Krerët e terrorizmit serb në evropë

[Fshatari]

Me sugjerimin dhe bekimin e brukselit, terroristët serbë :
- goran bogdanoviç;
- borko stefanoviç;
- radenko nedelkoviç ;
- sllavisha ristiç ;
- kërstimit Pantiç ;
- branko niniç;
- dushan milloviç, e disa tjerë vranë një polic te shtetit të Kosovës; sulmuan Naton; poshtruan një general gjerman; ridogjën një pike të kufirit të Republikës së Kosovës.; bllokuan rrugët në pjesën e patjetërsueshme veriore të Republikës së Kosovës.
- Një gazetar anonim britanik, njëfarë juda, po na shkruan se “Prishtina fitoi pak kurse humbi shumë në bruksel”.
- Prishtina nuk merret me humbjet ose fitimet e brukselit. Kete e kryejne zyrtarët e brukselit, qytetaret e norvegjise, etj.
- Prishtina zyrtare kërkon ekstradimin e të gjithë terroristeve te lartëcituar në një gjykatë të kryeqytetit në mënyrë që të “luftojmë bashkërisht krimin e organizuar serb, terrorizmin e organizuar serb” për të mirën dhe sigurinë e ballkanit dhe evropës.

Gazetari britanik, juda, qe dikush e quan “ekspert i rrethanave ballkanike” e di shume mire qe Republika e Kosovës nuk ka çasje jasht territorit të vetë sepse nuk bën pjesë në zonën shengen. Brukseli ka vendosur kështu e jo Prishtina. E di shume mire qe shtetasit e Republikës së Kosovës nuk mund të udhëtojnë pa viza në shtetet e brukselit. Brukseli ka vendosur kështu e jo Prishtina.

Logjika e shëndosh nuk e pranon gjykimin e judas:
Prishtina zyrtare fitoi çdo gjë; brukseli e beligradi humben çdo gjë. Brukseli e beligradi
i indërpren me dhunë “bisedimet”. Këto të fundit mund të “rifillojnë” sapo të gjykohen dhe dënohen terroristet e permendur serbe. Vetem kete logjike e kupton brukseli zyrtar.


Lexoje artikullin in extenso në këtë link:

http://www.lajmeshqip.com/kombetare/percahen-serbet-sheshojne-krimin-mbi-enver-zymberin
__________________________________________________ _________



Përçahen serbët, sheshojnë krimin mbi Enver Zymberin

Mitrovicë (LajmeShqip.com / F. E.) – Sa më shumë që ofrohet e marta e nesërme e vendimit të strukturave paralele serbe të veriut të Kosovës, për marrëveshjen me KFOR-in, aq më shumë po zbardhen të vërtetat e operacionit të madh të Qeverisë së Kosovës në veri dhe konsekuencat e tij.

Burimet e portalit kanë kuptuar për një përçarje dhe prishje të raporteve brenda vetë serbëve. Sa më afër marrëveshjes, bëhet e ditur që përçarjet janë më të mëdha. Kanë shpërthyer akuza e kundërakuza për implikimet, urdhërdhëniet dhe marrjen e urdhërave midis tyre.
Siç ka raportuar gjatë ditës portali LajmeShqip.com, kapot e krimit të veriut të vendit kanë kërcënuar zyrtarët politikë të Serbisë dhe të veriut të Kosovës se nëse ata arrestohen nga institucionet e Kosovës, do të tregojnë se si janë thirrur direkt nga Borko Stefanoviqi, Goran Bogdanoviqi, kryeshefi i qarkut të Mitrovicës Radenko Nedelkoviqi dhe 4 kryetarë të komunave në veri të Kosovës, që t’i bllokojnë rrugët, t’i djegin pikat kufiate dhe të sulmojnë me armë policinë e Kosovës.
Bëhet e ditur se për sulmin ndaj policisë së Kosovës ku është vrarë polici Enver Zymberi, kapot e krimit dhe paramilatarët e organizuar serbë presionin më të madh janë duke e bërë në kryetarin e Zubin-Potokut, Sllavisha Ristiqin, i cili akuzohet se ka kërkuar nga ata “që me çdo kusht të ndalen forcat speciale të Kosovës, madje edhe me vrasje”.
Sllavisha Ristiq është duke u akuzuar nga grupet kriminale të Zupçit, Jegenicës dhe Varagës, të cilët dyshohet se kanë shtënë në policinë e Kosovës.


