Lajme Aktuale....

[Neferta]

TE TJERET PER NE


Kosovo's Mafia: How the US and allies ignore organized crime at the highest levels of a new democracy
Part I: Prime Minister Thaci, friend of world leaders and suspect in crime.


Kosovo's Mafia: Assassinations and intimidation
Part II: Investigating an intelligence service in the shadows.


Kosovo's Mafia: A hotbed of human trafficking
Part III: Allegations of sexual slavery reach the highest levels of the Kosovo government.





Ueb faqja autoritative e lajmeve nga Bostoni i SHBA-së, Global Post, pas një investigimi tremujor, e përshkruan Kosovën si vendin e krimit të organizuar dhe korrupsionit. Gjithçka, sipas kësaj ueb faqe ka ndodhur me njohurinë e zyrtarëve më të lartë amerikanë. Protagonist është kryeministri Hashim Thaçi, që sipas Global Postit nuk mund të marrë më një vizë të zakonshme për të hyrë në SHBA.
“Nëse Thaçi dëshiron të vizitojë SHBA-të përsëri nuk do të mund të marrë ndonjë vizë tjetër, pos vizës diplomatike, që i jep atij imunitet”, i ka thënë një burim qeveritar Global Postit.
SHBA-ja nuk u lejon shtetasve të huaj të hyjnë në shtet, nëse ata kanë akuza të pazgjidhura që lidhen me të drejtat e njeriut.
“Thaçi u ka thënë njerëzve të tij të afërt se tash ai është i shqetësuar të udhëtojë jashtë për shkak të frikës se mund të arrestohet në ndonjë shtet të huaj”, ka thënë ky burim.
Po ashtu Global Post në një shkrim të gjatë me titullin “Mafia e Kosovës - vrasje dhe frikësim”, fokusohet në aktivitetet e SHIK-ut, duke thënë se kjo organizatë gjatë gjithë kohës ka marrë përkrahje të fortë nga Washingtoni.
“Menjëherë pas luftës së vitit 1999, agjencia famëkeqe e inteligjencës u bë një entitet jashtëligjor që fillimisht ishte nën komandën e lëvizjes guerile fitimtare UÇK që kishte përkrahjen e SHBA-së. Më pas u udhëhoq nga PDK-ja thonë burime amerikane dhe kosovare. Lideri i partisë është Hashim Thaçi, që fitoi së fundi mandatin e dytë në pushtet, dhe që ka përkrahjen e nivelit më të lartë në Washington. Sot, SHIK-u nuk ka zyre dhe zyrtarisht nuk ekziston, sipas njeriut që e ka udhëhequr për nëntë vjet. Por, burimet e lidhura me SHIK-un, thonë se ai mbetet aktiv për të mbajtur status quon nëpërmjet frikësimit dhe shantazhit”, shkruan Global Post, transmetoi Indeksonline.
Vetë udhëheqësi i SHIK thotë se ka pasur mbështetjen e SHBA-së, diçka që konfirmohet edhe nga një ish-pjesëtar i SHIK-ut, një ish-mbledhës i fondeve për luftën, një diplomat ndërkombëtar dhe një analist politik.
Global Post ka intervistuar Nazim Bllacën që thotë se ka vrarë për SHIK-un. Kjo gazetë ka intervistuar edhe Adem Salihajn dhe Agim Veliun, që kanë thënë se SHIK-u ka bërë atentate ndaj tyre, sikurse edhe Drita Kllokoqin, burri i së cilës u vra nga Nazim Bllaca, si dhe vetë kreun e SHIK-ut, Kadri Veselin. Ky i fundit e pranon ndihmën e SHBA-së, dhe në mënyrë indirekte pranon se ka marrë pjesë në secilin manifestim të organizuar nga Ambasada e SHBA-së për nder të 4 korrikut – Ditës së Pavarësisë së Amerikës.
Shumica e njerëzve që folën me Global Post për SHIK-un, aktivitetin e tij dhe lidhjet me SHBA-në, kanë folur në kushte anonimiteti, sepse kanë frikë për jetën e tyre.
“U sponsorua nga CIA”, tha një ish-zyrtar i lartë amerikan në Kosovë, që beson se SHIK-u u kthye në një organizatë të krimit të organizuar. “Në fillim ishin nja 16 persona të përzgjedhur mirë dhe të trajnuar për të bërë gjëra të mira…por u shndërrua në organizatë që kontrollon krimin dhe politikën e Kosovës”, thotë zyrtari amerikan. Sipas tij, SHIK-u ende mbështetet nga SHBA-ja, dhe atë më shumë se kurrë tash.
Një ish-pjesëtar i SHIK-ut që nuk jeton më në Kosovë thotë se anëtarët e tij janë trajnuar në SHBA dhe në Gjermani, nga zyrtarë amerikanë të inteligjencës.

[Neferta]

Thot nje fjale popullore nese te mer teposhtzen kerri leshoja udhen. Si po shifet edhe neve na ka marre puna teposhtzen po qysh t,ia leshojm rrugen kure s,kemi kah tia mbajme.

