Horoskopi 2012

[Zero Cool]

Njohja e vetës përmes shkronjës së parë të emrit


A


Jeni origjinalë dhe nuk ndikoheni lehtë nga rrethi. Jeni mjaft të pavarur. Edhe të guximshëm. Nuk mund të thuhet se nuk i doni ndryshimet, jeni për to. Do të ishte e mirëseardhur të jeni më të hapur në bashkëpunim me të tjerët, dhe të jeni të gatshëm t'i merrni parasysh edhe sugjerimet e të tjerëve.


B

Jeni tipa me ndjeshmëri të theksuar, të begatë me emocione dhe të pranueshëm në aspektin shoqëror. Harmonia e marrëdhënieve është diçka esenciale për lumturinë tuaj. Duhet të insistoni t'i përshtateni kohës, gjegjësisht ndryshimeve që ndodhin me kohën, dhe të arrini një pavarësi më të madhe në të menduar dhe në sjelljen e gjykimeve për çështje të ndryshme.


C

Keni intuitë të zhvilluar, që është veti e admirueshme për secilin njeri. Lirshëm i shfaqni ndjenjat tuaja. Shprehjet i keni të lira dhe të qarta. Ju përcjell edhe sensi për humor. U takoni tipave të njerëzve spontan, por me një optimizëm që ju përshkon vazhdimisht. Keni ekstravagancë sjelljesh dhe qëndrimi.


D

Jeni tipa me autoritet të lindur. Për bga natyra jeni tipa të vendosur dhe rezistentë, të aftë për të anashkaluar pengesat e ndryshme të mundshme. Keni të zhvilluar sensin praktik. Jeni konkret, të prajshëm, të rregullt dhe sistematik.


E

Jeni tipa tejet origjinalë, dhe çdo person dhe çdo situatë jeni të pirur ta vështroni nga këndvështrime të ndryshme. Mbi të gjitha e doni lirinë personale, edhe pse jeni të përshtatshëm edhe në aspektin shoqëror. Nuk inatoseni lehtë. E justifikoni mundësinë që të martoheni më shumë se një herë.


F

Mund të jeni të sulmuar nga melankolia dhe depresioni, dhe ato të jua sjellin të zitë e ullirit. Jeni tipa shoqëror dhe të dhembshëm, me prirje të theksuar që t'iu ndihmoni të tjerëve në çdo situatë; por kujdes: mos ia lejoni vetvetes luksin që t'iu përziheni në punët e brendshme, se nuk ju bën nder. Jeni mikpritës, të dashur, të përgjegjshëm,


G

Keni prirje për t'u marrë me spiritualizëm dhe telepati. Jeni metodist i mirë, të prirur për disiplinë dhe rregull, por di të veprosh edhe shpejt kur është nevoja. Vendosmëria që keni dhe zgjuarsia e imagjinata juaj ju bëjnë që në çdo situatë të ndiheni mirë.


H

Ruajeni mirë drejtimin, pasi që të duhet kohë ta ruani atë pasi ta keni humbur njëherë. Jeni të pavarur. I besoni vetvetes, gjykimit tuaj. Ndaj, skepticizmi dhe dyshimi janë armiqtë tuaj më të mëdhenj, kurdo që të shfaqen ata, ju jeni më të vegjël. Paratë i fitoni dhe i humbni shpejt, por, megjithatë, rezultati përfundimtar në instancën e fundit fo të jetë pozitiv. Jeni krijimtar origjinal.


I

Jeni njeri i ekstremeve, por, megjithatë mundohu që të mos kalosh nga njëri ekstrem në tjetrin. Ekujlibi është gjëja më e domosdoshme. Pa një ekuilibrim të mirë, mund të përballeni me tensionet e mundshme nervore. Ke botë të pasur emotive, prirje artistike dhe shije të hollë.


J

Puno që talentet tuaja të dalin në dritë, sepse jeni të zgjuar dhe të talentuar. Përpiqu të ndikosh që edhe jetët e të tjerëve të jenë më të mira. Megjithatë, jeni të sinqertë dhe të ndershëm.


K

Jeni me tensione nervore, frikë dhe hezitim kur përballeni me ndëermarrje të mëdha. Megjithatë, jeni të shumanshëm dhe: të përndriturit, intuita e begatë, derdhaza e emocioneve janë karakteristikë e personave, emri i të cilëve fillon me këtë shkronjë.


L

Ka shumë rëndësi që ta mbani ekuilibrin në të gjitha aspektet e jetës. Me rastin e streseve emocionale, keni prirje t'i minimizoni incidentet. Megjithatë, jeni të ndershëm dhe të sinqertë; të prirur për lëvizje dhe udhëtime të shpeshta. Përvoja juaj është përvojë intelektuale, gjë që mund të ju bëjë të ngadaltë në marrje dhe zbatimin e vendimeve.




M

Jeni mjaft tolerantë, por duhet të keni durim edhe më të madh në raport me të tjerët. Jeni shtëpiakë dhe ju pëlqen siguria financiare. Jeni punëtor i madh dhe keni energji të madhe; por mbi të gjitha që duhet çmuar te ju është qëndrueshmëria: angazhimet tuaja japin rezultate vetëm pasi që ju nuk tërhiqeni lehtë.


N

Keni shumë dëshirë t'i leni gjurmët tuaja në jetë. Jeni sensualë, mund të jeni të përfshirë në disa histori dashurie gjatë jetës suaj. Por, nuk jeni shumë të vendosur dhe lehtë e ndryshoni mendjen, vetëm pasi ta keni diskutuar një gjë me dikë. Keni intuitë të zhvilluar, jeni kreativë dhe origjinalë.



O


I respekton rregullat. Ke një botë ndjenjash të begata; pra, jeni tejet emocionalë, por duhet të keni kujdes nga ndjenja e xhelozisë. Ke standarde morale të përcaktuar mirëfilli dhe jeni religjiozë. Jeni të matur dhe të qëndrueshëm kur vendosni për të ndërmarrë një gjë të re.


P

Jeni të rezervuar dhe mbani distancë nga njerëzit. Jeni inteligjentë dhe keni njohuri nga shumë fusha. Shpeshherë të mungon durimi, ndaj përpiqesh ta shfrytëzosh mirë kohën tënde. Në takimin e parë lë përshtypjen sikur je mendjemadh, imponues dhe ke dëshirë të dominosh, por kjo është përshtypje vetëm në shikim të parë.


Q

Dukesh i mistershëm, edhe pse ke një talent të lindur për oratori. Por, ngandonjëherë flet më shumë ngaqë duhet dhe bëheni të bezdisshëm. Keni një autoritet të natyrshëm dhe keni fuqi të ndikoni mbi të tjerët. Edhe pse rëndom të tjerët nuk ju kuptojnë mjaft. Jeni të dhënë pas parasë, por si tip nuk jeni të qëndrueshëm. Kjo shpeshherë ju shkakton humbje.


R

Keni prirje të jeni të sjellshëm, dhe iu ndihmoni të tjerëve. Jeni të gatshëm të sakrifikoni kohë dhe energji për të mirën e përgjithshme. Jeni emocionalë dhe keni fuqi të brendshme kolosale. Por, duhet të përpiqeni të jeni të ekuilibruar e të mos i lejoni vetvetes të jeni shumë kritikë, por më tepër tolerantë. Keni prirje t'i humbni sendet, meqë keni vështirësi me kujtesën.


S

Kujdes, mos reago shpejt dhe menjëherë, por gjyko më urtësisht para se të marrësh një vendim që ka një rëndësi për ty. Shamngëju emocioneve. Se je i pasionuar dhe kjo bën që nga emocionet të përjetosh shumë rënie e ngritje. Megjithatë, jeni persona karizmatikë, të ngrohtë dhe të përkushtuar. E meta juaj më e madhe që duhet korrigjuar domosdoshmërish është se reagoni shpejt dhe në mënyrë ekstreme. Provojeni të kundërtën e kësaj.


T

Dëshiron ta shtrish ndikimin tënd vazhdimisht kah të tjerët. Por, jeni tipa shumë dinamikë dhe duhet ta mësoni vetveten të jeni më të qetë. Kontrollojini emocionet, se ato mund të ju bëjnë të prekeni aq shumë, saqë ta humbni toruan, ta humbni gjykimin e drejtë. Madje, ngandonjëherë, ndoshta shpesh, dini të bëheni edhe nervozë e agresivë në marrëdhënie me të tjerët. Kujdesuni të mos ju ndodh kjo. Jini më të butë, më tolerantë.


U

Mësoni të reagoni më mirë dhe më shpejt. Është në nderin tënd të mësosh t'i vlerësosh më shpejt situatat. Mund të jeni kreativë, pasi që veç keni intuitë mjaft të zhvilluar. Jeni të përpiktë në takime. Jeni tipa tërheqës dhe gazmorë. Por, jini ca të pavendosur, të luhatshëm, ky është problemi juaji. Siç e grumbulloni një gjë, ashtu ju ikën nga dora, sidomos paraja.


V

Jeni të sinqertë, të butë, të këndshëm; por, duhet të jeni paksa më të vendosur në raport me njerëzit, sidomos me përfaqësuesit e polit të kundërt. Keni intuitë, jeni gjithnjë të frymëzuar, si profetët. Keni plane dhe ide të mëdha, edhe aftësi për t'i paraqitur ato. Por, ngandonjëherë imagjinata juaj shkon përtej realitetit të mundshëm, domethënë është më e fortë se realiteti. Andaj, në sy të botës mund të dilni ekscentrikë dhe fluturonjës.