Ndërkohë, të hënën paramilitarët serbë në barrikadën e Rudares, janë vizituar nga Radenko Nedelkoviq, kryetar i të ashtuquajturit Qarku i Mitrovicës dhe Kërstimit Pantiq, i ashtuquajtur kryetar i Mitrocicës.
Ata ua kanë përcjellë serbëve në barrikadë mesazhin “nga lartë”, nga takimi i mbrëmshëm me Presidentin e Serbisë, Boris Tadiq.
...
Ai i ka ftuar serbët që të jenë syçelë dhe të qëndrojnë edhe më tej në barrikada, në mënyrë që, siç ka thënë ai, t’i ruajnë pikat kufitare 1 dhe 31, nga ndonjë invasion tjetër i mundshëm i Policisë së Kosovës apo KFOR-i.
“Në takimin e Bashkësisë së Komunave Serbe do të vendosim për qarkullimin e lirë, por në asnjë mënyrë nuk do të lejojmë që dikush të kërcënojë sigurinë tonë “, ka thënë para barrikaduesve të Rudares, Radenko Nedelkoviq.
Në fund, ai e ka përcjellë mesazhin e Presidentit Tadiq për mbështetje serbëve të veriut të Kosovës që “të qëndrojnë deri në fund për realizimin e synimeve të tyre”, duke përsëritur se nesër komunat serbe të veriut do të dalin me qëndrimin e tyre rreth marrëveshjes, siç e ka quajtur ai, “të Qeverisë së Beogradit dhe Komandantit të KFOR-it”.
Ndërsa i ashtuquajturi kryetar i Komunës së Mitrovicë, në veri, Kërstmir Pantiq, iu tha barrikaduesve se “Presidenti Tadiq ka theksuar se shteti serb fuqimisht qëndron prapa popullit të taj dhe se nuk do të lejojë asnjë lloj dhune me të cilën kërkohet që të realizohen qëllimet e dikujt në veri të krahinës”.
Sipas tij, komandanti i KFOR-it Erhard Buhler, i ka këkrkuar falje popullit serb për të gjithë atë që u ka ndodhur në ditë te fundit. “Ai më ka shkruar letër dhe më ka këkruar falje për këtë”, tha Pantiq. Sipas tij, KFOR- ka pranuar se ka gabuar duke i mbështetur shqiptarët. Pantiq, iu tha barrikaduesve se është i sigurt se ”në të ardhmen me kujdes do të veprojmë dhe se problemi i pikave kufitare dhe doganës është shumë i ndjeshëm”.
“KFOR-i më nuk do të inkuadrohet në zgjedhjen e problemeve këtu”, tha ai para serbëve në barrikada.
Në fund, Pantiq i ka ftuar serbët që të jenë të kujdesshëm dhe të gatshëm që ta përcjellin situatën, prej nesër, pavarësisht vendimit të tyre, sepse, siç ka thënë ai, KFOR-i dhe bashkësia ndërkombëtare nuk do ta thejnë marrëveshjen e arritur”.
Ndërkohë, burimet e portalit raportojnë se Qeveria e Kosovës ka marrë garancione të hollësishme se do të hetohet pikë për pikë secili sulm që në ditët e operacionit në veri ka ndodhur ndaj njësive të Policisë së Kosovës dhe ndaj ushtarëve të KFOR-it.
Ministri i Brendshëm kosovar, Bajram Rexhepi ka garantuar se secili kriminel i veriut, që ka cënuar forcat e rendit dhe KFOR-in, do të dalë para drejtësisë.
Gjithashtu, merret vesh se Policia e Kosovës dhe EULEX-i janë duke i kryer bashkërisht hetimet rreth vrasjes së policit Evner Zymberi, djegies së pikës kufitare dhe gjuajtjeve me armë në pjesëtarët e KFOR-it dhe ata të EULEX-it.

