav Mihailovic, në mënyrë që të i bashkohen të gjithë të krishterët nga Shqipëria Jugosllavisë, me kusht që ata të u lënë lirinë e shkollës shqiptare dhe nënpunsit të jenë të krishterë shqiptarë, Gjykatën e lirë me një ligj të përbashkët por në gjuhën shqipe.kurse ushtria, financat, tregtia, diplomacia dhe çdo gjë tjetër të jenë të përbashkëta. Ky komision do të jetë i detyruar për të formuar një ushtri vullnetare, me kusht që atyre të vihen në dispozicion të gjitha asetet materijale. Kjo ushtri do të ishte drejtpërsëdrejti nën komandën e ministrit jugosllav dhe do të veprojë në Shqipëri,aty ku të urdhërohet"

"Për të kryer këtë organizim tani për tani është e nevojshme të sigurohen të paktën 1.000 napoleona në ar ."

"Megjithatë, për Mihailovic më e rëndësishme ishte marrëdhënia me kolonel Bajraktarin, te cilit, sipas deklaratës personale, "i kishte shkrur ndoshta më shumë se 20 herë."

Muharem Bajraktari ishte personi me i spikatur në oborrin e mbretit Zog i cili luftoi për . restaurimin e mbretërisë së të tij kundër pushtimit italian.

Do të shkëputemi nga historia e sherbimit sekret serb të Drazhe Mihajlovic në Shqiperi,dhe ndoshta hë për hë do të ketë komente te kohës dhe kerkesa që u behen shqiptarve athere,për të vazhduar me raportin e Sherbimit Intelegjent Gjerman BGD-e
Në vazhdim do të shohim se si sherbimi intelegjent gjerman heton ushtaraket dhe politikanët Kosovarë për aktivitete kriminale duke fut në këtë lëmsh edhe Shoqatën Shqiptaro Amerikane?!

[Kercovari]

Kërkoj ndjesë për gabinin e lëshuar më lartë.
Duhet të jetë BND-Bundes Nachrichtendienst(Agjensia e lajmeve gjermane) e jo BGD-Bundes Geheimdienst(Sherbimi Sekret Gjerman).

Do të shkëputemi nga historia e sherbimit sekret serb të Drazhe Mihajlovic në Shqiperi,dhe ndoshta hë për hë do të ketë komente te kohës dhe kerkesa që u behen shqiptarve athere,për të vazhduar me raportin e Agjensise gjermane te lajmeve BND-e.
Në vazhdim do të shohim se si BND-(Bundes Nachrichtendienst) heton ushtaraket dhe politikanët Kosovarë për aktivitete kriminale duke fut në këtë lëmsh edhe Shoqatën Shqiptaro Amerikane?!

Kryeminstri i Kosovës Hashim Thaçi në vitin 2005, ishte nën hetim nga sigurimi gjerman BND-Bundes Nachrichtendienst për lidhje me klanin Osmani,shkruar në uebsite"necenzurirano" më 25 gusht 2009 në orën 01:57
Se si ky uebsajt arrin të futet në dokumente sekrete të BND-s,të lë të kuptojsh se një analizë kaç konfidenciale e BND-s dhe një proces hetimi akoma i papërfunduar,mund të dyshohet në paqartësi ose në shpifje të fabrikuara nga qarqe të caktuara për të dëmtuar imazhin e Kosovës pak para shpalljes së pavarsisë, dhe e gjithë kjo që thuhet në vazhdim,ia vlen të lexohet dhe analizohet se sa ka të vërteta këtu.

Në princip,analiza në raste të tilla kryhen nga expert ligjorë të kriminalistikës dhe të drejtësisë në bashkëpunim me sherbimin intelegjentë nga ku jan siguruar informacionet, dhe sherbimit intelegjent të shtetit të shtetasve të dyshuar,në këtë rast duket se dikush tjetër ka marë përgjegjsinë e analizuesit ose"mbrojtësit" të shtetasve të Kosovës..

Kur një agjensi lajmesh merret me hetime të paautorizuara është vështirë të besohet komente të tilla që në fakt nuk kan asnje bazë vertetsie,por ia vlen të lexohen të paktën pë të mësuar se dhe shtypi sot ka marr rolin e sherbimit sekret,ose furnizohen nga ato me të dhëna hetuesie.