X

Keni temperament dhe personalitet të zhvilluar. Ju pëlqejnë qejfet, ju joshin ato dhe s'përmbaheni dot para tyre. Por, nuk do të ishte në favorin tuaj të zhyteni së tepërmi në veprimet seksuale. Jeni tipa të ndjeshëm me prirje të theksuara artistike. Jeni të përgjegjshëm, gjërat i përvetësoni me lehtësi.


Y

Jeni tipa ambiciozë, të guximshëm, të pavarur. Liria ka vlerë mbi të gjitha në sytë tuaj. Nuk i duroni dot përkufizimet dhe shtrëngesat. Por, e meta juaj më e madhe është se jeni paksa të ngadalshëm në marrjen e vendimeve. Keni intuitë të zhvilluar dhe perceptim të mirë të gjërave.


Z

Jeni të sjellshëm dhe i kuptoni mirë të tjerët. Jeni optimistë dhe dinamikë. Iu përgjigjeni shpejt situatave të caktuara. Keni aftësinë që të jeni ndërmjetës në mes palësh. Por, e keni të metë të vuani nga padurimi. Reflekset tuaja funksionojnë në mënyrë të përsosur.

[Zero Cool]

Zbulojeni se kush jeni permes orës së lindjes


Ashtu siç çdo ditë e muajit ka vibrimin e vet numerik, ashtu edhe cilado orë e ditës ka frekuencën astrologjike të caktuar, gjë që me shumëçka ndikon në oscilimet e potencialit tonë bioenergjitik. Kjo ka rëndësi të veçantë për orën e lindjes sonë, kur e dimë se ndikimi i planetëve të caktuar ndërron në mënyrë alternative në kuadrin e njëzet e katër orëve. Në të vërtetë, nuk është krejt njësoj se a kemi lindur në mëngjes, në mesditë, apo vonë në mbrëmje. Disa veprime tonat, qëndrime e disponime kemi për t’i kuptuar më mirë po qe se e dimë vibrimin numerik të orës së lindjes sonë.
Rrethi prej njëzet e katër orësh është i ndarë në gjashtë stacione numerike. Stacioni i parë numerik është në mes të zeros dhe orës katër; e dyta në mes orës katër dhe tetë; e treta në mes orës tetë dhe dymbëdhjetë; e katërta në mes orës dymbëdhjetë dhe gjashtëmbëdhjetë; e pesta në mes të orës gjashtëmbëdhjetë dhe njëzet; dhe e gjashta, e fundit, në mes të orës njëzet dhe njëzet e katër, d.m.th. të orës zero.

Për të lindurit në mes të zeros dhe orës katër

Keni natyrë të qetë dhe të heshtur. Dëshironi të ëndërroni dhe ndërtoni kulla në re. Keni imagjinatë të bujshme, porse vështirë gjendeni në botën e realitetit fizik. Jeni fantazues dhe poet i lindur, andaj njerëzit vështirë ju kuptojnë. Ngapak jeni të përhënur dhe hutaq, por, jo: zemrën e keni fisnike.

Për të lindurit në mes të orës katër dhe tetë

Ju ju karakterizojnë shkathtësia dhe harmonia. Jeni këmbëngulës dhe të qëndrueshëm në të gjitha punët, e sidomos në gjërat praktike. Si rrallëkush gjendeni në botën e realitetit të rëndomtë. Synoni drejt asaj që të tjerëve t’iu bëheni shembull, që nga çasti në çast ta tregoni dhe ta vërtetoni këtë.

Për të lindurit në mes të orës tetë dhe dymbëdhjetë

Ju jeni krijesë e besimit, e shpresës dhe optimizmit. Jeni të gjallërishëm, të zhdërvjelltë, përgjithmonë në trazimin kijues. Gjithkund rrezatoni dashuri joegoiste dhe ngrohtësi magnetike. Jeni sensualë dhe spirituozë. Keni prirje kah artet dhe filozofia, ju pajisin virtytet dhe talenti.

Për të lindurit në mes të orës dymbëdhjetë
dhe gjashtëmbëdhjetë

Jeni të kthjellët, të gjallërishëm, të shkathtë, të lëvizshëm, plot energji. Për ju, si të përcaktuara nga natyra, janë punët praktike. Jeni orator të mirë, matematikanë dhe fizikanë. Por po aq do të mund të ishit edhe shkrimtar, vetëm po qe se do të mund ta orientonit energjinë në atë drejtim. Me një fjalë, ju jeni person gjithanshmërisht i talentuar; në shumë profesione e zeje mund të shprehet me sukses shpirti juaj krijimtar.

Për të lindurit në mes të orës gjashtëmbëdhjetë
dhe njëzet

Ju keni shpirt të trazuar, bredhëritës. Ngapak jeni nervoz dhe të hutuar. Lëvizjet i keni dinamike, fjalët të ashpra e të fuqishme; shpejt mendoni dhe veproni. Dëshironi që sa më shumë të rrëmbeni nga jeta. E doni jetën në të gjitha trajtat dhe format. Shpesh i ndërroni vendimet dhe qëndrimet. Ndërmerrni në të njëjtën kohë nga disa punë. Kush nuk ju njeh mirë, do të mendjojë se jeni mendjelehtë, por ju jeni të ndërgjegjshëm sa s’ka më për të gjitha ato që bëni.

Për të lindurit në mes të orës njëzet
dhe njëzet e katër

Jeni të matur, rezistentë dhe të qëndrueshëm në të gjitha fushat. Synoni kah ajo që të dominoni mbi çështjet dhe situatat. Keni prirje për filozofi dhe letërsi. Jeni racionalë dhe spirituozë. Ndikoni magnetikisht në rrethin tuaj. Jeni autoritet në familje dhe shoqëri, në mesin e miqve dhe të farefisit. Ngapak veproni mendjemadhësisht dhe krenar, e kjo vjen shkaku se për së tepërmi besoni në vetvete, se jeni plot vetëbesim, si dhe energji jetësore e kreative.

[Zero Cool]

Zbuloni se kush jeni përmes ditës së lindjes


Secila ditë e muajit ka vibrimin e vet të veçantë numerik, nga i cili varet disponimi ynë i gjithëmbarshëm, ritmi jetësor e madje edhe vetë jeta. Se a do të jemi në ditën e caktuar të kthjellët apo të vranët, do të ngrihemi apo do të bijmë shpirtërisht, do ta duam vetveten dhe çdo gjë që na rrethon apo do ta urrejmë tërë botën, krejt kjo varet nga vibrimet astrale, kozmike në momentin e dhënë. Vibrimi numerik ka ndikim të veçantë në ditën e lindjes të secilit prej nesh veçanërisht.

Po qe se jeni të lindur të parin, të dytin apo cilëndo qoftë ditë të muajit, karakteri juaj është i kushtëzuar, në një mënyrë i parapërcaktuar, me numrin e asaj date. Ku dallon numri i ditëlindjes suaj nga numri i ciklit tuaj jetësor? Numri i ciklit të jetës është themelor, numri qenësor i personalitetit tuaj. Numri i ditëlindjes suaj ju paraqet të atillë siç të tjerët ju shohin. Ky numri i fundit është ekuivalenti numerik i ndikimit astrologjik.
Të kuptuarit e vetvetes është çelësi për forcën kozmike e cila është në ne, forcë e cila gjithnjë rishtas na kthen në jetë, forca jetësore e cila vërtet është esenca e jetës në ne si edhe i jetës jashtë nesh. Sepse, të tjerët mund t'i njohë vetëm ai i cili paraprakisht e ka njohur vetveten, por ndodh edhe e kundërta: duke njohur të tjerët, ne në të njëjtën masë e njohim edhe vetveten. Vështrojeni qenien tuaj me sytë e të tjerëve, që të mund t'i zhvilloni potencialet tuaja më të mëdha intelektuale dhe shpirtërore. Kijeni, me këtë rast, parasysh se dita e lindjes suaj është e pavarur nga muaji dhe viti në të cilin jeni të lindur.


Për të lindurit në 1

të cilido muaj

Ju i keni të gjitha vetitë e një prisi; karakterizoheni me guxim, nisjativë dhe me aftësitë organizative. Keni shpirt aktiv dhe të ndritur, si dhe mendje tejet kreative. Nënshtrimi ndaj urdhrave, apo vetëm zbatimi i urdhrave, për ju është e neveritshme dhe e huaj për karakterin tuaj. Jeni kurajozë, të vetëdijshëm për aftësitë tuaja, dhe kurrë nuk lëkundeni për t'u ballafaquar edhe me problemet më të rënda jetësore.

Duke qenë se jeni "kokë në vete", gjë që këtu ka kuptim pozitiv, për ju problemi më i madh është si të bashkëpunoni me të tjerët, sepse çdo gjë e dëshironi me tuajën, sipas ideve tuaja. I mjaftoni vetvetes, kurse në shoqëri dilni vetëm nga nevoja. Nuk mund ta duroni askend, edhe pse, shikuar nga jashtë, jeni të qetë dhe të heshtur e, me këtë, edhe plot dashuri e ngrohtësi për të tjerët.

Për të lindurit në ditën 2
të cilitdo muaj

Ja, bashkëpunëtori i përsosur, partner të cilin vetëm mund ta dëshironi! Roli juaj në jetë është që t'i zbatoni në jetë idetë dhe projektet e të tjerëve, gjë që nuk do të thotë se ju mungon krijimtaria origjinale, por se origjinaliteti juaj qëndron në atë që t'i gjeni rrugët dhe mënyrat më të mira për jetësimin e ideve të njerëzve me të cilët bashkëpunoni.

