Google Chrome

**Zero Cool** · 24-05-12, 18:46

Chrome tejkalon Internet Explorerin dhe bëhet browseri më i popullarizuar në botë

Amerikë, 24.05.2012

Sipas matjeve të fundit të kompanisë StatCounter, Chrome për herë të parë prej se është krijuar është browseri më i shfrytëzuar në botë.

Edhe pse rritja e browserit të Google ka ndodhur me muaj të tërë, në javën mes 14 dhe 20 majit të këtij viti, pra javën e kaluar, për herë të parë ishte për shtatë ditë rreth para browserëve tjerë, përfshirë edhe Internet Explorerin e Microsoftit.

Përkundër kësaj, Amerika Veriore është akoma fortifikatë e fortë e IE-së, ku ky browser ka ruajtur epërsinë me hise prej 37 deri 26 për qind, ndërsa interesante është që e preferojnë edhe më shumë se 50 për qind e japonezëve.

Chrome për kreun mund t’i falënderohet popullaritetit në Evropë ku, Firefoxi akoma është për një për qind më i dobët se Chrome, dhe posaçërisht në Amerikën Jugore, ku shfrytëzimi i Chrome ka tejkaluar 50 për qind.

**Zero Cool** · 29-05-12, 15:12

Vendosni shënime në uebfaqe të caktuara në Chrome

Shumë njerëz mund të jenë ende duke vendosur shënime në letra ngjitëse në tavolinë apo ekranin e kompjuterit sepse është mënyra më e mirë për të mbajtur në mend gjërat.

Ato janë gjithmonë përpara fytyrës dhe vështirë se mund të mos përfillen. Por ne kemi një shtojcë për Chrome që ua mundëson që ta bëni të njëjtën gjë, por jo me letra të vërteta ngjitëse, duke vendosur shënime në uebfaqe të caktuara.

Sapo ta keni instaluar shtojcën PageStickies, klikoni ikonën në shiritin e shfletuesit tuaj dhe zgjidhni ndonjërin nga pesë gjërat me të cilën ngjyrë dëshironi ta shihni si të ngjyrosur paletën ku e keni vendosur. Pastaj shtypni çfarëdo që dëshironi në shënim dhe ruajeni atë.

Kurdo që e vizitoni sërish atë faqe të caktuar, ju do ta shihni atë shënim të vendosur në atë faqe. Natyrisht, derisa nuk e keni fshirë ju atë. Ju po ashtu keni mundësi që të kapni shënime përreth dhe t’i vendosni kudo që dëshironi në uebfaqe. E metë e kësaj shtojce është që ajo nuk funksionon në disa uebfaqe. Ju mund ta shkarkoni këtë shtojcë duke klikuar këtu e cila lidhje ju dërgon tek faqja e kësaj shtojce në grumbullin e shtojcave të shumta për Chrome.

**Zero Cool** · 13-06-12, 15:50

Hidhet në treg Chrome për Windows 8

Google ka bërë publike përpjekjen e vet të parë që ta bëjë shfletuesin Chrome të punojë me dizajnin Metro të Windows 8, sepse aplikacioni injoron disa nga mandatet e Metrosë së Microsoftit.

Për të pasur qasje në Chrome me stilin Metro në Windows 8, ju duhet të abonoheni në kanalin Chrome Dev për Windows dhe të shkarkoni versionin e fundit (21.0.1171.0). Sapo ta keni vendosur si shfletues të nënkuptuar dhe e keni vendosur në ballinën e Windows 8, atëherë bëhuni gati për ta përdorur.

Chrome me stilin Metro, dallon shumë nga Internet Explorer 10, i cili është shfletuesi i nënkuptuar në Windows 8. Megjithëse IE10 dallon mjaft nga IE9, versioni i Chrome injoron disa nga idetë e dizajnit të Metros, të cilat i ka nxitur Microsoft. Kur ju klikoni me të djathtën ose shtypni tastin Windows + Z, do paraqitet një shirit me aplikacione në pjesën e poshtme të ekranit. Google, në vend të kësaj, ka vendosur një shirit tradicional të menysë në këndin e djathtë, të cilin ju mund ta klikoni për konfigurime dhe ndryshim të aplikacionit.

**Zero Cool** · 11-10-12, 16:21

Hakeri adoleshent merr 60 000$ nga Google

Një haker adoleshent, që përdor emrin “Pinkie Pie” do të marre 60,000$ nga Google, si shpërblim që ka gjetur dobësinë e parë të Chrome në konferencën Hack in the Box gjatë ditës së mërkurë.

Problemi u gjet para përfundimit të afatit të përcaktuar nga Google. Para se të jepte çmimin, Google ka verifikuar problemin dhe ka deklaruar se ai ekzistonte vërtet. Detajet e tjera janë postuar në blogun e kompanisë me paragrafin e mëposhtëm:

[$60,000][154983][154987] Critical CVE-2011-2358: SVG use-after-free and IPC arbitrary file write. Credit to Pinkie Pie.

Google ka në dizpoziocion një fond të veçantë për hakerat që zbulojnë dobësitë mbi sigurinë

Google ka planifikuar një total prej 2 milionë $ si shpërblim për hakerat që gjejnë dobësi mbi sigurinë e Chrome.

60 000$ është çmimi për ata që gjejnë të plota dobësitë e shfletuesit, 50 000$ për ato të pjesshme, 40 000$ për dobësi jashtë Chrome-t ku përfshihen problemet me Flash, Windows apo drajvera që mund t’u sjellin probleme përdoruesve. Këto çmime po jepen me qëllimin e “përmirësimit të uebit në përgjithësi”.

