Lajme aktuale nga vendi !

[Dardanesha]

Lideri i Lëvizjes Vetëvendosje, Albin Kurti, u arrestua nga Policia e Kosovës, pak orë pasi në një konferencë për gazetarë bëri të ditur se organizata e tij do të marrë pjesë në zgjedhjet e ardhshme parlamentare.

Përfaqësues të “Vetëvendosjes” thanë se gjatë arrestimit të Kurtit dhe të pesë aktivistëve të tjerë, policia ka përdorur dhunë të tepruar. Të paktën 6 persona thuhet se kanë kërkuar ndihmë mjekësore. I lënduar në kokë, sipas “Vetëvendosjes” është edhe lideri Albin Kurti, së bashku me 3 aktivistë të tjerë të arrestuar.

Zëdhënësi i Policisë së Kosovës, Baki Kelani, tha se policia ka zbatuar urdhëresen e lëshuar nga Prokuroria Speciale, për ta sjellë para drejtësisë Kurtin, i cili akuzohet në lidhje me ngjarjet e shkurtit të 2007-ës.

"Unë konfirmoj se gjatë zbatimit të urdhëresës, Policia e Kosovës ka hasur në një rezistencë aktive nga aktivistët e Lëvizjes Vetëvendosje, të cilët kanë përdorur mjete të ndryshme, për të penguar arrestimin e zotit Kurti”, tha Kelani.

Por, në anën tjetër, aktivisti i "Vetëvendosjes", Xhelal Sveçla, tha se qindra policë, në përpjekje për ta arrestuar zotin Kurti në selinë e "Vetëvendosjes", kanë përdorur forcë të tepruar mbi pjesëtarët e lëvizjes.

[Guri i madh]

Ish-kryetari i Kaçanikut, Xhabir Zharku, i dënuar me 3 vjet burgim për veprën penale të detyrimit, nuk ka shkuar në vuajtje të dënimit as të hënën, ndonëse në shtëpinë e tij është dorëzuar aktvendimi i formës së prerë i shkallës së dytë, me të cilin atij i është refuzuar përfundimisht kërkesa për shtyrje të datës për vuajtje të dënimit. Ramadan Gudaçi, kryetar i Gjykatës Komunale të Kaçanikut ka thënë se gjykata që ai drejton do të presë edhe të martën që ai të vetëparaqitet për të shkuar në burg. Nëse kjo nuk ndodhë, atëherë policisë do t'ia dorëzojmë urdhrin për arrestimin e Zharkut dhe dërgimin e tij në vuajtje të dënimit, raporton Koha. Foto: Laura Hasani

[Fshatari]

Plagoset në Istog ish shefi i MUP-it serb
Policia e Kosovës ka njoftuar se po heton sulmin ndaj një ish zyrtari të MPB-së së Serbisë në Istog, Momir Pantiqit.
Sipas policisë, Pantiq është plagosur kur mbi të nga një automjet kanë shtënë persona të panjohur.
Lajmi u konfirmua për Radion Evropa e Lirë nga zëdhënësi i Policiës së Kosovës për rajonin e Pejës, Xhevat Ibraj.
Sipas mediave serbe, Pantiq deri në muajin mars të viti 1999 ka qenë shef i MUP-it serb në komunën e Istogut, ndërkaq tani jeton në Kralevë.
Sipas të njejtave media, ai gjendej për një vizitë në Istog.
Ai është operuar dhe jeta e tij nuk është në rrezik.
______________________________________________
http://www.evropaelire.org/content/news/24767628.html
_________________________________________________
Qe çka t'gjan kur kethehesh ne vendin e krimeve kunder shqipatreve.

[Guri i madh]

Velija: Më siguroni, jua tregoj emrat!