"Analiza rreptësisht konfidenciale e BND-es gjermane,me 22 Shkurt të vitit 2005, dëshmon se BND-e që në vitin 2005, posedon njohuri të detajuara të riorganizimit të nëntokës kriminale të Ballkanit,i njohur si projekti i nëntokës kriminale Osmani. Për më tepër, hetimi i BND-es gjermane të klanit Osmani,ka zbuluar lidhjet e ngushta me udhëheqjen aktuale politike të Kosovës dhe klanit Osmani, dhe nën hetim të BND-es për lidhje kriminale me klanin Osmani dhe rrjetit ndërkombëtar të kontrabandës me heroinë ,Balkan Route, gjendet edhe Hashim Thaçi Kryeministri i tashëm i Kosovës".


"Nën hetim nga ana e BND-es, edhe Agim Çeku, Ramush Haradinaj dhe Florim Maloku
Sipas dokumenteve konfidenciale që posedon portali "necenzurirano.com", nën hetim për lidhje kriminale me Osmanin, dhe kontrabandën ndërkombëtare të drogës ishte edhe ish-kryeministri i Kosovës Agim Çeku, dhe i akuzuari nga Haga,Ramush Haradinaj.

Portali shkon edhe më largë duke zbuluar lidhjen e ngusht të "kriminelit" Osmani me Lidhjen Qytetare Shqiptaro Amerikane në SHBA
Në hetim, natyrisht është përfshirë edhe kreu i klanit të krimit Qazim Osmani,i njohur si Felix, dhe Florim Maloku".


"BND-e gjermane gjatë hetimit në vitin 2005 thuhet,në mënyrë shumë të detajuar ka zbuluar strukturat kriminale në Kosovë dhe lidhja e saj me klanin Osmani,veçmas përmendet Thaçi, Çeku, Haradinaj dhe Maloku me Felix, dhe ndërlidhjen e familjeve me krimin,individë, organizata,dhe grupacione të tjera në Kosovë dhe lidhjet e tyre me klanin Osmani".


"Bundes Nachrichtendienst-BND,gjatë hetimit ka zbuluar lidhjet e klanit Osmani me Lidhjen Qytetare Shqiptaro Amerikane,e regjistruar në Nju Jork në Shtetet e Bashkuara, dhe lidhjet e klanit Osmani dhe Hashim Thaçi me rrjetin ndërkombëtare të trafikimit të naftës përmes Kosova Petrol".


"BND-e: Hashim Thaçi,është lojtar kyç i infrastrukturës kriminale në Ballkan"

"Kryeministri i Kosovës Hashim Thaçi në këtë analizë të fshehtë të BND gjermane, është identifikuar si një nga "lojtarët kyç në infrastrukturën kriminale në Ballkan," dhe si një nga njerëzit kyç të klanit Osmani, dhe kanë zbuluar marrëdhëniet e tij personale me Qazim Osmani i quajtur Felix".

"Lidhja kryesor i Thaçit dhe Felix - Ismet Osmani i quajtur Curri"

[Zero Cool]

Shërbimet informative s’janë shuar


Partitë politike në Kosovë nuk i kanë shuar shërbimet e tyre informative, por përkundrazi, këto shërbime vazhdojnë të jenë aktive edhe në ditët e sotme dhe, si të tilla, ato funksionojnë si një trup i përbashkët me subjektet politike. Së paku kështu vlerëson Raporti i progresit, i publikuar ditë më parë nga Komisioni Evropian.





21 tetor 2011
“Për më tepër, partitë kryesore politike në Kosovë vazhdojnë të operojnë me rrjetet e tyre të sigurisë”, thuhet shkurt në faqen e dhjetë të këtij dokumenti të BE-së, shkruan Zëri.

Për dy partitë më të mëdha në vend, Partinë Demokratike të Kosovës (PDK) dhe Lidhjen Demokratike të Kosovës (LDK) kaherë është thënë se posedojnë shërbime informative.

Megjithatë, pothuajse çdoherë theksi ka rënë tek PDK-ja, drejtuesit e së cilës e kanë pranuar ekzistencën e Shërbimit Informativ të Kosovës (SHIK), por ata kanë pohuar se kjo organizatë është shuar pas shpalljes së pavarësisë.

Ndërkaq, nga zyrtarët e LDK-së vazhdimisht është mohuar ekzistenca e shërbimit informativ të kësaj partie, përkatësisht Sigurimit të Atdheut, organizatë kjo për të cilën është thënë se drejtohet nga Ramë Maraj. E vetmja gjë që drejtuesit e Lidhjes Demokratike të Kosovës e kanë thënë rregullisht është fakti se kjo parti nuk ka asnjë shërbim informativ.

