UÇK zanafilla

[Zero Cool]

vijimi


Ka filluar loja

Në fakt, është interesante edhe kjo se pas kidnapimit të Besim Ramës dhe Avni Nurës, ka ndodhur aksioni i hedhjes së bombës në kazermën e Vushtrisë, për çka rëndohet Idriz Asllani, i cili pak më vonë është arrestuar. Dëshmitarët thonë se atë natë në Vushtrri ka pasur polici e ushtri të hatashme në rrugët e qytetit të cilët kanë vazhduar
të kontrollojnë dhe bastisin ditëve të ardhshme. Madje, sipas disa burimeve janë bërë edhe matje te ndryshme balistike dhe prova të tjera në përpjekje për të zënë autorët e
shpërthimit. Por, megjithatë duket se kryesore ka qenë informata nga brenda se kush si ka mundur tabëjë, që ka ardhur pas burgosjeve. Atëherë ose ky aksion ka qenë hakmarrje, ose nuk ka patur koordinim, nëse supozohet se ka ekzistuar grupi!
Por sido që të jetë, mbetet enigmë se si do të lidhet ky grup me veprimet që kanë ndodhur në pjesët tjera të Kosovës, e që janë një numër i konsiderueshëm, me ç‘rast siç pamë, janë bërë edhe disa vrasje.
Për të gjitha këto përgjegjësinë e ka marrë e ashtuquajtura UÇK, ndërsa shtypi beogradas është ngutur që këta të burgosur t‘i paraqesë si terroristë që kanë lidhje me këtë organizatë! Andaj, mbetet që tërë këtij tregimi disi t‘i lidhet kryet edhe pas kalimit të etheve zgjedhore… Aq më tepër që vetëm nga grupi i 15 të indentifikuarve nga organet e policisë serbe, siç thuhet edhe në aktakuzë, 12 sish gjenden në arrati.
Madje, siç thuhet në “Nedeljni Telegraf“ sipas burimeve të tyre, pritet që të tjerët nga ky grup të mos frikësohen, por të jenë më të kujdesshëm, madje parashihen nga ky shtyp, që në aksionet e ardhshme këta të jenë edhe më brutal! Nëse është kështu, dhe nëse organeve të policisë serbe nuk u kanë ikur nga pakujdesia e kolegëve të tyre në
Beograd të cilët e publikuan lajmin me shpejtësi, apo nga lajmet e shpejta të Këshillit për Mbrojtjen e të Drejtave dhe Lirive të Njeriut në Prishtinë, që siç thuhet, u mundësuan të tjerëve të ikin, atëherë aksionet tjera janë për t‘u pritur.
Qoftë ato të grupit, qoftë ato të policisë serbe që do të përpiqen t‘i zënë. Andaj, loja ka filluar . . . Aq më tepër, duke e analizuar tërë këtë proces, sidomos pas arrestimeve, duhet vënë edhe një gjë në spikamë. Deri më tani ka pasur ide të ndryshme që kanë qarkulluar lidhur me aksionet dhe shpërthimet e koordinuara të ndryshme anembanë Kosovës. Është folur se i ka bërë UÇK-ja; se ajo në fakt nuk ekziston; se e tëra është imagjinuar nga organet serbe; se ekziston mundësia që pas saj të qëndrojë ndonjë shërbim i huaj, etj. Arrestimi i këtyre ditëve, dilemave mund t’u japë jetë në variantet më të ndryshme. Mirëpo, tashmë nuk bëhet fjalë për fantazma, por për njerëz me emër e mbiemër, të cilët dikush i njeh. Kjo shumë lehtë mund ta destabilizojë çështjen duke
sforcuar dilemën-deri në zgjedhje. Kjo mund ta bëjë opinionin të përcaktohet-për ose kundër! Dhe kësaj me siguri i ka ndihmuar burgosja . . .

Ku është UÇK?

Kur jemi të UÇK-ja është interesante të thuhet se sipas “Zërit të Kosovës“, organi i Lëvizjës Popullore të Kosovës, kryesisht i bazuar në emigracion, madje ka filluar mobilizimi…