Lulzsec dhe Anonymous

**Zero Cool** · 29-06-11, 22:05

Anonymous (grupi tjeter i hakereve)

Anonymous godasin agjensinë e turizmit në Florida

Grupi i hakerave Anonymous ka sulmuar adresën e agjensisë së turizmit amerikan në Orlando të Floriadas, në shenjë proteste ndaj arrestimit të anëtarëve të një shoqate jofitimprurëse e cila shpërndante ushqim për të pastrehët.

Si rezultat i këtij sulmi kibernetik, adresa orlandofloridaguide.com mbeti për orë të tëra jashtë funksionit gjatë ditës së martë, duke mos patur shërbim për turistët e shumtë që syojnë Floridan si destinacionin e tyre të pushimeve verore. Zyrtarët e kësaj agjensie turizmi janë duke bërë bilancin për humbjet që mund t’i jetë shkaktuar kompanisë.

Hakerat Anonymous i kanë shpallur luftë kësaj agjensie, ndërsa kanë premtuar sulme të tjera së shpejti.

**Zero Cool** · 12-07-11, 21:17

Sony hakohet edhe për herë të pestë, vidhen milionë fjalëkalime

Grupi i hakerëve Lulz Security thotë se kishin sulmuar serverët e Sonypictures.com dhe kishin vjedhur diku 1 milionë fjalëkalime të cilat janë të publikuara në faqen e tyre. Nga kompania e Sony-t thonë se janë duke hetuar rastin.

Kjo është situata e pestë ku sistemet e Sony sulmohen dhe vjedhen të dhëna për përdoruesit në një përiudhë prej 2 muaj. Para një muaji ishte ç’kyqur PlayStation rrjeti pasi u zbulua se ishin keqpërdorur të dhëna personale për 77 milionë përdorues.

Sony e cila përsëri startoi rrjetin e saj PlayStation, edhe atë pas disa tentimeve, për 24 orë përsëri është përballur me sulme, por tani tek serverët e SonyPictures.com nga ana e Lulz Security të cilët thonë se kanë vjedhur imell adresa, data të lindjes dhe informacione tjera lidhur në profilet e Sony për 1 milionë përdorues.

SonyPictures.com është thyer me një sulm të thjesht SQL Injection, “një nga dobësitë më primitive dhe të zakonshme”, thonë hakerët të njohur nga thyerjet e më hershme të televizionit PBS, Fox.com, dhe faqen japoneze Sony.

“Me një injection të thjeshtë fituam qasje të plotë në gjithcka. Pse të keni besim tek një kompani e cila lejon kësi lloj vrimash në serverët e tyre.”, thuhet në një post të hakerëve. Sony ka ruajtur 1.000.000 fjalëkalime në tekst të thjeshtë, të pa enkriptuar(plain text), që do të thotë vetëm për ti marrë ato. Kjo është turp dhe e pasigurt: dhe ato këtë e kanë merituar këtë”.

**Zero Cool** · 19-07-11, 15:39

Lulz security sulmon tabloidin “The Sun”

Në një kohë kur skandali i përgjimeve ka marrë përmasa shumë të mëdha dhe kur e gjithë vëmendja e botës është përqëndruar aty, grupi i hakerave Lulz Security ka ndërhyrë në adresën e internetit të një prej tabloidëve të “News Corporation”, “The Sun”, duke e korruptuar atë.

Për disa orë, lexuesit e kësaj të përditshmeje, me shumë influencë në Britaninë e madhe por edhe më gjerë, kanë lexuar se, pronari i perandorisë mediatike “News Corporation”, Rupert Murdoch, është gjetur i vdekur në kopshtin e shtëpisë së tij.

Por pas disa orësh, përmes një mesazhi në Twitter, u zbulua se asgjë nuk kishte qënë e vërtetë dhe se bëhej fjalë vetëm për një sulm të hakerave të Lulz Security. “Na arrestoni, ne ju sfidojmë. Ne jemi një gjenerate hakerash të pandalshëm”,- thuhet në postimin e tyre në Twitter.

**Zero Cool** · 20-07-11, 11:31

Fushatë arrestimesh ndaj hakerave Anonymous

Pas sulmeve të njëpasnjëshme ndaj një sërë kompanish kryesore, e sidomos ndaj sistemit të kartave PayPal, që sollën humbje të konsiderueshme parash, në shit-blerjen në interet, policia e SHBA-ve në bashkëpunim me atë britanike, kanë nisur një fushatë të gjerë arrestimesh, për anëtarët e grupit të hakerave Anonymous.

