Teknologjitë që do të ndryshojnë botën

[Zero Cool]

Deri te prejardhja e gjithësisë – permës egzabajtëve


IBM dhe ASTRON, Instituti holandez për radioastronominë, kanë paralajmëruar planin pesëvjeçar për ndërtimin e kompjuterëve jashtëzakonisht të shpejtë dhe me kursim ekstrem të energjisë që do të përdoren për përpunimin e të dhënave nga radioteleskopët SKA.


Vlera fillestare e planit është 33 milion euro, e SKA (Square Kilometre Array) është një konsorcium ndërkombëtarë caku i të cilit është të mbaroj radioteleskopin më të madh dhe më të ndjeshëm. Sipas vlerësimeve të konsosrciumit, fuqia e duhur përpunuese për të përpunuar egzabajtët e të dhënave të cilat në baza ditore do të grumbulloj ky teleskop do të jetë në rangun e disa miliona nga kompjuterët më të shpejtë të së sotmes.

Në të vërtetë, qëllimi është të përpunohen, analizohen dhe deponohen egzabajt të tërë të dhënash për çdo ditë. Sa për krahasim, ky është dyfishi i qarkullimit ditorë të komplet WWW-it. I tërë projekti pritet të përfundoj pas 12 vitesh – më 2024, ndërsa qëllimi është që të hulumtohet galaktika, masat e errëta dhe Big Bengu.

Pasi që momentalisht nuk ekzistojnë teknologjitë e duhura për ndërtimin e transportit ultra-të-shpejtë dhe përpunimin e të dhënave, madje as për analizimin e tyre, bashkërisht është krijuar qendra e re për teknologjitë egzabajte në qytetin holandez Drenthe, emra e plotë e së cilës është ASTRON & IBM Center for Exascale Technology.

Në qendrën e hulumtimeve ndodhen çipat 3D, lidhjet optike dhe nanofotonika, dhe gjeneratat e reja të sistemeve shirit për deponimin dhe memorien e cila përdorë hapin fazor për deponimin e të dhënave.

Vetë teleskopi SKA pritet të ketë miliona antena të cilat do të mbledhin rrezatimin nga gjithësia dhe që të kombinuar do të kenë sipërfaqen e antenës më të madhe se një kilometër katrorë, por vetë pajisjet do të jenë të vendosura në një hapësirë më të gjerë – mbi 3,000 kilometra prej njërit skaj tek tjetri. Do të jenë së paku 50 herë më të ndjeshme nga cilido radioteleskop i sajuar deri tani dhe së paku 10,000 herë më i shpejtë. Krejtësisht në vit do të deponohen në mes 300 dhe 1500 petabajt të dhëna, e sa për krahasim, LHC në CERN në vit grumbullon rreth 15 petabajt të dhëna.

Lokacionet më me gjasë për vendosjen e teleskopëve SKA janë Afrika e Jugut dhe Australia, e vendimi pritet të merret kah fundi i vitit.

[Zero Cool]

Zgjidhet problemi i navigacionit në gjithësi


Shkencëtarët kanë ardhur deri te ideja se si të zgjedhin problemin e navigacionit në hapësirën e thellë. Si orientir do të përdoren sinjalet nga pulsari (një formë e yllit neutronik i cili me shpejtësi jashtëzakonisht të madhe rrotullohet rreth boshtit të vet).

Sistemi do të funksiononte ashtu që anija kozmike do të përdorte rrezet-X nga pulsari për caktimin e pozitës në hapësirë, me gabimin prej vetëm disa kilometrave.

Një sistem pikërisht të këtillë të navigacionit e ka zhvilluar një ekip i shkencëtarëve nga instituti gjerman Max Planck. Sinjalet periodike nga pulsari janë të besueshme ngjashëm me orët atomike dhe janë po aq të qëndrueshme, ndërsa karakteristikat e tyre mund të përdoret edhe si sinjale navigacioni në gjithësi.

Satelitët nga Toka, e cila paraqet vetëm një grimcë të pluhurit mikroskopik në krahasim me gjithësinë, thjeshtë nuk mund të shërbejnë për navigacionin në thellësi të hapësirës.