Për nga natyra jeni të butë dhe të ndijshëm dhe kurrë nuk nguroni që t'i tregoni ndjenjat tuaja. Gjithmonë jeni të matur, të kujdesshëm, jovetiakë dhe, në çdo moment, plot mirëkuptim për të afërmit. Edhe pse nuk jeni karrieristë, njerëzit mund të krijojnë përshtypje të tillë, sepse gabimisht mund ta interpretojnë gatishmërinë tuaj për t'iu ndihmuar të tjerëve.
Nuk guxoni t'iu lejoni të afërmve që t'i shfrytëzojnë, duke i keqpërdorur, ndjenjat tuaja fisnike, natyrën tuaj joegoiste!

Për të lindurit në ditën 3
të cilitdo muaj

Popullariteti dhe kontaktet me shumë njerëz jua marrin kohën e çmueshme. Spirituoziteti dhe sharmi natyror ju ndihmojnë të zini shumë miq, dhe që në çdo shoqëri të jeni në qendër të vëmendjes. E doni shoqërinë tepër, dhe gjithnjë përpiqeni që të jeni sa më zbavitës në secilin rast. Jeni të talentuar gjithanshmërisht, keni talent për shumë arte, por asnjërin talent nuk e zhvilloni deri në fund, pasi që ngapak jeni hutaq. Ashtu e derdhni energjinë tuaj kreative në banalitete, harxhoheni në jetën e lehtë. Por, jo: njerëzit ju duan, dhe gjithkund jeni mysafirë të dashur.

Për të lindurit në ditën 4
të cilitdo muaj

Keni zë të mirë, jeni të besueshëm dhe të sigurt. Thënë simbolikisht, ju jeni si Pjetri - gur këndi. Supozohet se jeni mjeshtër kozmik i cili gjithkund vë themele. Jetën e keni aktive dhe kreative, pasi që pandalim punoni për të mirën e njerëzimit. Jeni shumë praktikë, ndaj keni shumë sukses në punët e natyrës materiale dhe praktike.
Kurrë nuk iu ikni detyrimeve, dhe gjithmonë e bëni atë që ka qenë dashur bërë. Kijeni në mendje se kuadrati është simboli i numrit katër: dhe ju më së lehti do të ngriheni shpirtërisht brenda kuadratit, po qe se në atë rast nuk jeni të lidhur me botën fizike.

Për të lindurit në ditën 5
të cilitdo muaj

Për nga natyra jeni shpirt i trazuar, i doni ndryshimet dhe llojllojshmëritë, kurse gjithanshmëria juaj rrallë haset tek njerëzit tjerë. Jeni orator tepër i shkathtë, dhe këtu gati se jeni të pashembullt. Çdo gjë që bëni, karakterizohet me shpejtësi, efikasitet dhe qartësi. Keni shpirt të paqetë, bredhëritës; jeni temperamentë dhe sensualë. Jeni të lindur artistë, ëndërrimtarë dhe poetë të jetës, por vetë jeta për ju është art mbi arte. Pesë është numri i mistikëve, që do të thotë se ju jeni magjistar të lindur, alkimistë, mistikë.
Jeni të prirur për ezoteri, magji, mësimet okulte; jetoni për dashuri dhe nga dashuria. Jeni joekzistus si pakgjë në natyrë dhe, nguteni nga njëra përvojë në tjetrën, duke mbledhur bukurinë dhe lëngun e çdo gjëje dhe të të gjitha krijesave, që tërë këtë në fund t'ia shtoni urtisë suaj, me të cilën natyra ju ka pajisur. Asgjë nuk mund të ju lidhë gjatë për një gjë, për një vend; sepse gjithmonë rishtas synoni kah takimet e reja, kah njohjet e reja, udhëtimet e reja. Jeni mendjemprehtë e jo rrallë edhe kritikë mjaft të ashpër, por për nga shpirti jeni të ngrohtë, të butë dhe sensitivë.


Për të lindurit në ditën 6

të cilitdo muaj

E tërë jeta juaj është vargan hapash progresivë, meqë nga çdo përvojë nxirrni mësime të dobishme. Ju mësoni në çdo hap dhe me secilin hap arrini kokërr të re urtie, duke përforcuar karakterin tuaj e duke fuqizuar individualitin tuaj. Jeni shumë të dhënë pas familjes dhe shtëpisë, dhe njëra nga ëndrrat tuaja më të dashura është që t'i lumturoni ata që i doni.
Keni dëshirë t'i pranoni detyrimet që priten nga ju, të cilat vërtet janë të shumta. Puna dhe harmonia në jetë për ju janë shumë të rëndësishme, dhe ju e gjakoni rivënien dhe mbajtjen e tyre.
Besoni se dashuria mund të dominojë mbi të gjitha, se me dashuri ngadhënjehet mbi të gjitha, dhe ky besim tërësisht ju shpërblen dhe ju udhëheqë në jetë.


Për të lindurit në ditën 7

të cilitdo muaj

Keni natyrë të qetë dhe jo të imponueshme, përgjithmonë të interesuar për përmbajtje më të thella dhe më të fshehta të jetës sesa për manifestimet e saj sipërfaqësore. Me të gjitha, lini përshtypjen e personalitetit kreativ serioz dhe studimor. Pak njerëz ju njohin në të vërtetë, se ju nuk e tregoni zemrën tuaj dhe ndjenjat. Jeni të prirur ndaj misticizmit dhe ndaj mësimeve të Lindjes, si dhe ndaj arteve të bukura.
E injoroni botën materiale, fizike, dhe besoni se shpirti dhe shpirtërorja janë mbi të gjitha. Jeni ëndërrimtar të mëdhenj dhe poetë të jetës. Shtatë është numër i mistikëve dhe okultistëve.

Për të lindurit në ditën 8
të cilitdo muaj

Ju jeni mishërim i njeriut i cili i zbaton në vepër ligjet e jetës. Tregoni aftësi për shumë trajta organizimi, si në familje ashtu edhe në shoqëri. Me lehtësi të madhe i bëni të gjitha punët e natyrës materiale, sidomos ato që lidhen me fitimin e parasë. Kur miqtë tuaj janë në vështirësi, ata ju drejtohen për ndihmë, sepse e dinë se ju keni mirëkuptim për problemet e të afërmve dhe askujt nuk ia mohoni përkrahjen e gjithëmbarshme. E ndieni nevojën që të flijoheni për të tjerët, në radhë të parë për farefisin dhe miqtë tuaj.

Për të lindurit në ditën 9
të cilitdo muaj

Ju ju karakterizon ndjeshmëria dhe zemërgjerësia, ngrohtësia dhe toleranca. Keni përvojë jetësore tejet të begatë dhe horizonte të gjera. Jeni të prirur kah mësimet okulte, magjia, alkimia, spiritualizmi. Mbi të gjitha e çmoni muzikën dhe letërsinë e bukur, në radhë të parë poezinë. Keni për të udhëtuar shumë, keni për të vizituar shumë vende dhe qytete e në njërin nga ato udhëtime do ta takoni edhe personin e ëndrrave tuaja. Me atë person do të jeni të lumtur, si edhe ajo me ju; do ta vazhdoni rrugëtimin në dysh, sepse me të jeni shumë të lidhur në planin kërkimor dhe shpirtëror. Nëntë po ashtu është numër magjik, e kjo don të thotë dashuri, harmoni, mirëkuptim, mësim të fshehtë.

Për të lindurit në ditën 10
të cilitdo muaj

Ju jeni qenie e ndryshimeve, alkimist i jetës. Si rrallë kush ia dilni që të keqen ta shndërroni në të mirë, urrejtjen në dashuri, shëmtinë në bukuri. Gjithmonë jeni të kthjellët dhe përplot optimizëm. Besoni edhe në të pamundurën; dhe jo vetëm se besoni, ju edhe në vepër jeni të atillë. Njerëzit thjesht jua kanë lakminë, madje ngapak edhe zilinë për fuqinë shpirtërore. Dini t'i udhëhiqni gjërat, që të gjithë penjtë e fatit t'i mbani në duart tuaja.

Për të lindurit në ditën 11
të cilitdo muaj

Ju e keni një tërheqshmëri magnetike jo të zakonshme; pasi që numri 11 merret edhe si zotërues i fuqisë. Ju ju karakterizon intuita tejet e zhvilluar dhe gjakimi kah idealet e larta. Nga veçantitë e magnetizmit tuaj gati se shpërthen elektriciteti, energjia çudibërëse e cila ju ngritë mbi të gjitha problemet jetësore.
Ëndrrat tuaja nuk janë ëndërrim i kotë, meqë ju edhe idetë më të mëdha i zbatoni në jetë. Shpesh dashuroheni, por vetëm në fund e gjeni personin me të cilin do të jetoni jetë të gjatë dhe frytdhënëse.

Për të lindurit në ditën 12
të cilitdo muaj

Ju në njerëz lini përshtypje mahnitëse. Jeni tejet atraktivë, si në dukjen fizike ashtu edhe në aspektin shpirtëror. Jeni të drejtë dhe të matur; aksionet tuaja të motivuara janë nga parimet më të larta morale. Jeta shoqërore ka rëndësi shumë të madhe për ju, e edhe vetë jeni tejet aktivë në krijimin e asaj jete.