Gjithashtu, është hera e dytë që “Pinkie Pie” fiton çmimin e parë. Hakeri fitoi 60 000$ në mars në eventin “Pwnium competition” duke gjetur probleme me “sandbox”-in e Chrome.

Ai përdor vetëm emrin “Pinkie Pie”, pasi punëdhënësi i tij nuk e aprovon shfaqjen e identitetit të tij të plotë.

**Zero Cool** · 16-01-13, 19:00

Versioni i ri Chrome beta shton API për njohje të zërit

Versioni i ri beta i shfletuesit Google Chrome për PC mund të ekzekutojë aplikacione ueb që kontrollohen nga komandat zanore, në mënyrë që njerëzit të kenë mundësi të luajnë lojëra në kompjuter si dhe të shkruajnë dokumente përmes zërit të tyre.

Google shprehet se ky version (beta Chrome 25) përmban një Web Speech API (application programming interface) të re, e cila i lejon zhvilluesit të përfshijnë njohjen e zërit në aplikacionet e tyre.

“ Pra, në të ardhmen do të keni mundësi t’u flisnin aplikacioneve për të bërë të gjitha gjërat,” shkroi Glen Shires, një nga inxhinierët e Google dhe specialistët e zërit në postimin në blog.

Chrome beta 25 për Windows do të çaktivizojë gjithashtu edhe disa extensions që mund të jenë instaluar në mënyrë të fshehtë, pa dijeninë e përdoruesit nga aplikacione të palëve të treta. Gjithashtu, sa herë që një aplikacion përpiqet të instalohet pa miratimin e përdoruesit, ky i fundit do të njoftohet përmes një mesazhi.

Në këtë mënyrë, edhe vetë shfletuesi nuk ngarkohet apo ngadalësohet.

Chrome 25 beta përfshin edhe disa përmirësime të sigurisë për zhvilluesit. Për shembull, ata mund të përcaktojnë tashmë një listë me burime të sigurta duke përdorur header-in Content Security Policy (CSP) HTTP.

**Zero Cool** · 15-02-13, 19:01

Great Suspender zvogëlon përdorimin e memories nga Chrome

Google Chrome pëlqen që të përdorë memorie dhe t’i krijojë lehtësi proçesorit tuaj nëse ju mbani shumë faqe të hapura në të njëjtën kohë rregullisht. Kjo mund të ketë një ndikim negativ në shpejtësinë e kompjuterit tuaj dhe sigurisht në jetëgjatësinë e baterisë së laptopit tuaj.

Great Suspender e zgjidh këtë problem duke i mbyllur/pezulluar ato faqe kur nuk janë në përdorim.

Mund të shihni që Great Suspender ofron shumë opsione manuale: pezulloni këtë faqe, pezulloni të gjitha faqet, freskoni të gjitha faqet dhe settings.

Seksioni settings është vendi ku gjërat bëhen posaçërisht më të dobishme sepse automatikisht ju mund të pezulloni faqet pas disa minutave ose orëve.

Në këtë mënyrë ato nuk do të shpenzojnë memorie dhe duke zgjatur kohën e përdorimit të CPU-së nga Chrome, derisa të shkoni dhe t’i hapni faqet përsëri.

**Zero Cool** · 22-02-13, 17:43

Malueri në Chrome që pasuron keqbërësit kibernetikë nëpërmjet “pëlqimeve” në Facebook

Kërkuesit e sigurisë në Bitdefender kanë zbuluar një program të dëmshëm phishing që instalohet si extension (funksion shtesë) në shfletuesin Chrome me qëllim shndërrimin e “pëlqimeve” të Facebook në para për kriminilet kibernetikë.

Gjithçka fillon me një link që u dërgohet përdoruesve nëpërmjet një email-i të rremë dhe i nxit ata të klikojnë mbi të pasi do munden të përfitojnë një version “business” të Flash Player. Sapo ky i fundit shkarkohet fillon të monitorojë aktivitetin e shfletuesit tuaj.

Sapo futeni në Facebook, malueri kontrollon historikun e shfletuesit për të vërifikuar nëse jeni të loguar ose jo. Në qoftë se jeni atëherë ekzekutohet një pjesë kodi Javascript që i tregon funksionit të instaluar se çfarë duhet të bëjë me llogarinë tuaj.

Ekzekutimi i kodit mund të përdoret për të mashtruar miqtë tuaj duke postuar linke të dëmshëm në profilet e tyre dhe mund të “pëlqejë” faqe pa dijeninë tuaj.

Me pak fjalë ata që e kanë krijuar këtë kod mund të bëjnë çdo gjë me llogarinë tuaj, madje mund të hapin adresën tuaj edhe në kompjutera të tjerë. Kodi është ndërtuar në mënyrë të tillë që profilet e hack-uar të “pëlqejnë” disa faqe specifike në Facebook.

Comodo Internet Security 2013 mbrojtje cilësore falas

Sa më i madh të jetë ky numer, aq më shumë para fitohet nga krijuesit e kodit. Fatkeqësisht ky infeksion nuk mund të zbulohet nga antivirusët vetëm në rast se këta të fundit përfshijnë filtrat e ueb-it.

Ky kërcënim mund të qëndrojë në shfletuesin tuaj për një kohë të gjatë.