Por, pavarësisht nga vlerësimi i Raportit të progresit për çështjen në fjalë, drejtuesit e partive e mohojnë ekzistencën e shërbimeve informative në kuadër të subjekteve të tyre politike. “Unë nuk di që ka shërbime, por është Agjencia Kosovare e Inteligjencës. Çdo gjë tjetër është ilegale”, thotë shkurt nënkryetari i PDK-së, Hajredin Kuçi.

Anëtari i kryesisë së LDK-së, Lutfi Haziri, ndërkaq shprehet i bindur se Shërbimi Informativ i Kosovës është aktiv dhe nuk është shuar pas shpalljes së pavarësisë, ndërkaq ai mohon se e njëjta gjë është duke ndodhur edhe me Sigurimin e Atdheut.

Te partitë tjera, siç po shihet, ato ekzistojnë dhe se ato vetëm e kanë ndërruar formën”, thotë Haziri, duke shtuar se SHIK-u tashmë është akomoduar në institucionet e vendit.

Edhe deputeti i lëvizjes “Vetëvendosje”, Florin Krasniqi, pajtohet se disa parti në vend asnjëherë s’i kanë shuar strukturat e tyre “nëntokësore”, ndërsa është i bindur se Shërbimi Informativ i Kosovës po punon pareshtur, madje këtë po e bën brendapërbrenda institucioneve të Kosovës.

Ndërsa deputeti i Aleancës për Ardhmërinë e Kosovës (AAK), Burim Ramadani, thotë se kjo parti nuk ka asnjë shërbim informativ, por sipas tij, organizata të tilla kanë dy partitë e mëdha, PDK-ja dhe LDK-ja.

Analisti Avni Zogiani thotë se është e çuditshme se si Bashkimi Evropian ka qasje kontradiktore në raport me shërbimet informative të partive politike, të cilat sipas tij veprojnë paralelisht edhe falë ndihmës së BE-së.

“Në vazhdimësi kemi folur për ekzistimin e shërbimeve partiake të sigurisë. Kur të njëjtat struktura futen në zgjedhje dhe madje i manipulojnë ato, përfaqësuesit e BE-së heshtin dhe ndonjëherë edhe i përkrahin ata. Një pjesë e konsiderueshme e SHIK-ut ka hyrë në zgjedhjet e fundit dhe ka manipuluar zgjedhjet”, shprehet ai.

[Neferta]

Reshat Badallaj per spiunet

Ish i burgosuri Politik nga Regjimi Serb, Reshat Badallaj nga fshati Zhur i Prizrenit , ka kërkuar që duke bartur përgjegjësinë morale dhe ligjore personalishtë mbi autorësin e shkrimit i cili është autentik i tij dhe pa asnjë intervenim të redaksisë ti botohen vuajtjet e tija në burg dhe të publikohen emrat e atyre personave që i bënë sherrin atij dhe ca burrave të tjerë të arrestuar nga regjimi i Jugosllavisë, e që sipas tij kanë qenë bashkëpunëtorë të regjimit të atëhershëm. Dokumentet e botuara janë dokumente që I ka sjellë vetë z. Badallaj për të cilat thotë se dalin për herë të parë në dritë. Për më qartë shkrimi e as dokumentet e prezantuara nuk janë qëndrim i portalit kosovalbaner.com e cila nuk bartë as përgjegjësi morale dhe as ligjore rreth shprehjes së mendimit të Badallajt.
intervista e plote
http://web.kosovalbaner.com/vm/2012/...shet-shqiptar/

[Neferta]

