Dy shtete tërheqin njohjen?!

[Zero Cool]

Omani dhe Guinea-Bissau nuk e kanë njohur Kosovën?





Shteti aziatik i Omanit dhe shteti afrikan i Guinea Bissau nuk e kanë njohur Kosovën!? Këto informata zyrtarët serbë i kanë marrë gjatë takimeve bilaterale në Takimin e të Painkuadruarve në Beograd.
“Blic” shkruan se shefi i delegacionit të Omanit ka thënë se ky shtet kurrë nuk e ka pranuar pavarësinë e Kosovës.

“Jeremici (ministri i Jashtëm serb) i ka thënë shefit të delegacionit të Omanit se është i zhgënjyer për vendimin e këtij shteti për ta pranuar pavarësinë (e Kosovës), përkundër premtimeve të mëhershme se kjo nuk do të ndodhë. Bashkëbiseduesi është habitur, duke bindur ministrin se kjo kurrë nuk ka ndodhur”, shkruan “Blic”, transmeton “Beta”, për të shtuar se edhe “Guinea Bissa ka nisur procesin e njohjes, por se deputetët kanë kundërshtuar dhe procedura është ndalur”.

Në ueb-faqen kosovothanksyou, ku janë shtetet që kanë pranuar pavarësinë e Kosovës, gjendet edhe Omani dhe Guinea Bissau.