Lajme aktuale nga vendi !

[Zero Cool]

Përkujtohet masakra e Çamërisë në Qafë Botë






Qindra e mijëra qytetarë shqiptarë kanë përkujtuar të shtunën në pikën kufitare të Qafë- Botës masakrën çame të vitit 1944. Në këtë ngjarje përkujtimore kishin ardhur edhe shqiptarë nga trevat e tjera, si nga familja Jashari dhe përfaqësues të “Vetëvendosjes”, përfaqësues të Federatës “Vatra”, shqiptarë nga Maqedonia, etj.
Nën moton “Trëndafilat e Çamërisë”, ceremonia nisi me një poezi të interpretuar nga artisti i mirënjohur, Mirush Kabashi dhe shkruar nga shkrimtari nga Kosova, Fatmir Muja. Ceremonia vazhdoi me vendosjen e kurorave me lule në përkujtim të masakrës e të rënëve.

Me këtë aktivitet u përmbyll dhe Java Çame, gjatë së cilës në Tiranë u organizuan ekspozita, simpoziume dhe aktivitete të ndryshme që lidheshin me Çamërinë.