Facebook

[Zero Cool]

1. Gjeni nje Proxy te Indonezise
2. Varesisht prej browserit vendoseni proxyn ne browserin tuaj. Psh. Firefox: Options – Advanced – Network – Settings – Connection Settings – And choose manual proxy configuration.
3. Vendoseni proxyn ne browser
4. Hapeni llogarine tuaj te facebook
5. Ndryshoni gjuhen nga ajo qe e keni momentalisht ne Bahasa Indonesia
6. Pastaj vetem largojeni mbiemrin dhe lereni vetem emrin
7. Tashme e keni facebookun vetem me emer, pa mbiemer.

[emine]

Postimi origjinal është bërë nga Zero Cool

1. Gjeni nje Proxy te Indonezise
2. Varesisht prej browserit vendoseni proxyn ne browserin tuaj. Psh. Firefox: Options – Advanced – Network – Settings – Connection Settings – And choose manual proxy configuration.
3. Vendoseni proxyn ne browser
4. Hapeni llogarine tuaj te facebook
5. Ndryshoni gjuhen nga ajo qe e keni momentalisht ne Bahasa Indonesia
6. Pastaj vetem largojeni mbiemrin dhe lereni vetem emrin
7. Tashme e keni facebookun vetem me emer, pa mbiemer.

jo hiq tybe sem duhet indonezia,ee kam ba moti alla shqiptarqe,,,,;)

[Zero Cool]

Fakte interesante për pronarin e Facebook



1. Shkruani @[4:0] në një koment në Facebook dhe do te ju del emri i Mark Zuckerberg.

2. Për dallim nga të tjerët në Facebook, Zuckerbergin nuk mund ta bllokoni.

3. Që kur ishte adoleshent e deklaroi veten si një ateist.

4. Mark dhe motrat e tij vazhdimisht bëjnë shaka të ndryshme. Natën e vitit të ri 1999 ata i ndalën dritat për të trembur prindërit. Nëse ju kujtohet atëherë kishte panik të madhe mbi bugun e mijëvjeçarit që besohej se mund të shkaktojë dëm të madh në sistemin kompjuterik. Në këtë mënyrë Mark dhe motrat e tij donin të bindnin prindërit e tyre se një gjë e tillë është e vërtet.

5. Mark së bashku me një shok të klasës ka krijuar programin muzikor Synapse, i cili analizon shijen muzikore të personit që ndëgjon muzikë dhe në përputhje me këtë i lëshon muzika të cilat mund ti pëlqejnë. Programi pati sukses, për të u interesua edhe Microsoft.

6. Zuckerbergut i ofruan 1 milion dollarë për ta zhvilluar më tutje programin, por duhej të braktis shkollën dhe për këtë gjë ai refuzoi ofertën.

7. Në kohën e studimeve Zuckerberg krijoi Facemash.com, paraardhësi i Facebook, përmes të cilit studentët mund të zbulonin kush është më i përshtatshëm për në kampus. Kjo mund të thuhet që ishte një shprehje e sensit të humorit të tij.

8. Zuckerberg ka mbrojtur mbi 50 patenta në emrin e tij.

9. Karakteri i Zuckerberg është një enigmë e vërtet. Në filmin The Social Network, regjisori David Fincher karakteri i Zuckerberg e prezanton si një njeri që nuk ka aftësi shoqërore dhe duke u përpjekur dëshpërimisht të përshtatet në Harvard. Zuckerberg tha se filmi nuk është aspak afër të vërtetës, pasi ai asnjëherë nuk u përpoq të jetë pjesë e elitës së Harvardit ose të përdor aftësit e tij për tu bër përshtypje femrave.

10. Zuckerberg është daltonist dhe në përgjithësi nuk mund të dallojë ngjyrën e gjelbër dhe të kuqe. Më së miri mund të perceptoj ngjyrën e kaltër, për të cilën edhe Facebook është blu.

[Zero Cool]

Si të shkarkosh film nga facebook, me google chrome ?