(E plotësuar)Natali Velija, shtetase gjermane, e arrestuar para dy ditësh për përfitimin joligjor të 1.4 milion eurove, që ishin deponuar për të paguar pasaportat biometrike të Kosovës, pranon se të gjitha këto para i ka marrë, por më pas ato ua ka dhënë zyrtarëve të lartë vendorë.
Por, para se të publikojë emrat e të gjithë mitmarrësve, ajo ka kërkuar siguri nga autoritetet ndërkombëtare. Kërkesa e saj ka ardhur të mërkurën pasdite në Gjykatën e Qarkut në Prishtinë, ku ndaj saj dhe Fisnik e Betim Blakajt, është mbajtur seanca për caktim të paraburgimit dhe atë pas kërkesës së prokurorit ndërkombëtar të EULEX-it, Pascal Persoons. Gjyqtari i procedurës paraprake Vehbi Kashtanjeva, ka miratuar kërkesën e prokurorit për caktimin e masës së paraburgimit prej 30 ditësh për Natali Velija-n, ndërsa për vëllezërit Fisnik e Betim Blakaj ka vendosur që t’ua caktojë masën e arrestit shtëpiak në kohëzgjatje prej tridhjetë ditësh.
Pavarësisht se Velija ka kërkuar siguri, duke aluduar që të jetë dëshmitare e mbrojtur me qëllim të zbulimit të shumë informatave rreth këtij rasti, asaj paraburgimi i është caktuar si e dyshuar për veprën penale të mashtrimit, për vjedhje të rëndë, për veprën penale të shpërdorimit, atë të keqpërdorimit të besimit, veprën penale të falsifikimit të dokumenteve dhe rastet e posaçme të falsifikimit të dokumenteve.
Tërë këto vepra penale që janë të përmendura në kërkesën e prokurorit Persoons, për caktimin e masës së paraburgimit, një kopje të së cilës e posedon gazeta, Velija dyshohet se i ka kryer duke qenë person i autorizuar i Shtypshkronjës Shtetërore Austriake (OeSD). Kjo e fundit është fituese e tenderit për prodhimin e pasaportave të Kosovës dhe kontrata milionëshe mes kësaj kompanie dhe Ministrisë së Punëve të Brendshme si dhënëse e tenderit të pasaportave, është nënshkruar më 17 qershor të vitit të kaluar.
Tre muaj pas kësaj kontrate, sipas shkresave të lëndës që i ka gazeta, Natali Velija kishte themeluar kompaninë “Consulting EU Sh.p.k” (CE) “me qëllim të të qenit përfaqësues zyrtar i OeSD në Kosovë, për kontratën publike për furnizimin e sipërpërmendur. Natali Velija është drejtor-menaxhuese e CE. Kjo kompani, CE, ishte përgjegjëse për importin dhe dërgimin e të gjitha mallrave në Kosovë në lidhje me këtë projekt”.
Tërë rrjedhën e ngjarjes e cila ka çuar deri tek arrestimi i së hënës i Natali Velija-s, misioni EULEX e kishte mësuar më 1 tetor 2012. Në prokurorinë e këtij misioni, përmes Ambasadës austriake, OeSD kishte dërguar një deklaratë ku ishin përmendur “të bëmat” e Natali Velija-s. OeSD kishte deklaruar se deri më 2 tetor të këtij viti ka pranuar 2 milionë e 300 mijë euro, por jo edhe 1 milion e 463 mijë euro, të cilat nga MPB-ja kanë shkuar në llogarinë e kompanisë së Velija-s, por jo edhe te kompania austriake. Natali Velija këtë shumë të parave e ka dërguar te persona të panjohur për hetuesinë. Këtyre personave ajo ka thënë, të mërkurën, se është në gjendje që t’ua publikojë emrat, por jo pa iu ofruar siguri.
Prokurori i EULEX-it bazuar në provat që i ka, ka thënë në kërkesën e tij se shtypshkronja austriake në asnjë moment nuk e kishte autorizuar Ministrinë e Punëve të Brendshme që të transferojë pagesat te kompania e Natali Velija-s.
Paratë ua dërgoi të tjerëve
”OeSD pretendon se Velija nën pretendimet false, ka kërkuar autorizim me shkrim nga ata duke deklaruar: Të gjitha obligimet financiare të OeSD-së në Kosovë do të përpunohen nga përfaqësuesi ynë financiar. Ky autorizim pastaj i është paraqitur zyrtarëve të MPB-së, si bazë për bërjen e pagesave drejtpërdrejt në llogarinë e saj. Më tutje pretendohet se znj. Velija rrjedhimisht ka pranuar faturat nga OeSD e të cilat ajo nuk i ka dërguar në MPB. Në vend të kësaj, ajo ka krijuar faturat e reja me titull të falsifikuar të OeSD dhe ka shtuar numrin e xhirollogarisë bankare të CE-së si pranues”, thuhet më tutje në kërkesën e prokurorit.