Por, me matjen e kohës së arritjes së sinjalit nga pulsari në vetëm anijes kozmike, me atë të paraparë në lokacionin referent (atë sipas të cilës mund të matet largësia dhe pozita e objekteve të tjera në gjithësi), pozita e anijes mund të caktohet me gabim prej krejtësisht disa kilometrave brenda sistemit Diellor, ose jashtë tij.

“Shikuar kah e ardhmja, është shumë ngazëllues të mendohet se ne qysh tani kemi teknologjinë për vizatimin e rutës drejt yjeve të tjerë dhe se ndoshta mund ti ndihmojmë edhe pasardhësve tonë që të bëjnë hapat e parë në hapësirën ndëryjore”, theksojnë nga ekipi i shkencëtarëve, të cilët po punojnë në projektin e këtij sistemi të navigacionit.

[Zero Cool]

Epoka biometrike po futet në skutat tona!





Nishani që e ke mbi vetullën e majtë apo shenjën në mjekër?! Deri tani, këto nuk ishin shenja simpatike që dikujt i kishin rënë në sy më herët. Ndërsa sot, këto dy shenja dalluese sigurisht iu mundësojnë të tjerëve që t’ju mbajnë mend më lehtë, posaçërisht Vëllai i Madh burokratik e më pas pjesës tjetër të familjes.


Facebook-u, Google, policia kufitare, Ministria e punëve të Brendshme janë mbledhur rreth idesë së përbashkët që të masin detajet se sa larg e ke hundën nga këndi i djathtë i nofullës, vendosjen e venave, ngjyrat e bardhokut të syrit si dhe shumë detaje të ngjajshme, duke përfshirë gjithësesi edhe shenjat e gishtërinjve. Biometria hyn në jetën tonë përmes dyerve të mëdha dhe sado që na i lehtëson shumë punë ajo të fut frikën. Baza e të dhënave ku do të ruhen të gjitha koordinatat e karakteristikave tuja siç janë nishani, zhvillimi apo rritja jote dhe të tjera karakteristika të veçanta fizike që ju posedoni, do të jenë dëshmia e vetme e identitetit tuaj. Nga kjo mund të paramendojmë cilat mund të jenë pasojat.

Identifikimi Biometrik po bëhet standard në printimin e pasaportave të reja. Pajisjet e udhëtimit përveç letrës, tani përmbajnë edhe një çip në të cilin ruhet fotografia dixhitale e krijuar me standarde biometrike si dhe një kopje e shenjave të gishtërinjve. Gjërat janë bërë më të lehta.

Për shembull, nëse gjejmë një person në një gjendje gjysmë të dekompozuar pas tre muajsh në një ishull të shkretë, shumë lehtë do ta vërtetojmë identitetin e tij me anë të matjes së kockave të nofullës dhe ca detajeve tjera strategjike. Edhe në pikat e kontrollit në aeroporte të pajisura me skanera, nuk do të jetë më një “xhaxha” me uniformë që sheh fytyrën tënde të vrenjtur në foton e pasaportës, duke të dhënë komplimente se si je zbukuruar tani. Nuk ka për të ndodhur më, thjesht do kalosh në pikën e kontrollit pa asnjë ndalesë.





Si e shfrytëzojnë biometrinë Facebook-u dhe Google?

Facebook-u është duke përdorur një sasi më të vogël të teknologjisë biometrike. Aplikacioni për dallimin e fytyrës mund ta gjejë një person mes shumicës së fytyrave tjera ,pa marrë parasysh se në çfarë këndi është bërë fotografia. Këtë, sigurisht nuk mund ta dallojë 100 %, por preçiziteti i mahnitshëm. Ndërsa Google, ndër të tjera, fut në funksion biometrinë për analizimin më efikas të shpalljeve në uebfaqe, duke matur lëvizjen e syve nga të anketuarit, funksionimin e trurit si dhe gjestikulacionet apo shenjat e vëmendjes dhe leximit.

