Qeveria

Opozita kritikon qeverinë për veriun

Deputetët e LDK-së dhe të Lëvizjes VV kanë kritikuar ekzekutivin e vendit, duke thënë se "ky institucion është duke e vonuar vënien e rendit dhe ligjshmërisë në veri Kosovës".

E enjte 6 Tetor 2011 15:24
Deputetet opozitarë kanë thënë se kryeministri Hashim Thaçi, s'është duke bërë asgjë tjetër për veriun, përveç se jep "deklarata boshe në media".
Deputeti nga Lidhja Demokratike e Kosovës, Arben Gashi, tha se “operacioni i 25 korrikut ishte i dështuar plotësisht, pasi që sipas tij ishte pa plan".
“Veriu mbetet i bllokuar, pikat e bllokuara, trafiku i bllokuar, rrugët kriminale të lira, kurse Qeveria sillet sikur atje po valëvit flamuri shtetëror i Kosovës”, ka deklaruar Gashi, transmeton “Radio Evropa e Lirë”.
Shefi i grupit parlamentar të “Vetëvendosje”, Visar Ymeri, ka thënë se situata në veri të vendit po përkeqësohet, se janë shtuar barrikadat, dhe se “qeveria çdo ditë po i bind qytetarët se po shënon suksese”.
“Situata në veri të Kosovës nuk është as e mirë, e as nuk është duke u përmirësuar. Prej kohës së fundit shumë gjëra për të keq kanë ndodhur. Janë sulmuar qytetarët e paktë që kanë mbetur atje. Në tërë këtë situatë Qeveria çdo ditë del në TV dhe tenton t'i bindë qytetarët se po shënon suksese”, ka thënë Ymeri.
Shefi i grupit parlamentar të PDK-së Adem Grabovci, theksoi se veprimet te cilat i ka ndërmarrë ekzekutiv i vendit në veri janë veprime historike.
“Qeveria ka marrë një vendim më 25 korrik, që lirisht mund të themi se është vendim historik dhe që ka krijuar një realitet të ri në veri të vendit. Ka arritur suksesshëm në bashkëpunim me KFOR-in dhe faktorët tjerë që të sigurojë tërësinë territoriale të vendit”, është shprehur Grabovci.

[Arb]

Të shtëna me barut të lagur

Publikuar: 05.10.2011 - 20:33
Në mungesë të strategjisë për vendosjen e sovranitetit të veri, përfaqësuesit e Qeverisë së Kosovës po shkëlqejnë me krekosje


Njëri thotë se “durimi ynë ka fund”, tjetri paralajmëron se “do t’i heqim vetë barrikadat dhe muret me beton”, kreu i korit gazmor përbetohet se “nuk ka kthim prapa”. Nuk kalon ditë pa krekosje të ministrave kosovarë sa u përket zhvillimeve dramatike në veri të vendit. Opinioni kosovar këto ditë, si rrallëherë më parë, po ballafaqohet me një defilim të mërzitshëm të ngrehalucëve. Veprohet kështu për të hequr vëmendjen nga mungesa e një strategjie për vendosjen e sovranitetit të veri. Veprohet kështu edhe për të mbuluar dhe fshehur dështimet jo vetëm në veri. Të gjitha këto aktivitete propagandistike u ngjajnë të shtënave me barut të lagur. Dhe këto të shtëna filluan me aksionin e 25 korrikut, kur u dha urdhri për marshim në veri pa pasur plan se si do të veprohet ditën tjetër. Parimisht askush në shoqërinë kosovare nuk duhet të jetë kundër shtrirjes së sovranitetit shtetëror në veri, por asnjë qeveri, as kjo, nuk mund të presë nga opinioni mbështetje pa pasur të drejtë të parashtrojë pyetje kritike. Siç u pa, vetëm falë ndërhyrjes së trupave paqeruajtëse të NATO-s u evitua një blamazhë e hatashme e Kosovës. Tani problemi është deleguar në duart e bashkësisë ndërkombëtare dhe Prishtina zyrtare vetëm mund të jetë vëzhguese e situatës. Arsyet pse u krijua kjo situatë janë të dukshme për çdokënd që nuk merret me analiza sahanlëpirëse dhe nuk i duartrokit përrallave të këqija të pushtetit. Disa prej këtyre arsyeve po i përmendim në vijim.