Portali LajmeShqip.com ka marrë vesh se e paqartë dhe shumë konfuze është se cili do të jetë vendimi i së martës i serbëve të veriut, për marrëveshjen me KFOR-in. Bëhet fjalë për dy vija qëndrimesh në kuadër të të ashtuquajturës “Bashkësi e Komunave Serbe” të veriut. Vija e butë përfaqësohet nga kryetari i të ashtuquajturës Komuna e Leposaviqit, Branko Niniq dhe nga i ashtuquajturi kryetar i Qarkut të Mitrovicës, Radenko Nedelkoviq. Që të dy vijnë nga radhët e partisë së Boris Tadiqit (DS).
Për dallim nga tre të ashtuquajturit kryetarë të tri komunave të tjesa serbe, që përfaqësojnë vijë radikale, këta dy përfaqësues të serbëve të veriut janë në favor të heqjes së barrikadave dhe zhbllokimit të rrugëve.
Bëhet e ditur se kundër heqjes së barrikadava dhe përfaqësues të linjës radikale janë kryetari i veriut të Mitrovicës, Kërstimir Pantiq, që vjen nga radhët e partisë SRS të Tomisllav Nikoliqit dhe dy të ashtuquajturit kryetarë të Zveçanit dhe Zubin-Potokut, Dushan Milloviq e Sllavisha Ristiq, që vijnë nga DSS-ja e Vojisllav Koshtunicës.
Me urdhra të eprorëve të tyre në Beograd, këta janë kategorikisht kundër heqjes së barrikadave dhe marrëveshjeve me KFOR-in. (LajmeShqip.com – F.E)

[Guri i madh]

Dosja Pandora: MUP-i serb në Kosovë pa maska

Publikuar: 25.08.2011 - 22:16Prishtinë, 25 gusht - Portali LajmeShqip.com e ka siguruar nga ish-zyrtarë të lartë të misionit të OKB-së në Kosovë (UNMIK) dosjen “Pandora”, në të cilën paraqitet në detaje skema e funksionimit të Ministrisë serbe të Punëve të Brendshme në territorin e Kosovës, pas qershorit të vitit 1999. Edhe pse, siç paraqitet në dokument, ky funksionim nga UNMIK-u qysh atëherë është konsideruar ilegal dhe në kundërshtim me Rezolutën 1244, megjithatë ish-administrata ndërkombëtare nuk ka ndërmarrë asgjë ndaj këtyre strukturave.

Në 24 faqe të plota, dosja e siguruar ka të evidentuara dhe të ilustruara deri në detaje gjithë hierarkinë e funksionimit të strukturave ilegale dhe kriminele të Serbisë në Kosovë.

Dosja evidenton persona që kanë urdhëruar vrasjen e shqiptarëve, ashtu siç janë evidentuar urdhërues dhe komando të tjerë për eliminimin e kundërshtarëve por edhe të bashkëpunëtorëve të tyre serbë. Identifikimi i plotë i atyre që kanë kryer krime të ndryshme menjëherë pas luftës në Kosovë, përfshirë vrasje dhe torturim të shqiptarëve dhe familjeve shqiptare përfshin drejtpërdrejt edhe figura të njohura të politikës së sotme serbe në Serbi dhe Kosovë.

Dosja “Pandora”, që mban datën 14 mars të vitit 2006, dhe që nuk është e klasifikuar për përdorim të brendshëm, konfirmon të dhënat e dokumenteve konfidenciale të NATO-s.

Skema e funksionimit të policisë serbe (MUP) në Kosovë përbëhet dhe udhëhiqet nga të njëjtit persona, të cilëve dokumentet konfidenciale të NATO-s iu referohen si kriminelë, kapo të bandave dhe të krimit të organizuar në veri të Kosovës, që prej përfundimit të luftës, në vitin 1999.



Hierarkia dhe strukturat funksionale të MUP-it në Kosovë



Në përputhje me rrethanat e reja pas qershorit të vitit 1999, MUP-i serb ka organizuar edhe mënyrën e funksionimit në Kosovë. Ndonëse ilegalisht, ata kanë ndërtuar një strukturë brenda Kosovës dhe kanë funksionuar, kanë kryer vepra të ndryshme, duke marrë urdhra nga Beogradi dhe duke raportuar po ashtu në Beograd.

Faqja 8 e dosjes “Pandora” paraqet skemën komplete organizative dhe funksionale të Departamentit të Policisë të Sekretariatit të Punëve të Brendshme (SUP) të Serbisë.

I vendosur në Mitrovicë, si distrikt, me shef Momir Kasalloviqin, dhe e evidentuar si qendër koordinuese me Dr. Med. Srbo Milenkoviqin, koordinator, horizontalisht, sipas skemës, me urdhra nga udhëheqësi i SUP-it, kolonel Dragoljub Delibashiq – “Dragan”, i cili mban kontakte të rregullta me Qendrën Komanduese të rialokuar në Kralevë. Komunikimi i drejtpërdrejtë i Delibashiqit paraqitet me asistentin Dragoljub Radeviq, i cili vertikalisht komunikon me udhëheqësin e Departamentit të Komunikimit, Xhymret Hasani (emri në dosje Dzumret), përmes të cilit supozohet se ka komunikuar tërë vija tjetër e krimit.

