Kronika e zeze

Vrasja në Tiranë, pranga 27-vjeçarit kosovar


28-10-2011 12:39 CET


Arrestohet në Tiranë një 27-vjeçar që dyshohet se është autor i vrasjes së pronarit të një argjendarie pak ditë më parë. Policia e Tiranës ndaloi shtetasin kosovar Nexhat Mulaj, ndërsa nuk ka dhënë hollësi të tjera.
62-vjeçari Rrapo Sinanaj mbeti i vrarë me armë zjarri në dyqanin e tij të argjendarisë, në rrugën ‘Siri Kodra’, në Tiranë.
Sipas policisë së Tiranës për vrasjen ka dy pista hetimi. E para ka lidhje me tentativën, pasi viktima kishte shtypur sinjalin e alarmit menjëherë sapo e kapën grabitësin. Megjithatë, pas krimit ai nuk ka prekur asgjë në dyqan. Kjo ka bërë që hetuesit të ngrenë edhe një tjetër pistë, atë të vrasjes për ndonjë konflikt të mundshëm.
Grupi i hetimit ka tentuar të gjejë për këtë pistë të dhëna të tjera, por me gjithë veprimet hetimore nuk raportohet deri me tani që viktima Rrapo Sinanaj të ketë patur mosmarrëveshje.
Policia e Tiranës thotë se ka shoqëruar të paktën 60 persona, shumica e të cilëve janë persona me precedentë penalë në fushën e grabitjeve, veçanërisht në këtë zonë.
Kjo taktike në fakt përdoret shpesh nga policia shqiptare sa herë ka ngjarje kriminale, agjentet e komisariateve përkatëse depozitojnë menjëherë emrat e shtetasve problematikë të cilet me pas edhe shoqërohen. Por policia pohon se mes atyre që janë shoqëruar ka edhe dëshmitarë që kanë deklaruar se kanë parë një të ri të dalë nga dyqani dhe të largohet në këmbë fare i qetë.
Jozyrtarisht thuhet se gjatë orëve të natës janë kryer edhe procedurat e ballafaqimit mes dëshmitarëve dhe disa nga të shoqëruarit që kane tipare të përafërta me identikitin e të dyshuarit, por edhe ky veprim ka rezultuar pa sukses.
Për policinë shpresat për gjetjen e autorit të vrasjes fillimisht mbaheshin tek kamera e sigurisë së argjendarisë, e cila ne fakt doli që nuk ka filmuar gjë. /TCH/

Malishevë: Shtatë të arrestuar për grabitje


29-10-2011 13:27 CET


Në Malishevë janë arrestuar shtatë persona të cilët sipas policisë u përkasin dy grupeve të ndara të grabitësve. Merret vesh se njëri nga këto grupe është arrestuar me dyshimin e grabitjes së një pompe karburanti në Bellanicë përderisa grupi tjetër ka tentuar grabitjen e një punëtori të një bastoreje në qendër të Malishevës.
Informacionin në fjalë ndërkaq, e ka konfirmuar edhe Drejtoria Rajonale e Policisë në Prizren përmes zëdhënësit të saj togerit Hazir Berisha, sipas të cilit hetues policorë nga Stacioni policor i Malishevës tashmë kanë arrestuar dy grupe të ndara grabitësish të cilët kanë kryer vepra kriminale në rajonin e Malishevës.
“Njëri grup prej katër të dyshuarish, me datën 21.10. 2011, rreth orës 22:20 min. me kanosje me armë dhe maska të vendosura në kokë, kanë grabitur para nga punëtori i pompës së derivateve të naftës ‘Reforma’ në Bellanicë”, ka thënë Berisha, duke njoftuar po ashtu se ky grup ndërlidhet edhe me vjedhje tjera për të cilat janë siguruar informacione dhe disa gjësende të vjedhura si llap-top e gjëra të tjera që do t’i kalojnë prokurorisë si prova materiale kundër grupit të dyshuar.
“Ndërsa grupi i tjetër i përbërë nga tre të dyshuar, me datën 25.10.2011, rreth orës 21:40 min, në rrugën ‘Rilindja Kombëtare’ në Malishevë, ka tentuar të grabisë punëtorin e një bastoreje sportive kur ai e kishte mbyllur bastorën dhe ishte nisur për në shtëpi”, ka bërë të ditur Berisha, sipas të cilit të dyshuarit kishin vënë çorapë në kokë për t’u maskuar dhe e kishin pritur viktimën në errësirë e më pas befasisht e kanë sulmuar duke u përpjekur për ta ngulfatur, mirëpo viktima në ato çaste ka thirrur në ndihmë, ndërkaq të dyshuarit kanë hequr dorë nga grabitja.
Ndryshe, për të dyja rastet është informuar prokurori i cili ka urdhëruar që të shtatë të dyshuarit të ndalën në masën e arrestit policor, kurse bëhet e ditur se personat e arrestuar janë kryesisht të rinj nga Bellanica, Malisheva dhe Bubli i kësaj komune.
N. Krasniqi