1. Hape google chrome.

2. Futu ne fcb.

3. Gjeje videon/filmin që don ta shkarkosh.

4. Kliko te opcionet në anën e djathtë lart (ose F12), shko te: tools/developer tools/network.

5. Shihe filmin deri në fund.

6. Kliko te lloji (type) dhe gjeje .MP4 (rifreskoje faqen nëse nuk e gjen, me F5).

7. Kliko mbi këtë .mp4 "file-n" dhe me të djathtën e mausit hape në një dritare të re.

8. Tani në dritaren e re (te zezë e në mes është filmi), kliko me të djathtën e mausit dhe gjeje "save as...")

9. U bo ...........:P



http://www.youtube.com/watch?v=46TKU...ature=youtu.be

[Zero Cool]

So pune mu ngi pare qeky pis Mark Zuckerbergu





Përdoruesit e Facebook do të paguajnë gjobë për mesazhet ndaj “jo miqëve”



Përdoruesit e rrjetit Facebook, ndaj personave të cilët nuk i kanë shokë në këtë rrjet social nuk duhet që t’iu dërgojnë porosi private.

Kjo gjë nëse bëhet pritet të pasojë me dënime me gjobë.

Rrjeti shoqëror është duke planifikuar që t’i ngarkojë me deri 10 funta, nëse personin të cilin e kontaktojnë nuk është “shok” ose shok i “shokëve” – shumë kjo maksimale e cila arrihet varësisht se sa i famshëm është personi i kontaktuar.

Çmimi i një porosie individuale do të mund të ishte rreth 70 pencë për përdoruesit e zakonshëm të rrjetit Facebook, por do të shënojë rënie deri 10 funta për personat e famshëm.

Facebook thotë që është duke e paraqitur këtë veçori për të parandaluar spamin që po dërgohet tek përdoruesit në rrjet.

Struktura e pagimit do të përcaktohet nga një formulë matematike që merr në llogari disa faktorë, duke përfshirë numrin e ndjekësve që një përdorues ka në Facebook dhe sa porosi ata marrin.

Por komentuesit e rrjeteve shoqërore kanë shfaqur shqetësime që këto ngarkesa janë vetëm fillimi i një mostre të përdorimit të shërbimeve të tilla të uebit si burim i të ardhurave.

Facebook gjithmonë e ka paraqitur sloganin që faqja është “falas dhe gjithmonë do të jetë”.

Për momentin, përdoruesit mund të dërgojnë porosi tek secili që e përdor këtë shërbim, duke mos përfshirë këtu përdoruesit që nuk e kanë mundësuar një gjë të tillë, pra të kontaktohen nga ata që nuk i kanë shokë, apo shokë të shokëve, por nëse dërgojnë porosi tek ata që nuk i kanë shokë apo shokë të shokëve atëherë do të pasojë gjobitja.

Porositë e dërguara nga ata që nuk i keni do të shkojnë tek një folder tjetër i porosive dhe do të cilësohet si spam.

Kur një përdorues pranon që të pranojë ta bëjë pagesën, atyre iu kërkohet që të paguajnë menjëherë duke përdorur një kartë krediti ose debiti.

Sidoqoftë, ndërmarrja largoi një skemë që iu mundësonte përdoruesve që të kontaktojnë me njerëz të famshëm, për të cilën duhej paguar 100 dollarë, duke përfshirë këtu themeluesin e rrjetit Facebook, Mark Zuckerberg.

Ne jemi duke testuar një numër të pikave të çmimit në MB (Mbretërinë e Bashkuar) dhe shtete të tjera për të formuar faturat optimale që sinjalizojnë rëndësinë.

Pjesë e këtij testi është ngarkimi me shuma më të mëdha për figura publike, varësisht nga numri i ndjekësve që ata kanë.

“Ky është ende një test dhe këto çmime ende nuk janë vendosur përfundimisht.”

Kjo skemë tashmë është testuar në Shtetet e Bashkuara, ku Facebook gjatë një projekti pilot në dhjetor të vitit të kaluar filloi këtë dhe vendosi që ta përdorë këtë sistem për mbarë botën.

