Zbrazja e Kosovës

[Zero Cool]

Deputetët të shqetësuar nga ‘ikja’ e qytetarëve






Prishtinë, 11.07.2013

Deputetja e PDK-së, Blerta Deliu, ka thënë se qytetarët e Kosovës edhe me tutje po mbesin të vetmit në rajon që nuk mund të lëvizin lirshëm në Evropë.

“Mendoj se është përpjekje e arsyeshme dhe shumë humane sepse këta qytetarë mbi 70 për qind të rinj duan shumë vende pune dhe një jetë me të mirë. Ajo çka po përpiqemi edhe ne, është që qytetarët të lëvizin sa me shpejt, por të kenë mundësi të lëvizin me dokumente e tyre legale. Të njëjtën gjë po mundohet ta bëjë edhe BE-ja por kjo kurrsesi nuk arrihet përmes trafikimit me njerëz, ku përfitojnë strukturat e krimit dhe rrezikohet jeta e qytetarëve tanë e ku këtyre qytetarëve u merren shuma marramendëse parash dhe prapë ndalen nëpër kufi të ndryshëm dhe në rastin e parë kthehen në Kosovë. E njëjta ndodh edhe me 4 mijë kosovarë që mbahen në kampe në Hungari”, ka thënë Deliu.

Në anën tjetër deputetja e LDK-së, Teuta Sahatçiu ka thënë se qytetarët e Kosovës po ikin nga vendi i tyre, jo për shkak të dhunës, vrasjeve, Policisë, si në kohën e kaluar, por për shkak të sigurimit të bukës së gojës.

“Në të kaluarën kishin zor nga ndjekja nga vrasja e djemve tanë që shkonin ushtarë nëpër kazerma dhe vriteshin. Sot Kosova është e pavarur me institucionet e zgjedhura, sot qytetarët nuk ikin nga ushtria dhuna e policia por sot nga Kosova e pavarur ikin për të siguruar bukën e gojës për vetën dhe familjen. Kur për një vend pune 300 vet aplikojnë, atëherë shihet se këtu nuk është vend ku mund të rrihen. Në Kosovë çdo vit dalin 030 mijë të rinj derisa qeveria arrin të punësoj vetëm 7 mijë vet në vit”, tha Sahatçiu.

Më tej Sahatqiu është shprehur se ‘Qeveria po hap universitete por nuk po arrin t’u krijoj punë këtyre studenteve që diplomojnë nesër’.