Sikurse që ka pranuar të mërkurën në gjykatë, edhe vetë OeSD-së Velija i ka thënë se mbi 1.4 milionët i ka dërguar te persona të tjerë. Në këtë takim mes OeSD-së kishte qenë i pranishëm edhe Fisnik Blakaj, bashkëpronar me Velija-n në firmën e ndërtimit “Fimex”. “Fisnik Blakaj ka qenë i pranishëm në këtë takim, prandaj është e qartë se ka qenë në dijeni të parave të vjedhura”, thuhet në kërkesën e prokurorit.
Bazuar në përgjimet telefonike, prokurori pretendon se Fisnik Blakaj ka lidhje biznesi dhe është në kontakt të afërt personal me Natali Velija-n. Gjatë bastisjeve, hetuesia ka kuptuar se Natali Velija ndan të njëjtën zyrë me Fisnikun dhe po gjatë këtyre bastisjeve, hetuesia ka gjetur disa dokumente që vërtetojnë se disa transfere parash janë realizuar nga kompania e e Velija-s te kompania “FIMEX”.
Gjatë përgjimeve ishte kuptuar po ashtu se Betim Blakaj ishte bashkëpunëtor personal i Velija-s. Në banesën e kësaj të fundit, Betimi ishte paraqitur në natën e arrestimit me një veturë dhe 2 mijë euro kesh në xhep.
Gati për t’u arratisur
Prokuroria dyshon se ato të holla ishin të dedikuara për ikjen e tre personave që e dinin se po hetoheshin. Dyshimin për ikje prokuroria e vërteton edhe duke u bazuar në përgjimet e natës kritike, ku Fisnik Blakaj i kishte shkruar Natali Velija-s mesazhe me përmbajtjen: “Sonte... ata na kanë futur brenda të dyve” dhe “Vish diçka të ngrohtë sonte”. “Bazuar në të gjitha provat është e qartë se të dyshuarit ishin të vetëdijshëm për hetimin kundër tyre dhe përgatitesh për t’u larguar.
Natali Velija dhe Fisnik Blakaj zgjodhën që të shkonin në zyrat e tyre më 12 nëntor 2012 jashtë orarit të punës ku ata vazhduan të përpiqen që t’i shkatërrojnë provat. Duke u bazuar në përgjimet mësuam se Fisnik Blakaj ishte në komunikim të vazhdueshëm me Natali Velija-n dhe vëllanë e tij Fisnik Blakaj gjatë operacionit të 12.11.2012 duke paralajmëruar ata se arrestimi ishte gati të ndodhte dhe duke i udhëzuar ata se çfarë veprimi duhet ndërmarrë.
Ai tha Natali Velija-s se “sonte ata na kanë futur të dyve brenda” dhe “vish diçka të ngrohtë sonte”. Betim Blakaj shkoi në shtëpinë e Natali Velija-s natën e 12 nëntorit duke e përgatitur dhe ndihmuar atë që të largohen. Ai ishte me makinë dhe kishte me vete 2000 euro”, thuhet në dokumentet e prokurorisë.
Tërë këto pretendime të prokurorisë janë kundërshtuar të mërkurën nga avokatët mbrojtës të tre të dyshuarve. Mbrojtësi i Natali Velija-s, avokati Tomë Gashi, ka thënë pas përfundimit të seancës së e tëra është bërë me qëllim që të mbulohen të bëmat e zyrtarëve të MPB-së
Prokuroria pretendon se kompania që është e regjistruar në emër të Fisnik Blakajt dhe Natali Velija-s është e njohur për njësinë e krimeve financiare, pasi që ka qenë nën hetime nga kjo njësi për mashtrim lidhur me tenderët dhe ai po ashtu është i njohur për policinë për posedim të paautorizuar të armëve, dokumente të rrejshme, falsifikim, pengim të zyrtarëve, dëbim, përfitim personal dhe vjedhje.
Edhe ndaj Natali Velija-s, prokurori bën me dije se më datën 7 qershor 2011 është ngritur një aktakuzë për keqpërdorim të pozitës zyrtare, lidhur me një përpjekje për të mashtruar Agjencinë Austriake për Zhvillim. “Gjykata e Qarkut në Prishtinë ka lëshuar një urdhërarrest për të lidhur me këtë rast”, ka bërë me dije prokurori, Persoons.