1.
Çdo qeveri që synon të gëzojë mbështetje nga bashkësia ndërkombëtare për veprimet e saj së pari duhet të ketë kredibilitet – si para opinionit vendor ashtu edhe para atij ndërkombëtar. Qeveria aktuale e Kosovës duhet të luftojë për kredibilitet para popullit dhe para opinionit ndërkombëtar. E zgjedhur me vota kryesisht të vjedhura, e kontrabanduar në Kuvend si rrjedhojë e bashkimit të interesave të ngushta biznesore dhe klanore, të cilat assesi nuk kanë të bëjnë me të mirën e përgjithshme, kjo qeveri sundon sot për nesër – me të vetmin qëllim: ruajtjen e pushtetit. Pushtet në rrethanat aktuale të Kosovës domethënë kontroll i resurseve publike dhe shtrydhja e tyre për të ndërtuar edhe zgjeruar rrjetin e nepotizmit. Vetëkuptohet se një rrjet i tillë vepron jashtë sistemit ligjor, i cili është bërë zap nga mujsharët e veshur me pushtet. Prandaj, kur Qeveria e Kosovës premton se dëshiron të vendosë rend e ligj në veri, kjo tingëllon sikur kur e thërrisni piromanin për të fikur zjarrin. Çfarë provash ka dhënë kjo qeveri për sundimin e ligjit në pjesët e tjera të Kosovës? Këtu s’ka nevojë për përgjigje – sepse përgjigjja është dëshpëruese dhe e njohur për çdo qytetar që ia do të mirën këtij vendi.

2.
Një qeveri që synon të shtrijë sovranitetin në veri, së pari duhet të kujdeset që të ketë një polici efektive, besnike ndaj ligjit dhe vetëm ligjit. Policia e Kosovës është një trupë e politizuar skajshëm, ku postet kyç mbahen nga njerëz të diskredituar, të katapultuar aty nga nëntoka. Një policie të tillë ndodh t’i vidhen dhjetëra kilogramë drogë nga dhoma e dëshmive – dhe asgjë askujt! Vetëm një polici e tillë lejon që persona të dyshuar për krime lufte të kalojnë kufirin për në Shqipëri pa kontroll fare (për një skandal të tillë raporton dëshmitari tashmë i vdekur, i njohur me nofkën X). Të mos flasim këtu për rastin e vrasjes së policëve Jusuf Haklaj dhe Sebahate Tolaj, në nëntor 2003. Ata me gjasë ishin pengesë për veprimtarinë e grupeve kriminale në Pejë e rrethinë, në atë zonë që jo pa të drejtë quhet perëndimi i egër i Kosovës. Të mos flasim këtu më gjerë për emërime skandaloze si ai i Kadri Arifit në postin e ndihmësdrejtorit në shtyllën e hetimeve të Policisë së Kosovës, i cili më shumë ka qëndruar në zyrën e kryeministrit Hashim Thaçi, duke thurur plane për goditjen e kundërshtarëve politikë sesa duke u marrë me punën e tij, pra luftimin e krimit të organizuar. Si mund ta luftojë krimin e organizuar një person si Arifi, i cili nga krimineli i vetëdeklaruar Nazim Bllaca u përmend si pjesë e dovletit nëntokësor të spiunazhit ilegal? Të mos flasim këtu për drejtorë policie si Sheremet Ahmeti apo Reshat Maliqi, dy figura pa ndonjë përvojë serioze në polici. Përvoja e tyre kufizohet kryesisht në drejtimin e trafikut dhe ruajtjen e ndonjë përfaqësie diplomatike. Paralelisht me këto emërime skandaloze ka ecur izolimi i të gjithë atyre kuadrove policore me përvojë dhe të dëshmuar si atdhetarë. Shpesh pengesë e tyre e vetme për përparim në karrierë ka qenë qëndrimi i tyre apolitik.

