Kronika e zeze

[Zero Cool]

Greqi, polici mbyt të dashurën shqiptare





Një oficer policie që shërben në trupën e sigurimit të parlamentit grek është autori i një krimi pasioni që ka si viktimë një shtetase shqiptare.

Behet fjale per nje polic grek 32 vjec nga Evia, i cili kishte marredhenie dashurie me nje shtetase shqiptare 49 vjece, nene e kater femijeve, qysh ne kohen kur sherbente ne rajonin e policise ne Avlona. Sipas deshmise se tij shokuese para organeve greke,kohet e fundit marredhenia e tyre kishte pasur probleme nga grindjet e vazhdueshme te shtetases shqiptare.

Tre dite me pare ne mengjesin e 28 tetorit cifti kishte bere fjale ne makinen e tij dhe gjate kesaj zenke 32-vjecari grek e ka mbytur te dashuren e tij, me xhupin e saj dhe me pas e ka hedhur ne rrugen automobilistike, qe te dukej se ishte viktime e nje aksidenti rrugor, ne zonen Sqimatariu te prefektures se Viotias.

Por të dielën në mbremje pas pyetjeve te hetuesve te qytetit te Tebes, te cilet jane marre me zbardhjen e ceshtjes ne fjale, ai ka pohuar krimin. Viktima qe eshte gjetur nga nje drejtues automjeti, ka pasur vertet shenja te nje aksidenti ,por sipas mjekut ligjor, ky ka ndodhur pas vdekjes se saj qe ka ardhur nga asfiksia.

Menjehere drejtoria e pergjitshme e Policise greke e ka pezulluar oficerin e policise nga sherbimi prane parlamentit dhe perkundrejt tij ka filluar procesi gjyqesor.Identiteti i shtetases shqiptare ende nuk behet publik.

Maqedoni, shitje fëmijësh në tregun e zi

Në Maqedoni ka nisur të lulëzojë tregu i zi i adoptimeve dhe cmimet për një fëmijë të shëndetshëm e të bukur variojnë nga 5 mijë në 60 mijë euro.
Denoncimi është bërë nga OJQ-ja “Ndërtojmë të Ardhmen”, sipas të cilës cmimet janë dyfishuar në vitin e fundit.
Qeveria maqedonase, për shkak të rritjes së rasteve të korrupsionit, ka urdhëruar shkrirjen e komisionit të posacëm për adoptimet.
Hallkat e ndryshme të zinxhirit kriminal, sipas OJQ-së, janë spitalet, komunat dhe përgjegjësit e Ministrisë së Punës dhe Politikave Sociale.

Arsenal armësh në Skënderaj


Kajtaz Gecaj | 11-11-2011 14:57 CET


Shumë armë dhe municion pa leje janë gjetur në katër shtëpi në Klledërnicë të Skënderajt, gjatë një operacioni bastisjeje që është realizuar të premten në orët e mëngjesit. Sipas policisë, operacionin e bastisjes e kanë kryer NJSO (Njësitë Speciale Operative) të Mitrovicës, sipas një urdhërese të lëshuar nga gjykata e qarkut në Mitrovicë.
“Me urdhëresë të lëshuar nga Gjykata e Qarkut në Mitrovicë, rreth orës 06:00 të mëngjesit të sotëm (e premte), Policia e Kosovës ka realizuar bastisjet dhe kontrollin në kërkim të provave ose arsyeve të tjera në lidhshmëri me informatat e mbledhura operative për mundësi të gjetjes së armëve të paautorizuara në pronësi të pronarëve të shtëpive. Gjatë kontrollit të shtëpive, hetuesit policorë kanë arritur që të gjejnë elemente dhe prova të mjaftueshme për të cilat edhe është iniciuar bastisja, me ç’rast janë sekuestruar një sasi e konsideruar e armëve dhe municionit”, tha toger Besim Hoti, zëdhënës i Policisë së Kosovës për rajonin e Mitrovicës.
Sipas tij, janë gjetur dhe janë sekuestruar: një pushko-mitralez i kalbrit 7.62 milimetër, tri pushkë automatike AK-47, një revole TT, një pushkë gjuetie e kalibrit 12 milimetër, një pushkë ajrore, dy pale dylbi me këllef, një elektroshok, një shufër metalike, 11 karikator të AK-47, një rrethatore e pshko-mitralezit, 3 karrikatorë të revoles, 321 fishekë të kalibrit 7.62 milimetër, 14 fishekë të kalbrit 7.9 milimetër, 19 fishekë të kalibrit 12 milimetër dhe 1 fishek i kalibrit 7.65 milimetër.
Toger Hoti, shtoi se operacioni i kontrollit policor të shtëpive dhe objekteve përcjellëse ka përfunduar pa ndonjë incident, ndërsa pesë personat, ndaj të cilëve është zhvilluar bastisja janë shoqëruar në Stacionin e Policisë për regjistrim të rasti dhe inicim të procedurave ligjore.
“Prokurori publik i Prokurorisë së Qarkut në Mitrovicë është informuar lidhur me veprimet e ndërmarra policore në rastin e bastisjeve, ndërsa pas inicimit të paraqitjeve penale ndaj të dyshuarve për ‘mbajtje në pronësi, kontroll dhe shfrytëzim të paautorizuar të armëve, të njëjtit janë liruar nga lokalet policore për t’u paraqitur në procedurë të rregullt gjyqësore”, ka njoftuar toger Besim Hoti, zëdhënës i Policisë së Kosovës për rajonin e Mitrovicës.
1