------------------------------------------------------------------------------------------







e pata nji pytje une qe e kam nxjerr nji pasaprt biometrike qe esht shtyp nga kjo shtyp shkronj nga austria a mundem me udhtue tranzit neper AUSTRI se po kam frik se ma konfiskojn pasaporten qysh esht nji fjal popullore prej borqlis të keq Bishtin e sakices

[Guri i madh]

http://www.zeri.info/fotot/65834/thu...---flamuri.jpg




para flamurit kombëtar” (video)

16-11-2012 11:30 CET
Share on facebook Share on twitter Share on email Share on jappy

(E plotësuar) Kryeministri Hashim Thaçi e ka informuar sërish Kuvendin e Kosovës në lidhje me takimin e tij të dytë me kryeministrin e Serbisë, Ivica Daçiq të mbajtur më 7 nëntor në Bruksel nën ndërmjetësimin e Përfaqësueses së Lartë për Politikë të Jashtme të Bashkimit Evropian, Catherine Ashton.
Deputeti i Vetëvendosjes, Glauk Konjufca, në fjalën e tij para deputetëve, ka thënë se Qeveria e tanishme nuk është duke e konsideruar veriun e vendit pjesë territoriale të Kosovës.
Konjufca, duke përmendur një intervistë të kryeministrit Thaçi, ku kishte treguar se kryeministri serb, Ivica Daçiq, i kishte thënë atij se do arrestonte, ka kritikuar kryeministrin duke i thënë atij të mos përzihet në institucionet e sigurisë, pasi, siç tha Konjufca, vetë Thaçi ka deklaruar se i ka thënë Daçiqit që në kohën kur e ka vizituar ky i fundit Kosovën, “unë kam dhënë urdhër të mos preket ai”.
“A mund të na e shpjegoni më hollësisht, kush nga policia paska dashur ta arrestojë Daçiqin dhe pse keni ndërhyrë në këtë proces? Përse i pengoni institucionet e sigurisë që ta kryejnë punën e tyre, dhe i viheni në mbrojtje Ivica Daçiqit? Çka është kjo Qeveri kështu që një ministër i saj jep urdhër të paligjshëm policisë që qytetarët paqësorë shqiptarë që protestojnë kundër Serbisë t’i rrihni, kurse ju jepni urdhër policor që Ivica Daçiqi të mos preket dhe të qarkullojë i lirë nëpër Kosovë? Për kë tjetër punoni ju, përveçse për vetveten, sepse këtë gjë e dimë?”, ka pyetur Konjufca.
Më tej, deputeti i Vetëvendosjes, Glauk Konjufca ka kërkuar nga kryeministri Thaçi që të betohet para deputetëve se nuk do të ketë autonomi për veriun e Kosovës.
“Kryeministër, betohuni përpara të zgjedhurve të popullit dhe para të gjithë qytetarëve të Republikës se nuk do të bisedoni kurrë me Serbinë për veriun e Kosovës dhe se nuk do të pranoni kurrfarë autonomie për veriun. E keni rastin t’i qetësoni zemrat e qytetarëve të këtij vendi”, ka thënë Konjufca.
“Sot unë këtu me vete kam sjellë një flamur kombëtar të cilin do ta vendos këtu në foltore, z. Kryeministër. Qytetarët e këtij vendi presin nga ju që të betohemi përpara flamurit kombëtar se kurrë nuk do të bëni pazar me një pjesë të territorit të Kosovës se kurrë nuk do të pajtoheni që veriut të Kosovës t’i jepni autonomi”, theksoi deputeti i VV-së, Glauk Konjufca.
***
VV: Vizita e vonuar e Rexhepit në Vjenë për skandalin në MPB
Lëvizja Vetëvendosje vazhdon debatin rreth skandalit të 1.4 milion eurove të “avulluara” për pasaportat biometrike të Kosovës.
Deputeti i kësaj lëvizjeje, Visar Ymeri, në seancën e sotme parlamentare, ka thënë se ministri i Brendshëm, Bajram Rexhepi, ka udhëtuar në Vjenë për t’u takuar me përfaqësues të kompanisë austriake “OeSD”, e angazhuar për prodhimin e pasaportave të Kosovës, kompani e cila asnjëherë nuk pranoi shumën prej 1.4 milion eurosh.
Megjithatë, Vetëvendosje thotë se ministri Rexhepi ka reaguar tepër vonë rreth këtij skandali, madje pikërisht pas publikimit të tij në media.
“Bajram Rexhepi dje na tha se në momentin kur e ka kuptuar se çfarë ka ndodhur ka insistuar të nisin hetimet. Dhe, se është duke e përcjellë me vëmendje dhe aktivisht zhvillimet në këtë çështje. Për shembull, kaq i vëmendshëm është Rexhepi për rastin sa që sot ka udhëtuar për në Vjenë për t’u takuar me përfaqësuesit e kompanisë austriake OeSD. Ai duhet t’i tregojë qytetarëve të Kosovës dhe Kuvendit se për çfarë po takohet tash me kompaninë austriake e cila dyshohet të jetë përfshirë në aferë. Pse bash tash ku skandali mori dhenë?”, pyet Visar Ymeri, deputet i VV-së në Kuvendin e Kosovës.
Ymeri kujton se auditori ka konkluduar se në momentin kur kompania austriake e ka fituar tenderin, ajo kompani nuk ka pasur përfaqësues në Kosovë.
“Përkundër kësaj kjo kompani është kontraktuar nga Ministria e Punëve të Brendshme. Pra kjo Ministri me nënshkrimin e kësaj kontrate e ka shkelur ligjin në të cilin thirrej dje Bajram Rexhepi”, tha Ymeri.
Deputeti Ymeri ka thënë gjithashtu se procedura për një tender prej 14 milionësh nuk ka mundësi të përfundojë dhe të nënshkruhet kontrata për të pa qenë i informuar ministri. “Sepse është dëshmuar tashmë se këtyre nuk iu ik as punësimi i një nëpunësi nëpër ministritë a agjencitë shtetërore, e lëre më tenderët milionësh”, u shpreh Ymeri.
Ndryshe, Gazeta “Zëri”, bazuar në një hulumtim të bërë, kishte zbuluar skandalin e “avullimit” të 1.4 milion eurove të destinuara për prodhimin e pasaportave biometrike të Kosovës, të cilat asnjëherë nuk arritën në destinacionin e duhur.
Personi përgjegjës i kompanisë OeSD për Kosovë ka qenë Natali Velija, e cila është e dyshuara fillestare për “avullimin” e 1.4 milion eurove, dhe e cila, pas raportimit të “Zërit”, është arrestuar nga Policia e EULEX-it. /Zëri/

[Guri i madh]

Vdes duke kërkuar ndihmë në KomunëPublikuar: 27.12.2012 - 16:19Malishevë, 27 dhjetor - Sadri H. Morina(1953), nga fshati Burim (ish Joviq) i Malishevës, ka vdekur të mërkurën në objektin e KK të Malishevës, ku kishte shkuar së bashku me njërin nga fëmijët e tij për të kërkuar ndihmë materiale. Sipas burimeve të informimit të korrespodentit të gazetës Koha Ditore, kishte ardhur si pasojë e një sulmi momental në zemër, pasi i ndjeri kishte vuajtur nga sëmundja e zemrës edhe më herët.