[Zero Cool]

Apeli i një prindi


Hafiz Dizdari është një prind që prej 16 vjetësh përsërit apelin drejtuar shtetit shqiptar për gjetjen e djalit të tij të mitur.

Ai thotë se i biri u zhduk rrugës për në shkollë në vitin 1995 kur ishte vetëm 12 vjec, ndërsa familja edhe sot e kësaj dite nuk di asgjë.

Prej 16 vitesh Hafiz Dizdari, jeton me brengën e gjetjes së djalit të vogël, Xhevahirit. Ai tregon se djali 12 vjecar, është zhdukur në vitin 1995 teksa shkonte në shkollë.

“1995, ka qenë ditë e mërkurë, u nis për në shkollë me cantën me libra dhe sic do ditë, u nis. 15 metra pa shkuar në shkollë, ai nuk ka arritur të shkojë në mësim që e zhvillonte nga ora 10 deri në orën 13:00”, tregon babai i djalit të zhdukur në ’95-n.

Edhe pse i ka ndjekur të gjitha rrugët ligjore, asnjë institucion shtetëror nuk ka mundur të zbulojë se ku ndodhet djali i tij. Ai sot i bën një apel shtetit, që ta ndihmojnë ta gjejë.

“Si Presidenti, Kryeministria, ashtu edhe Interpoli më kanë thënë gjithnjë ‘e dimë e dimë, jemi në kërkim’. Jemi në ankth të jashtëzakonshëm bashkë me familjen”, thotë 65 vjecari.

65 vjecari që jeton në fshatin Tagon jeton cdo ditë me shpresën se djali i tij është gjallë.

[Zero Cool]

Greqi, polici mbyt të dashurën shqiptare





Një oficer policie që shërben në trupën e sigurimit të parlamentit grek është autori i një krimi pasioni që ka si viktimë një shtetase shqiptare.

Behet fjale per nje polic grek 32 vjec nga Evia, i cili kishte marredhenie dashurie me nje shtetase shqiptare 49 vjece, nene e kater femijeve, qysh ne kohen kur sherbente ne rajonin e policise ne Avlona. Sipas deshmise se tij shokuese para organeve greke,kohet e fundit marredhenia e tyre kishte pasur probleme nga grindjet e vazhdueshme te shtetases shqiptare.

Tre dite me pare ne mengjesin e 28 tetorit cifti kishte bere fjale ne makinen e tij dhe gjate kesaj zenke 32-vjecari grek e ka mbytur te dashuren e tij, me xhupin e saj dhe me pas e ka hedhur ne rrugen automobilistike, qe te dukej se ishte viktime e nje aksidenti rrugor, ne zonen Sqimatariu te prefektures se Viotias.

Por të dielën në mbremje pas pyetjeve te hetuesve te qytetit te Tebes, te cilet jane marre me zbardhjen e ceshtjes ne fjale, ai ka pohuar krimin. Viktima qe eshte gjetur nga nje drejtues automjeti, ka pasur vertet shenja te nje aksidenti ,por sipas mjekut ligjor, ky ka ndodhur pas vdekjes se saj qe ka ardhur nga asfiksia.

Menjehere drejtoria e pergjitshme e Policise greke e ka pezulluar oficerin e policise nga sherbimi prane parlamentit dhe perkundrejt tij ka filluar procesi gjyqesor.Identiteti i shtetases shqiptare ende nuk behet publik.

