Kriza Greke

[Zero Cool]

Sarkozi-Merkel: E ardhmja e Greqisë brenda eurozonës





9:22 / 15.09.2011

Presidenti francez, Nikolas Sarkozi dhe kancelarja gjermane, Angela Merkel janë të bindur se e ardhmja e Greqisë është brenda eurozonës.


Kështu thuhet në një deklaratë të pallatit presidencial francez, pas përfundimit të një video konference me kryeministrin grek Jorgos Papandreu.

Në deklaratë thuhet se dy liderët i kanë kërkuar Greqisë të vijojë të zbatojë planin e miratuar të shpëtimit.

Paqartësitë për të ardhmen e ekonomisë greke mbajnë prej muajsh në tension tregjet ndërkombëtare.

[Zero Cool]

Greqi, mundohen të shpëtojnë falimentimin e shtetit





Greqia e rrezikuar nga falimentimi i shtetit ka siguruar paradhënësit ndërkombëtarë se do të përpiqet më shumë për kapërcimin e krizës së borxheve. Para zhvillimit të konferencës telefonike me inspektorët e Bashkimit Evropian dhe Fondit Monetar Ndërkombëtar, kabineti qeveritar do të planifikojë hapat e nevojshëm për kursimet, tha ministri i financave Evangelos Venizelos.
Në fillim të javës ai duhet të tregojë si ka ndër mend të vendosë Greqia nën kontroll problemet financiare. Sipas të dhënave të Venizelosit, qeveria greke vazhdon të këmbëngulë për planet e mbulimit të borxheve të reja buxhetore nëpërmjet taksave.

Detyrimet për uljen e kostove në shërbimin publik, do të kryhen vitin e ardhshëm. /Telegrafi/

[Zero Cool]

Tregjet lëkunden, vazhdon shqetësimi për borxhin grek





Nga Express më 26 shtator 2011 në ora 20:30
Shqetësimet rreth eurozonës u shtuan pas njoftimit se besimi i bizneseve në Gjermani ra gjatë shtatorit për të tretin muaj me radhë. Ndërkohë, te investitorët po forcohet bindja se Greqia nuk do të jetë në gjendje të paguajë këstin e borxhit. Të gjitha këto u shtohen shqetësimeve lidhur me ngadalësimin e ekonomisë amerikane.

Tregjet botërore të aksioneve mbeten të paqëndrueshme, ndërkohë që te investitorët po forcohet bindja se Greqia nuk do të mund ta paguajë borxhin. Ekspertët thonë se kjo mund ta rëndojë më tej rënien ekonomike globale.

Një grevë e sistemit të metrosë në Athinë gjithashtu po ushtron trysni mbi qeverinë greke ndërkohë që punonjësit protestojnë ndaj masave të ashpra shtrënguese.

Edhe policia e Athinës protestoi kundër shkurtimeve në radhët e saj me anë të një banderole ku shkruhej: “Policia mban zi”.

Investitorët kanë pritur më kot për lajmet se Greqia do të marrë në kohë këstin tjetër të paketës së shpëtimit për të shmangur mospagimin e borxhit muajin tjetër. Nëse Greqia nuk arrin të paguajë, bankat në të gjithë Evropën mund të humbasin paratë që investuan në bonot greke dhe kjo mund të çojë në një recesion në Evropë si dhe mund të përkeqësojë problemet ekonomike në Shtetet e Bashkuara.

Shqetësimet rreth borxhit grek i tronditën përsëri tregjet e aksioneve. Carsten Brzeski, ekonomist i bankës INS në Bruksel tha sot se pa një plan të qartë për të zgjidhur krizën, pasiguria në tregjet e aksioneve do të vazhdojë.

"Dëgjuam një deklaratë të bukur edhe nga udhëheqësit e Eurozonës, të cilët thanë se do të bëjnë gjithçka për të zgjidhur krizën, por nuk na treguan se si.”