Komandanti i stacionit policor në Malishevë, Bekim Begaj të enjten ka njoftuar se pas konstatimit të vdekjes natyrale të viktimës, trupi i tij i është kthyer menjëherë familjes për varrim.

Sipas familjarëve, i ndjeri ka pasur probleme me zemër dhe ka pasur ndërhyrje kirurgjike tre herë në Slloveni, ku ka qëndruar deri para katër vjetëve. Por, gjatë qëndrimit atje, ai nuk ka arritur ta rregullojë si duhet çështjen e pensionit dhe me familjen e tij pesë anëtarësh ka jetuar në kushte të rënda materiale.

[Artisti]

Berisha - Daçiqit: Mos e prek përmendoren e UÇPMB-së


Kryeministri i Shqipërisë, Sali Berisha ka folur për situatën në Luginën e Preshevës, e tensionuar për shkak të paralajmërimeve të qeverisë serbe për të hequr monumentin e UÇPMB-së. Përmes një deklarate për shtyp, Berisha ka vlerësuar se ky veprim i paralajmëruar i Beogradit rrit tensionet mes serbëve dhe pakicës shqiptare, që jeton në trojet e saj etnike.

POSTUAR 23:36 / 05.01.2013


“Tensionet në Luginën e Preshevës po rriten nga kërcënimi i qeverisë serbe. Kërcënimi për heqjen e monumentit të Martirëve të Lirisë është dëshmi e albanofobisë”, ka deklaruar Berisha.

Kreu i qeverisë shqiptare është shprehur se, martirët e lirisë ranë në trojet etnike në mbrojtje të të drejtave të shqiptarëve të Preshevës. “Me luftën dhe sakrificën e tyre sublime, ata iu imponuan regjimit të Millosheviqit”, ka thënë Berisha.

Duke theksuar se, në çdo vend të lirë janë vendorët ata që vendosin për monumentet historike, kryeministri i ka bërë thirrje lidershipit politik serb që të heqë dorë nga provokimet.

“Mungesa e respektimit deri në alergji i të rënëve të kombit shqiptar është një provokim ndaj mbarë shqiptarëve. Qeveria shqiptare i bën thirrje Beogradit të heqë dorë nga praktikat albanofobe dhe të respektojë pakicën shqiptare që jeton në trojet e veta etnike në Serbi”, ka pohuar Berisha, i cili u ka drejtuar një apel edhe shqiptarëve.

“Ftoj shqiptarët e Preshevës që të mos provokohen nga ata që kanë si qëllim spastrimin etnik. Vandalët mund të rrënojnë një përmendore të luftëtarëve, por të rënët tanë nuk vdesin kurrë”, ka shtuar kryeministri shqiptar.

Kërcënimet nga krerët e shtetit në Serbi për heqjen me dhunë të lapidarit të dëshmorëve të luftës së Ushtrisë Çlirimtare për Preshevën, Medvegjën e Bujanocit kanë tensionuar situatën në këtë zonë ku jetojnë shqiptarët në Serbi.

Në fund të dhjetorit kryeministri i Serbisë, Ivica Daçiç deklaroi se nuk do të marrë pjesë në takimin e radhës me homologun Hashim Thaçi, nëse autoritetet në Preshevë nuk heqin përmendoren në fjalë. (TCH)

[Guri i madh]

Gënjeshtër e Bota Sot!

[Zero Cool]

RRENAT E BOTA SOT !!!!


Kryetari i Klinës nuk është përfshirë në rrahje masive

(E plotësuar)

-- e sipas pamjeve që shihen aty duket sikur Kryetari i Klinës Sokol Bashota është i përfshirë në një rrahje -- nuk është e vërtetë.
Në video dëgjohen disa fjalë rusisht, derisa ueb-faqja

http://www.break.com/index/yet-anoth...ing-brawl.html

të njëjtën video e ka shfaqur më 23 janar të vitit 2010.
Duket se bëhet fjalë thjesht për një person që ka ngjashmëri fizike me të parin e Komunës së Klinës.
Vetë Kryetari i Klinës, Sokol Bashota ka mohuar të jetë i përfshirë në një rrahje masive e cila është shpërndarë në Youtube.
I kontaktuar nga Gazeta Express, para pak çastesh, Bashota madje është shfaqur i habitur se si po i atribuohet atij kjo skenë e konfliktit fizik.
“Nuk jam unë në atë video. Unë e njoh vetën dhe personalitetin tim. Kurrë në jetë nuk jam rrahur dhe as më ka rrahur askush”, ka thënë Bashota për Express.


indexionline

[Oqeani]

VV, jo qe deshiron dorheqjen e Bajram Rexhepit, por e deshiron ate pas grilave !