[Llapjani_HH]

Tadiq flet në mënyrë indirekte për ndarjen e Kosovës

Liderët kosovarë jo vetëm se nuk po ftohen në takime zyrtare të niveleve të larta, por tash as në konferenca që organizojnë organizatat joqeveritare, ndonëse Kosova si temë përmendet në këto takime.

Në „Forumin e Brukselit“, që është takimi më i rëndësishëm në vit nën organizim të Planit Marshall për Gjermaninë të Shteteve të Bashkuara të Amerikës, edhe sivjet janë mbledhur një numër impresiv i zyrtarëve më të lartë, përfshirë kryetarin e BE-së, Van Rompuy, sekretarin e përgjithshëm të NATO-s, Rasmussen, dhe dhjetëra shefa shtetesh dhe qeverish.

Nuk është vërejtur të ketë qenë ftuar ndonjë zyrtar i Kosovës, ndërsa janë parë së paku dhjetëra përfaqësues nga Serbia, qoftë udhëheqës politikë, po ashtu edhe përfaqësues të shoqërisë civile nga Serbia, raporton për Kohën Ditore korrespondenti i kësaj gazete nga Brukseli.

I ftuar ka qenë edhe presidenti i Serbisë, Boris Tadiq, i cili praninë në këtë konferencë e ka shfrytëzuar edhe për takime me liderë të ndryshëm botërorë.

Tadiq të dielën ka marrë pjesë në një debat për Ballkanin dhe integrimet në BE së bashku me kryeministrin e Malit të zi, Igor Luhsiq, kongresistin amerikan nga Ohio, Michael Tarner, dhe zëvendësdrejtorin e Zgjerimit të BE-së, Stefano Sanino.

Ishte e çuditshme se as kësaj radhe nuk ishte i pranishëm askush as nga Kosova e as nga Bosnjë-Hercegovina, edhe pse këto dy vende u përmendën më së shumti në debat.

Që në hyrje të debatit udhëheqësi i tij, gazetari i “New York Times”, tha se ka qenë në Mitrovicë në vitin 1999, kur ishte ndarë Mitrovica përgjatë lumit Ibër dhe ushtarët francezë nuk e ndalën një gjë të tillë, edhe pse kishin mundësi.

Ai e pyeti presidentin e Serbisë, Tadiq, për idetë për ndarje të Kosovës dhe për shkëmbim territoresh.

„Duhet nisur nga realiteti se, sikur shqiptarët që nuk e pranuan sovranitetin e serbëve, ashtu edhe shumica e serbëve në Kosovë, sidomos ata në veri të lumit Ibër, nuk e pranojnë sovranitetin e shqiptarëve“, tha Tadiq.

Ideja për të „pranuar realitetin“ se serbët në veri nuk duan të udhëhiqen nga Prishtina po fiton gjithnjë e më shumë mbështetës edhe në BE.

Edhe burime të afërta me dialogun mes Prishtinës dhe Beogradit kishin sugjeruar më parë se, kur të vijë koha e diskutimeve për veriun, duhet „nisur nga realiteti“.

Përfaqësuesi i Komisionit Evropian në këtë debat, Stefano Sanino, ish- ambasador i Italisë në Beograd, tha se „duhet shikuar sesi serbët në Kosovë të ndihen si në shtëpi të tyre dhe të njihen pjesë e shtetit të ri“.

Por Tadiq tha se serbët në Kosovë „nuk janë kosovarë, por janë serbë“.

Sanino tha se ishte mirë që „presidenti i Kosovës foli në veri me serbët në gjuhën serbe për herë të parë“.

Duke thënë se Serbia nuk do ta njohë Kosovën, Tadiq u shpreh se nuk duhet bllokuar gjërat që kanë të bëjnë me jetën e përditshme të njerëzve.

Presidenti i Serbisë edhe një herë përsëriti atë që dëgjohet shpesh nga liderët e Serbisë se në Kosovë duhet gjetur „zgjidhje historike pas njëqind vjetësh mes serbëve dhe shqiptarëve“.

„Zgjidhje nuk mund të jetë nëse njëra palë fiton gjithçka e pala tjetër humb gjithçka“, tha Tadiq.

Me thënie të tilla serbët çojnë sinjale se kinse në negociatat për status „Kosova ka fituar gjithçka, ndërsa Serbia ka humbur gjithçka“, duke injoruar kështu faktin se Pakoja e Ahtisaarit ka qenë një kompromis jo edhe aq i lehtë për Kosovën.

Në debat Tadiqit i është drejtuar edhe një pyetje se kur takohet me përfaqësuesit e Kosovës „a i sheh para vete kosovarët apo Shtetet e Bashkuara të Amerikës?“.

Tadiq, duke buzëqeshur tha: „Buzëqeshja ime është edhe përgjigje“, por më vonë u orvat të përmirësohet dhe shtoi se „i shoh kosovarët, por shoh edhe ndërhyrje nga jashtë“.

Tadiq tha se Serbia mbështet integritetin territorial të Bosnjë-Hercegovinës dhe është në favor të pajtimit në rajon.

