Lajme - risi

[Zero Cool]

Google rimodelon edhe Gmail





Pas faqes së parë të kërkimit, Google ka rimodeluar edhe faqet e postës elektronike Gmail dhe atë të Kalendarit.

Lajmi është konfirmuar nga zyrtarë të Google, sipas të cilëve, pamja e re nuk është kryer në të gjitha adresat por ndryshimi i saj do të vijojë edhe në muajit e ardhshëm. Ndryshimi vjen në kuadër të një rimodelimi të përgjithshëm, që gjigandi motorrik ka lançuar së bashku me rrjetin social Google+.

Ndonëse ndryshimi do të realizohet në mënyrë automatike, përdoruesit e Gmail dhe Kalendarit do të kenë gjithsnjë mundësinë që të rikthejnë këtë faqe në versionin e saj të mëparshëm.

[Zero Cool]

Kaspersky: Kujdes nga botnet!





Në shumë se katër million kompiutera personalë kanë qënë pre e një programi të sofistikuar “botnet”, i cili identifikon në mënyrë automatike komputerat me sistem sigurie të “brishtë”.

Lajmi është bërë i ditur nga një raport i ekspertëve të Kaspersky, i cili nënvizoi se të paktën 4.5 milion përdorues janë sulmuar nga ky “botnet”.

Bëhet fjalë për një program, i njohur si TDL, i cili në mënyrë automatike kërkon për kompiutera me nivel të ulët sigurie, që ky program i sulmon duke thyer barrierat e duke u fshehur në një dosje të quajtur “master boot record” nga ku vjedh të dhënat e përdoruesve.

Fatkeqësisht, raportojnë ekspertët, këto “botnet” (version i fundit i të cilit është TDL-4) nuk gjurmohen nga anti-virusët e thjeshtë. Raporti evidenton se rreth 28% e viktimave është shënuar në SHBA, 7% në Indi, 5% në Britani dhe rreth 3% e tyre është gjetur në Francë, Gjermani dhe Kanada.

[Zero Cool]

Gjendet lënda e rrallë në fund të Oqeanit Paqësor





Kërkuesit japonezë deklarojnë se kanë zbuluar depozitat e një minerali shumë të rralle i cili shërben për të ndërtuar të gjitha pajisjet hi-tech.


Bëhet fjalë për 100 miljardë tonë minerale të gjetura në thellësinë 3 mijë e 500 metra, në baltën në fund të Oqeanit Paqësor. Përmes kësaj lënde sulfidi ndërtohen të gjitha pajisjet teknologjike, që përdoren në celularët e mençur, tabletët e kompiuterat personalë.

Sipas revistës “Nature Geoscience”, grupi i kërkuesve japonezë ka arritur të gjejë 78 zona me këtë material që gjithësej përbëjnë 4 milje katrorë.

[Zero Cool]

Kina do ta blejë Facebook-un?





Kina dëshiron ta blejë rrjetin më të madh social në botë, Facebook.com. Ndoshta është e vendosur që Facebook është e keqja më e vogël, kur është fjala për rrjetet sociale perëndimore. Apo, ndoshta kjo është vetëm një dhuratë që kryeqyteti kinez, Pekini, do t’i bëjë vetes.

Cilado qoftë arsyeja, duket se Kina - apo më saktësisht, një nga fondet e mëdha investuese të Kinës - është duke u përpjekur për të blerë një pjesë të rëndësishme të aksioneve në Facebook.



Një raport i Business Insider përmend një burim lidhur me “një fond që planifikon të blejë aksione nga ish-punonjësit e Facebook", të cilët kanë plan të mblidhen bashkë dhe të kenë një ndikim më të madh me pjesën e tyre të aksioneve në këtë platformë.

Mirëpo, nëse një gjë e tillë ndodhë, atëherë Business Insider thotë se nuk kemi nevojë të brengosemi, sepse “kjo do të ishte një blerje e aksioneve në kompani, e cila nuk do të vlejë me votë, si dhe e njëjta nuk nënkupton që aksionarët e rrjetit social do të kenë qasje në të dhënat e përdoruesve.

[Zero Cool]

Aleanca për sulmet kibernetike






Aleanca për Mbrojtjen Sulmeve Nderkombetare Kibernetike (ICSPA) ka ngritur zërin për të luftuar krimet në internet në nivel global.


E mbledhur të martën në Londër, kjo aleancë arriti të bashkonte qeveritë, bizneset ndërkombëtare, agjensitë e focimit të ligjeve, përfshi këtu Europol. Në këtë aleancë janë bashkuar edhe kompanitë e anti-virusëve McAfee dhe Trend Micro.

Kjo iniciativë është mirëpritur edhe nga kryeministri britanik David Cameron i cili ka ofruar paraprakisht një shumë prej 950 milion eurosh për të përmirësuar infrastrukturën për mbrojtjen kibernetike.

Fondet e tjera për këtë aleancë, do të vijnë nga vendet e Bashkimit Evropian.

[Zero Cool]

Chrome rritet, Explorer bie





Shfletuesi i kompanisë Google, Chrome, për herë të parë ishte lansuar në vitin 2008, dhe popullariteti i tij ka qenë gjithnjë në rritje.


Sot, Google Chrome ka arritur të marrë më shumë se 20 për qind të tregut të shfletuesve në internet, thuhet sipas statistikave të fundit të StatCounter.

Pjesëmarrja e Google Chrome në treg tani ka arritur në 20 për qind në qershor të këtij viti, ose 2.8 për qind më shumë nëse krahasohet me muajin e njëjtë të vitit 2009.

Me sa duket kjo rritje e Chrome ka shkuar në dëm të Internet Explorer të kompanisë Microsoft, shfletues ky i cili ka shënuar rënie, në anën tjetër.

Më saktë, pjesëmarrja e Internet Explorer ka rënë nga 59 për qind që kishte në 2009, në 44 për qind, këtë vit.
Mirëpo, IE nuk ka qenë shfletuesi i vetëm i cili ka pasur rënie, pasiqë edhe Firefox ka rënë nga 30 në 28 për qind.


ps: une personalisht e perdori kete, chrome, eshte jashtzakonisht i shpejte dhe mundesia qe te "ngrihen" faqet eshte shume e vogel.
JU PREFEROJ KETE

[Zero Cool]

Google ofron vegël për menaxhimin e emrit online





Google ka paraqitur një vegël të re që ju ndihmon në menaxhmin e rezultateve të kërkimit për emrin tuaj. Vegla, “Me on the Web” (Unë në ueb) tani është duke përfshirë panelin e Google në mes të informacionit të llogarisë dhe analitikave. Nuk është qëllimi që të jetë një tjetër çështje për privatësi.
“Identiteti online është i përcaktuar jo nga ajo se çfarë poston, por gjithashtu nga ajo që tjetër postojnë për ju – nëse ju përmendeni në një postim në blog, etiketoheni në foto ose në një përditësim publik të statusit” shpjegon Google.

Paneli i ri ju përkrah juve që të mbani tabe në këto përmendje duke rregulluar lajmërimet e kërkimit për pika të të dhënave të përfshira në profilin tuaj në Google, si emrin tuaj dhe email adresën. Ka qenë e mundur që të bëhet rregullimi i lajmërimeve të tilla duke përdorur seksionin tjetër të panelit, por tani kërkon më pak klikime.

Vegla e re nga Google përfshin lidhjet për burimet për menaxhimin e identitetit online dhe largimit të përmbajtjes së padëshiruar. Një nga hapat e parë që duhet ndërmarrë për të përdorur këtë vegël të Google është “Krijimi i një profili në Google”.