Besoj se mjafton per lajm :)


Boll mire po ia pergadisin qety Bajres !

[Guri i madh]

• Sonte në KTV mund të ndiqni: *** 17:35 Express *** 18:55 Marketing *** 19:00 LAJMET E MBRËMJES *** 19:30 Sporti në KTV *** 20:45 OXYGEN *** * 22:55 Marketing *** 23:00 Interaktiv ...
  

Zharku nuk figuron të jetë i kërkuar nga Interpoli







Publikuar: 12.01.2013 - 20:30Prishtinë, 12 janar - Pas një muaj në arrati nuk merret asnjë veprim për arrestimin e ish-kryetarit të Kaçanikut që është i dënuar me 3 vjet burgim për veprën penale të detyrimit dhe armëmbajtjes pa leje. Zhabir Zharkun nuk është duke e kërkuar as interpoli pasi që një kërkesë e tillë nuk është bërë. Përgjegjësi për këtë rast nuk merr asnjë nga institucionet e drejtësisë. Institucionet vendore përgjegjësinë e hedhin te ato ndërkombëtare, ndërsa këta të fundit thonë të mos jenë kompetent. Në një përgjigje elektronike zyrtarë të EULEX-it thonë se i takon Gjykatës së Kaçanikut të lëshoj flet arrestin ndërkombëtarë. Ndërkaq Kryetari i Gjykatës së Kaçaniku, Ramadan Gudaçi i ka thënë KTV-së përmes telefonit se kjo nuk është punë e tyre, por se për çdo vendim gjykata do të njoftojë. Në mungesë të një fletë arresti ndërkombëtar Zharku nuk figuron të jetë si i kërkuar në faqen zyrtare të Interpolit. Zharku është në arrati që nga 13 dhjetori i vitit të kaluar, derisa nuk ka heshtur plotësisht.

[Zero Cool]

AKSH: Do të hyjmë në luftë me Serbinë






Publikuar,14.01.2013

Armata Kombëtare Shqiptare është shfaqur sërish, tani në Vushtrri. Ajo ka shpallur mobilizim të anëtarëve të vet, të nxitur, siç kanë thënë anëtarët e Shtabit të AKSH-së për Kosovë, “nga kërcënimet serbe se do ta ndajnë një pjesë të territorit të Kosovës dhe kërcënimeve për ta larguar me forcë lapidarin e UÇPMB-së në Preshevë”.

Në një takim që është mbajtur më 9 janar 2013, në Vushtrri, Shtabi i AKSH-së, zona nr. 2, Kosovë, ka marrë vendim për mobilizimin e të gjithë eprorëve dhe pjesëtarëve të vet. Në vendim, thuhet ndër të tjera, “se AKSH, Njësia Speciale “Kobra”, duke parë gjendjen e tensionuar në Luginën e Preshevës dhe në veriun e Republikës së Kosovës, të shkaktuar nga Serbia fashizoide, mori vendim të prerë, që nga data 10 janar 2013, të shpallë mobilizimin e të gjithë pjesëtarëve të Armatës Kombëtare Shqiptare.

Pjesëtarët e AKSH-së duhet të jenë të gatshëm dhe të përgatitur për t’i mbrojtur shqiptarët në trojet e tyre etnike, në mënyrë që çizmja e zezë e shkaut të mos shkelë kurrë në trojet shqiptare”. Vendimin e ka nënshkruar shefi i shtabit, kolonel “Kaçaku” si dhe komandanti i Njësisë Speciale “Kobra”, me gradën gjeneral.

Ndërkaq, në një deklaratë, e cila gazetës Zëri i ka arritur nëpërmes postës elektronike, kolenel Kaçaku ka thënë se AKSH-ja do t’i mbrojë shqiptarët kudo që kërcënohen nga politika fashizoide serbe dhe se në asnjë pëllëmbë të tokës shqiptare nuk do të shkelë më çizmja serbe. “Serbia fashiste, është mësuar me represionin e vazhdueshëm ndaj shqiptarëve. Ajo i ka dëbuar shqiptarët nga trojet e veta, në Toplicë, ka vrarë burra, gra e fëmijë, e ka spastruar atë pjesë të tokës shqiptare, nga shqiptarët autoktonë, të cilët të pambrojtur dhe të pafuqishëm nuk kanë mundur t’i bëjnë ballë spastrimit etnik serb.