I pyetur se „a e kuptojnë dhe e pranojnë në Serbi se çfarë ka ndodhur në të kaluarën?“ presidenti i Serbisë tha se „kuptohet, por jo nga të gjithë në Serbi“.

Ministri i Jashtëm i Sllovakisë, Nilas Dzurinda, vendi i të cilit nuk e njeh pavarësinë e Kosovës, tha se në BE mbështetet fuqishëm jo vetëm dhënia e statusit të kandidatit për Serbinë këtë vit, por edhe nisja e negociatave të anëtarësimit me Serbinë dhe me Malin e Zi.
Dzurinda tha se për këtë qëllim tashmë ka bashkëpunim të vendit të tij me Serbinë.
Koha.net

[Guri i madh]

Postimi origjinal është bërë nga Neferta

Thot nje fjale popullore nese te mer teposhtzen kerri leshoja udhen. Si po shifet edhe neve na ka marre puna teposhtzen po qysh t,ia leshojm rrugen kure s,kemi kah tia mbajme.

e keqja e kombit e ka emrin HASHIM THAQI

[Neferta]

Gazeta Start Kryesia i sugjeroi Pacollit të japë dorëheqje








BalkanWeb





Lajmetsot




Lajmetsot




Paragrafi





DW




Top Channel




Shekulli

[Llapjani_HH]

Raporti i Global’it

SHBA dhe aleatët kanë injoruar krimin e organizuar në nivelet politike në Kosovë, ndërkaq kanë mbrojtur vazhdimisht Hashim Thaçin.
Kështu raporton web faqja GlobalPost.
Në artikullin e ndërtuar kryesisht mbi deklarata të oponentëve të Thaçit, flitet gjerësisht edhe për veprimtarinë e SHIK’ut në Kosovë, për të cilin thuhet se është krijuar e financuar nga CIA. Kadri Veseli mohon se SHIK ka kryer krime.


Shtetet e Bashkuara të Amerikës dhe aleatët e saj kanë injoruar krimin e organizuar në nivelet më të larta të demokracisë së re në Kosovë.

Kështu e fillon artikullin e gjatë trepjesësh, me titull “Mafia e Kosovës”, web faqja GlobalPost, me seli në Boston të SHBA-ve.

Boshti i tërë artikullit është UÇK-ja dhe ish komandantët e saj.

Pjesa e parë e shkrimit fokusohet tek kryeministri Hashim Thaçi dhe lidhjet e tij me SHBA-të.
Sipas artikullit, Thaçi është mik i liderëve botërorë, por edhe person i dyshuar për krime.

Pasi shpjegon pak historikun e Kosovës të pas vitit 2000, me hyrjen e trupave të NATO-s në vend, GlobalPost, duke u bazuar në raporte të shërbimeve informative të KFOR-it dhe UNMIK-ut, të cilat thotë se i posedon, e që flasin mbi krimin e organizuar në Kosovë, Thaçin, të cilit shpesh i referohet si ish shef politik i UÇK-së, e cilëson si personi që ka “ndërtuar ndikimin e tij mbi organizatat lokale kriminale, të cilat kontrollojnë pjesë të mëdha të Kosovës”.

Thaçi dhe SHBA

Pavarësisht kësaj, Hashim Thaçi është Kryeministër i Kosovës dhe, sipas web faqes, ndonëse SHBA-të kanë dijeni deri në detaje për dyshimet që ekzistojnë rreth tij, pjesa dërmuese e të cilave ka të bëjnë me periudhën e tij në ish UÇK, ai ka vazhduar të mbetet një aleat i vazhdueshëm për administratat amerikane.

Më tej, në artikull përmenden lidhjet e Thaçit me zyrtarë të lartë amerikanë, si me ish Sekretaren e Shtetit Madeleine Albright, pritjen që atij i ka bërë në Zyrën Ovale ish Presidenti George W. Bush, pritjen që në Shtëpinë e Bardhë i ka bërë atij Zv.Presidenti aktual Joseph Biden apo vizitën e fundit që Sekretarja Amerikane e Shtetit ia ka bërë Kosovës.

Madje, për të ilustruar këtë miqësi të fortë të Thaçit me SHBA-të, citohet Sekretarja Clinton e cila, gjatë vizitës në Kosovë, i ka thënë Thaçit: "Dua ta dini, kryeministër, se ashtu siç kemi qenë me ju në rrugën e vështirë drejt pavarësisë, do të qëndrojmë me ju. Ne jemi partnerët tuaj, jemi miqtë tuaj e jemi të përkushtuar shumë për të ardhmen tuaj”.

Duke pretenduar se për tre muaj GlobalPost ka biseduar me politikanë, ish pjesëtarë të UÇK-së, diplomatë, ish ushtarë të NATO-s, analistë politikë dhe zyrtarë, thuhet se gazeta ka gjetur se pavarësisht kriminalitetit në mesin e klasës politike, kjo është injoruar nga SHBA-të, NATO dhe Kombet e Bashkuara, për 11 vjet me radhë.