Departamenti i Policisë, i udhëhequr nga Millorad Radeviq “Mishko”, paraqitet me zëvendësen e tij Natasha Gnjatoviq, e cila është përgjegjëse për kontakte me Stacionin Policor në Mitrovicë, që udhëhiqet nga Lubisha Kragoviq, Stacionin Policor në Zubin Potok, që udhëhiqet nga Zhivojin Gjuriq, dhe me Stacionin Policor në Leposaviq, që udhëhiqet nga Zhivan Nestoroviq, ky i fundit përgjegjës për nënstacionin e vendosur në Soqanicë dhe në Leshak.

Ndërsa, Stacioni Policor në Mitrovicë, përmes asistentit Lubisha Shekularac është në kontakt me nënstacionin e policisë në Prilluzhë, i cili udhëhiqet nga Ivica Zdravkoviq.

Stacioni Policor në Zubin Potok është përgjegjës i nënstacionit policor në Gazivodë.

Skema paraqet vijën komanduese edhe të stacioneve të policisë në Graçanicë, Ferizaj dhe në Pejë.

I pari, siç e paraqet skema, udhëhiqet nga Jankoviqi, në Stacionin e Policisë në Graçanicë, derisa ai i Ferizajt është i evidentuar si Stacion Policor në Shtërpcë, kurse Stacioni i Policisë në Pejë evidentohet të jetë me bazë në Gorazhdec.



Udhëheqësit dhe figurat qendrore të strukturave



Në dosjen “Pandora”, Dragolub Delibashiq, i njohur me nofkën “Kapiten Dragani” në dokumentin e NATO-s, konfirmohet si udhëheqësi apo figura qendrore e strukturës së MUP-it të Serbisë në Kosovë. Ai i menaxhon të gjitha strukturat ilegale të policisë serbe në veri, por edhe në tërë territorin e Kosovës. Me bazë veprimi në veri të Mitrovicës, Delibashiq raporton dhe merr urdhra nga komanda në Kralevë të Serbisë.

Sipas dosjes “Pandora”, këto struktura në Kosovë kanë kryer aktivitete të rregullta policore, kanë poseduar ilegalisht armë dhe eksplozivë dhe kanë kryer aktivitete luftarake, përmes të ashtuquajturave grupe luftarake brenda strukturës së tyre.

E fokusuar kryesisht në veri të Kosovës, në Mitrovicë, e cila ka pasur qendrën në Kralevë, policia serbe, më saktësisht një departament tjetër i saj, i quajtur Agjencia e Inteligjencës së Sigurisë (BIA), ka vepruar sipas skemës organizative edhe në qendra të tjera:

Prishtinë - baza e së cilës ka qenë e lidhur me Nishin, Mitrovicë – baza e së cilës ka qenë e lidhur me Kralevën, Pejë – që ka qenë e lidhur me Kragujevcin, Gjilan – i lidhur me Vrajën, Ferizaj – me Leskovcin, Prizren – lidhur me Krushevcin dhe Gjakovë – lidhur me Jagodinën.

Oficeri i BIA-s, Nebojsha Komatina në skemë paraqitet në kontakt të drejtpërdrejtë me Zyrën e BIA-s në Mitrovicë, saktësisht me kontakte në kafenenë “Vozhd”.

Siç evidenton dosja, departamentet kryesore të Sekretariatit të Punëve të brendshme të Serbisë (MUP), të udhëhequra gjithnjë nga Dragolub Delibashiq, me asistent Dragolub Radeviq, sipas skemës, janë përbërë nga:

- Distrikti i Mitrovicës, i udhëhequr nga Momir Kasalloviq;

- Departamenti Policor, i udhëhequr nga Millorad Radeviq;

- Departament i Trafikut, i udhëhequr nga Lubo Kasalloviq;

- Departamenti i Krimeve, Goran Zhivkoviq;

- Departamenti i Komunikimit, Xhymret Hasani;

- Sekretariati i Punëve të Brendshme, Lilana Donkiq, Mitrovicë dhe

- Administrata kryesore, Danica Radojeviq.

Në kuadër të këtij organizimi kanë funksionuar edhe Departamenti i Zjarrit dhe organi disiplinor.

Është e paqartë nëse personi që përmendet në këtë skemë, i cili është i evidentuar si udhëheqës i Departamentit të Komunikimit, i quajtur Dzumret Hasani, gjendet në Kosovë apo në Serbi.

Po ashtu, organizatë e posaçme brenda kësaj strukture ka qenë famëkeqja BIA.