Sipas burimeve zyrtare në FBI, njoftohet se të paktën 16 hakera janë ndaluar në disa shtete të SHBA-ve, të cilët po merren në pyetje, pasi dyshohen për krim kibernetik. Ndërkohë edhe katër hakera të tjerë janë shpallur në kërkim në Britaninë e Madhe.

Pasi sulmoi sistemin e kartave PayPal, grupi i hakerave Anonymous, arriti të mbyllë përkohësisht edhe shërbimet e MasterCard e Visa dhejtorin e kaluar. Ky sulm pasoi ngrirjen e parave për anëtarët e rrjetit Wikileaks.

**Zero Cool** · 31-08-11, 23:08

Anonymous sulmojnë policinë në San Francisko

12:23 / 18.08.2011

Hakerat Anonymous nuk kanë ngurruar të lënë gjurmën e tyre edhe në protestën e San Franciskos, ku dhjetra persona kanë protestuar për vrasjen e një civili.
Në shenjë proteste ndaj agjensisë së trasportit në këtë shtet, që urdhëroi ndalimin ee qarkullimit të trenave si dhe ndërprerjen e shërbimeve telefonike, Aonymous kanë sulmuar adresën e tyre zyrtare “myBART.org”, duke e lënë atë për orë të tëra jashtë shtërbimit.

Ndarkaq, hakerat Anonymous kanë shprehur revoltën e tyre edhe ndaj policëve të cilët ndërhynë për të ndaluar protestën në San Francisko, duke u publikuar këtyre të fundit të gjithë të dhënat e tyre personale, përfshi këtu edhe adresat e shtëpive apo numrat e telefonave.

Një javë më pare, policët në këtë shtet qelluan një të pastrehë, me justifikimin se ky i fundit po sulmonte policinë, i armatosur me një thikë.

**Zero Cool** · 31-08-11, 23:10

Hakeri Anonymous akuzohet për krim kiberentik

10:09 / 26.08.2011

Ndërsa hetimet dhe gjurmimi i pjesëtarëve të grupit Anonymous vijon, prokurorët në Britaninë e Madhe kanë ngrtiur akuzën ndaj të riut 22-vjeçar, i arrestuar pak kohë më parë në këtë shtet
Peter David Gipson i arrestuar nga policia Metrolopitan, është akuzuar për krim kibernetik, “hyrje në sistemet e kompiuterave, duke thyer sigurinë, për të vjedhur të dhëna”.

Gipson do të talë përpara trupit gjykues në 7 Shtator, seance kjo kur pritet që të riut ti konfirmohet aktakuza.
Grupi i hakerave Anonymous është i implikuar në një seri vjedhjesh në internet. Ata janë bërë të njohur së fundmi me sulmet ndaj eBay, Visa, PayPal dhe disa kompanive të tjera.

**Zero Cool** · 31-08-11, 23:11

Betohen hakerët: Facebook do të shkatërrohet më 5 nëntor!

Grupi i hakerëve të cilët veten e quajnë “Anonymous” është betuar se me 5 nëntor 2011 do ta shkatërrojë rrjetin më të madh social në botë, Facebook.com.
Për më tepër, ata kanë vendosur një video në Youtube përmes së cilës ata akuzojnë Facebook për shitjen e të dhënave personale të përdoruesve të saj tek departamentet e ndryshme qeveritare amerikane dhe agjencitë e ndryshme të sigurisë.

"Qytetarët e botës. Ne duam ta tërheqim vëmendjen tuaj, duke shpresuar që ju do t’i dëgjoni paralajmërimet tona. Mjeti juaj i preferuar për komunikim global, të cilin ju e adhuronj aq shumë, do të shkatërrohet. Nëse edhe ju jeni të gatshëm për të luftuar për të drejtat tuaja dhe lirinë e informacionit, atëherë ju lutemi bashkohuni me ne në luftën tonë për ta vrarë Facebook” thuhet në deklaratën publike të “Anonymous”.

“Ju nuk mund të shpëtoni nga realiteti. Mendoni për këtë dhe bëhuni gati për ditën që do të hyjë në histori, 5 nëntor 2011" thonë ata.