Kjo, sipas gazetës, ka ndodhur për shkak se këto organizata kanë dashur ta mbajnë paqen ndërmjet shumicës shqiptare dhe pakicës serbe dhe vetë Serbisë, gjë që ishte prioritet dhe shqetësim mbi të gjitha shqetësimet e tjera, si trafikimi me organe njerëzore.

GP shpjegon se vetë Thaçi nuk ka qenë i akuzuar në një çështje penale, por pretendimet në rritje ndaj tij tregojnë se SHBA dhe NATO e mbështetën atë me vetëdije, ashtu si dhe udhëheqësit tjerë të Kosovës, të cilët ishin të përfshirë qëllimisht në krime serioze që nga fillimi i konfliktit në Kosovë.

"Amerikanët dhe ata që ishin në krye, kanë pasur qasje në këtë dhe të tjera dokumente", tha një diplomat perëndimor, duke iu referuar raportit të një shërbimi të fshehtë, në çdo faqe të të cilit është shënuar se është për shikim nga SHBA dhe NATO.

Katër burime të tjera diplomatike, ushtarake dhe të zbulimit konfirmuan se dokumentet janë parë nga zyrtarët amerikanë.

Më tej gazeta përmend edhe Florin Krasniqin, një biznesmen nga Brooklyni, cili dërgoi shuma të mëdha parash për UÇK-në, e që në artikull shkruan se këtë aktivitet e bëri me ndihmën e SHBA-ve.

Sipas artikullit, ai është ankuar personalisht tek zyrtarët e lartë të Departamentit të Shtetit për korrupsion dhe krim në nivele të larta të qeverisjes në Kosovë por, sipas tij, si zakonisht, kjo i është hedhur poshtë.

“Ju mund të jeni i korruptuar si dreqi”, ka thënë Krasniqi, “por për sa kohë që e mbani stabilitetin, ju jeni mik”.

Ai është bërë tashmë deputet në Kuvendin e Kosovës, pavarësisht se Thaçin e ka quajtur “koka e mafias në Kosovë”.

Duke cituar Krasniqin, në artikull thuhet se Thaçi është një i telekomanduar, figurë e komanduar, i cili flet mjaftueshëm anglisht.

Ai së pari u bë i afërt me zyrtarët amerikanë gjatë negociatave të paqes në Francë, në mars 1999, para shpërthimit të luftës.

Duke iu përgjigjur akuzave për trafikim organesh në muajin dhjetor, gazeta citon zëdhënësin e Departamentit Amerikan të Shtetit i cili, nëpërmjet një deklarate për media ka thënë se “secila e dhënë dhe burim në këtë raport (raporti i Dick Martyt, v.j.) duhet të ndahet me autoritetet kompetente, që të bëhet një hetim i plotë dhe i duhur”.

Lidhja me Prizrenin

GlobalPost më tej shkruan se ka siguruar një raport nga Njësia për Luftën Kundër Krimit, tashmë e shpërbërë, por që ishte në kuadër të misionit të OKB-së në Kosovë, të datës 20 maj 2008.

Raporti përshkruan se si, menjëherë pas luftës, ushtarët gjermanë të NATO-s gjetën dhe liruan 14 njerëz, të cilët ishin arrestuar në mënyrë joligjore nga UÇK-ja në këtë qytet.

Ata, gjithashtu, gjetën një të moshuar shqiptar, i cili kishte ende pranga në duar. Ai "ka treguar shenja të rrahjeve që i janë bërë", shkruan në raport.

Në mesin e të dyshuarve në dokument përmendet edhe Kadri Veseli, i cili është konsideruar nga shumë njerëz në Kosovë si aleati më i ngushtë i Thaçit.

Veseli ishte shef i SHIK-ut, shërbimit të zbulimit të UÇK-së, një organizatë që vazhdoi të ekzistojë dhe të veprojë pa sanksionime ligjore deri në vitin 2008, e ndoshta ekziston edhe tash.

Përveç Veselit, të dyshuar të tjerë në raport janë përmendur edhe komandantë të tjerë të lartë të UÇK-së dhe aleatë të Thaçit, duke përfshirë edhe Azem Sylën, Sabit Gecin dhe Fatmir Limajn. Sipas GP, e cila mbështetet në këtë raport të UNMIK-ut, ata asnjëherë nuk kanë qenë të akuzuar lidhur me rastin në Prizren.

Azem Syla u arrestua nga policia në fund të vitit 2009 dhe është marrë në pyetje në lidhje me dyshimet nëse ai ishte i përfshirë në dhënien urdhër të SHIK-ut për të vrarë një kundërshtar politik.

Më tej në artikull përmendet edhe Fatmir Limaj, si person që është duke u hetuar për korrupsion nga EULEX-i.

Sa për Sabit Gecin, artikulli rikujton se ai aktualisht është duke u gjykuar, i akuzuar për krime lufte.
Ai ngarkohet për një burg të fshehtë në Kukës, ku dyshohet se ka mbajtur dhe torturuar persona.