Azem Syla demanton shumqka

Shkruan: Azem SYLA
Ta ndajmë politikën e ditës nga lufta çlirimtare
Po dëgjoj dhe lexoj ide, mendime, gjykime, poshtërime, paragjykime, akuza, kundërakuza, mashtrime e kundërmashtrime, abuzime e kundërabuzime. Jam vërtet i habitur. Nuk e kam pritur që pasi të luftoj për çlirimin e vendit, atdheut, popullit e kombit tim do të akuzohem pse kam luftuar. Gjithë këtë kohë nuk kam reaguar fare, sepse kam qenë duke studiuar, në kërkim të asaj, nëse ka edhe diku tjetër, që veprohet kështu. Por, jo, nuk gjeta një shembull të ngjashëm. Gjithkund gjeta e pashë se luftëtarët janë vlerësuar krejt ndryshe. E ne sot, në vend që të merremi me hallet e popullit, që kemi marrë përgjegjësinë ta udhëheqim në rrugën e zhvillimit, po hedhim gur mbi shenjtërinë kombëtare, mbi luftën çlirimtare.
Të gjithë na e kanë nderuar luftën. Të gjithë na e kanë vlerësuar luftën. Edhe ata që u bënë bashkëluftëtarët tanë në atë luftë të shenjtë, siç ishin presidenti Klinton, kryeministri Bler, kancelari Shreder, presidenti Shirak, sekretarja e shtetit të SHBA-ve, Ollbrajt, gjenerali Klark etj., kanë shprehur simpati për atë luftë të madhe. E duke vlerësuar këtë ecuri, po më duket se po përdoret kazma për t’i shkulur vlerat kombëtare dhe për t’i shkatërruar ato elemente të mira që i kemi. Kjo më bën që shpesh ta pyes veten, se me çfarë do të merret kjo kategori pasi të mbarojë punë me zhvleftësimin e luftës çlirimtare. Me siguri me atë që ne (shqiptarët) “nuk dimë të qeverisemi”, “me atë që ka pasur me shumë siguri në Kosovë në kohën e Titos e Millosheviqit sesa sot”. Ndaj, shpesh pyes veten: kush është kaq i interesuar të krijojë një imazh në popull se “ka qenë më mirë nën Serbi sesa sot”? Kjo është absurde. Kësaj nuk i gjej asnjë arsyetim.
Vëllezër, ndani vlerat nga antivlerat!
E meqenëse e shoh këtë gjendje po pyes dhe arsyetoj:
Vëllezër, ç’keni me luftën? A nuk e dini se nuk fitohet pushteti duke rrëzuar vlera?
Vëllezër, pse po e përdhunoni vetveten? Duke u vetëpërdhunuar nuk fitohet pushtet.
Vëllezër, në luftë fishekun e fundit e kemi ndarë me njëri-tjetrin, e sot, pse bëjmë gabime kaq të rënda?
Vëllezër, ndani vlerat nga antivlerat!
Ju lutem, mos i jepni brezit të ri këtë portret të shëmtuar për luftëtarët e Ushtrinë Çlirimtare të Kosovës. Nuk është mirë të thuhet në medie se “Azem Syla ishte agjent i SHIK-ut”, sepse të rinjtë do të mendojnë se është e vërtetë, pasi shkojnë me mendimin se të mëdhenjtë i dinë më mirë këto probleme e i njohin më mirë ato kohë. Duke bërë këtë më keni detyruar t’u them edhe një herë të gjithë shqiptarëve, se unë, Azem Syla, kam qenë komandant i përgjithshëm i Ushtrisë Çlirimtare të Kosovës, e Shërbimi Informativ i UÇK-së ka pasur për mision ta ndihmoi luftën sikurse gjithë sektorët e tjerë të Shtabit të Përgjithshëm.
Kur ka dalë ky model, një shërbim informativ ta rekrutojë komandantin e përgjithshëm të një ushtrie? Sipas kësaj praktike, u dashka që edhe në paqe kryeministri dhe presidenti i shtetit të jenë agjentë të shërbimit informativ të vendit të tyre.
Mosni vëllezër, se sot ju “besojnë” ndoshta, por nesër do t’ju qeshin e do t’ju vijë turp nga vetja!
Të gjitha këto më sipër i thash për ata që janë dhe e ndjejnë veten plotësisht shqiptarë, pavarësisht se ç’pikëpamje partiake kanë.
Se për atë kategori të njerëzve qofshin në politikë, në medie, në inteligjencë apo në rrugë, e merren me shpifje e më poshtërime të luftëtarëve e të luftës çlirimtare, kam një mesazh tjetër: mesazhi im fillon me deklaratën e sinqertë, se kurrë, kurrë dhe kurrë, nuk kam për t’u ndjerë i turpëruar pse kam luftuar për vendin tim. Kurrë nuk kam për t’u trembur pse kam luftuar për vendim tim. Po pati nevojë atdheu e populli im unë prapë e përjetësisht do të jam ushtar i devotshëm i tij.