Statistikat ju shërbejnë që të peshojnë efikasitetin e fushatës së marketingut, para se ta fillojnë atë fushatë. Por Google nuk ishte i pari. Yahoo shërbehet me teknikat biometrike për parfushatat e marketingut prej një kohe të gjatë






Por problemi me biometrinë është i ngjashëm me atë çfarë ka ndodhur në të gjitha sferat tjera të jetës së njeriut gjatë kohës së dixhitalizimit. Arti dhe zbavitja u shndërruan në pronësi totale gjatë periudhës dixhitale. Duke pasur parasysh pasojat e vjedhjes së bazës së të dhënave biometrike si dhe vjedhjen e identiteteve njerëzore në shkallë massive, do tmerrohemi keqaz ku kundërshtarët e mbrojtjes së privatësisë së të dhënave personale do të ishin shumë të fortë në këtë aspekt. Lidhja mes anës pozitive dhe asaj negative të biometrikës është pothuajse e barabartë, aq sa do ta lehtësojë identifikimin dhe ta bëj atë të pagabueshëm (për shkak të karakteristikave kryesore trupore) duke lehtësuar keqpërdorimin.

Problemi mund të thellohet, duke bërë pyetjen se kush ka të drejtë të dijë të gjitha nuancat e ngjyrave të syve të mi. Shenjat e gishtërinjve janë të pranuara si një akt i civilizimit, por matja biometrike mund të dijë edhe gjatësinë e organit seksual me preçizitet nanometrik. A është kjo prekje në intimitet dhe ku është linja e hollë e domosdoshmërisë së sigurisë totale dhe të drejtës në privatësi Facebook-u dhe Google-i, bashkë me shërbimet e sigurimeve në tërë botën kanë tashmë mjaft të dhëna të thjeshta për personat dhe se këto të dhëna mund t’i mbledhin menjëherë, por ne nuk shohim fundin e e zgjerimit të kësaj mbledhjeje të të dhënave unike ku dallon personin e vetëm nga të gjithë të tjerët. Në rast të fatkeqësive të rënda do të jetë e nevojshme të dihet më tepër për karakteristikat biologjike që personi të jetë i identifikuar.

Biometria është e ardhmja, sado e dhimbshme të jetë dhe e pakëndshme për t’u kuptuar nga ne, banorët e shekullit XXI rreth individualitetit dhe privatësisë sonë. E lehtë është për Facebook-un, ku bazohet në një shokunë tonë të krisur dhe të etur njëkohësisht që në mënyrë automatike të bëhet shok i dhjetë me shokun e njëmbëdhjetë tonin, pa e detyruar askush. Në këtë rast, shërbimet e drejtësisë do bëjnë punën e tyre. Por kur është në pyetje siguria shtetërore dhe interesi i madh i marketingut, nuk do të kalojë shumë kohë kur do të bëhemi pronarë të modeleve 3D me fizionomi të përkryer, të matur dhe të depozituar.

[Zero Cool]

Si të kontrolloni dritat e shtëpisë suaj nga celulari/handy





Nëse kaloni një kohë të konsiderueshme në shtëpi, e dini mirë se sa e bezdisshme është të ngrihesh herë pas herë të fikësh, ndezësh apo edhe të modifikosh ndriçimin e dhomave.

Megjithatë, falë smartfonëve dhe Bluetooth-it, gjithçka mund të evitohet.

Bluetooth Bulb mund të ngjajë si një pajisje tepër e çuditshme për t’u instaluar në shtëpi, por ka një funksion tepër të rëndësishëm. Në pamjen e jashtme është njësoj si një llambë e thjeshtë por në brendësi bën shumë më tepër se kaq.

Ashtu siç e shpjegon edhe emri, është një llambë më Bluetooth. Ajo lidhet, përmes kësaj të fundit, më smartfonin tuaj dhe mund të kontrollohet prej tij.

Kjo llambë, jo vetëm që mund të kontrollohet për dendësinë e ndriçimit që rrezaton, por është e disponueshme edhe si një llambë RGB, pra ju mund të zgjidhni ngjyrat me të cilat dëshironi të ndriçoni dhomën. Përveç kësaj, llamba mund të komandohet për t’u fikur në orare të caktuara.

I vetmi disavatanzh është fakti se ajo përdor teknologjinë Bluetooth 4.0, që e suportojnë shumë pak pajisje (smartfonë apo kompjutera) për momentin. Aktualisht, ju duhet një iPhone 4S, iPad 3, Samsung Galaxy S III, Droid RAZR, Mac Mini, apo MacBook Air për ta përdorur llambën.