Artikulli citon edhe një person, i cili në kushte anonimiteti të plotë ka deklaruar se edhe Thaçin e ka parë atje.
Por, prokurorët e EULEX-it nuk kanë pranuar të flasin për rastin.
Në artikull aludohet se ky mosinteresim për të hetuar rastin, ndoshta vjen edhe nga SHBA-të.

Ndikimi amerikan

Sipas artikullit, i cili citon zyrtarë të OKB-së, një nga shembujt më frustrues të fuqisë amerikane në Prishtinë ishte ndikimi amerikan i ushtruar mbi zyrën e prokurorit, gjoja të pavarur, të OKB-së në Kosovë.

Zyrtari i OKB-së në Kosovë, i cili prezantohet si person që ka punuar në ato pozita dhe që di shumë për raste të tilla, citohet të ketë thënë se politikanët e lartë të Kosovës janë hetuar nëse ishin të përfshirë në krimin e organizuar, por amerikanët kanë penguar kërkimet në shtëpitë e të dyshuarve.

Madje, ky ish zyrtar i OKB-së ka deklaruar se nga këto telefonata ishin të frustruar thellë edhe prokurorët ndërkombëtarë.

Kështu, më 14 qershor 2008, zyrtari më i lartë i OKB-së në Kosovë, Joachim Ruecker, kishte lëshuar një vendim ekzekutiv për suspendimin me burgim të një ish-komandanti të UÇK-së, Sami Lushtaku, i cili ishte dënuar me 11 muaj burg.

Lushtaku ishte kryetar i Skenderajt, ku mbështetja për UÇK-në është e fortë.

Nuk dihet nëse zyrtarët amerikanë kanë ndikuar mbi Rueckerin për vendim ligjor, por një ish-zyrtar i lartë i NATO-s në Kosovë tha se zyrtarët e CIA-s në Kosovë ishin përpjekur të parandalonin ushtarë të NATO-s që të arrestonin Lushtakun, para ndjekjes penale.

Një diplomat perëndimor në Kosovë konfirmoi për GlobalPost se EULEX ka qenë duke hetuar Thaçin në heshtje për disa kohë.

Në janar, EULEX njoftoi se prokurorët e vet kishin hapur një hetim preliminar në pretendimet për trafikim të organeve, duke u bazuar në raportin e Dick Martyt.

Ka shenja që miqtë e Thaçit në Washington janë duke u zënë gjithnjë e më ngushtë nga vorbullën e korrupsionit dhe krimit që e rrethon atë dhe të tjerë ish-komandantë të UÇK-së.

Kur Thaçi vizitoi Zv.Presidentin amerikan Biden në korrik, ata buzëqeshën në publik, por një person i afërt me takimin i ka thënë GP se Thaçi u pajtua me Bidenin që ka pasur një problem dhe tha se do të përpiqet më shumë për të ndaluar korrupsionin dhe krimin në Qeverinë e Kosovës.

“Nëse Thaçi dëshiron të vizitojë SHBA-të përsëri nuk do të mund të marrë ndonjë vizë tjetër, pos vizës diplomatike, që i jep atij imunitet”, i ka thënë një burim qeveritar GlobalPostit.

Sipas burimit, Thaçi u ka thënë njerëzve të tij të afërt se tash ai është i shqetësuar të udhëtojë jashtë për shkak të frikës se mund të arrestohet në ndonjë shtet të huaj.

vazhdon-->

[Llapjani_HH]

vazhdimi -->

SHIK

Pjesa e dytë e artikullit ka të bëjë me SHIK-un.

Sipas GP, menjëherë pas luftës së vitit 1999, agjencia famëkeqe e inteligjencës u bë një entitet jashtëligjor që fillimisht ishte nën komandën e lëvizjes guerile fitimtare UÇK, që kishte përkrahjen e SHBA-së.

Më pas u udhëhoq nga PDK-ja, thonë burime amerikane dhe kosovare.

“Sot SHIK-u nuk ka zyra dhe zyrtarisht nuk ekziston, sipas njeriut që e ka udhëhequr për nëntë vjet.

Por, burimet e lidhura me SHIK-un thonë se ai mbetet aktiv për të mbajtur status-quon nëpërmjet frikësimit dhe shantazhit”, shkruan gazetari Math McAllaster.

Vetë udhëheqësi i SHIK thotë se ka pasur mbështetjen e SHBA-ve, diçka që konfirmohet edhe nga një ish-pjesëtar i SHIK-ut, një ish-mbledhës i fondeve për luftën, një diplomat ndërkombëtar dhe një analist politik.

GlobalPost ka intervistuar Nazim Bllacën, i cili thotë se ka vrarë për SHIK-un.
Po ashtu, janë intervistuar edhe Adem Salihaj e Agim Veliu, të cilët kanë thënë se SHIK-u ka bërë atentate ndaj tyre.
Po ashtu, janë intervistuar edhe Drita Kllokoqi, burri i së cilës u vra nga Nazim Bllaca, si dhe vetë kreu i SHIK-ut, Kadri Veseli.

Ky i fundit e pranon ndihmën e SHBA-ve dhe në mënyrë indirekte pranon se ka marrë pjesë në secilin manifestim të organizuar nga Ambasada e SHBA-ve për nder të 4 Korrikut – Ditës së Pavarësisë së Amerikës.