Fondi Monetar Ndërkombëtar është zotuar se do të ndërhyjë me vendosmëri, por pa shpallur ndonjë plan të ri veprimi. /voa/

[Zero Cool]

Falimentimi i parë në histori ka ndodhur në Greqi





Mesa duket, Greqia ka një histori mijëravjeçare me falimentimin, që e ka zanafillën që në lashtësi. Sipas dokumenteve të gjetura, falimentimi i parë në historinë botërore u shënua më 454 para Krishtit, në tempullin e Delos.
Në shekullin e 4-t para erës sonë, në tempullin e Apollonit në Delos ishin mbledhur thesaret e konfederatës së qyteteve-shtete të Greqisë, nën udhëheqjen e Athinës. Aty ruhej një shumë e madhe e kontributeve të aleatëve dhe aty mbaheshin takimet e përfaqësuesve.
Qytetet-shtete kontribuonin në këtë fond të krijuar, të ngjashëm me FMN-në e kohëve të tanishme, në formë të burimeve financiare, trupave ushtarake dhe anijeve, ndërsa anëtarët e këshillit të krijuar, kishin të drejtë të barabartë vote. Kontributi financiar përcaktohej nga Athina, e cila arriti një moment që të transferojë Arkën e thesarit të Lidhjes nga Delos në Athinë dhe shumë shpejt Lidhja e Delos u bë pjesë e Perandorisë Athinase.
Aristide vendosi i parë shumën që do të kontribuonte çdo qytet, me një mënyrë kaq të drejtë, sa që aleatët e cilësuan atë si “personin më të drejtë nga të gjithë”.
Më 454 para Krishtit, sipas një artikulli të botuar në gazetën “Ethnos”, Lidhja e Athinës u riformua, por 13 qytete-shtete të saj kërkuan kredi nga Tempulli i Delos. Ndërsa 10 qytete-shtete që nuk ishin në gjendje të shlyenin borxhin e tyre, arritën në falimentimin e parë të kontrolluar, të shënuar ndonjëherë në historinë botërore.
Dy nga 10 qytete-shtete e patën të pamundur të shlyenin borxhin, ndërsa 8 qytete-shtetet e tjera kërkuan rishqyrtimin e borxhit.
Falimentimi i kontrolluar në Greqinë e Lashtë nuk ishte një fenomen i panjohur, pasi grekët e lashtë si tregtarë që ishin, kishin njohur për atë që quhet sot përgjegjësi e borxhit, pra, që huadhënësi duhet të marrë një pjesë të rrezikut, nëse diçka shkon keq.
Pas falimentimit, Perikliu transportoi arkën e Lidhjes në Akropol të Athinës. Duke filluar që nga ky moment në antikitet, vendimet e Athinës dhe shumë e taksave për qytet-shtetet përcaktoheshin nga Kisha.

[Zero Cool]

Edhepse tanime shtet i falimentuar, Greqia vazhdon te financoj shkollat grene ke Shqiperi.



Greqia kritikon qeverinë shqiptare, lekë shkollave greke në Korçë e Himarë


Ministri i Jashtëm i Greqisë, Stavros Lambrinidhis, në një deklaratë të dhënë për shtyp, deklaroi: “Megjithëse po kalojmë një periudhë të vështirë ekonomike, – thekson deklarata e shefit të diplomacisë greke – Ministria e Jashtme ka bërë përpjekje për të mbuluar shpenzimet ekonomike të funksionimit të këtyre dy shkollave në bashkëpunim me Ministrinë e Arsimit”. Qeveria greke është futur në një maratonë që me çdo kusht të siguroj financimin e dy shkollave greke në Korçë dhe Himarë, gjë kjo e arritur tashmë.
Duke vazhduar më tej në deklaratën e tij, ministri i jashtëm i Greqisë, z. Lambrinidhis, theksoi: “Athina është e shqetësuar për politikat që aplikon qeveria shqiptare dhe autoritetet e saj, për “Zonat Minoritare”, pasi shteti shqiptarë pengon të drejtën e mësimdhënies së pakicave të tjera jashtë këtyre zonave, ku Shqipëria në mënyr arbitrare ka kufizuar dhe punon për mos njohjen e ekzistencës së diasporës greke në këtë vend , duke shkelur të drejtat ndërkombëtare të saj”.

