Tema e sondazhit : A jeni te kenaqur me zgjedhjen e Pacollit president ?

[panta_rhei]

TË LINDET NJERIU

Të lindet një njeri
nga gjin' i dheut tonë
të rim me lot të vakët,
nga thelb' i shpirtit tonë
që shkrihet në dëshirë të flaktë për një gen të ri,

- Të lindet një njeri!
Pa hyll në ball - por që me fjalë të pushton,
që të rrëmben qetsin
e ban gjaku të të vlojë rrkejë,
e ban synin ligshtin ta zhgjetojë,
që nëpër shekuj ndërgjegjen na tradhton.

Të dali një njeri!
Të mkambi një Kohë të Re!
Të krijojë një Epope!
Ndër lahuta tona të këndohet Jeta e Re...

- Të gjithë kombet po dehen n'epopea të veta,
flakë e zjarrmit të tyne na i përzhiti ftyrat
dhe nëpër to një nga një po shtohen rrudhat,
e nën kambë e mbi krye tinëz po na ik jeta.

(Liri!
- Po, liri dhe gaforrja gëzon,
por gaforre asht...
Liri, ku plogështi ndërgjegjje gjallon,
jo, liri nuk asht!),


Të lindet një njeri

I madh si madhni

dhe ndërgjegjet tona t'i ndezi në dashni

për një ide të re, ideal bujar,

për një agim të lum e të drejtë kombtar.