Për të lindurit në ditën 13

të cilitdo muaj

Ju posedoni aftësi të pakufizuara për punë, edhe pse në fëmijëri jeni dukur si të painteresuar për çfarëdolloj pune. Në bazë të kësaj shihet se jeni adeptë të lindur, meqë dobësitë tuaja ia keni dalur që t'i shndërroni në mbifuqi, dembelinë në aktivitet, shëmtinë në bukuri. Nëse jeni të qëndrueshëm, do të bëheni shembull dhe prijës, si i të dedikuarve ashtu edhe i masave të gjera. Njerëzit kanë për të ju festuar, thjesht do të ju adhurojnë. Keni shumë talente; jeni të prirur për pikturë, muzikë, si dhe për artet aplikative. Trembëdhjetë është po ashtu shenjë e fortë, numër okult.

Për të lindurit në ditën 14
të cilitdo muaj

Ju jeni lajmëtari i së vërtetës. Gënjeshtra, madje edhe kur ka qëllim të mirë në vetvete, është e huaj për qenien tuaj. Në ju shfaqet nevoja që në botë ta përhapni mendimin tuaj, bindjet dhe idetë tuaja. Jeni kritikë të jashtëzakonshëm. Shija juaj e rafinuar dhe profesionaliteti ju sigurojnë autoritet të lartë tek të gjithë që ju njohin. Ju karakterizon shpirti i fuqishëm dhe kreativ. Imagjinatën e keni shumë të zhvilluar dhe pjellore, i doni ndryshimet dhe llojllojshmërinë. Dobësia juaj e vetme është "jeta e ëmbël". Prirja kah udhëtimet dhe ndryshimet mund ta pengojë zhvillimin tuaj; për ju është më së miri që të mbeteni në shtegun tuaj.

Për të lindurit në ditën 15
të cilitdo muaj

Shtëpia, familja, miqtë nga rrethi i atyre që i doni, ju pengojnë në njëfarë mënyre, por në instancën e fundit kjo nuk ju pengon. Problemet e natyrës juridike dhe të arsimimit ju interesojnë posaçërisht. Mund të jeni orator i shkëlqyeshëm, ligjërues, shkrimtar apo spiker. Idetë tuaja origjinale mund të ju sjellin sukses në punë, sepse jeni si rrallë kush të durimshëm, rezistentë, të qëndrueshëm. Bukuria në trajta të ndryshme është shumë e rëndësishme në jetën tuaj, prandaj edhe keni vënë ekuilibrin në mes të shqisores dhe shpirtërores, konkretes dhe abstraktes.
Ndjenja fort e shprehur e detyrimit mund të ju pengojë në gjetjen e lumturisë suaj personale. Ju më me dëshirë iu ndihmoni të tjerëve, por ruajuni që joegoizmi juaj të mos e kufizojë dhe pengojë zhvillimin e potencialeve tuaja intelektuale dhe shpirtërore. Jini të dashur dhe joegoistë, por jo përtej kufijve të cilët mund t'i përballoni.

Për të lindurit në ditën 16
të cilitdo muaj

Ju jeni spirituozë, të shkathtë, të kujdesshëm dhe intelektualë. Shkaku i fuqisë kolosale të cilën e posedoni e me të cilën jeni në gjendje të rrënoni muret e paditurisë e të problemeve të rënda, shpesh nuk keni kohë që të merreni me marrëzinë. Pa vështirësi i zotëroni situatat, por këtë askujt nuk ia thoni, sepse jeni të thjeshtë dhe të qetë për nga natyra. Në jetë ju interesojnë gjërat më të thella dhe më të subtile, si edhe çdo gjë që është mistike. Keni ndikim të madh magnetik në njerëz, por nuk jeni mjaft të fortë që të distancoheni nga adhuruesit tuaj. Prandaj, në disa momente jeni tejet të tendosur, dhe çdo nerv e keni të tendosur si teli në violinë. Atëherë ju nevojitet relaksimi, si në planin shpirtëror po ashtu edhe në atë fizik. Tendosja e tepruar mund të ju sjell në depresion të cilës duhet t'ia preni hovin me kohë.

[Zero Cool]

Për të lindurit në ditën 17

të cilitdo muaj

Ju ju karakterizon ambicioziteti, guximi dhe vitaliteti. Kur me të vërtetë aktivizoheni, dhe kur jepni çdo gjë prej vetes, çdo gjë mund të arrini. Suksesin jua sjellin idetë tuaja origjinale dhe prezentimi i tyre i urtë para të tjerëve. Gjërat i kuptoni më thellësisht se të tjerët, prandaj ngandonjëherë jeni të vetmuar; por kjo aspak nuk ju pengon, pasi që ju lumturinë tuaj e gjeni në botën tuaj personale.
Shpeshherë tërhiqeni në vetmi, nga arsyeja se keni frikë nga njerëzit, edhe pse keni natyrë të shoqërueshme. Droja juaj jo rrallë mund të ju shokojë, sepse jeni mësuar që të jeni prijës, që të gjitha gjërat vetë t'i sinkronizoni. Në ato momente zbuloni se thellë në ju është një qenie më subtile, e cila iu kundërvihet aktiviteteve tuaja shoqërore. Natyra juaj është lirike, e ndijshme dhe ju, në të vërtetë, nuk jeni ashtu siç të tjerët ju shohin.


Për të lindurit në ditën 18

të cilitdo muaj

Ju jeni njeri i virtyteve dhe thjeshtësisë. Nuk dëshironi që të imponoheni shumë në shoqëri; jeni të qetë dhe të vetmuar. Juve më së tepërmi ju tërheqë natyra sepse ju jeni fëmijë i Nënës Natyrë. Po qe se jeni të qëndrueshëm në rrugën tuaj, mund të bëheni biolog apo botanist i shkëlqyer/shëm/, edhe pse edhe poezinë nuk e keni për të huaj.
E doni jetën, dini t'iu gëzoheni gjërave të vogëla, të zakonshme; besoni se përmbajtjen e jetës e përbëjnë pikërisht ato gjëra të thjeshta, të zakonshme.
Njerëzit nuk ju njohin mirë, shkaku se ju vetë nuk iu tregoheni, së andejmi shpesh jeni enigmatikë, misteriozë për rrethin tuaj. Të jesh në shoqëri me ju - ajo është kënaqësi e vërtetë! Ju jeni person tejet të ngrohtë, spirituozë, joimponues. \
Keni kuptim të gjithanshëm për botën, për të afërmit tuaj, për miqtë tuaj, por të afërmit shpesh nuk ju kuptojnë, prandaj, së andejmi, në disa momente, jeni tepër të palumtur. Vuani shkaku i të tjerëve, e kjo nuk do të duhej të ndodhte, sepse bota thjesht është e atillë/ashtu/ siç është, dhe ju si të tillë duhet ta pranoni.

Për të lindurit në ditën 19
të cilitdo muaj

Ju ju karakterizojnë durimi dhe qëndrueshmëria. Para se të sillni çfarëdo vendimi, mendoni gjatë për çdo gjë, e vështroni nga të gjitha këndvështrimet, e peshoni secilën 'për' dhe 'kundër'. Por, kur veçse e pranoni një gjë, atëherë shkoni deri në fund, pavarësisht nga sakrifica dhe pasojat.
Për nga natyra jeni të butë, të qetë dhe emotivë; i ruheni çdo banaliteti. Në secilin njeri e kërkoni dhe e gjeni atë më sublimen, më fisniken; askë për asgjë nuk e gjykoni; jeni tolerantë dhe, në çdo situatë, tregoni mirëkuptim maksimal për veprimin e të gjithëve.
Keni prirje ndaj muzikës, poezisë dhe pikturës, por mbi të gjitha ju magjepsin pikturat e artistëve të hershëm. Ju tërheqin edhe mësimet okulte, ku e shihni çelësin për të gjitha problemet njerëzore.

Për të lindurit në ditën 20
të cilitdo muaj

Ju jeni personi të cilin me kënaqësi e pranon rrethi, edhe pse për nga natyra nuk jeni imponues. Jeni të kthjellët, të qeshur dhe në çdo situatë rrezatoni ngrohtësi dhe dashuri. Nuk i dëshironi spekulimet, nuk teorizoni shumë, pasi që jeni qenie aksioni, që do të thotë: njeri që të gjitha idetë menjëherë i shndërroni në vepër.
Ata të cilët nuk ju njohin mirë, ju marrin si qejfli të mëdhenj, edhe pse ju në esencë jeni diçka krejt tjetër. Ju thjesht i gëzoheni jetës dhe mendoni se jeta është shenjtëria më e madhe. Për ju sikur nuk ka probleme të pazgjidhshme dhe me këtë më së tepërmi i tërhiqni njerëzit. Gati se magjikisht ndikoni në personat e polit të kundërt, e kjo rrjedh shkaku se besoni në vetvete, se jeni, si pak-kush, entuziatë, përplot optimizëm.