Në mbyllje të kësaj interviste, ministri i jashtëm i Greqisë thekson se: “Është e një rëndësie të veçantë iniciativa për funksionimin e shkollës “Omiros” në Korçë dhe shkollës greke në Himarë. Punën e mirë dhe mirëfunksionim e tyre Ministria e Arsimit të Greqisë e ndjek me vëmendje të madhe së bashku me organet Greqke në Shqipëri dhe e mbështetin me çdo mënyrë”.
Kohët e fundit, mediat greke promovuan këtë problem, duke bërë me dije se këto shkolla rrezikonin të mbylleshin për arsye ekonomike. Gjithashtu, partia më e madhe opozitare Demokracia e Re dhe partia ekstremiste e djathtë LAOS, kanë kritikuar ashpër qeverinë Papandreu për politikën e saj të jashtë, ku sipas tyre kjo politik është tepër e gabuar dhe në dëm të Greqisë, madje një deputet i Demokracisë së Re, deklaroi në një seancë plenarë të parlamentit grek: “Është pozitiv fakti që do të funksionojnë këto shkolla në ato zona që qysh prej kohës së Enver Hoxhës nuk njihen si zona minoritare, por që prej lashtësisë, janë djep i helenizmit”.
Mbetet të theksojmë se për shumë ditë rresht, mediat shqiptare denoncuan faktin se në shkollën greke në Korçë “Omiros”, nxënësit e kësaj shkolle mësonin se “Jugu i Shqipërisë është Greqi”, ky zbulim tragjik nga ana e mediave shqiptare detyroj Ministrin e Arsimit të Shqipërisë z.Genc Pollo të raportonte para Kuvendit, se si ka mundësi dhe si është e mundur që Ministria e Arsimit të Shqipërisë kishte dhënë leje që ky tekst shtrembërimi historik dhe krejtësisht i pa bazë e anti-shqiptarë të mësohej nëm këto shkolla. Edhe pse Ministri i Arsimit, Genc Pollo e mohoj këtë fakt, nuk ishin të pakta mediat të cilat e botuan këtë tekst shkollor për të nxjerr të vërtetën në dritë dhe gënjeshtar ministrin e arsimit Pollo.

[Zero Cool]

Pasojat e krizes greke ne Maqedoni


Greva doganore greke ka goditur fort ekonominë e Maqedonisë. Qindra e mijëra tonö mallra për nevojat e industrisë maqedonase kanë mbetur në territorin grek, kryesisht në portin e Selanikut.


Qindra e mijëra ton mallra për nevojat e industrisë së Maqedonisë kanë mbetur në territorin grek, kryesisht në portin e Selanikut. Deri ditën e premte 21 tetor është bllokuar importimi i lëndëve të para, por edhe eksporti i xeherorëve dhe metalurgjisë së rëndë, që janë çelësi i bilancit tregtar të Maqedonisë. Shqetësimet janë në rritje e sipër edhe për shkak të mungesës së mundshme të naftës dhe karburanteve të tjera, të cilat importohen kryesisht përmes Korridorit 10.

"Kur tanimë pothuajse nuk ekziston Korridori 8, bllokimi më i gjatë i Korridorit 10 nga pala e punonjësve në doganën greke do të shkaktojë pasoja negative për ekonominë e Maqedonisë. Gjithnjë e më shumë rritet shqetësimi nga mungesa e naftës dhe derivateve të saj. Posaçërisht deri ditën e premte nuk besoj se do të ndodhë diçka dramatike, sa i përket aspektit të naftës. Por ju mund të imagjinoni, nëse ky bllokim më tej vazhdon, atëherë sigurisht që kjo do të ndikojë negativisht mbi naftën dhe karburantet e tjera, të cilat importohen kryesisht nëpërmjet Greqisë. Për ne është e pakuptueshme, se si një shtet anëtar i BE-së mund të tolerojë diçka të tillë, aq më tepër kur dihet se kufijtë grekë nuk janë vetëm kufij grekë të brendshëm, por janë edhe kufij të jashtëm të BE", i tha Deutsche Welles Gjino Shkriel, kryetar i grupit të transportuesve ndërkombëtar dhe operatorëve logjistike.