Gjithashtu, Serbia është përpjekur që ta shfarosë popullin shqiptar në Kosovë, duke vrarë e masakruar, duke i përdhunuar femrat shqiptare dhe duke i dëbuar nga trojet e veta, gati 1 milion shqiptarë. Kjo politikë serbe e shfarosjes së një populli, ka vazhduar edhe pas lufte në veri të Mitrovicës, kur në sy të forcave paqeruajtëse të KFOR-it, u vranë shumë shqiptarë, u plagosën shumë të tjerë, ndërsa 12 mijë u dëbuan nga shtëpitë e tyre”, thuhet në deklaratën e komandant Kaçakut.

Sipas këtij të fundit, një gjë e tillë po ndodh edhe tani, kur Serbia po tenton ta ndajë një pjesë të Kosovës, ndërsa ka shtuar masa represive ndaj shqiptarëve në Luginën e Preshevës. “Me Serbinë patjetër do të hyjmë në luftë. Ajo akoma nuk dëshiron ta ketë të qartë se Presheva, Medvegja dhe Bujanoci janë toka shqiptare, të cilat nuk guxon t’i prekë askush. Shqiptarët atje nuk janë jetimë, ata ka kush t’i mbrojë. Janë edhe ata vetë të përgatitur që ta mbrojnë truallin e vet, por jemi edhe ne që do të na kenë pranë përherë. Politika gjenocidiale e Millosheviqit akoma dominon në Serbi, atë e zbatojnë pasardhësit e tij, por nuk do të arrijnë kurrë ta realizojnë atë që synojnë, e kjo është spastrimi etnik”, ka vijuar kolonel Kaçaku.

Për fund, ai i ka ftuar të gjithë shqiptarët që të jenë të kujdesshëm, ndërsa institucionet e Kosovës që të mos negociojnë dhe të mos bëjnë pazar me tokat e shqiptarëve.

[Zero Cool]

Pas thirrjes së AKSH-së vjen reagimi i serbëve


Pas kërcënimit të Armatës Kombëtare Shqiptare se po mobilizohen për luftë me Serbinë nisur nga “kërcënimet serbe se do ta ndajnë një pjesë të territorit të Kosovës dhe kërcënimeve për ta larguar me forcë lapidarin e UÇPMB-së në Preshevë” ka ardhur reagimi i grupit rival serb, transmeton Shekulli.

Grupi i të rinjve nga qyteti i Nish kanë publikuar një video në YouTube pas publikimit të thirrjes për mobilizimin e shqiptarëve për mbrojtjen e bashkatdhetarëve të tyre në Luginën e Preshevës. Grupi serb “RAT” tallet me thirrjen e shqiptarëve për luftë.

Djem të maskuar i përgjigjen kërcënimeve të shqiptarëve. Ata vetëquhen “Forcat Speciale të Serbisë”, që kanë në plan t’i kundërpërgjigjen Shqipërisë.

[Zero Cool]

Pacolli shet pronën e tij për t’i fituar zgjedhjet


Dje kanali zviceran TSR bëri të ditur se multimilioneri zvicerano-kosovar, Behgjet Pacolli, shet asetet e tij, duke përfshirë edhe selinë e kompanisë së tij në Lugano, për të hyrë përsëri në pushtet në Kosovë, transmeton Albinfo.ch.

Me shtetësi të dyfishtë, Behgjet Pacolli është më shumë se kurrë i vendosur për të rifituar vendin e tij në qeverinë kosovare. Kjo është arsyeja pse ai dëshiron të shesë një pjesë të pronës së tij tejet të madhe. Grupi Mabetex, i themeluar nga Behgjet Pacolli në fillim të viteve nëntëdhjeta, ka selinë në Lugano-Paradiso.

Sa për kujtesë, aktivitetet e tij përfshijnë ndërtimin, biznes, media si dhe hotelerinë. Ndërtesa që strehon selinë e tij është e mbuluar me mermer të rrallë, që simbolizon suksesin marramendës të një njeriu të njohur sikur të jetë "Berluskoni i Ballkanit" ose "një emigrant atipik" dhe i cili thuhet që është kosovari më i pasur në botë, thotë gazetari i TSR-it (Televizioni zviceran).

Ndërtesa madhështore në Lugano është pra në shitje, si dhe një pjesë e rëndësishme e aktiviteteve të grupit, të udhëhequra pjesërisht nga familja e miliarderit. Kjo shitje bëhet, thekson gazetari, pikërisht për të ndjekur ëndrrën e tij kosovare, për t’u bërë kryeministër i vendit të tij.

I zgjedhur në krye të qeverisë në shkurt 2011 me një shumicë shumë të vogël, ai u detyrua të heqë dorë nga vendi i tij për t’ia lëshuar Hashim Thaçit, pas një vendimi gjyqësor. Behgjet Pacolli, rikujton televizioni zviceran, kurrë nuk e ka pranuar këtë situatë, prandaj edhe dëshiron t’i përkushtohet krejtësisht zgjedhjes së tij. Ai dëshiron të veprojë sa më shpejt. Si dëshmi, vendosja e çmimit, i cili është për një të tretën më e ulët për selinë e Mabetex-it.


