Reflektime

[Denim]

Kemi ende egoizëm, zili, grabitje, mashtrim, prita, hakmarrje, pushtet, vese, vetpëlqim e prepotencë.Të padenjët, pasi harrojnë ku ishin dhe si erdhën në kushte dinjitoze, i vërsulen parasë, pushtetit, vetpëlqimit dhe sjelljes me prepotencë e mendjemadhësi. Nga egoizmi buron zilia, e pas saj, nga dëshira për të patur sa më shumë, grykësia.
Kjo është kriza e moralit të disa qenjeve që patën fatin të parapëlqeheshin për të qenë njerëz. Kur njeriu degjeneron i joshur nga veset e këqija degjeneron në qenje dhe kjo përfaqëson pikën maksimale të krizës morale. Nga kjo krizë e madhe, nga kjo krizë morale, vjen edhe rrënimi. Rrënimi ekonomik. Rrënimi ekonomik shfaqet me rrëmujë, me një model jetese pa rregulla, me improvizime.

Ndërkohë që njerëzit e vërtetë, ata të plotësuarit e të vetdijshmit për burimin e të mirave në jetën e tyre, kanë një sjellje tjetër, krejt tjetër.