Një i vdekur nga mbidoza narkotike, një nga rryma elektrike


12-11-2011 13:44 CET


Sipas raportit ditor të policisë në Mitrovicë, më 11 nëntor, në rrugën “Ahmet Selaci”, një mashkull shqiptar është sjellë pa shenja jete në Qendrën e Mjekësisë Familjare, i cili sipas mjekut kujdestar, ka vdekur nga mbidoza me narkotik.
Me vendim të prokurorit trupi i pa jetë është dërguar në obduksion.
Në të njëjtën ditë në rrugën “Brigada 141” në Mitrovicë raportohet se një fëmijë femër ashkali është sjellë pa shenja jete në Qendrën e Mjekësisë Familjare, ku sipas mjekut kujdestar viktima dyshohet se ka vdekur nga rryma elektrike.
Njësit përkatëse janë në vend ngjarje, kurse me vendim të prokurorit trupi i pa jetë iu lirohet familjarëve. B.Abazi

Durrës, ekzekutohet më armë zjarri një 40-vjeçar


12-11-2011 14:18 CET


Një person u ekzekutua me armë zjarri në qytetin e Durrësit, mesditën e sotme. Burime nga policia bëjnë të ditur se ngjarja ka ndodhur në rrugën “Skënderbeu”, ndërsa viktima është shtetasi Gentian Zguraj, nga Tirana.
Mësohet se 40-vjeçari ishte i punësuar në një subjekt privat në Durrës, ndërkohë që nuk dihen detaje të tjera rreth ngjarjes së rëndë.
Forcat e policisë mbërritën menjëherë në vendngjarje dhe nisën hetimet për të zbuluar shkaqet dhe autorët e krimit. /BW/

Dy të miturat që u duhet ndihma


Kajtaz Gecaj | 11-11-2011 11:14 CET

http://www.zeri.info/fotografia.php?id=41230



Sh. dhe M., dy të mitura nga Klina e Poshtme e Skënderajt, njëra 10 e tjetra 12 vjeçe, me banim në lagjen “Dardania”, me sjellje devijante po tregojnë se kanë nevojë për ndihmë të ndonjë institucioni shëndetësor të specializuar. Ato janë bërë “halë në sy” sidomos për policët, pasi ato i ndjekin pas të gjithë njerëzit me uniforma.
Ato, siç thotë populli, “kanë luajtur pak”, ashtu që nuk e kontrollojnë veten. Dalin herët në mëngjes nëpër rrugë të qytetit, lëshojnë klithma, bërtasin dhe u vihen pas policëve, të cilët i gjuajnë me gurë dhe i shajnë.
Policia thotë se janë bërë përpjekje që “t’i marrin me të mirë”, por pa sukses, pasi
që ato menjëherë shpërthejnë me një fjalor të ashpër dhe të pakontrolluar.
Në Qendrën për Punë Sociale thonë se të miturat janë dërguar 2-3 herë në Klinikën Psikiatrike në Prishtinë, por pas kontrollit janë lëshuar në shtëpi.
“Kemi të bëjmë me dy vajza, të cilat janë në fazën e parë të sëmundjes. Gjithnjë e më shumë po bëhen agresive. Është vlerësuar se nuk janë për një institucion siç është Qendra për të sëmurët mentalë në Shtime”, thotë Rexhep Sejdiu, zyrtar në Q. P. S. Ai shtoi se vajzat i gëzojnë të drejtat në asistencë, por për dërgimin e tyre në institucione shëndetësore duhet që të afërmit të bëjnë kërkesë.
“Ato nuk kanë baba, kanë vetëm nënën, e cila nuk di si të veprojë me vajzat e saj. Ajo nuk mund t’i ndalojë të mos dalin në rrugë e nuk di as të bëjë kërkesë. Edhe gjendja sociale e kësaj familjeje është e rëndë”, thotë Sejdiu. Ai mendon se duhet intervenuar menjëherë, sa nuk është bërë vonë.
Deri para pak kohësh, të dy vajzat e J. J., i cili ka vdekur menjëherë pas lufte, kanë qenë në gjendje të mirë. Ato përpiqeshin ta ndihmonin familjen duke mbledhur kanaçe, por në dy muajt e fundit diçka “ka krisur” në mendjen e tyre, andaj tani u duhet ndihma e menjëhershme e institucioneve të shtetit.

Arrestohet grupi që vidhte vetura

Policia ka arrestuar të dyshuarin e pestë të një grupi të dyshuar për vjedhje veturash. I dyshuari është arrestuar në fshatin Hajvali të Prishtinës.

E mërkure 16 Nëntore 2011 8:55
Bëhet fjalë për Xh. Vitia 23 vjeç, i cili dyshohet me bazë të jetë i përfshirë në rastet e poshtëshënuara. I dyshuari po mbahet në Qendrën e Paraburgimit në Prishtinë, derisa lënda ndaj tij të përgatitet nga hetuesit për gjykatën kompetente, ndërkohë që disa ditë më parë janë arrestuar edhe N. Ademi 26 vjeç, A. Podvorica 19 vjeç, B. Berisha 36 vjeç dhe M. Berisha 42 vjeç.
Të gjithë ata, sipas policisë, dyshohet se në bashkëpunim kanë kryer veprën penale të vjedhjes. Policia sqaron se ata kanë vjedhur një veturë të tipit Opel Kadet, katër vetura të tipit Golf -2-, si dhe një Golf -5- ngjyrë e kaltër, që të gjitha me targa të Republikës së Kosovë. Veturat e vjedhura janë gjetur pjesërisht të demoluara në fshatrat Dumosh, Lluzhan, Godishnjak e Llapashticë të Podujevës.
Ato janë konfiskuar dhe janë dërguar për ekzaminim përderisa të dyshuarit po mbahen në qendrën e paraburgimit në Prishtinë.