Strukturat luftarake në Kosovë (postet komanduese, patrullat dhe grupet ushtarake)

Faqja 12 e dosjes “Pandora” i ka të përmbledhura deri në detaje strukturat, siç janë të evidentuara në këtë dosje, postet komanduese, patrullat, grupet ushtarake dhe strukturat luftarake.

Në krye të tyre, sipas dokumentit, është kolonel Dragolub Delibashiq – Dragan, me një tjetër zëvendës të tij, Rajko Shekullarac.

Kjo strukturë, me dy qendra komanduese, ka kryer aktivitetet e saj kriminale në veri të Mitrovicës në Suhadoll, Rruga e Kollashinit, Shkolla e Mesme e Mjekësisë, Ura e Ibrit dhe shumë zona të tjera në veri, si dhe ka monitoruar rregullisht KFOR-in, CIVPOL-in dhe Policinë e Kosovës.

Dosja evidenton edhe mënyrën e regjistrim/raportimit ditor, raportimit në Kralevë si dhe raportimit në MUP në Beograd.

Qendra komanduese 1 dhe 2, evidentohet të jetë me bazë në rrugën Ivo Llolla Ribar dhe në rrugën Oslobogjenje, Brigada e Zjarrit, SUP.

Dosja evidenton edhe postet komanduese dhe përbërjen e tyre, udhëheqësit dhe armatimin e evidentuar. Në Postën komanduese 1, e vendosur në rrugën Vardarska, funksionojnë Divizioni i krimit, me udhëheqës Goran Zhivkoviq dhe tre oficerë tjerë, afër Shkollës së Mesme të Mjekësisë.

Posta komanduese 2, e vendosur në rrugën Osllobogjenje në “Roki House”, në të cilën qëndrojnë 24 orë, evidentohet të jenë të armatosur me armë CZ-99 9mm dhe TT 7.62mm.

Posta komanduese 3 evidentohet të jetë e vendosur në rrugën Branka Spajiq, në kafe-barin “Kërçma”, në të cilën thuhet të operojë në 3 ndërrime dhe të armatosur me 1 MP “Skorpion” dhe që patrullojnë B.S: dhe Suvi Dol deri te rruga Kollashinit.

Posta komanduese 4, e vendosur në rrugën Kral Petar, në kafe-barin “Dragan” Arsiq, evidentohet se tre oficerë të policisë monitorojnë KFOR-in, CIVPOL-in dhe SHPK-në, të armatosur me AK-47.

Ndërsa patrullimi, evidenton dosja, përbëhet nga tri grupe, i pari në rrugën Dërvarska, në të cilën operojnë 3 oficerë, i dyti në Ivo Llolla Ribar, Knjaz Milosh, rruga Vasilij Ostrski, në të cilën patrullojnë 3 oficerë, si dhe grupi i patrullës së tretë, i vendosur në kryqëzimet Ivo Llolla Ribar dhe Knjaz Milosh, në lindje të Urës, në të cilën patrullojnë gjithashtu 3 oficerë.

Dosja evidenton edhe grupet luftarake, të cilat janë të emëruara me udhëheqës dhe zëvendës, të ndara si më poshtë:

Grupi luftarak 1: Udhëheqës Sllavisha Radeviq, i njohur me nofkën “Xhille”, me zëvendësin Radosllav Zubac, i njohur me nofkën “Zuki”,

Grupi luftarak 2: udhëheqës Nedelko Spasojeviq, i njohur me nofkën “Spaske”, me zëvendësin Sllobodan Radeviq, i njohur me nofkën “Boko”,

Grupi luftarak 3: udhëheqës, Dragan Baboviq, me zëvendësin Nenad Dimoviq, i njohur me nofkën “Dimçe”,

Grupi pasiv luftarak i Leposaviqit, evidentohet në dosje, udhëhiqet nga Zhivan Nestoroviq dhe, si dhe Grupi ushtarak, logjistika dhe mbështetja, evidentohet se udhëhiqet nga Stanisha Kostiq.

Në fund të dokumentit shënohet se: udhëheqja (6 persona) e Grupeve Luftarake është konstante, ndërsa 14 persona të tjerë janë në dispozicion për cilindo nga grupet 1, 2 dhe 3.

Në të gjithë këtë aktivitet ilegal, të udhëhequr nga Dragolub Delibashiq, strukturat e MUP-it të Serbisë në Kosovë, në veri të Mitrovicës, janë implikuar në shumë aktivitete kriminale dhe në trazira, duke vepruar në përputhje me skemën që paraqitet në këtë dosje.