Zvogëlimi i aftësisë konkurruese


Kapacitetet e mëdha industriale, puna e të cilave varet çdo ditë nga korridori 10 dhe porti i Selanikut, kërkojnë rrugë alternative, por këto zgjidhje janë joefikase dhe shumë të shtrenjta, që redukton konkurrencën e tyre: "Këto dhjetë ditë janë vetëm një pjesë, nga ajo çka deri më tani është bërë dhe unë jam i sigurt se duke pasur parasysh situatën, në të cilën Greqia është e rrethuar, ne do të kemi probleme serioze në të ardhmen. Është e qartë se çdo ditë e më shumë po bëhet më e sigurt se korridori 8 është më se i i nevojshëm për Maqedoninë. Ky korridor dalëngadalë duhet të ndërtohet.

Sikur ne të impononim konkurrencën nëpërmjet Durrësit apo Burgasit, unë besoj se pala greke do të mendohej mirë para se të ndërmerrte hapin për bllokimin e mallrave, pasi porti i Selanikut jeton nga pjesa jugore e Ballkanit: "Tani ju e dini se nuk ka alternativë tjetër dhe ne doemos duhet të pranojmë gjendjen brenda Greqisë, që për shkaqe shoqërore, apo politike ne praktikisht po mbetemi peng dhe viktimë e kësaj politike," reagon kështu Aleksandar Panov, drejtor në Makstil.


Shkelje të Konventës së OKB mbi lëvizjen e lirë të mallrave


Komuniteti i biznesit ka vënë alarmin se Greqia tashmë ka shkelur Konventën e OKB të vitit 2003 për rrjedhjen e lirë të mallrave, që është e mbështetur nga Banka Botërore. Oda Ekonomike e Maqedonisë i bëri thirrje jo vetëm qeverisë së Maqedonisë, por edhe qeverisë së Shqipërisë dhe të Turqisë, të cilat gjithashtu po përballen me të njëjtin problem, të reagojnë deri tek qeveria greke: "Të gjithë anëtarët e OKB-së janë të detyruar, që t'u sigurojnë vendeve, të cilat nuk kanë dalje në det, transport tranzit të mallrave. Ky është obligim i OKB-së. Unë deri më tani nuk kam dëgjuar nga asnjë njeri që t'i bëjë thirrje kësaj Konvente", tha Ljubica Nuri nga Oda Ekonomike e Maqedonisë.


Sa i madh do të jetë dëmi, pritet të llogaritet. Nga Dhoma e Ekonomike e Maqedonisë, si shoqatë më e madhe e biznesit, thonë se dëmet janë të mëdha, por për të gjetur shumën e saktë është më se e nvojshme që të bëhet një studim i hollësishëm i kompanive. Kufiri me Greqinë ditën e premte 21 tetor do të jetë i kalueshëm për pasagjerët dhe për transportet e mallrave.

[Zero Cool]

Kriza greke - hije mbi G 20-ën

Liderët evropianë, të cilët po qëndrojnë në jug të Francës për të marrë pjesë në samitin e G 20-ës, janë duke u përgatitur për mundësinë e braktisjes së Eurozonës nga Greqia.





03 nëntor 2011
Presidenti francez Nikolas Sarkozi dhe kancelarja gjermane Angela Merkel, i thanë kryeministrit të Greqisë George Papandreu, në një takim të tensionuar në Kanë të mërkurën, se Greqia nuk do të marrë asnjë ndihmë shtesë financiare derisa nuk voton pro përmbushjes së obligimeve të Eurozonës.

Brenda këtij muaji, Greqia pritet të marrë një ndihmë prej 8 miliardë eurosh.

Mirëpo, parakusht për këtë ndihmë, në kuadër të një plani të negociuar detajisht në mesin e shteteve anëtare të BE-së me të cilin parashihet shlyerja e gjysmës së borxheve të Athinës zyrtare, është dhe ndërmarrja e hapave të nevojshëm rreth përmirësimit të deficitit buxhetor të Greqisë.