Maqedoni, shitje fëmijësh në tregun e zi

Në Maqedoni ka nisur të lulëzojë tregu i zi i adoptimeve dhe cmimet për një fëmijë të shëndetshëm e të bukur variojnë nga 5 mijë në 60 mijë euro.
Denoncimi është bërë nga OJQ-ja “Ndërtojmë të Ardhmen”, sipas të cilës cmimet janë dyfishuar në vitin e fundit.
Qeveria maqedonase, për shkak të rritjes së rasteve të korrupsionit, ka urdhëruar shkrirjen e komisionit të posacëm për adoptimet.
Hallkat e ndryshme të zinxhirit kriminal, sipas OJQ-së, janë spitalet, komunat dhe përgjegjësit e Ministrisë së Punës dhe Politikave Sociale.

Arsenal armësh në Skënderaj


Kajtaz Gecaj | 11-11-2011 14:57 CET


Shumë armë dhe municion pa leje janë gjetur në katër shtëpi në Klledërnicë të Skënderajt, gjatë një operacioni bastisjeje që është realizuar të premten në orët e mëngjesit. Sipas policisë, operacionin e bastisjes e kanë kryer NJSO (Njësitë Speciale Operative) të Mitrovicës, sipas një urdhërese të lëshuar nga gjykata e qarkut në Mitrovicë.
“Me urdhëresë të lëshuar nga Gjykata e Qarkut në Mitrovicë, rreth orës 06:00 të mëngjesit të sotëm (e premte), Policia e Kosovës ka realizuar bastisjet dhe kontrollin në kërkim të provave ose arsyeve të tjera në lidhshmëri me informatat e mbledhura operative për mundësi të gjetjes së armëve të paautorizuara në pronësi të pronarëve të shtëpive. Gjatë kontrollit të shtëpive, hetuesit policorë kanë arritur që të gjejnë elemente dhe prova të mjaftueshme për të cilat edhe është iniciuar bastisja, me ç’rast janë sekuestruar një sasi e konsideruar e armëve dhe municionit”, tha toger Besim Hoti, zëdhënës i Policisë së Kosovës për rajonin e Mitrovicës.
Sipas tij, janë gjetur dhe janë sekuestruar: një pushko-mitralez i kalbrit 7.62 milimetër, tri pushkë automatike AK-47, një revole TT, një pushkë gjuetie e kalibrit 12 milimetër, një pushkë ajrore, dy pale dylbi me këllef, një elektroshok, një shufër metalike, 11 karikator të AK-47, një rrethatore e pshko-mitralezit, 3 karrikatorë të revoles, 321 fishekë të kalibrit 7.62 milimetër, 14 fishekë të kalbrit 7.9 milimetër, 19 fishekë të kalibrit 12 milimetër dhe 1 fishek i kalibrit 7.65 milimetër.
Toger Hoti, shtoi se operacioni i kontrollit policor të shtëpive dhe objekteve përcjellëse ka përfunduar pa ndonjë incident, ndërsa pesë personat, ndaj të cilëve është zhvilluar bastisja janë shoqëruar në Stacionin e Policisë për regjistrim të rasti dhe inicim të procedurave ligjore.
“Prokurori publik i Prokurorisë së Qarkut në Mitrovicë është informuar lidhur me veprimet e ndërmarra policore në rastin e bastisjeve, ndërsa pas inicimit të paraqitjeve penale ndaj të dyshuarve për ‘mbajtje në pronësi, kontroll dhe shfrytëzim të paautorizuar të armëve, të njëjtit janë liruar nga lokalet policore për t’u paraqitur në procedurë të rregullt gjyqësore”, ka njoftuar toger Besim Hoti, zëdhënës i Policisë së Kosovës për rajonin e Mitrovicës.
1

Një i vdekur nga mbidoza narkotike, një nga rryma elektrike


12-11-2011 13:44 CET


Sipas raportit ditor të policisë në Mitrovicë, më 11 nëntor, në rrugën “Ahmet Selaci”, një mashkull shqiptar është sjellë pa shenja jete në Qendrën e Mjekësisë Familjare, i cili sipas mjekut kujdestar, ka vdekur nga mbidoza me narkotik.
Me vendim të prokurorit trupi i pa jetë është dërguar në obduksion.
Në të njëjtën ditë në rrugën “Brigada 141” në Mitrovicë raportohet se një fëmijë femër ashkali është sjellë pa shenja jete në Qendrën e Mjekësisë Familjare, ku sipas mjekut kujdestar viktima dyshohet se ka vdekur nga rryma elektrike.
Njësit përkatëse janë në vend ngjarje, kurse me vendim të prokurorit trupi i pa jetë iu lirohet familjarëve. B.Abazi