3.
Në ndërmarrjen e tyre gjysmake për shtrirjen e sovranitetit në veri eksponentët e Qeverisë vazhdimisht flasin për rrezikun që vjen nga kriminelët serbë. Është e vërtetë se veriu kontrollohet nga bandat kriminale serbe, nga ideologë nacionalistë dhe nga autoritetet e Beogradit. Për këtë ekziston një konsensus tashmë edhe ndërkombëtar. Por, kjo është vetëm njëra anë e medaljes. Në shoqërinë kosovare ende nuk ka debat për rolin që kanë luajtur eksponentë të Qeverisë, grupe të interesit, struktura mafioze dhe të ashtuquajtur komandantë të vetëshpallur të UÇK-së në biznesin e madh në veri. I pamë para pak ditësh - me foto madje - kamionët e firmës “Euro-kop” të Rashkës në kompleksin e “Trepçës” në jug, pra në pjesën që quhet shqiptare. Këta kamionë, sipas mediumeve serbe, janë pronë e Zvonko Veselinoviqit, njërit prej krerëve të krimit të organizuar dhe ekonomisë së zezë në veri. Kamionët erdhën në arealin e “Trepçës” nën përcjelljen e Policisë së Kosovës! Ata ishin të ngarkuar me pirit (xehe e mbetur nga procesi i shkrirjes së plumbit dhe zinkut). Ky material do të dërgohej në portin e Tivarit për eksport. Duket se ky biznes lulëzon prej vitesh. Pyetja që vetvetiu shtrohet është kjo: a thua, ka Zvonko Veselinoviqi ndonjë ortak shqiptar? Pse nuk nisin hetimet mbi këtë bashkëpunim eventual, mbi këtë vëllazërim-bashkim me bazë kriminale? Nuk nisin hetimet, sepse Kosova ka polici dhe gjyqësi të dirigjuar nga politika.

4.
Një qeveri që synon të vendosë rend e ligj kudo në Kosovë, përfshirë edhe veriun, do të angazhohej me të gjitha mjetet e shtetit ligjor kundër përfituesve të gjendjes kaotike në veri në 12 vjetët e fundit. Sikur vendosja e rendit dhe ligjit të ishte ndërmarrje serioze, atëherë opinioni do t’i kishte parë në burg të gjithë ata pronarë të pikave ilegale të karburanteve në veri dhe jug të Mitrovicës, shumica shqiptarë. Rreth 50 mijë serbë të veriut nuk kanë mundur ta harxhonin gjithë atë benzinë që importohej ilegalisht nga Serbia. Një pjesë e konsiderueshme e lëndëve djegëse është kontrabandë nga shqiptarët, disa prej tyre të lidhur me struktura lokale dhe qendrore politike të Kosovës. Një kapitull tjetër janë bandat e përziera multietnike për vjedhjen e veturave. Pastaj grupet kriminale që importojnë artikuj ushqimorë. Dhe shumë grupe të tjera. Në çdo veprimtari ilegale i kanë gishtat e përzier edhe patriotët e rrejshëm shqiptarë, madje këto punë të ndyra ata ia shesin opinionit si aktivitete në kuadër të ekonomisë së tregut të lirë. Për këto tema të pakëndshme është e ndaluar të flitet në Kosovë, sepse “ne” jemi engjëj dhe “vetëm” serbët janë kontrabandistë. Derisa të mbizotërojë kjo mendësi, problemi i kriminalitetit në veri mbetet i pazgjidhur dhe një burim i pashtershëm përfitimi për të gjithë matrapazët – prej Leposaviqit deri te përmendorja e Skënderbeut në Prishtinë.

[email protected]

[Zero Cool]

QEVERIA KËRKON NGA OPOZITA IDE PËR VERIUN





Nga Express 10 Tetor 2011 16:12

Lëvizja Vetëvendosje ditë më parë në një konferencë për media ka prezantuar 13 pika, si hapa që duhet të ndjek Qeveria e Kosovës për ta shtrirë sovranitetin e plotë në veri të vendit.