Për të lindurit në ditën 21
të cilitdo muaj

Edhe numri 21 merret si numër magjik, pasi që në vete mban dy numra të fuqishëm: 2 dhe 1. Numri 2 është principi material, kurse 1 është simbol i kozmosit, Zotit, energjisë hyjnore. Kështu që ju, me vetë lindjen, jeni të prirur kah magjia, mësimet e fshehta, mistika, okultizmi. Për ju me shumë rëndësi është ekuilibri në mes të materiales dhe shpirtërores, të dukshmes e të padukshmes, së poshtmes dhe së lartmes.
Në jetë do t'i keni shumë mësues, do t'i pranoni shumë mësime, por në fund do ta gjeni rrugën tuaj dhe do të sillni diçka të re në nivelin okult. Në vitet tridhjetë të jetës do ta kuptoni se jeta, vetvetiu, në qoftë se në mënyrë adekuate e kuptoni, është më e madhe se të gjitha artet.
I besoni dashurisë dhe ai besim ka për t'ju mbajtur, madje edhe në krizat më të mëdha, deri në fund të jetës së gjatë dhe të frytshme.

Për të lindurit në ditën 22
të cilitdo muaj

Ju keni frikë nga ndryshimi i papritur. Jeni të pavendosur në sjelljen e vendimit. Shumëçka ju lidhë me botën materiale, prandaj edhe ndiheni të pasigurt në sferat intelektuale dhe shpirtërore.
Ndryshimet e mëdha kah e mira ju presin para fundit të decenies së katërt të jetës. Do të keni sukses në punët që lidhen me shkencat natyrore, pasi që ju jeni dy herë botë tokësore (numri 2 është dy herë shenja juaj).
Nuk besoni shumë në gjërat e padukshme; i përmbaheni besnikërisht asaj që ju sjell begati materiale.
Jeni të lidhur për shtëpinë dhe familjen; në rrethin e të afërmve tuaj e gjeni gëzimin dhe ngrohtësinë e gjithëmbarshme.


Për të lindurit në ditën 23

të cilitdo muaj

Që me lindje jeni të parapërcaktuar për gjëra të mëdha, për ndërmarrje të mëdha në jetë; por, jo: duhet të investoni mjaft angazhim edhe për t'i realizuar idetë tuaja. Jetën nuk do ta keni të lehtë - do të keni mjaft probleme materiale - por në fund të gjitha vështirësitë do t'i tejkaloni. Fama ju pret në mes viteve tridhjetë dhe katërdhjetë të jetës. Në këtë periudhë do të keni më tepër dashuri, por, njëra, megjithatë, ka për të qenë më e madhe nga të gjitha.
Njerëzit kanë për të gjykuar gabimisht për ju, sepse të gjithë do ta shikojnë vetëm atë të jashtmen, e askush nuk do ta ndjejë natyrën tuaj subtile. Keni shpirt të mrekullueshëm; ju tërheqin të gjitha gjërat e bukura e të lartësuara, derisa për gjërat e shëmtuara i ikni çdo bisede.
Për të lindurit në ditën 24
të cilitdo muaj

Bota e argëtimit ju tërheqë shumë, pasi që mendoni se vetëm në një botë të tillë shprehet natyra juaj e vërtetë. E doni jetën e lehtë dhe të këndshme, por rrethanat materiale nuk ju lënë që të notoni në ujërat e hedonizmit. Por, jo; ju edhe më tej besoni se nuk ka për të zgjatur shumë kur edhe ylli juaj i fatit do të vezullojë në qiellin e të privilegjuarve.
Në të gjitha rastet, do të kishit mundur ta shijonit lumturinë në estradë apo skenë, si këngëtarë, gjegjësisht si artistë, duke qenë se keni mjaft dhanti dhe prirje kah këto arte, edhe pse edhe artet tjera - si poezia dhe piktura - nuk ju janë të huaja.
Shpesh jeni të shqetësuar e të trazuar, e që edhe vetë të mos e dini se përse. Kjo vjen nga ajo se ju do të dëshironit shumë më tepër sesa që rrethanat ju lejojnë. Mos fluturoni aq lart, lëshohuni për toke, dhe lumturinë kërkojeni në gjëart e vogëla, në mesin e botës së zakonshme.

Për të lindurit në ditën 25
të cilitdo muaj

Jeta juaj është kërkim i përjetshëm kah e vërteta, pastërtia dhe gjërat e bukura. Për nga natyra jeni mjaft emotivë dhe spirituozë. Lëshoheni në thellësinë e qenies suaj dhe gjeni vendstrehim në vetvete. Më të sigurtit jeni kur të ndodheni në botën tuaj personale, ku asgjë plotësisht nuk mund të ju lëkundë. Keni imagjinatë të bujshme dhe prirje kah artet. Jeni të qetë, të heshtur, të tërhequr në vetvete, enigmatikë për të afërmit tuaj, enigmë e madhe madje edhe për ata me të cilët rrini për çdo ditë.
Rruga të cilën e keni zgjedhur nuk është aspak e lehtë; por, jo: ju jeni rezistentë dhe qëndroni deri në fund. Keni përjetuar shumë zhgënjime në jetë, por edhe më tej besoni në dashuri dhe miqësi. Kurrë, as për një moment, nuk ju humbin nga përceptimi idealet tuaja të larta.
Jeni të kthyer kah mistika, magjia dhe mësimet okulte. Besoni në atë se bota do të jetë gjithnjë e më e mirë; se dashuria është më e fuqishme se urrejtja; se e mira është më e qëndrueshme se e keqja. Shpirti juaj i kthjellët është burim i shëndetit tuaj dhe i energjisë suaj jetësore.


Për të lindurit në ditën 26

të cilitdo muaj

Ju jeni person energjik dhe vital. Me atë energji tuajën në zgjedhë është edhe dëshira juaj për bashkëpunim me të tjerët të cilëve dëshironi t'ua transmetoni/bartni diturinë tuaj të gjithëmbarshme. Veçanërisht jeni të brengosur për lumturinë dhe mirëqenien e familjes suaj dhe të atyre që i doni. Jeni të entuziamuar me punët e mëdha, me ndërmarrjet e rëndësishme dhe ndiheni të lumtur kur mund të merrni pjesë në diçka të madhe. Jeni të dashur, të kujdesshëm; të arsyeshëm; kurrë askë nuk e shfrytëzoni; ndini gëzim të madh kur iu ndihmoni të tjerëve, miqve dhe farefisit. E merrni se pasuria është në dhënie e jo në marrje.
I dëshironi shkencat natyrore, por asnjë trohë më pak nuk ju tërheqin edhe mësimet e fshehta ku e gjeni kuptimin e gjithëmbarshëm të jetës dhe botës.
Për të lindurit në ditën 27
të cilitdo muaj

Jeta, të cilën e bëni ju, përfshin përvoja jetësore të shumta dhe të ndryshme. Jeni person intelektual, emotiv, mendimtar dhe simpatik. Posedoni forcë të madhe të imagjinimit dhe vizuelizimit, prandaj do të kishit mundur të merreshit me arte. Punët lidhur me udhëtimet, anijet, telegrafinë dhe televizionin do të mund të ju sillnin suksese. Ju tërheqin okultizmi dhe misticizmi, dhe mund të bëheni njohës të mëdhenj të këtyre fushave. Hiqjuni jetës dhe të jetuarit asketik, vetmitar; hyni në shoqërinë e njerëzve të zakonshëm, të atyre që ndodhen në vetë burimin /amën/ e jetës.
Në mesin e viteve të tridhjetave e të katërdhjetave të jetës, po qe se i orientoni forcat tuaja si duhet, do t'i zgjidhni problemet e natyrës materiale; mund të bëheni madje edhe biznesmen i suksesshëm me ndihmën e artit.

Për të lindurit në ditën 28
të cilitdo muaj

Jeni me vetënisjativë, sipërmarrës dhe energjikë. I posedoni të gjitha kualitetet e një prijësi, të një personaliteti të jashtëzakonshëm spirituoz. Forcat kozmike janë thellë të mbjella në ju, dhe ju ato i shprehni në punët e natyrës organizative. Jeni kreativë dhe origjinalë, por punët ju shkojnë më mirë kur bashkëpunoni me dikë, sesa kur punoni vetëm, kokë më vete. Jeni tepër të shkathtë që gjërat t'i ktheni kah e mira, kështu që do të kishit mundur të keni sukses në kimi, fizikë dhe në shkencat natyrore.
Mos u bëni së tepërmi të pavarur në aksionet dhe idetë tuaja. Po qe se vetveten e merrni si të mjaftueshëm, për nga natyra, diç më i madh se të tjerët, mund ta humbisni afërsinë kah miqtë dhe të afërmit në familje.

Për të lindurit në ditën 29
të cilitdo muaj

Forca magnetike me të cilën ndikoni mbi njerëzit tjerë, është esenca e veçantisë suaj, e si pasojë e kësaj janë miqtë dhe adhuruesit e shumtë, të cilët i mblidhni rreth vetvetes. Ju, këtë, natyrisht, në mënyrë spontane, e arrini, gjë që shprehet në pozicionin tuaj në familje dhe në shoqëri. Me kënaqësi e pranoni bashkëpunimin, por ai impuls më parë vjen nga koka sesa nga zemra. Keni instikt të lindur për njohjen dhe njohjen dhe mirëkuptimin e njerëzve të tjerë. Fuqia juaj e madhe e përceptimit ju bën qytetarë të botës. Mund të jeni pavetëdijshmërisht të prirur të reflektoni vetitë e të njohurve tuaj. Mos jini tepër të përshtatshëm, por as tepër të vrazhdë. Maturia është mënyra më e mirë e të shprehurit tuaj, nëna e urtisë suaj jetësore.


