Kosova e treta në botë me numrin e azilkërkuesve

[Fshatari]

Postimi origjinal është bërë nga Hajra

Vazhdon interesimi për emigrim



E diel 20 Nëntore 2011 9:01
Pavarësisht deklarimeve të zyrtarëve qeveritarë se në Kosovë janë përmirësuar kushtet socio-ekonomike, se është krijuar një perspektivë më e mirë për të rinjtë, se Kosova ka nënshkruar disa marrëveshje me shtete të ndryshme të BE-së për riatdhesimin e qytetarëve kosovarë që jetojnë jashtë vendit, nuk është zbehur ende dëshira për të emigruar.
Njëra prej tyre është Vlora Kelmendi, rreth të 30-tave. Vlora aktualisht punon në një dyqan privat, por është e gatshme ta ndërpresë punën dhe të emigrojë në ndonjërin nga vendet e BE-së.
“Për një periudhë të caktuar do ta lija Kosovën, pasi në vendin tonë zakonisht flitet për hapjen e vendeve të punës, por në fakt nuk ndodh asgjë. Do të shkoja te të afërmit në Gjermani, nëse paraprakisht do të siguroja ndonjë vend pune”, tha ajo për Radio Evropa e Lirë.
Mungesa e perspektivës është arsyeja kryesore për të braktisur Kosovën, thotë edhe Liridon Musliu nga Prishtina.
Liridoni është 24 vjeç dhe i papunë. Ai tregon se me shumë dëshirë do të largohej nga Kosova vetëm për të gjetur një vend pune.
“Me dëshirë do të largohesha, pasi vendet e Evropës kanë një zhvillim më të lartë ekonomik dhe kjo mundëson edhe sigurimin më të lehtë të ndonjë vendi të punës”, shprehet ai.
Saranda Rexhepi, studente në Universitetin e Prishtinës, në shënjestër ka Anglinë.
“Do të dilja jashtë Kosovës, pasi nuk më duket se është vend me perspektivë; sidomos për shkolla nuk kemi shumë zgjedhje. Në Londër e kam xhaxhanë dhe atje kam dëshirë të shkoj, nëse mund të marr ndonjë vizë”, tha Saranda.
Viza është problem edhe për Hava Bajraktarin, e cila thotë se shumë anëtarë të familjes i ka jashtë vendit.
“Kam dëshirë të dal jashtë, por është vështirë sepse vizat nuk i japin. Do të doja të jetoja në vende të ndryshme të Evropës, sepse atje mundësitë janë shumë më ndryshe sesa në Kosovë”, thotë 25-vjeçarja.
Udhëheqësit e Ministrisë së Diasporës pranojnë se shumë të rinj kosovarë vizitojnë këtë institucion për t’u interesuar për mundësitë e emigrimit në shtete të ndryshme të BE-së.
Ministri Ibrahim Makolli e cilëson shqetësuese dukurinë e emigrimit.
“Ka pasur dhe në vazhdimësi ka të interesuar për mundësinë e lëvizjes në vendet tjera. Në përgjithësi, opinioni kosovar e ka të qartë një pamundësi të tillë, por, megjithatë, njerëzit janë të interesuar, shprehin interesime të ndryshme se a ekzistojnë forma apo mënyra që të shkojnë në vende të tjera. Natyrisht se kjo është shqetësuese”, thekson Makolli.
Megjithëkëtë, ai shton se përpjekjet e qytetarëve kosovarë për të lëshuar vendin janë të kota, pasi “vendet e Evropës nuk pranojnë më azilkërkues nga Kosova”.
BE-ja ka paralajmëruar se në fund të vitit do të nisë dialogun për liberalizimin e vizave me Kosovën. Ministri Makolli rikujton se një nga parakushtet për marrjen e udhërrëfyesit për liberalizim të vizave nga BE-ja është parandalimi i emigrimit./koha/

Sipas kesaj gazetes serbe(vreme) shteti i Kosoves qenka i treti per nga numri i azilkerkuesve ne bote : i paskane numrue azilkerkuesit e te gjitha shteteve te planetit (nuk eshte pune hajgare kjo) dhe kane perfundue se kosovaret nuk e duan vendin e tyre; se ata paraqesin problem per evropen e plakur;se...se... e keshtu me radhe mu ashtu qysh flitet e shkruhet ne shumadi t'serbise.
Ndytesire e madhe eshte ky kryeradaktori i gazetes "vreme" ne shqip. Flitet se sepakut njerin nga gjenitoret(pikerisht babain) e ka nga shumadia, dmth shka.
Ku ka tym ka edhe zjarre!