Por Qeveria, vazhdon të konsiderojë se opozitës i mungojnë idetë për veriun, andaj e fton që të jap ide dhe premton se idetë e dobishme do të adaptohen me mundësitë që ka Kosova.

Zëvendëskryeministri Hajredin Kuçi ka thënë të hënën se para së gjithash, do të dëshironte të dëgjonte që opozita ka ide për zgjidhjen e çështjeve të ndryshme, para se të kritikojë.

Megjithatë, i pyetur nëse 13 pikat e Vetëvendosjes janë ide, Kuçi këtë nuk e ka mohuar.

“Ende nuk na i kanë dërguar, le të na i dërgojnë, do t’i shqyrtojmë pa asnjë problem”, ka thënë ai.

Lëvizja Vetëvendosje këto 13 pika kishte paraparë t’i paraqiste në një seancë të jashtëzakonshme, për të cilën nuk ka marrë mbështetjen madje as të dy grupeve opozitare, LDK dhe AAK, përjashtuar disa deputetëve të kësaj të fundit.

Por, zëvendëskryeministri Kuçi shprehet hapur se është lodhur nga kërkesat për seanca të jashtëzakonshme.

“Kjo seanca e jashtëzakonshme në Kosovë, besoj fjala e jashtëzakonshme jemi lodhë me të. Kurdo, me 6 deputetë, me një grup parlamentar, ne kemi biseduar, ju e dini për këtë çështje, jemi të gatshëm të raportojmë, të informojmë për çdo ditë. Por logjika për të bërë seanca të jashtëzakonshme, kur nuk është gjendje e jashtëzakonshme, nuk mund ta bëjmë. Ajo çka mund të jetë, ne e ftojmë edhe Lëvizjen Vetëvendosje edhe të tjerët që të japin ide. Ne nuk mendojmë që idetë më të mira në botë janë në Qeverinë e Kosovës. Ne nuk e kemi atë logjikë. Ne do ta shqyrtojmë çdo ide të kujt do qoftë që do të vijë dhe idetë e mira do t’i adaptojmë. Natyrisht në përputhje me rrethanat në kushte dhe me buxhetin që e kemi”, ka thënë Kuçi.

Ndër 13 pikat që Vetëvendosja i ka prezantuar në konferencë për media në pamundësi për t’i prezantuar në seancë të jashtëzakonshme, janë edhe pavarësisë, shndërrimi i FSK-së në ushtri, shtimi i prezencës se policisë në veri, krijimi i marrëdhënieve bilaterale me Shqipërinë, SHBA-të, Turqinë dhe vendet mbështetëse të BE-së, ndërprerja e burimeve financiare për strukturat kriminale në veri, angazhimi i Kosovës dhe Serbisë për shqiptarët në Luginën e Preshevës, integrimi i serbëve të veriut përmes zhvillimit e jo përmes privilegjeve, moslejimi i shitjes së pronave të qytetarëve në veri etj.

Të punësuar te daja Enver

Ministri i Punëve të Jashtme, Enver Hoxhaj, rrallë mund të përmallohet për të afërmit e tij. Kështu do të jetë të paktën deri në përfundimin e mandatit të tij si kryediplomat i Kosovës.

E mërkure 12 Tetor 2011 10:24
Mungesën e kohës për t’i vizituar familjarët dhe të afërmit e tij, ministri Hoxhaj ka vendosur që ta zëvendësojë me një zgjedhje “adekuate” – vende pune për nipa e mbesa.
Ai nuk është ndalur vetëm tek të afërmit e tij. Kryediplomati kosovar duket se është shumë i afërt edhe me familjarët e “dorës së dytë”, për të cilët gjithashtu ka gjetur nga një vend pune në dikasterin që e drejton, shkruan Zëri.
Burimet e gazetës brenda Ministrisë së Punëve të Jashtme thonë se shefi i kabinetit të ministrit Hoxhaj, Valon Berisha, është nip i ministrit. Përveç nipit të Enver Hoxhajt, një vend pune në MPJ është gjetur edhe për mbesën Leurata Berisha, e cila te “daja Enver” punon si asistente ekzekutive.
Familjarizimi në Ministrinë e Jashtme nuk përfundon me kaq. Derisa për shofer personal ministri Hoxhaj ka zgjedhur Ilir Berishën, që është kushëriri i nipit të tij (Valon Berisha), këtij të fundit ia ka punësuar edhe nipin, Naim Jollxhiu, i cili mban pozitën e zyrtarit të sigurisë.
Mirëpo, zyrtarë të kësaj ministrie kanë mohuar një gjë të tillë. Artan Behrami, këshilltar për media i ministrit të Jashtëm Enver Hoxhaj, i ka mohuar të gjitha akuzat, duke thënë se emrat në fjalë nuk janë familjarë të ministrit.