Për të lindurit në ditën 30

të cilitdo muaj

Për nga natyra jeni të butë, emotivë dhe përplot dashuri për të afërmit. I doni artet - poezinë, pikturën, muzikën. Jeni të lidhur për familjen dhe natyra juaj e vërtetë vjen në shprehje vetëm në familje. Ata të cilët nuk ju njohin mirë, kanë për të gjykuar për ju gabimisht, pasi që nuk do t'i kuptojnë disa veprime tuajat, pasi qqë ju jeni personi i cili më shpesh mendon me zemër sesa me kokë.
Posedoni forcë të madhe magnetike dhe kurrë nuk kanë për të ju munguar miqtë, por për ju kjo sikur nuk çon shumë në peshë. Për ju gjëja më e rëndësishme është qetësia në shtëpi dhe mirëqenia në familje. Jeni bashkudhëtar i mrekullueshëm në jetë dhe prind i këndshëm; keni shumë mirëkuptim për të gjitha, por shpesh, shkaku i kësaj, e pësoni, sepse hasni në moskuptim. Mos i dëgjoni këshillat dhe komentet e të tjerëve, veçse kthehuni kah vetvetja dhe të afërmit tuaj; mos e harxhoni kot energjinë tuaj kreative; kini kujdes për shëndetin tuaj personal.


Për të lindurit në ditën 31

të cilitdo muaj

Ju keni ide kreative dhe njohësi me njerëzit adekuatë të cilët mund t'i realizojnë ato. Mund të keni sukses të madh në jetën shoqërore, po qe se asaj i përkushtoheni si duhet. Posedoni forcë të gjykimit të drejtë, forcë për dallimin e të rëndësishmes nga e parëndësishmja. Ndërgjegjshmëria juaj kurrë nuk mbetet e pashpërblyer. Kini pak më tepër kujdes për interesat tuaj personalë. Jo egoizmi juaj mund të ju dërgojë aq larg saqë thjesht ta harroni vetveten. Bashkëpunimi me njerëzit e profesionit ka për të ju sjellë sukses dhe ka për të ju ndihmuar që t'i zgjidhni problemet materiale.

[Zero Cool]

Dashuria sipas grupit të gjakut


Kërkimet më të reja shkencore, kanë dëshmuar se grupi i gjakut të cilin ne e trashëgojmë që nga lindja, me të madhe ndikon në mënyrën se si i përjetojmë dhe i shprehim emocionet tona. Prandaj, as te ne shqiptarët, kur dy persona nuk përputhen në mes veti, nuk thuhet rastësisht: "nuk ju janë pajtuar gjaqet".

Se përmes analizës së grupit të gjakut, mund të krijohen shumë profile individuale psikologjike, ky vlerësim i mundshëm parashikues, qysh moti është i njohur dhe i aplikuar në shtetet e civilizimeve të ndryshme të Lindjes. Japonezët, ta zëmë, praktikojnë që gjatë vlerësimit të karaktereve psikologjike, të marrin për bazë treguesit e analizave të bërë sipas metodës së grupit të gjakut. dhe kjo metodë në gjuhën e tyre quhet "KETSUEGIGATA". Praktikohet posaçërisht tek përzgjedhja e partnerit dashuror për martesë. Realisht, metoda e analizës së karakterit përmes grupit të gjakut, më se 15 vite, veç është e aplikueshme në praktikën e psikologjisë industriale, dhe atë, më së shumti e përdorin institucionet e përsosura të kompanive të mëdha botërore të marketingut, gjatë njohjes dhe parashikimit të shprehive të blerësve potencial.

Njëkohësisht, këto kompani, analizën e vlerësimit psikologjik të karakterit të një personi sipas grupit të tij të gjakut, e përdorin edhe gjatë pranimit në punë të kuadrove të reja . Japonezët, këtë metodë vlerësuese, paralelisht me metodat tjera të testeve psikologjike, e përdorin në Industri gjatë përcaktimit të aftësive kreative grupore të punëtorëve për vende të caktuara të punës, gjegjësisht, cila punë, cilit person, dhe me cilin grup të caktuar të gjakut do t'i përshtatet më së shumti dhe ai aty do të jetë më produktiv.

Analiza dashurore e personave sipas kategorizimit të karakterit të tyre në bazë të grupit të gjakut.

GRUPI I GJAKUT "0"

Personat që kanë këtë grup të gjakut, në të shumtin e rasteve janë dashamire, të çiltër dhe mikpritës. Nuk ngurojnë të ta thonë të vërtetë në sy. Janë të sinqertë dhe besnik. Për shkak se nuk janë të pirur që mbi vete të marrin përgjegjësinë, femrat me grupin e gjakut "0", më me ëndje do të kërkojnë ambientin dhe rrethin ku do të ndjehen të sigurt dhe të mbrojtur. Nga ana tjetër, meshkujt me grup të gjakut "0" janë "gjuetarë" të vërtetë.

Kanë nevojën tejet të shprehur që të dominojnë dhe të jenë të vërejtur nga të tjerët, andaj, më me ëndje i përzgjedhin profesionet që ju sigurojnë publicitet dhe autoritet: artist, aktor, gazetar, estrada.... kanë dhuntinë që të jetojnë dhe të shoqërohen me ata persona që nga natyra janë kureshtar, të gjallë dhe dinamik.

Monotonia dhe jeta me shabllone të zakonshme, këtyre fare nuk ju përgjigjet. Në krahasim me femrat, meshkujt me këtë grup të gjakut, më tepër janë të interesuar për karijerë, andaj, kur diçka ka të bëj me punën dhe biznesin e tyre, shumë vështir lëshohen në ndërmarrje të pamatura, së pari pa vlerësua në at punë, levendin e sigurt në favorin e tij. Partneriteti dhe familja: Femrat me grup të gjakut "0", nga meshkujt (partneri) presin njomësi, kënaqësi dhe fat. Këto, ndjejnë dëshirën intensive për martesë, përmes së cilës llogarisin t'i realizojnë synimet e veta familjare dhe jetësore. Si bashkëshorte, shpesh sundojnë nga prapavija dhe luajnë një rol vendimtar në suksesin e karijerës së bashkëshortit. Si nëna, ato ndaj fëmijëve të vetë, paraqiten më tepër si shok dhe jaranë. Të gjitha ambiciet e veta konkrete presin t'i realizojnë përmes fëmijëve dhe bashkëshortit. Nga ana tjetër, meshkujt me grupin e gjakut "0" shumë janë të interesuara për femra. Janë tejet aktiv në këtë drejtim, prandaj edhe fermat i vërejnë me lehtësi këtë afinitet të tyre.

GRUPI I GJAKUR "A "

Personat me këtë krup të gjakut cilësohen si tejet inteligjent, të cilët, në të shumtën e rasteve, në raport ndaj të tjerëve, paraqiten si të "ftohtë" dhe të pa interesuar. Por, kjo veti e tyre është vetëm mbrojtje, sepse, realisht, ata janë tejet të ndjeshëm. Më së miri do t'i përshkruante ata shprehja figurative - "ushtari i njomë", sepse, përveç anës emotive të shprehur, i karakterizon rregulli dhe disiplina në jetë. Janë tejet profesional dhe të përkushtuar obligimeve familjare. Janë të gatshëm të marrin mbi vete përgjegjësitë, t'i kuptojnë të tjerët, por, nga ana tjetër edhe mjaftë presin prej tyre. Njihen si organizatorë të aftë, insistojnë në precizitetin e punës dhe kanë seriozitet të përkushtuar. Në të vërtetë, para të tjerëve, ata nuk dinë dhe as që insistojnë të eksponohen, prandaj edhe mbeten të pavërejtur, të vetmuar dhe të lënë anash. Partneriteti dhe familja: Si meshkujt, ashtu edhe femrat nga grupi "A" i gjakut, në marrëdhëniet e ndërsjellët janë persona liberal. E respektojnë partnerin e kundërt me të gjitha kualitetet e tij/saj. Por, për shkak të natyrës së tyre tejet të ndjeshme emotive, këta do ti zbulojnë ndjenjat e tyre të vërteta, tek atëherë kur të jenë të sigurt se nuk do të përqeshen dhe nënçmohen nga të tjerët.
Femra e grupit të gjakut "A" është një nënë e cila kujdeset mirë për fëmijët e saj, i inkurajon ata në jetë, por, si kundër shpërblim, edhe kërkon një gjë të njëjtë prej tyre. Meshkujt nga grupi i gjakut "A", nga përshtypja e parë që lënë, nuk duken si tërheqës për polin e kundërt. Vlerat e tyre të vërteta, femrat i zbulojnë, tek kur të qëndrojnë më gjatë me ta. Kualiteti i tyre më i madh është besnikëria martesore dhe përkushtimi ndaj familjes. Kur këta një herë të themelojnë familjen, aty e përqendrojnë tërë energjinë jetësore kreative. Zakonisht, në të gjitha veprimet e tyre, këta i përkrahin dhe i inkurajojnë bashkëshortet e tyre, duke dhënë një kontribut të jashtëzakonshëm në përparimin gjatë karterës së tyre profesionale.