A vërtet mendon ndonjëri se mund ta trembë Azem Sylën? Nëse po, unë i them, jo. Azemin edhe mund ta vrisni, por kurrë nuk keni për ta pasur fatin ta trembni.
Kush luan me portretin e luftës çlirimtare të Kosovës duhet t’i thërrasë mirë mendjes, se po luan me një shenjtëri.
Le ta ndajmë politikën e ditës nga lufta çlirimtare. Në politikë le të bëhen debatet si në çdo medie e në çdo politikë në botë. Po pse fillohet me politikën dhe kalohet te lufta? Kujt i prish kaq shumë punë shenjtëria e luftës sonë? Unë e di, por nuk kam dëshirë që në politikën, në medien, në inteligjencën dhe në rrugët e atdheut tonë të ketë të tillë që ende i shërbejnë pushtuesit e shërbimeve sekrete serbe. Por, nëse ka, duhet të dinë se ne jemi luftëtarë dhe nuk kemi asnjë rënie nga e djeshmja. Jemi pikërisht ata luftëtarë, që bashkë me popullin dhe me ndihmën e miqve ndërkombëtarë e shporrëm Serbinë nga Kosova dhe nuk kemi bërë e nuk bëjmë asnjë hap prapa.
Është e turpshme të ketë ende në Kosovë të tillë që të ushqehen me bukën e pastër të vendit e t’i shërbejnë Serbisë. Unë u bëj apel të gjithë atyre që mund të jenë të mashtruar ose nuk kuptojnë se çka po bëjnë: Mos u mashtroni prej agjenturës serbe dhe ligësisë së disa shteteve të Evropës, të cilat kanë ende rezerva për shtetin e Kosovës, sepse në këtë mënyrë bëni krim mbi shenjtërinë.
Le të dënohet edhe Azem Syla nëse ka bërë veprime që bien ndesh me luftën çlirimtare
U bëj apel policisë, prokurorisë dhe gjykatave të Republikës së Kosovës dhe të EULEX-it të mos aktivizojnë kriminelë dhe agjentë të pushtuesit të djeshëm, se mjaft ua kemi parë të zezat atyre. Kanë bërë aq të zeza mbi Kosovën dhe shqiptarët në këto treva sa nuk ka llogari që i mban.
U bëj thirrje këtyre institucioneve, të angazhohen seriozisht për të zbardhur gjithçka deri në fund. Dhe nëse ka fakte që luftëtarët kanë dalë jashtë misionit të tyre, le të ndëshkohen sipas shkallës së fajit. Edhe Azem Syla, në qoftë se ka bërë veprime që bien ndesh me luftën çlirimtare të Kosovës, le të dënohet. Por, askush të mos guxojë të bëjë akuza ndaj luftëtarëve duke angazhuar agjentët e UDB-së. Ata meritojnë të dalin para drejtësisë për krimet që kanë bërë në Kosovë deri më 22 qershor 1999. Të jeni të sigurt se asnjë agjent i UDB-së nuk ka kaluar pa i larë duart me gjakun e djemve dhe vajzave shqiptare. Mjaft më! Kjo praktikë duhet të marrë fund menjëherë.
Të tjerë që shpifin kundër luftës e luftëtarëve për interesin e tyre, këto institucione duhet t’i sqarojnë plotësisht pozicionet dhe ta japin dënimin e merituar për çdo njeri që del jashtë kuadrit të qytetarisë. Nëse themi ta ndërtojmë shtetin modern ligjor, ai nuk ndërtohet nëse nuk ndëshkohet gjithkush që është fajtor para ligjit.
U kërkoj këtyre institucioneve të ngjiten në nivelin e kërkesave të kohës, për të mos vazhduar më me informacione bombastike, vetëm e vetëm për ta mbajtur popullin pezull, që ai të mos ecë në rrugën e zhvillimit, por të mbetet me kokën prapa duke pyetur vetë me vete: “A është e vërtetë?!”
Mjaft më! Është koha të flitet e të veprohet vetëm seriozisht në Kosovë e për Kosovën

[MemphiSx]

Me ket referat..Daja paska dasht me u hallallshit me krejt tbomet e tij....Azem Syla ma mir sot,se neser osht vone me dal publikisht dhe me i tregu popullit se sa krime i keni bo ktij populli!

[sherri]

Ooo luje Azem(Bjet)Syla, mos u tut he burr se burgu per burra eshte.

[Tropojani30]

Shoku Azem ,jemi ne stinen e Bllaca 2, dhe me gjase rrefimet per Skorpionin do te jene themeli i shumeckaje ..Shoku ,'Daja' kete fjalen 'vellezer' e ke lodhur shpresoj ,besoj qe te mos jesh fajtor per gjithe keto akuza mbase nese dalin te verteta qepja Malit me mire e ke ...