S’ka datë për liberalizimin e vizave



29-10-2011 15:51 CET


Nisja e dialogut ndërmjet Brukselit dhe Prishtinës për procesin e liberalizimit të vizave nuk i garanton Kosovës një datë, qoftë të përafërt, se kur kosovarët do të udhëtojnë në Evropë pa viza.
Qeveria në Prishtinë ka përsëritur në shumë raste se Kosova ka përmbushur kriteret e parapara, por, në bazë të deklaratave të zyrtarëve nga Brukseli, procesi parashihet të marrë më shumë kohë.
Gjatë qëndrimit të saj në Prishtinë, raportuesja për Kosovën në Parlamentin Evropian, Ulrike Lunaçek, deklaroi se dialogu për vizat fillon në dhjetor, por askush, sipas saj, nuk mund ta dijë se sa kohë nevojitet deri në liberalizimin e vizave për kosovarët.

“Nuk mund ta them se sa kohë do t’i duhet Qeverisë së Kosovës që t’i përmbushë të gjitha çështjet teknike”, tha Lunaçek, duke nënvizuar se Kosova ka bërë tashmë disa përparime në këtë fushë.
Nga fillimi i javës tjetër, Kosova pritet të përmbushë një nga kriteret për liberalizimin, pasi që Ministria e Punëve të Brendshme ka konfirmuar se nga e hëna do të fillojë me lëshimin e pasaportave biometrike.
Sfida e riatdhesimit
Një nga sfidat e përmbushjes së kritereve është zbatimi i marrëveshjeve që Kosova ka me vendet evropiane për ripranim dhe riatdhesim.
Ilhami Gashi, sekretar në Ministrinë e Brendshme, tha se Ligji për ripranim po zbatohet nga ana e institucioneve të Kosovës.
Megjithatë, nënvizoi ai, ka edhe sfida të shumta, pasi ligji fillimisht kërkon përfshirjen e shumë institucioneve dhe niveleve të pushtetit. Kurse, shqetësimi është edhe më i madh në rastet kur të kthyerit nuk kanë as strehë mbi kokë.
“Të gjithë qytetarët e Republikës së Kosovës, për çfarëdo arsyeje që e kanë lëshuar vendin, kanë të drejtën që të riatdhesohen. Ne jemi të obliguar që për 12 muajt e parë t’ua sigurojmë strehimin, orenditë, ushqimin - për çdo anëtar të familjes, sipas kritereve të përcaktuara”, tha Gashi.
Deputeti Fatmir Xhelili, udhëheqës i grupit punues nga parlamenti, tha se janë evidentuar mangësi në punën dhe angazhimin e komunave, por edhe të ministrive të caktuara, në lidhje me riatdhesimin e personave dhe familjeve të kthyera.
“Ngecje pak më të theksuara ka Ministria e Shëndetësisë. Sigurisht, problemi është te fondet për barnat dhe për ofrim të shërbimeve me kohë. Problem tjetër është vendstrehimi i qytetarëve, të cilët kthehen”, theksoi Xhelili.
Ripranimi dhe riatdhesimi prekin personat që kanë gjetur strehim me vite të tëra nëpër vendet e ndryshme evropiane e të cilët tani duhet të kthehen në Kosovë.
Ripranimi dhe riatdhesimi përbëjnë kushtet e vëna edhe në procesin e liberalizimit, krahas çështjeve teknike si: pasaporta biometrike, siguria e dokumenteve personale dhe çështje të ngjashme.
Në dhjetor, kur edhe mund të nisë dialogu me Brukselin, pritet që Kosova të marrë edhe udhërrëfyesin e BE-së dhe më pas, mbase, do t’i bëhet një vlerësim më i saktë i përparimeve dhe sfidave që ka përpara deri në liberalizimin e vizave. /REL/
1