GRUPI I GJAKUT "B "

Shikuar nga aspekti psikologjik, sikur meshkujt, ashtu e femrat me grupin e gjakut "B" janë tejet interesante dhe atraktive. Në shikim të parë duken si intravern dhe të tërhequr në vetvete, por realisht, ata kanë të formuar konceptin e qartë të synimeve dhe dëshirave të tyre jetësore. Në aspektin profesional, femrat e grupit "B" të gjakut, rrugën e karrierës së tyre e trasojnë kryekëput duke u mbështetur në vlerat personale të dëshmuara me kohë, dhe gati kurrë, nuk e eksponojnë frymën garuese me të tjerët. Veprojnë kryekëput në rrethin e ngushtë të shokëve dhe miqve të verifikuar. Meshkujt e këtij grupi kanë në vete diçka, të themi ashtu si një fasadë kamufluese dhe mbrojtëse. Gjithmonë veprojnë të heshtur, të ngurtë dhe të tërhequr, ndërsa, gjatë kësaj koha, sikur "shahist" të vërtetë, pa ndonjë pompozitet të shprehur, planifikojnë "potezet" e ardhshme që duhet t'i ndërmarrin të arrijnë gjer tek caku i dëshiruar. Me qëllim të arritjes së plotë të synimeve të tyre, këta janë në gjendje që ta eliminojnë ekspozimin e tyre para të tjerëve. Zakonisht, kurrë nuk i përzgjedhin profesionet që i eksponojnë në planë të parë. Kanë dëshirë që gjithnjë të vendosin, por ja si të eksponuar, por prapa kulisave dhe jashtë syve të botës.

Partneriteti dhe familja: Në dashuri, femrat e grupit të gjakut "B" presin shumë njomësi, kënaqësi, fat, besnikëri dhe përkujdesje të partnerit ndaj tyre. Fillimisht janë të dyshimtë, me ambicie dhe kërkesa të mëdha, andaj, shumë vështirë vendosin që të hyjnë në ujërat bashkëshortore. Kur veç vendosin të martohen dhe bëhen nëna, janë tejet besnike dhe të përkushtuara familjes. Është karakteristike për meshkujt e grupit të gjakut "B", se në përgjithësi grat e tyre i nderojnë dhe i respektojnë përtej mase. Për gruan që do të vendosin ta përzgjedhin si partner të jetës, asaj do t'ua sjellin çdo gjë para këmbëve duke e trajtuar si mbretëresh të vërtetë. Por, natyre e maskuar e meshkujve nga ky grup, do të vjen në shprehje tek te raporte emotive. Kur nuk kanë hasur në partnerin e vërtetë të jetës, janë të prirur për njëanshmëri dhe melankoli. Për ta, në këto momente, është më lehtë të ëndërrojnë, se sa të ballafaqohen me situatën reale bashkëshortore.

GRUPI I GJAKUT "AB"

Femrat nga grupi gjakut "AB" jenë persona të shkëlqyera. Janë të ndjeshme ndaj të tjerëve, ndërsa ,cinizmi dhe ironia, është diçka e huaj për to. Nuk kanë kërkesa specifike në jetë dhe mund t'i takojnë cilido grup, sepse, shumë lehtë adaptohen çdo rrethi dhe mentaliteti, duke pasur sukses që në këtë shkrirje gjithnjë ta ruajnë individualitetin e vetë karakteristik. Kur kemi të bëjmë me meshkujt e këtij grupi të gjakut, na duket sikur tek ta bëhet fërkimi i dy karakteristikave të shprehura si veçanti si për grupin "A" ashtu edhe "B". Mu për këtë natyrë dytëshorë të tyre, meshkujt me grupin e gjakut "AB" nuk munden aq lehtë të adaptohen rrethanave të reja me të cilat ballafaqohen gjatë jetës. Nëse për shembull, këta gjenden në një rreth të dominuar nga personat me grupin e gjakut "A", atëherë, tek ata, më së shumti do të shprehen karakteristikat e grupit të gjakut "B" dhe anasjelltas. Partneriteti dhe familja: Femrat e grupit të gjakut "AB" i adhurojnë meshkujt me prirje aventuriere, ndërsa kënaqen në dashuri vetëm nëse ju lejohet që ato të mbeten mistike. Si nëna, janë të lidhur me fëmijët, por kërkesat ndaj tyre nuk janë të tepruara, dhe sillen në suazat e raporteve normale. Kur kemi të bëjmë me meshkujt nga grupi i gjakut "AB", specialiteti i tyre është vardisja. Janë "donzhuan" dhe lajkatarë të vërtetë, por, në princip, tregohen tejet të këndshëm, vardisen në mënyrë substile duke shfaqur respekt të sinqertë ndaj polit të kundërt. Sa do të pajtohen këta si dy anë të kundërta, me të madhe varet nga partneri tjetër. Ta zëmë, nëse e përzgjedhura e tij është nga grupi "A, ky do të sillet sikurse me veti tipike si të grupit të gjakut "B" dhe e kundërta.



TRI PËRPUTHSHMËRI MË ADEKUATE DASHURORE

Në hulumtimet e gjertanishme, pajtueshmëria në marrëdhëniet emotive dhe dashurore në mes të personave të grupeve të kundërta të gjakut, nuk është dëshmuar ende saktësisht. Por, bazuar në profilet e përfituara psikologjike të grupeve të ndryshme të gjakut dhe bartësve të tyre, përfitohet një pasqyrë e qartë se cilat kombinime profilesh gjatë martesës kanë harmoni më të përshtatshme në mes veti.

Femra A + mashkulli O: EROPCIONI I EPSHEVE Lidhjen më epshore në mes veti e arijnë femrat që i përkasin grupit të gjakut "A" dhe meshkujt e grupit të gjakut "O". Po ashtu, kjo është edhe një kombinim i thjeshtë biologjik, sepse nga kjo bashkësi martesore lindin më së shumti fëmijë Si anë negative e këtij kombinimi, femra duhet të ketë më tepër kujdes në natyrën jo stabile të partnerit dhe më tepër të angazhohet për ta ruajtur për vete.

Femra O + mashkulli AB: PËRHERË TË DASHURUAR Martesat në mes të femrave të grupit të gjakut "O" dhe meshkujve të grupit të gjakut "AB" , nga të gjitha kombinimet tjera, në praktikë, janë treguar si më harmonike. Zakonisht janë martesa romantike dhe lidhje kualitative.

Femra A + mashkulli B: PAJTUESHMËRI

KONTRADIKTOREVëmendjen e një mashkulli të grupit të gjakut "B"gjithnjë do ta tërheq femra me grupin e gjakut "A". Ndoshta, mu kjo është kombinimi më i mire për martesë, sepse, karakteristikat e ndërsjella të tipareve kontradiktore, gjithnjë përmbushen në mes veti, Femrat me grupin e gjakut "A" gjithmonë kanë nevojë që të përkujdesen për dike, ndërsa meshkujt e grupit të gjakut "B", gjithmonë ndjenë nevojën që dikush tjetër të përkujdeset për ta.

[Zero Cool]

Numerologjia e dashurisë


Karakteri juaj dashuror reflekton në numrin tuaj përfaqësues. Gjetja e numrit bëhet, siç është thënë edhe më parë, duke mbledhur numrat e ditëlindjes dhe të muajit tuaj të lindjes dhe shndërrimi i tyre në numër njëshifror në mes të 1 dhe 9. Për shembull: Jam i lindur më 21 mars (21 + 3 = 24 dhe 2 + 4 = 6) domethënë, numri im është 6.

NËSE JENI 1:

Jeni të pavarur, impulsiv dhe spontan. Dëshironi që vetë të arrini gjer tek suksesi. Në planin sentimental ju udhëheq pasioni, ju doni ose nuk doni, dhe silleni në harmoni me këtë. Keni nevojë që të jeni krenar me partnerin tuaj (por, edhe pse ju atë vetë e zgjidhni, keni vështirësi kur duhet t'i bëni disa lëshime, të sakrifikoni pak liri, ndaj më tepër e doni partnerin pak më të bindur). Duke qenë se jeni të guximshëm dhe dinamikë, ju jeni forca lëvizëse e perandorit.

NËSE JENI 2

Ju e dini se çfarë do të thotë koketim, tërheqshmëri, "dashuri e përjetshme". Pasi që jeni të butë, krejtësisht sensibilë, jeni të aftë t'iu përshtateni të tjerëve dhe t'iu bëni shërbime. Vërtet është vështirë të jetoni të vetmuar dhe keni nevojë që me dikë ta ndani derdhazën e ndjenjave. Jeni të hapur ndaj rrethit dhe dëshironi që me të të jetoni në harmoni, ndaj ndiqeni vetëm një rrugë: rrugën në të cilën zemra ju drejton.

NËSE JENI 3

I pushtoni të tjerët me natyrën tuaj artistike dhe imagjinative, me shpirtin tuaj të gjallërishëm, brilant dhe me kuptimin për humor, por edhe me nevojën vetanake për të qenë të pavarur. Mbi të gjitha e doni lirinë. Jeni shpirtgjerë dhe plot pasion në dashuri, e i frikësoheni vetëm monotonisë sentimentale e cila mund t'ua ngulfasë jetën tuaj. Për ju dashuria duhet të jetë lojë sentimentale. Në të kundërtën, ju asaj nuk i dorëzoheni. Thjesht, duhet t'jua ofrojë lirinë dhe të mahnitet me ju.

NËSE JENI 4

Lidhjet kalimtare? Flertet për një ditë? Nuk është kjo për ju. Ju jeni të dashur, sensitivë, të butë (madje edhe kur këtë e fshihni prapa jashtësisë së përmbajtur dhe të rezervuar), ndaj për dashuri ju nevojitet siguria, sinqeriteti, respekti - juve ju ndjell ndershmëria, bota e ndjenjave, e kurrsesi marrëzitë gjithëfarëshe. Jeni posesivë dhe besnikë (sipas rregullit) , prandaj hiqjuni dashurisë në shikim të parë, pasioneve që mund të shërthejnë... dhe të shuhen.