Aktivistë të VV-së protestojnë në Bruksel


Aktivistë të Lëvizjes Vetëvendosje, në orët e mesditës, kanë zhvilluar një protestë në Bruksel, përpara ndërtesë ku gjendet zyra e përfaqësueses së lartë të Bashkimit Evropian, Catherine Ashton.

Protesta është organizuar në shenjë kundërshtimi me bisedimet që pritet të nisin sot në orët e pasdites, ndërmjet kryeministrit të Kosovës, Hashim Thaçi dhe homologut të tij serb, Ivica Daçiq. Ashton ndërmjetëson bisedimet.

Në një njoftim për media, Lëvizja Vetëvendosje ka bërë të ditur se me këtë rast i ka dërguar një letër baroneshës Ashton, për të shpjeguar kundërshtimet e këtij subjekti politik karshi bisedimeve Kosovë – Serbi.

Pjesëmarrësit në protestën e sotme, thuhet në njoftim, ishin aktivistët e qendrave të VV-së në Evropë.

[vjeshta]

Postimi origjinal është bërë nga Zero Cool

Pacolli shet pronën e tij për t’i fituar zgjedhjet


Dje kanali zviceran TSR bëri të ditur se multimilioneri zvicerano-kosovar, Behgjet Pacolli, shet asetet e tij, duke përfshirë edhe selinë e kompanisë së tij në Lugano, për të hyrë përsëri në pushtet në Kosovë, transmeton Albinfo.ch.

Me shtetësi të dyfishtë, Behgjet Pacolli është më shumë se kurrë i vendosur për të rifituar vendin e tij në qeverinë kosovare. Kjo është arsyeja pse ai dëshiron të shesë një pjesë të pronës së tij tejet të madhe. Grupi Mabetex, i themeluar nga Behgjet Pacolli në fillim të viteve nëntëdhjeta, ka selinë në Lugano-Paradiso.

Sa për kujtesë, aktivitetet e tij përfshijnë ndërtimin, biznes, media si dhe hotelerinë. Ndërtesa që strehon selinë e tij është e mbuluar me mermer të rrallë, që simbolizon suksesin marramendës të një njeriu të njohur sikur të jetë "Berluskoni i Ballkanit" ose "një emigrant atipik" dhe i cili thuhet që është kosovari më i pasur në botë, thotë gazetari i TSR-it (Televizioni zviceran).

Ndërtesa madhështore në Lugano është pra në shitje, si dhe një pjesë e rëndësishme e aktiviteteve të grupit, të udhëhequra pjesërisht nga familja e miliarderit. Kjo shitje bëhet, thekson gazetari, pikërisht për të ndjekur ëndrrën e tij kosovare, për t’u bërë kryeministër i vendit të tij.

I zgjedhur në krye të qeverisë në shkurt 2011 me një shumicë shumë të vogël, ai u detyrua të heqë dorë nga vendi i tij për t’ia lëshuar Hashim Thaçit, pas një vendimi gjyqësor. Behgjet Pacolli, rikujton televizioni zviceran, kurrë nuk e ka pranuar këtë situatë, prandaj edhe dëshiron t’i përkushtohet krejtësisht zgjedhjes së tij. Ai dëshiron të veprojë sa më shpejt. Si dëshmi, vendosja e çmimit, i cili është për një të tretën më e ulët për selinë e Mabetex-it.

Mabetex mohon se Pacolli po i shet pronat

Kompania Mabetex Group ka përgënjeshtruar një raport të kanalit zviceran TSR, i cili ka raportuar se zëvendëskryeministri i Kosovës dhe pronar i kësaj kompanie, Behgjet Pacolli, po i shet asetet e tij, duke përfshirë edhe selinë e kompanisë së tij në Lugano, për të forcuar pozitat e tij në majat e pushtetin të Kosovë, duke synuar edhe postin e presidentit.
Në raportin e televizionit zviceran përmendej se ndërtesa madhështore e Mabetex Group në Lugano është në shitje, si dhe një pjesë e rëndësishme e aktiviteteve të grupit, të udhëhequra pjesërisht nga familja e Pacollit.
Por, dega e Mabetexit në Prishtinë ka deklaruar për Telegrafin se kjo është totalisht e pavërtetë.
“Përkundrazi, Mabetex është në kulmin e suksesit të vet, përkatësisht në periudhën më të frytshme dhe selinë e vet vetëm po e zhvendos në një objekt shumë më të madh, më prestigjioz dhe më strategjik, po në Lugano. Pra, kompania është në ekspansion e sipër, duke futur në kuadrin e vet edhe menaxhmentet e disa porteve detare dhe aeroporteve nëpër botë”, njofton Mabetex. /Telegrafi/