Teknologjitë që do të ndryshojnë botën

[Zero Cool]

E ardhmja, sipas Microsoftit


Microsoft paraqiti një video të re në të cilën shfaqet si kjo kompani parashikon teknologjinë të zhvillohet në dhjetë vitet e ardhshme. Ky parashikim i Microsoft bazohet në tendencat të cilët inxhinierët e tyre dhe hulumtuesit shikojnë në softuerët, paisjet, ekranet, senzorët, procesorët dhe sistemet tjera inteligjente.

Në video mundë të shikohen me të vërtet disa koncepte interesante të cilët do të na lehtësonin jetën. Shembull për këtë janë syzat në fillim të videos, ku karakterit kryesor në këtë video i mundëson përkthim audio të dretpërdrejt.

Sipas parashikimeve të Microsoft, sistemet intelegjente do të na ndihmojnë të shfrytëzojmë kohën në mënyrë më efektive, duke përqëndruar vëmendjen tonë në diçka më të rëndësishme. Sipas David Jones, njeriut kryesor për parashikimet e zhvillimit të teknologjive, në video është shfaqur definicion i zgjeruar i produktivitetit ku nuk është me rëndësi vetëm të përfundohet diçka, por të punojnë gjërat e duhura ashtu si duhet, dhe të gëzojë ato me njerzit tjerë. Kjo video është një vazhdim i videos “Office 2019″ nga viti 2008.

Për më shum shikoni këtë VIDEO:

[Zero Cool]

A do të rrëzohet teoria e relativitetit?


Shkencëtarët të cilët pohonin se kanë zbuluar grimat të cilat lëvizin më shpejtë se drita do të përsërisin eksperimentin për të tentuar të dëshmojnë zbulimin e tyre.


Hulumtuesit në CERN gjatë muajit të kaluar kanë publikuar se kanë zbuluar netutrinot të cilët udhëtojnë më shpejtë se drita. Por, natyrisht, nuk mungoi skepticizmi i komunitetit shkencor. Jo vetëm për shkak të teorisë së relativitetit të Einsteinit, e cila përfaqëson një nga themelet e fizikës, por për shkak se mendojnë se një sfidë e këtillë është e pamundur.

Rezultati i eksperimentit të quajtur Opera, tregoi se grimcat kishin kaluar 732 kilometra përmes tokës, nga Cerni deri në laboratorin Grand Sasso në Itali, më shpejtë se sa që do ta bënte drita. Sipas Einteinit, asgjë nuk është më e shpejtë se drita, e dëshmimi se neutrinot udhëtojnë më shpejtë se drita do ta ndryshonte kuptimin e sotëm të gjithësisë dhe kohës.

Rezultatet ishin aq të pabesueshme dhe të rëndësishme sa që shkencëtarët kanë vendosur të mos pohojnë se bëhet fjalë për një “zbulim”, por në vend të asaj kanë ftuar kolegët nga mbarë bota që të shqyrtojnë mundësitë për gabimet e tyre eventuale. Në bazë të asaj shkencëtarët në CERN do të përsërisin eksperimentin e tyre. Por me disa ndryshime për të cilat shpresojnë se do të përjashtojnë shumë mangësi që gjoja ndodhen në rezultatet e tyre.

[Zero Cool]

Ford Sync, komandon makinën nëpërmjet zërit





SHBA, 1 Dhjetor 2011

Është provuar teknologjia e re Ford Sync, e cila i dedikohet një kontrolli të kompletuar dhe të thellë të funksionaliteteve kryesore multimediale dhe atyre të navigimit të një makine.

Është një zgjidhje me komanda vokale precize dhe komode të zhvilluara në bashkëpunim me Microsoft, për të shfrytëzuar fuqinë 2.0 në mënyrë të sigurt dhe të besueshme.

Sync është bazuar në platformën Windows Mobile Embedded dhe është e pajisur me ndërfaqen e re MyFord Touch për ekranet e mëdha me prekje.

Mes të mirave të shumta të Ford Sync është padyshim mundësia për tu lidhur me rrjetin e internetit në sajë të portës USB të integruar në makinë, që mund të lidhet me një modem.

Kjo pajisje gjithashtu mund të lidhet pa problem dhe pa fisha me lap top, smartphone, tableta, e shumë pajisje të tjera, raporton agjencia e lajmeve NOA.al.

FordSync do të paraqitet në një model me ekran 8 polësh me prekje.

Komandat vokale të tij mund të merren në 19 gjuhë të ndryshme dhe prezantimi i aparaturës pritet të vijë gjatë vitit 2012 me paraqitjen e tipit të ri të Ford Focus.

[Zero Cool]

Roboti bizar nga Harvardi


Shkencëtarët nga Harvardi kanë mbaruar një robot shumë të pazakontë, i cili është aq fleksibil, sa që mund të zhgërryhet nëpër hapësirat e ngushta.


Roboti nuk ka emërtim zyrtar, por është edhe një në radhën e prototipave të robotëve të ashtuquajtur “të butë”. Inspirimin për dizajnin e tij shkencëtarët e kanë marrë nga vet natyra, e lloji i këtillë i robotit ka treguar se ka opsione më gjithëpërfshirëse në krahasim me vëllezërit e vet metal.

“Aftësia unike e robotëve të butë është se mund të deformohen, ju lejohet qasje në lokacionet përndryshe të paarritshëm për robotët tradicional nga metali” theksoi Matthew Walter, robotist nga MIT, e transmeton Huffington Post.

Roboti që mund të shihet në video është i madh 12.7 centimetra dhe mund të mblidhet në formën e topit dhe me lakim të lëviz në atë mënyrë që të thith ajrin në mënyrë individuale në secilën nga gjymtyrët. Shikoni se si ai kalon nën panelin nga xhami.