Shumica e njerëzve që u intervistuan nga GlobalPost përkitazi me SHIK-un, aktivitetin e tij dhe lidhjet me SHBA-të, kanë folur në kushte anonimiteti, sepse kanë frikë për jetën e tyre.

“U sponsorua nga CIA”, tha një ish-zyrtar i lartë amerikan në Kosovë, i cili beson se SHIK-u u kthye në një organizatë të krimit të organizuar.

“Në fillim ishin nja 16 persona të përzgjedhur mirë dhe të trajnuar për të bërë gjëra të mira…, por u shndërrua në organizatë që kontrollon krimin dhe politikën e Kosovës”, thotë zyrtari amerikan.

Sipas tij, SHIK-u ende mbështetet nga SHBA-të, madje asnjëherë më shumë.

Një ish-pjesëtar i SHIK-ut që nuk jeton më në Kosovë thotë se anëtarët e tij janë trajnuar në SHBA dhe në Gjermani, nga zyrtarë amerikanë të inteligjencës.

Më tej në artikull jepet dhe historia e Nazim Bllacës, si dhe deklarimi i tij se ka qenë pjesëtar i SHIK-ut dhe në të njëjtën kohë ka zbatuar urdhra për të kryer vrasje dhe tortura. Aty përmendet edhe EULEX-i, i cili është duke u marrë me çështjen.

Në artikull tregohet se Bllaca u ka thënë prokurorëve se një ish-zyrtar i lartë i UÇK-së - aleat i ngushtë i Thaçit, Azem Syla – e ka urdhëruar atë të kryejë vrasjet.

Prokurorët e EULEX-it nuk pranojnë të tregojnë nëse kanë planifikuar të paditin persona të tjerë lidhur me vrasjet.
"Qëllimi im është të hedh dritë mbi të gjitha vrasjet në Kosovë", citohet të ketë thënë Bllaca.

Kadri Veseli ka mohuar se ai apo SHIK-u ka qenë ndonjëherë të përfshirë në vrasje ose ndonjë krim.

"Nazim Bllaca kurrë nuk ishte pjesë e SHIK-ut", tha Veseli, gjatë një interviste për më shumë se dy orë në një restorant në Prishtinë. "Ne kurrë nuk ishim në kontakt me të".

As Veseli, as Thaçi nuk janë të akuzuar.
Duke treguar se Ambasadori Amerikan Christopher Dell dhe zyrtarët e Departamentit Amerikan i kanë refuzuar disa herë kërkesat e GlobalPost për intervistë, artikulli vazhdon duke u bazuar në burime anonime sipas të cilave, SHIK-u u sponsorizua nga CIA.

Një ish-pjesëtar i SHIK-ut, i cili nuk jeton më në Kosovë, konfirmoi se ishte trajnuar në SHBA dhe Gjermani, nga zyrtarët e zbulimit amerikan.
Ndërkohë, Florin Krasniqi citohet të ketë deklaruar se Kadri Veseli kishte lidhje të drejtpërdrejta me ata të inteligjencës amerikane dhe angleze.

Duke cituar një raport të fshehtë të BND (Shërbimi Gjerman i Zbulimit), të vitit 2005, në artikull thuhet se në atë kohë, SHIK-u merrej kryesisht me aktivitete spiunimi, frikësimi dhe eliminimi fizik të forcave demokratike.

Si një nga rastet përmendet ai i vrasjes së Ibush Kllokoqit, më 1999, djali i të cilit citohet të ketë thënë se Nazim Bllaca ishte urdhëruar t’ia vrasë babanë.

"Bllaca ishte urdhëruar për të bërë këtë", tha Buki Kllokoqi. "Personat që urdhëruan atë janë kriminelët e vërtetë në këtë rast. Ai është vetëm një kukull", është shprehur 30 vjeçari.

Sipas tij, i ati nuk ishte bashkëpunëtor i regjimit serb, sepse punën e kishte lënë në vitin 1991. GP shkruan se Kllokoqi ishte një zyrtar i lartë i shërbimit të vjetër jugosllav të inteligjencës.

Në artikullin e GlobalPost pretendohet, po ashtu, se janë gjetur lidhje ndërmjet zyrtarëve qeveritarë kosovarë dhe trafikimit të qenieve njerëzore.

(Artikull i marrë me shkurtime nga GlobalPost. Titulli dhe mestitujt janë të Redaksisë së Gazetës Express)
Gazeta expres

[Llapjani_HH]

Buzhala kërcënon opozitën, shpallet i pashkollë për Kushtetutë

Në fillim të seancës plenare të Kuvendit të Kosovës, në kohën e diskutimeve është zhvilluar një debat i nxehtë ndërmjet deputetëve të pozitës dhe atyre të opozitës.

Deputeti i PDK-së, Berat Buzhala ka thënë se shkelja e Kushtetutës është bërë nga deputetët e opozitës, të cilët e kanë lëshuar sallën me rastin e votimit të presidentit.

“Kolegë nga opozita, bojkoteve tuaja ju ka ardhur fundi.