[Neferta]

ZDF per politikanet Kosovare
Jakup Krasniqi dhe delegacioni të cilit i ka prirë në vizitën në Bundestagun gjerman, janë ndier keq në një moment, kur në konferencën për media, një gazetar e ka pyetur homologun e tij, presidentin e Bundestagut, Norbert Lammert, një pyetje që i ka rënduar jo vetëm kosovarët, por edhe vetë nikoqirin. Portali Indeksonline ka nxjerr tekstin e ZDF-së, dhe pyetje përgjigjet në këtë konferencë.

“A e keni problem të prisni politikanë, për të cilët Shërbimi i Fshehtë Gjerman thotë se janë kriminelë lufte. Pse i ftoni ju atëherë këta poitikanë”, ka pyetur një gazetar.

Norbert Lammert i është përgjigjur: Ne kemi në Kosovë një Parlament të lirë, të zgjedhur në mënyrë demokratike. Nëse kritika të tilla nga kushdo që shqiptohen, atëherë ky nuk është një objekt i marrëdhënieve midis dy parlamenteve.

Pyetja tjetër e gazetarit: ....Pse i ftoni atëherë ju kosovarët?

Norbert Lammert: Unë e kam ftuar presidentin e një vendi evropian, të cilin shtet e ka njohur Republika Federale e Gjermanisë, shumë më parë se që e kanë njohur shtete të tjera. Bëhet fjalë për një vend në të cilin zhvillohen zgjedhje të lira dhe njerëzit kanë mundësinë të përcaktojnë në mënyrë të lirë se prej kujt dëshirojnë të përfaqësohen. Dhe, meqenëse ne jemi të interesuar për realizimin e marrëdhënieve të tilla, është në interesin tonë që marrëdhëniet e tilla t’i vazhdojmë dhe të punojmë për to.

Gazetari: Gjermania është e përfshirë me EULEX-in në Kosovë, mirëpo në kohët e fundit ka pasur vrasje të dëshmitarëve në proceset për kriminelët e luftës së Kosovës. A besoni se Kosova është rrugës për një shtet juridik, apo atje sundon dhuna?

Norbert Lammert: Pikërisht pyejta e juaj e fundit tregon se sa e rëndësishme është që ne të zhvillojmë vizita e takime të tilla. Ne sigurisht kemi folur edhe sot për Raportin e Progresit të Komisionit Evropian dhe mendojmë se është shumë e rëndësishme që partnerët tanë të bisedimeve të mund të diskutojnë në mënyrë kritike dhe të japin vlerësimet e tyre autentike se cfarë mendojnë për këto vërjetje të raportit.

Ndërsa gazetari pati pyetje edhe për Krasniqin.

Gazetari: A mendoni se Kosova sot është një shtet juridik?

Krasniqi: Kosova ka probleme me drejtësinë dhe sidomos ka probleme në pjesën veriore të saj, por sigurisht jo vetëm në pjesën veriore të saj. Kosova është në vitin e katërt të pavarësisë dhe nëse kemi parasysh kohën kur Kosova është bërë e pavarur, mund të themi se Kosova ka bërë hapa përpara më shumë se cdo vend tjetër i rajonit, apo më shumë. Besojmë se së shpejti Kosova do të bëhet një shtet ligjor dhe ligji do të sundojë në cdo pjesë të saj.