[Zero Cool]

Japanese Robot Girlfriend



Zhvillimi i inteligjencës artificiale është vërtetë për të të habitur. Ky robot femër i krijuar prej japonezëve është vetëm fillimi i zhvillimit të teknologjisë, e cila mbas 50 vitesh do të ketë zhvilluar gjëra më të çmendura, mbase edhe të frikshme.

"Pretty interesting where robotics is going. It will really get interesting with the merging of artificial intelligence, prosthetic development, innovative CPU processing developments, low cost storage (SSD) and a connected Internet.... the next 50 years will allow for some crazy and perhaps scary, developments."

[Zero Cool]

Deri te prejardhja e gjithësisë – permës egzabajtëve


IBM dhe ASTRON, Instituti holandez për radioastronominë, kanë paralajmëruar planin pesëvjeçar për ndërtimin e kompjuterëve jashtëzakonisht të shpejtë dhe me kursim ekstrem të energjisë që do të përdoren për përpunimin e të dhënave nga radioteleskopët SKA.


Vlera fillestare e planit është 33 milion euro, e SKA (Square Kilometre Array) është një konsorcium ndërkombëtarë caku i të cilit është të mbaroj radioteleskopin më të madh dhe më të ndjeshëm. Sipas vlerësimeve të konsosrciumit, fuqia e duhur përpunuese për të përpunuar egzabajtët e të dhënave të cilat në baza ditore do të grumbulloj ky teleskop do të jetë në rangun e disa miliona nga kompjuterët më të shpejtë të së sotmes.

Në të vërtetë, qëllimi është të përpunohen, analizohen dhe deponohen egzabajt të tërë të dhënash për çdo ditë. Sa për krahasim, ky është dyfishi i qarkullimit ditorë të komplet WWW-it. I tërë projekti pritet të përfundoj pas 12 vitesh – më 2024, ndërsa qëllimi është që të hulumtohet galaktika, masat e errëta dhe Big Bengu.

Pasi që momentalisht nuk ekzistojnë teknologjitë e duhura për ndërtimin e transportit ultra-të-shpejtë dhe përpunimin e të dhënave, madje as për analizimin e tyre, bashkërisht është krijuar qendra e re për teknologjitë egzabajte në qytetin holandez Drenthe, emra e plotë e së cilës është ASTRON & IBM Center for Exascale Technology.

Në qendrën e hulumtimeve ndodhen çipat 3D, lidhjet optike dhe nanofotonika, dhe gjeneratat e reja të sistemeve shirit për deponimin dhe memorien e cila përdorë hapin fazor për deponimin e të dhënave.

Vetë teleskopi SKA pritet të ketë miliona antena të cilat do të mbledhin rrezatimin nga gjithësia dhe që të kombinuar do të kenë sipërfaqen e antenës më të madhe se një kilometër katrorë, por vetë pajisjet do të jenë të vendosura në një hapësirë më të gjerë – mbi 3,000 kilometra prej njërit skaj tek tjetri. Do të jenë së paku 50 herë më të ndjeshme nga cilido radioteleskop i sajuar deri tani dhe së paku 10,000 herë më i shpejtë. Krejtësisht në vit do të deponohen në mes 300 dhe 1500 petabajt të dhëna, e sa për krahasim, LHC në CERN në vit grumbullon rreth 15 petabajt të dhëna.

Lokacionet më me gjasë për vendosjen e teleskopëve SKA janë Afrika e Jugut dhe Australia, e vendimi pritet të merret kah fundi i vitit.

[Zero Cool]

Zgjidhet problemi i navigacionit në gjithësi


Shkencëtarët kanë ardhur deri te ideja se si të zgjedhin problemin e navigacionit në hapësirën e thellë. Si orientir do të përdoren sinjalet nga pulsari (një formë e yllit neutronik i cili me shpejtësi jashtëzakonisht të madhe rrotullohet rreth boshtit të vet).

Sistemi do të funksiononte ashtu që anija kozmike do të përdorte rrezet-X nga pulsari për caktimin e pozitës në hapësirë, me gabimin prej vetëm disa kilometrave.

Një sistem pikërisht të këtillë të navigacionit e ka zhvilluar një ekip i shkencëtarëve nga instituti gjerman Max Planck. Sinjalet periodike nga pulsari janë të besueshme ngjashëm me orët atomike dhe janë po aq të qëndrueshme, ndërsa karakteristikat e tyre mund të përdoret edhe si sinjale navigacioni në gjithësi.

Satelitët nga Toka, e cila paraqet vetëm një grimcë të pluhurit mikroskopik në krahasim me gjithësinë, thjeshtë nuk mund të shërbejnë për navigacionin në thellësi të hapësirës.

Por, me matjen e kohës së arritjes së sinjalit nga pulsari në vetëm anijes kozmike, me atë të paraparë në lokacionin referent (atë sipas të cilës mund të matet largësia dhe pozita e objekteve të tjera në gjithësi), pozita e anijes mund të caktohet me gabim prej krejtësisht disa kilometrave brenda sistemit Diellor, ose jashtë tij.

“Shikuar kah e ardhmja, është shumë ngazëllues të mendohet se ne qysh tani kemi teknologjinë për vizatimin e rutës drejt yjeve të tjerë dhe se ndoshta mund ti ndihmojmë edhe pasardhësve tonë që të bëjnë hapat e parë në hapësirën ndëryjore”, theksojnë nga ekipi i shkencëtarëve, të cilët po punojnë në projektin e këtij sistemi të navigacionit.