Për të bërë këtë, qeveria në Athinë duhet të rrisë taksat dhe të zbatojë masa të shtrënguara financiare, kushte këto që janë të papëlqyera në opinionin publik të shtetit.

Sarkozi tha se as evropianët e as Fondi Monetar Ndërkombëtar nuk kanë llogari t’i japin ndihmën e gjashtë Greqisë, përderisa Athina nuk e miraton në tërësi paketën e reformave të nevojshme, të parapara me planin e shpëtimit të 27 tetorit.

“Është tërësisht e qartë se pyetja që shtrohet ka të bëjë me të ardhmen e Greqisë në Evropë. A dëshiron Greqia të mbetet në Eurozonë apo jo? Ne shpresojmë se po, sinqerisht shpresojmë se po dhe do të bëjmë çmos për ta bërë të mundur këtë”, tha ai.

Merkel tha në një konferencë për media të mbajtur rreth mesnatës se ajo do të preferonte ta stabilizonte euron bashkë me Greqinë.
Megjithatë, ajo theksoi se prioritet kryesor është shpëtimi i euros dhe jo i Greqisë.

“Kësti i gjashtë mund të paguhet vetëm atëherë kur Greqia t’i ketë pranuar të gjitha pjesët e vendimit të arritur më 27 tetor dhe kur të jenë larguar të gjitha dyshimet mbi këtë gjë përmes referendumit të paralajmëruar nga Greqia, pra, kur referendumi të rezultojë me një vlerësim pozitiv mbi euron”, theksoi ajo.

Kryeministri i Luksemburgut, Xhon Klodë Jynker, udhëheqësi i ministrave të financave në Eurozonë, tha se politikë-bërësit janë duke punuar rreth skenarëve të mundshëm për daljen e Greqisë nga Eurozona.

Jynker tha se përpjekjet janë duke u përqendruar në moskrijimin e ndonjë katastrofe për shtetet e tjera të Eurozonës.

Ministri francez për Evropën, Xhon Leoneti, tha hapur në një intervistë për radio RTL se Eurozona mund të shpëtojë edhe pa Greqinë.

Zhvillimet e fundit mbi krizën e borxheve të Greqisë, përfshirë ndikimin e saj në sistemin bankar dhe atë të borxheve të huaja në Eurozonë, po qëndrojnë mbi takimin dyditor të liderëve të G 20-ës që nis të enjten në Kanë.

Samiti ishte planifikuar të përqendrohej në propozimin për reforma në sistemin monetar ndërkombëtar dhe në hapat për reduktimin e spekulimeve rreth tregjeve kapitale, siç është ai i Taksës së Transaksioneve Financiare.

Presidenti i Shteteve të Bashkuara, Barak Obama, arriti gjatë ditës në Kanë për të nisur menjëherë bisedimet me homologun e tij francez, Nikolas Sarkozi.
“Mendoj se nuk është ndonjë befasi se pjesën më të madhe të bisedës sonë e përqendruam në fuqizimin e rimëkëmbjes ekonomike në botë në mënyrë që të jemi në gjendje të krijojmë vende të reja pune dhe të stabilizojmë tregjet financiare në botë. Aspekti më i rëndësishëm i detyrës sonë në dy ditët e ardhshme do të jetë zgjidhja e krizës financiare këtu në Evropë”, u shpreh Obama.

Ai gjithashtu shfaqi shqetësimin e Uashingtonit rreth vendimit të Greqisë për të mbajtur një referendum mbi paketën ndihmëse prej 130 miliardë eurosh, të cilën është shprehur e gatshme ta vë në dispozicion BE-ja për shpëtimin e këtij vendi.

“Këtu në G 20, do të na duhet të hyjmë më në detaje rreth mënyrës së zbatimit të plotë të planit. Ne gjithashtu diskutuam situatën në Greqi dhe se si mund të ndihmojmë në zgjidhjen e saj”, tha ai.