[Zero Cool]

Facebook aktivizon profilet e verifikuara



Një prej problemeve kryesore të rrjetit social Facebook janë pikërisht profilet jo origjinale. Fatkeqësisht ekzistojnë me mijëra të tilla prandaj ashtu si Twitter, rrjeti gjigant social ka aktivizuar profilet e verifikuar.

Që tani e tutje një ikonë e vogël me ngjyrë blu do të përdoret për të treguar profilet e vërteta të figurave publike, njerëzve të famshëm apo faqet zyrtare të firmave si dhe faqet me një numër shumë të madh ndjekësish.

Përdoruesit tashmë do të kenë mundësi të identifikojnë personat e verifikuar thjesht duke kontrolluar ekzistencën e ikonës së vogël me ngjyrë blu në krah të emrit të tyre, në rezultatet e kërkimit dhe kudo tjetër ku shfaqet profili i tyre në Facebook.

Më në fund do të jetë e mundur të sigurohemi nëse faqja ku po regjistrohemi si fans është e vërtetë ose jo.

Verifikimi i profileve verifikohet nga ekipi i punës të Facebook që do të thotë se nuk është e mundur që ju vetë si përdorues t’i kërkoni kompanisë të verifikojë profilin tuaj edhe nëse bëhet fjalë për profile me një numër shumë të madh fansash.

Për përdoruesit është e mundur që të raportojnë llogaritë mashtruese me identitete jo të vërteta.


PS: në fotot e bashkangjitura: profili origjinal dhe ai i pavërtetë.

[Zero Cool]

Si të evitoni virusin “Zeus” në Facebook që mund t’ju boshatisë llogarinë bankare


Nëse klikoni linkun e gabuar në Facebook, një virus me emrin "Zeus" mund të arrijë të marrë të dhënat tuaja bankare dhe t’ju vjedhë të gjitha paratë që ndodhen në të. New York Times raporton me detaje mbi virusin që gjendet tashmë prej 6 vitesh në Facebook.

Pasi njerëzit klikojnë mbi një link dashakeqës, "Zeus" mbetet inaktiv në kompjuter deri në momentin që dikush akseson një llogari bankare, duke vendosur emrin e përdoruesit dhe fjalëkalimin. Firma e sigurisë Trend Micro i ka gjetur linqet që lidhen me Zeusin në shumë vende në Facebook, përfshi edhe në një faqe tifozësh futbolli.

Ekzistojnë tre mënyra se si mund të evitoni të bini pre e këtij virusi:

1. Evitoni sa më shumë të mundeni kompjuterët Windows. Kevin Smith nga Business Insider shkruan se "Zeusi" shënjestron veçanërisht kompjuterët Windows dhe nuk funksionon në Mac OS X apo Linux. Sigurisht, të ndryshosh sistemin operativ nuk është diçka e lehtë, por është një nga mënyrat se si mund të evitohet ky virus. Gjithsesi, ka variante të tjera të "Zeusit" të cilat mund të infektojnë smartfonët Android dhe BlackBerry.

2. Mos klikoni linqe të panjohura. Kjo është këshilla numër një për çdo lloj virusi, prandaj është e rëndësishme të përsëritet herë pas here. Shumë njerëz nuk arrijnë ta kuptojnë ende se mjafton një klikim i gabuar për të infektuar kompjuterin me malware. Rregulli i artë: Nëse nuk e njihni personin që ju ka dërguar linkun apo nëse edhe thjesht linku ju duket i çuditshëm, mos e klikoni. Në fund të fundit, nuk ia vlen barra qeranë.

3. Sigurohuni që banka juaj ofron verifikimin me dy faktorë. Sa më e sigurt të jetë uebfaqja e bankës, aq më të sigurta janë edhe paratë tuaja. Bisedoni me bankën dhe përpiquni të gjeni mënyrën më të sigurt për të aksesuar deklaratat (statements) – të cilat mund të jenë përmes telefonit apo ballë për ballë. Nëse përdorni online banking, sigurohuni që të bëni gjithmonë "log out."