Nëse vazhdoni kështu, do të përballeni me Gjykatën Kushtetuese”, ka thënë Buzhala.

Ai ka shtuar se duhet të shikohet nëse këta deputetë kanë marrë leje nga Kuvendi për të lëshuar sallën gjatë votimit të presidentit.

Menjëherë pas kësaj deklarate ka reaguar shefi i Grupit Parlamentar të LDK-së, Ismet Beqiri.

Ai ka thënë se Buzhala nuk ka asnjë shkollë të kryer për të interpretuar në këtë mënyrë Kushtetutën e Kosovës.

“Ky duhet të dijë së pari të shkojë në shkollë, sepse ky nuk ka shkollë të kryer për këtë punë, le ta lexojë Kushtetutën, nëse është mësuar me ndonjë regjim ku merren sanksione, është problem i tij”, ka thënë Beqiri.

Sugjerim për ta lexuar Kushtetutën Buzhalës i ka dhënë edhe kryeparlamentari Krasniqi.
Koha.net

Në një lokal të Prishtinës takohen Ibrahim Gashi e Fatmir Limaj

Në orët e pasdites së ditës së mërkurë, në një lokal në qendër të Prishtinës (afër Sheshit “Nëna Tereze”) janë parë duke pirë kafe Ibrahim Gashi këshilltar i parë i Behgjet Pacollit dhe Fatmir Limaj nënkryetar i PDK-së dhe deputet i Parlamentit të Kosovës.

Burime tona bëjnë të ditur se një nga kërkesat e Fatmir Limajt drejtuar Ibrahim Gashit ka qenë që AKR-ja të japë një kandidat tjetër për president, ndryshe ai dhe grupi i tij përsëri do të votojnë kundër Pacollit.

Se si do të rrjedhin gjerat në të ardhmen pritet të shihet.
Bota Sot

[Neferta]

Deputetet jan te lire per te vendosur rreth pjesmarjes ne kuvend

Kryetari i Kuvendit të Kosovës, Jakup krasniqi tha të premten se askush nuk ka të drejtë t’i obligojë deputetët që të qëndrojnë në sallë, në kohën kur zgjidhet presidenti i vendit.
Duke folur për seancën e jashtëzakonshme, tha se në Kryesinë e Kuvendit ende nuk ka arritur një kërkesë e tillë, ndërsa në momentin që arrin kjo kërkesë mund të procedohet edhe sonte, raporton Telegrafi.
Kryeparlamentari me këtë rast tha se duke u bazuar në Kushtetutë dhe në Rregullore të punës së Kuvendit është vullnet i deputetëve nëse duan ose jo të qëndrojnë gjatë votimit në seancë, ndërkaq kryeministri i vendit më parë i kishte fajësuar partitë politike opozitare si shkelës të Kushtetutës, të cilat sipas tij me bojkotin e tyre sollën Kosovën në këtë gjendje.
Krasniqi ka kërkuar nga koalicioni që të ulet dhe të bisedojë me partitë politike për zgjidhjen e çështjes së presidentit, në mënyrë që vendi ta dalë nga kjo gjendje e krijuar politike dhe presidenti të jetë koncensual dhe i pranueshëm për të gjithë.

[Neferta]

EDHE I MARRI E DI KETE PUNE
Stefanoviq: Bisedimet po udhëhiqen sipas Kushtetutës së Serbisë


Rundi i ri i bisedimeve ndërmjet Beogradit dhe Prishtinës, do të duhej të mbahej në mes të muajit prill në Bruksel, ndërsa në rend të ditës do të jetë mbyllja e temave të filluara, tha sot kryesuesi i delegacionit të Serbisë, Borisllav Stefanoviq.
“Bisedimet po udhëhiqen në harmoni me Kushtetutën e Serbisë”, tha Stefanoviq, gjatë një diskutimi për perspektivën e dialogut ndërmjet Beogradit e Prishtinës.
Këto bisedime kanë filluar më 8 mars në Bruksel dhe ato lehtësohen nga Bashkimi Evropian.
Udhëheqëse e delegacionit të Kosovës në këtë dialog, është zëvendës kryeministrja Edita Tahiri. /rel/

[Guri i madh]