Televizioni gjerman ZDF ka raportuar se Presidenti i Bundestagut gjerman, Norbert Lammert, ka pritur një delegacion nga Parlamenti i Kosovës, i përbërë edhe nga Xhavit Haliti. Sipas ZDF, në vitin 2004, BND dhe KFOR kanë akuzuar Halitin si të involvuar në prostitucion, kontrabandë me armë dhe drogë, si dhe për vrasje. /Indeksonline

[jadore]

Postimi origjinal është bërë nga Neferta

ZDF per politikanet Kosovare
Jakup Krasniqi dhe delegacioni të cilit i ka prirë në vizitën në Bundestagun gjerman, janë ndier keq në një moment, kur në konferencën për media, një gazetar e ka pyetur homologun e tij, presidentin e Bundestagut, Norbert Lammert, një pyetje që i ka rënduar jo vetëm kosovarët, por edhe vetë nikoqirin. Portali Indeksonline ka nxjerr tekstin e ZDF-së, dhe pyetje përgjigjet në këtë konferencë.

“A e keni problem të prisni politikanë, për të cilët Shërbimi i Fshehtë Gjerman thotë se janë kriminelë lufte. Pse i ftoni ju atëherë këta poitikanë”, ka pyetur një gazetar.

Norbert Lammert i është përgjigjur: Ne kemi në Kosovë një Parlament të lirë, të zgjedhur në mënyrë demokratike. Nëse kritika të tilla nga kushdo që shqiptohen, atëherë ky nuk është një objekt i marrëdhënieve midis dy parlamenteve.

Pyetja tjetër e gazetarit: ....Pse i ftoni atëherë ju kosovarët?

Norbert Lammert: Unë e kam ftuar presidentin e një vendi evropian, të cilin shtet e ka njohur Republika Federale e Gjermanisë, shumë më parë se që e kanë njohur shtete të tjera. Bëhet fjalë për një vend në të cilin zhvillohen zgjedhje të lira dhe njerëzit kanë mundësinë të përcaktojnë në mënyrë të lirë se prej kujt dëshirojnë të përfaqësohen. Dhe, meqenëse ne jemi të interesuar për realizimin e marrëdhënieve të tilla, është në interesin tonë që marrëdhëniet e tilla t’i vazhdojmë dhe të punojmë për to.

Gazetari: Gjermania është e përfshirë me EULEX-in në Kosovë, mirëpo në kohët e fundit ka pasur vrasje të dëshmitarëve në proceset për kriminelët e luftës së Kosovës. A besoni se Kosova është rrugës për një shtet juridik, apo atje sundon dhuna?

Norbert Lammert: Pikërisht pyejta e juaj e fundit tregon se sa e rëndësishme është që ne të zhvillojmë vizita e takime të tilla. Ne sigurisht kemi folur edhe sot për Raportin e Progresit të Komisionit Evropian dhe mendojmë se është shumë e rëndësishme që partnerët tanë të bisedimeve të mund të diskutojnë në mënyrë kritike dhe të japin vlerësimet e tyre autentike se cfarë mendojnë për këto vërjetje të raportit.

Ndërsa gazetari pati pyetje edhe për Krasniqin.

Gazetari: A mendoni se Kosova sot është një shtet juridik?

Krasniqi: Kosova ka probleme me drejtësinë dhe sidomos ka probleme në pjesën veriore të saj, por sigurisht jo vetëm në pjesën veriore të saj. Kosova është në vitin e katërt të pavarësisë dhe nëse kemi parasysh kohën kur Kosova është bërë e pavarur, mund të themi se Kosova ka bërë hapa përpara më shumë se cdo vend tjetër i rajonit, apo më shumë. Besojmë se së shpejti Kosova do të bëhet një shtet ligjor dhe ligji do të sundojë në cdo pjesë të saj.

Televizioni gjerman ZDF ka raportuar se Presidenti i Bundestagut gjerman, Norbert Lammert, ka pritur një delegacion nga Parlamenti i Kosovës, i përbërë edhe nga Xhavit Haliti. Sipas ZDF, në vitin 2004, BND dhe KFOR kanë akuzuar Halitin si të invo

Postimi origjinal është bërë nga Neferta

lvuar në prostitucion, kontrabandë me armë dhe drogë, si dhe për vrasje. /Indeksonline

[FONT="Book Antiqua"]
..ku e kam bre Llapin e Hamburgit le ta lexon qitoqene , ..