Lajme aktuale nga vendi !

[Zero Cool]

Nigeria, rezolutë për njohjen e Kosovës?





Zëvendëskryeministri Behgjet Pacolli në kuadër të angazhimeve për shtimin e numrit të njohjeve për Kosovën ka takuar në Nigeri, presidentin Goodluck Jonathan dhe zëvendëspresidentin Namadi Sambo, me të cilët ka diskutuar për realitetin e ri demokratik në Kosovë duke shprehur nevojën që ka vendi ynë për njohje të reja.
Presidenti Jonathan ka shprehur gatishmërinë për të ndërmarrë të gjitha veprimet e nevojshme që Republika e Nigerisë të vendosë sa më shpejtë raporte të bashkëpunimit ndërshtetëror me Kosovën, duke theksuar se vendi që ai drejton, në një periudhë sa më të shkurtër kohore, do të marrë vendim për të njohur shtetin e Kosovës.

Gjatë qëndrimit në Nigeri, Pacolli ka takuar edhe kryetarin e Parlamentit të Nigerisë njëherit edhe kryetar i Komisionit për Politike të Jashtme, Barnabas Gemade, me të cilin ka folur gjerësisht për situatën politike e ekonomike në Kosovë, duke theksuar sfidat që ka kaluar vendi ynë gjatë periudhës së shtetndërtimit.

Kryeparlamentari Gemade ka premtuar se në kuadër të mbështetjes dhe angazhimeve të autoriteteve të Nigerisë për të formatizuar njohjen e Kosovës, do të iniciojë një Rezolutë në Senatin e Nigerisë për njohjen e pavarësisë së Kosovës.

Pas takimeve me presidentin dhe zëvendëspresidentin e Nigerisë, Pacolli ka takuar edhe ministrin Jashtëm të këtij vendi, Martin Ukomoibhi, i cili ka shfaqur opinion pozitiv për njohjen e Kosovës,

Ministri Ukomoibhi ka garantuar se do të angazhohet bashkërisht me autoritetet e tjera të Nigerisë për të përshpejtuar procesin e formalizmit të njohjes së pavarësisë së Kosovës nga vendi i tij.