Maksimumi i largësisë prej nga mund të kontrollohet ajo është 50 metra (afërsisht sa gjatësia e një pishine Olimpike).

Llamba do të jetë e disponueshme online në faqen zyrtare të saj, brenda dy muajve të ardhshëm.

[Zero Cool]

Po humbe, kjo këpucë të çon në shtëpi







24.09.2012

Një këpucëtar anglez ka krijuar këpucën që ia gjen “të zotit” rrugën për në shtëpi. Por, as kjo këpucë nuk ecën në vend të tij.

Falë një transmetuesi GPS, të vendosur në të, këpuca elegante e këpucëtarit Dominic Wilcox e gjen me saktësi rrugën nga do të shkojë ai që e ka të mbathur. Dritat LED në maje të këpucës tregojnë se sa larg është caku dhe në çfarë drejtimi ndodhet ai, transmeton Albinfo.

Si frymëzim për këtë inovacion, këpucëtarit Wilcox i ka shërbyer një figurë e romanit “Magjistari nga Ozi”. Personazhi i këtij romani, Dorotea e vogël, së pari i “rrihte” këpucët, të cilat pastaj e çonin atë në shtëpi.

Pastaj, në bashkëpunim me një ekspert të teknologjisë dhe me ndihmën e një fabrike lokale, Wilcox e ka bërë realitet ëndrrën e tij.

Ende nuk dihet se a do të ketë prodhim serik të këpucëve me GPS dhe, nëse po, kur do të fillojë ai.

[Zero Cool]

Shumë gjuhë Evropiane do t’i ‘zhduk’ Interneti


Miami, 27.09.2012

Një studim i ri paralajmëron se gjuhët jo shumë të folura janë në rrezik për zhdukje nga Interneti.Gjuhët si Islandike, Lituaneze, apo Malteze,siç raporton tech, thjesht kanë shumë pak folës për të ekzistuar në Internet.

Por jo vetëm këto gjuhë, por edhe shumë të tjera përveç Anglishtes, gjuhë si Gjermanishtja, Frëngjishtja, Hollandishtja, Italishtja dhe Spanjishtja janë gjithashtu në rrezik. Problemi qëndron se këto gjuhë nuk kanë shumë mbështetje në teknologjitë e reja si ‘folje-në-tekst’ dhe pajisje të kontrolluara nga zëri.

Studimi “Europe’s Languages in the Digital Age” (Gjuhët e Evropës në Kohën Dixhitale) u krye nga META-NET, një kompani jo fitim-prurëse Evropiane, që ka për qëllim të ruajë të paktën 30 nga 80 gjuhët e folura Evropiane. META-NET ka shpallur 26 shtatorin si ditën Evropiane të gjuhëve.

[Zero Cool]

Tobii Gaze


Ndërfaqja “Gaze” lejon komandimin PC-së përmes syve


Premtimi i Tobii Gaze është t’ju mundësojë të komandoni dhe kontrolloni tabletin apo kompjuterin tuaj desktop vetëm nëpërmjet syve.

Bëhet fjalë për një ndërfaqje eksperimentale (për momentin) e cila përdor “gjurmimin e syve më të avancuar në botë”. Pikërisht, ky gjurmim i syve zëvendëson gishtin apo mousin.

Ajo ju tregon përdorimin më efiçent të shikimit për të komanduar pajisje me prekje apo kompjuterin.

Kompania ka shfaqur edhe një video ku transmetohet se si mund të kontrollosh tabletin përmes shikimit. E gjithë kjo teknologji, iu jep mundësi përdoruesve të punojnë në pajisjet e tyre pa përdorur fare duart.

Mjafton të përqëndrosh shikimin tek një opsion, objekt apo link në ekran për ta aktivizuar apo klikuar atë. Tobii i ka kërkuar DoCoMo dhe Fujitsu-t të ndërtojnë një tablet prototip po ashtu edhe një PC.

Të gjitha këto do të demonstohen në panairin CEATEC këtë javë në Japoni, ndërsa më të detajuara do të shfaqen në CES, në janar 2013. Ende nuk ka asnjë informacion se kur mund të jenë të gatshme për tregun këto lloj pajisjesh.