Thaçi: Opozita shkelëse e Kushtetutës Akuza jo të lehta janë adresuar tek opozita, për më shumë nga shefi i ekzekutivit Hashim Thaçi. I bindur se çështja e presidentit do të procedohet shpejt, për kryeministrin shkelësit e aktit më të lartë juridik të vendit ishin bojkotuesit e seancës.... Postuar: 01:59:12 / 01.04.2011
”Eksperimenete me vendin nuk bëj dhe nuk bëhem pjesë e eksperimeneteve ” tha kryeministri Thaçi i cili është shfaqur tejet kritik ndaj opozitës.
I bindur se cështja e Presidentit do të procedohet shpejt, për kryeministrin, shkelësit e aktit më të lartë juridik të vendit ishin bojkotuesit e seancës së 22 shkurtit.
E, frymën bojkotuese të opozitës, që në fazë të fundit dikton zgjedhjet e jashtëzakonshme, Thaçi e ka vlerësuar të rrezikshme për stabilitetin e vendit në procesin zhvillimor e integrues.
“Gjykatat kushtetuese ka konstatuar se shkelja ka ndodhur nga bojkotuesit, nëse kjo pjesë e opozitës vazhdon me bojkot atëherë ata detyrimish e çojnë vendin në zgjedhje të jashtëzakonshme brenda 45 ditësh”, tha Thaçi duke vlerësuar se Kosova nuk e ka luksin që të shkoj në zgjedhje çdo tre muaj. “Bojkoti detyrimisht e çon vendin vendin në zgjedhje brenda 45 ditësh, diçka të tillë nuk e pret as BE e as Washingtoni”, tha kryeministri Thaçi.
Kryeministri i shtetit i ka rikujtuar opozitës se participimi në procedurat e ndërtimit të institucioneve është përgjegjësi kushtetuese, ligjore, e morale, e mbi të gjitha përgjegjësi ndaj votuesve.
“Ftoj opozitën të del mbi interesat e ngushta partiake, por këtë proces të ngrirë të zgjedhjes së presidentit nuk mund t`a mbajë askush. Ne do të gjejmë hapësirë ligjore dhe me çështjen e presidenit do të procedojmë në orët e ardhëshme”, tha Thaçi, duke shtuar se koalicioni do të vazhdojë të punojë në mënyrë aktive dhe në përputhje me interesat e qytetarëve të vendit.

[Neferta]

Si pozita e opozita duhet te ulen se bashku te bejne marveshje, pasi pozita i nuk i ka numrat e opozita lufton per me ardhe sa ma leht ne pushtet duke shfrytzuar te gjitha menyrat e tani po shifet edhe me bojkot. Fundja me shkie po bajn muhabet e ne mes veti s.po munden marre per ta.

[Guri i madh]

Postimi origjinal është bërë nga Neferta

Si pozita e opozita duhet te ulen se bashku te bejne marveshje, pasi pozita i nuk i ka numrat e opozita lufton per me ardhe sa ma leht ne pushtet duke shfrytzuar te gjitha menyrat e tani po shifet edhe me bojkot. Fundja me shkie po bajn muhabet e ne mes veti s.po munden marre per ta.

mund me u ul me bisedue per nji qeveri teknike

pa hashim thaqin kryeminister per ndryshe zgjedhje te reja


nuk mundet hashimi me i pri qeveris nji personalitet pa kurfar dinjiteti kombtar i shantazhuar i zhytyr ne korrupcion e krim te oraganizuar

e me hashimin kryeminister partit tjera sjellen para nji akti te kryer per bisedimet me serrbi e premitemet e thaqit per nji status special per veriun

[Neferta]

• Lufta Kosovë-Serbi nuk ka mbaruar

Juristi britanik, Xhefri Najs, ish zëvendësprokuror në rastin Millosheviq në Gjykatën e Hagës për ish Jugosllavinë, ka përsëritur sërish dyshimet dhe vërejtjet e tij lidhur me akuzat e Dik Martit për trafik organesh nga disa drejtues të ish Ushtrisë Çlirimtare të Kosovës.
"Unë mund të them se lidhur me trafikun e organeve ka shumë pak prova, për të mos thënë fare, te raporti i këtij personi, Martit, i cili përgatiti dokumentin për Këshillin e Evropës. Por, duket se ai është tërhequr disi nga qëndrimet e forta që dha në fillim. Ka shumë pak prova", ka thënë Najs gjatë qëndrimit në Zagreb. Ish prokurori i Gjykatës së Hagës, i cili gjendej në Kroaci për promovimin e librit të Eva Tabu mbi luftën dhe krimet në ish Jugosllavi, ka përsëritur nevojën për hetimin e akuzave.
"U takon të tjerëve tani të tregojnë të vërtetën rreth asaj që dinë. I takon dhe Thaçit që të provojë të kundërtën e këtyre akuzave, pasi nuk jam i sigurt se sa e rehatshme është për të të jetojë me akuza të tilla kundër tij", ka thënë Najs, transmeton REL.
Najs ka folur për nxjerrjen në media të raporteve të brendshme të UNMIK-ut apo strukturave të tjera dhe faktin se ato koinciduan me debatin në Këshillin e Sigurimit, ku u kërkua një gjykatë e posaçme për hetimin e akuzave për trafik organesh.
Ai ka kujtuar edhe qëndrimin e mbështetësve të Kosovës, të cilët nuk e shohin të rastësishëm raportin e Martit dhe materialet e tjera në media, si pjesë të luftës për të mos e lejuar popullin e Kosovës që të shijojë frytet e hyrjes në Evropë apo në NATO.
Ndonëse nuk ka dashur të marrë një qëndrim të prerë lidhur me të dyja këto grupime, ish prokurori i Gjykatës së Hagës ka thënë: "Ndoshta konflikti mes Kosovës dhe Serbisë nuk ka përfunduar ende".

[drinibardhe]

eheheh gjithmone ne konflikt do jemi .....