NËSE JENI 5

Nëse flasim drejt, për ju nuk do të mund të thuhej se jeni prej atyre që fluturojnë nëpër retë dhe ëndrrat dashurore. Çfarë dëshironi ju? Lirinë, aventurën, udhëtimet, miqësitë dhe atë që është e re. Keni temperament të vrullshëm, jeni të padurimshëm dhe energjikë, ndaj çdo gjë tek ju ndodh papritur dhe spontanisht. Çdo gjë do të dëshironit të provonit, t'i ndani gëzimet tuaja jetësore, dhe pasi që me magnetizmin dhe sharmin tuaj të lindur i tërhiqni të tjerët, ju mendoni se çdo minutë (dashurore) meriton të jetë i përjetuar.

NËSE JENI 6

Gjashtëshi është numër i harmonisë dhe dashurisë. Keni natyrë romantike dhe të mbrojtur, ndaj jeni të gatshëm të jepni shumë për të mundur ta pëtjetoni qetësisht dashurinë tuaj (në këtë rast dashrinë do të duhej ta shënonim me shkronja të mëdha). Ju magjeps bukuria, kurse e ndillni dhe e ngashënjeni atë me butësinë tuaj dhe ndjeshmërinë e theksuar. Nga ana tjetër, ju nevojitet të jeni të qetë, të mbrojtur, sepse ju lidhjet e paqëndrueshme lehtë ju nxjerrin nga ekuilibri.

NËSE JENI 7

Shtatëshi, numri i fshehtësive, e bën edhe shpirtin tuaj misterioz; nuk i tregoni lehtë ndjesitë tuaja. Jeni temperament i llojit të vet, të pavarur (mbase edhe të vetmuar!) dhe për ju joshja e polit tjetër nuk do të thotë se duhet të jetë intelektuale. Në të vërtetë, ju mund të dukeni indiferentë, por në thellësi të shpirtit ju jeni sensitivë dhe në ju vlojnë ndjenjat. Ju nuk thoni lehtë: "Të dua!", këtë e tregoni në tjetër mënyrë. I mbetet partnerit tuaj që ta zbulojë fshehtësinë tuaj, të depërtojë në atë mister.

NËSE JENI 8

Tetëshi, numri i fuqisë, jua jep edhe dëshirën e fuqishme, ndaj tërheqshmëria juaj ndihet në rrethin tuaj. Për ju përvetësimi në dashuri nuk është "cikërrimë": kur doni, doni intensivisht. Për nga karakteri jeni besnik, të hapur dhe të plotë; ndjenjat i keni të drejtpërdrejta dhe me ju partneri e di se çfarë duhet bërë. Kur ju jeni në pyetje, pasioni dhe besnikëria duhet ta nënkuptojnë njëra-tjetrën, sepse ju muk përfillni asgjë që është gjysmake.

NËSE JENI 9

Nëntëshi, numri i fundit, është numër i idealizimit. Jeni shpirtmëdhenj, të durimshëm, zemërgjerë. Nuk jeni "romantikë" në dashuri, por jeni sentimentalë ( a e vëreni dallimin?). Keni nevojë që të tjerët t'jua konfirmojnë dashurinë të cilën ndiejnë. Jeni shumë intuitivë, psikologë, lehtë i përvetësoni të tjerët dhe njerëzit kanë besim në ju. Për nga karakteri jeni joshfrytëzues, i doni njerëzit dhe për ju dashuria nuk është vetëm bashkëjetesë, por edhe bashkëpunim.

[Zero Cool]

Fati përmes monedhës


A i besoni realitetit se ju jeni vetë ai që bartni çelësin e fatit tuaj për të ardhmen, madje, se parashikimi pikërisht i këtij fati gjendet në portofolin tuaj? Sigurisht se JO! Përmes kësaj metode të prezantuar si më poshtë, do të vëreni se sa të pakufizuara janë mundësitë e aplikimit të monedhave për parathënien e fatit tuaj.

▪ Sipas sistemit të numerologjisë, ju mundeni që edhe përmes një monedhe prej letre të parashikoni, respektivisht t'i mësoni ngjarjet që ju presin në të ardhmen dhe tendencat tjera në lëvizje, nëse për këtë e parashtroni pyetjen e duhur, në momentin e duhur dhe me aplikimin e metodës së caktuar të sistemit numerologjik.

Ndoshta nuk e keni ditur se, secila monedhë është, po ashtu, si edhe posedusi i saj - e veçantë dhe se asgjë nuk ndodh rastësisht në realitetin tonë të përditshëm. Për çdo gjë, përherë ka ndonjë arsye.

Edhe posedimi i një monedhe në xhep apo portofol ka një domethënie. Pse mu ajo monedhë, dhe mu me atë numër serik, aspak nuk është e rastësishme. Duke aplikuar këtë parim, edhe në metodologjinë që do ta prezentojmë si më poshtë, edhe ju mund të kërkoni përgjigjet në pyetjet tuaja të hamendshme për shumë çështje praktike nga jeta e përditshme.
Çfarë duhet bërë është vetëm ta përcillni sqarimin tonë në vazhdim:

HAPI I PARË: Ju nevojitet një monedhë nga letra

Për prakticizmin e metodës në shtjellim ne, zakonisht, flasim për valutën e monedhave në euro. Mirëpo, a do t'i përdorni ju valutat edhe në franga, marka, dollar, funte, pesetë... për Orakullin nuk luan ndonjë rol - me rëndësi është që në monedhën tuaj të jetë numri serik, respektivisht një radhë e shifruar, që dallon nga bankënotat tjera. Monedha nuk do të duhej të merrej nga automati i parave, por, nëse është e mundur, të ketë kaluar nëpër shumë duar, deri sa të ketë rënë në duart tua, qoftë si para e shkëmbyer, qoftë si dhuratë.

HAPI I DYTË: Lexojeni numrin serik

Merreni një monedhë letre pa e përzgjedhur se cilën nga portofoli juaj. Shtrijeni bankënotën e zgjedhur para jush. Lexojeni numrin serik të saj.

HAPI I TRETË: Shtroni pyetjet tuaja

Këtu po ju sjell një shembull: Ta marrim se ju doni ta dini, se a do të duhej të takoheshit me një mik tuajin. Në këto raste, pyetja e parashtruar duhet të jetë e thjeshtë, konkrete, spontane dhe e sinqertë. Ajo duhet ta shprehë preokupimin tuaj momental. Të supozojmë se veç e keni marrë nga tufa e monedhave një monedhë (gjithnjë monedhë nga letra që kanë në vete numrin serik).

Më pas, duhet ta parashtroni pyetjen, ta zëmë: A do të duhej të takohem me mikun tim Agimin?

HAPI I KATËRT: Duhet të bëni një llogari të vogël me kokë

SHEMBULL

Numri serik në
monedhën tuaj është 943386434

Formoni shumën
e tërthortë: = 44

Nëse kemi fituar numrin dyshifror, formulojmë shumën e tërthortë edhe një herë: 4+4 = 8

SHËNIM: Për të dytën herë, shuma e tërthortë do të duhej vetëm atëherë, nëse shuma e parë tërthore na jep një vlerë mbi vlerën e numrit bazë 9 (10, 11, 12, 13...)

HAPI I PESTË: Përgjigjet e Monedhës-Orakull

- Nëse shumë e tërthortë është një numër ÇIFT (2,4,6,8) - d.m.th. "PO";
- Nëse shuma e tërthortë është numri TEK (1,3,5,7,9) - d.m.th. "JO".
- Në shembullin tonë shuma e tërthortë është 8! Atëherë, përgjigja do të ishte: "Po, ju duhet të takoheni me mikun tuaj".
Hapi i gjashtë: Kuptimi i zgjeruar dhe më i detajuar i përgjigjes.
Nëse dëshironi të keni përgjigje me kuptim më të zgjeruar (në detaje), atëherë shikoni shabllonin e përgjithësuar të tabelës së kuptimeve. Aty do të keni shpjegimin plotësues, që ndërlidhet me pyetjen tuaj. Nëse ajo nuk është konkrete me pyetjen e bërë, atëherë, atë afërsisht pajtojeni me logjikën e prezantuar në tabelë.

TABELA E KUPTIMEVE TË ZGJERUARA

1. Fillimi i mbarë;
2. T'i sjellë së bashku të kundërtat;
3. Të vazhdojë edhe ca me peshimin e gjërave;
4. Të ketë kujdes në veprimet ditore;
5. Paraprakisht përgatituni mirë;
6. Nga e mira do të bëhet diçka edhe më e mirë;
7. Fat përmes çlirimit (përfitimit në kohë);
8. Tendencë për përmbyllje të plotë;
9. Çojeni punën deri në fund;

Nëse mbeteni ende tek shembulli ynë, si më sipër, dhe manipulojmë me shumë e përfituar 8, pëgjigja e zgjeruar e Orakullit do të ishte: "Do të keni sukses që në atë takim t'i përmbyllni në tërësi qëllimet tuaja!"
Po ta kishim fituar një numër tek, p.sh. nr. 7, përgjigja do të ishte: "Jo - mos u takoni me mikun tuaj". Po ashtu, nëse e kombinojmë edhe nga tabela me kuptimet e zgjeruara "Fati përmes çlirimit", atëherë kjo formulë e Orakullit do të kishte këtë kuptim. "Do të ishte më mirë, nëse para se të takoheshit, respektivisht para marrëveshjes për takim, të ketë një farë zbrazëtirë kohore".