BOTA E FSHEHTË: Krijesat e (pa)dukshme - xhinët

[4peace]

MUNDËSIA E TË PARIT TË XHINIT ME RASTIN E SHNDËRRIMIT TË TYRE









Xhini musliman vazhdon: “I Lartmadhëruari, All-llahu xh.sh., na e ka dhënë mundësinë që të mund të shndërrohemi në formën të cilën e dëshirojmë...Lexo në suren El-Enfal: “ E kur shejtani, si veprimeve të bukura të tyre, ua ka prezantuar dhe u ka thënë: “Askush nuk mund t’ju mposhtë sot, e unë jam mbrojtësi juaj!” – atëherë ai, kur dy taborre kundërshtare u përfytën, është kthyer prapa dhe ka thënë: “Unë nuk kam asgjë kundër jush, unë shoh atë që ju nuk e shihni, dhe unë i frikësohem All-llahut, sepse All-llahu dënon ashpër.”(7)









Pasi vëzhgoi paksa nëpër bibliotekën time, tha: “Ma sill tefsirin të cilin e ke, ta shohim kuptimin e këtij ajeti”.









I thash: “Ky është tefsiri i Ibni Kethirit, e ky tefsiri i Kurtubit.”





E mora tefsirin e Kurtubit, e ai tha: “Lexoje tefsirin e këtij ajeti”. Dhe, lexova sa vijon: “Transmetohet se shejtani atë ditë mushrikëve u është paraqitur në portretin e Surake b. Kinane b. Xhu’shumit, e ai ishte nga fisi Benu Bekr b. Kinane. Mushrikët janë frikësuar se mos do t’i sulmojë nga shpina, sepse më parë, nga ta e patën vrarë njërin nga njerëzit. Pasi që iu ishte paraqitur me imazhin e tij, ai u ka thënë atë që na e ka shpjeguar All-llahu i Lartmadhëruar xh.sh. në ajetin e cekur”.







Danaku thotë: “All-llahu xh.sh., Pejgamberit të Tij si dhe besimtarëve, ua ka dërguar për ndihmë një mijë melekë (engjuj). Në krye të një grupi prej pesëqind melekëve, që gjendej në krahun e djathtë të ushtrisë muslimane, ishte Xhibrili (Gabrieli), ndërsa në krye të grupacionit tjetër prej pesëqind melekëve, në krahun e majtë, ishte Mikaili (Michaeli). Atëherë kishte ardhur Iblisi në krye të ushtrisë shejtane. Mbanin flamurin e fisit Benu Mudlixh, ndërsa Iblisi, duke u paraqitur në fytyrën e Surak b. Malikut b. Xhu’shumit, iu tha mushrikëve (mosbesimtarëve): “S’ka kush t’ju mposhtë sor përderisa ju mbroj unë”. Pasi që kishte bërë rirreshtimin e njerëzve, Ebu Xheheli, tha: “ O Sundimtari ynë! Ai ka ardhur për të na ndihmuar pa hile, prandaj ndihmoji!”









Atëherë Pejgamberi a.s. i ngriti duart e tha: “O Sundimtari im! Nëse Ti lejon që ky grup të shkatërrohet, Ti nuk do të jesh i adhuruar më kurrë në tokë”. Atëherë Xhibrili tha: “Merre një grusht dhé!” Pejgamberi a.s., e mori një grusht dhé dhe e hodhi në drejtim të armikut. Ai (dhé) e goditi sejcilin mushrik në sy, hundë e gojë, prandaj ata ua kishin dhënë këmbëve. Atëherë Xhibrili ia kishte mësyer Iblisit, të cilin e mbante përdorë sejcili nga mushrikët! Posa e pa Iblisi, e shkëputi dorën me shpejtësi dhe iku së bashku me ushtrinë e vet. Duke e parë këtë, njëri nga mushrikët, klithi: “O Suraka! A nuk the se do të na mbrosh?” Ai i përgjigjet: “Unë nuk kam asgjë të keqe me ju, por unë jam duke parë atë që nuk jeni duke e parë ju”. (8) (shënuar nga Bejhekiu)









Xhini musliman tha: “Kjo është dëshmi që Iblisi është shndërruar prej xhinit në figurë njeriu, prandaj edhe kanë mundë ta shohin dhe të bisedojnë njerëzit me të. Madje edhe dorën e vet e ka vënë në atë të njeriut në shenjë marrëveshjeje për mbrojtje dhe ndihmë ndaj tyre”.





Në Sahihun e Muslimit, shënojmë hadithin ku thuhet se xhini është shndërruar në figurë gjarpëri, i cili e ka mbytur një të ri, meqë ky i riu e paska goditur me shtizë.





Dhe vërtetë. E mora Sahihun e Muslimit dhe aty lexova si në vijim: “Me një rast Ebu Saibi ka hyrë tek Ebu Seid el-Hudariu dhe e hasi duke u falur. U ula, thotë Ebu Saibi, për të pritur që ai ta kryejë namazin. Përmenjëherë kam ndëgjuar se si po lëvizte diçka në thuprrat e palmës në tavanin e dhomës. Duke vështruar në atë drejtim e pashë gjarpërin. U nisa ta mbys, ndërsa Ebu-Seidi ma bëri me shenjë që të ulem dhe unë u ula. Pasi e kreu namazin, më tha: “A po e sheh këtë dhomë?” “Po e shoh”, iu përgjigja! “Në të ka banuar një djalosh që ishte i posamartuar. Kur kishin qenë bashkë me Pejgamberin në Hendek, një dite djaloshi iu kishte lutur Pejgamberit për të marrë leje, me qëllim që të shkonte për vizitë te bashkëshortja. I dërguari i All-llahut i dha leje duke i thënë: “Merri me vete edhe armët e tua, meqë kam dronë se do të jesh i sulmuar nga fisi i Benu Kurejzit”. Ai i mori armët e shkoi. Kur arriti në shtëpi e hasi bashkëshorten e vet para shtëpisë. Duke e parë atë para shtëpisë ishte hidhëruar aq shumë sa që deshi ta godasë me shtizë, ndërsa ajo i thotë: “”Lëre atë shtizë dhe hyr mbrenda në shtëpi për ta parë shkakun se ç’më ka shtyrë të dal nga shtëpia”. Kur ka hyrë ai mbrenda e sheh një gjarpër gjigant të mbështjellur grumbull në shtrojë. Ky e godet gjarpërin me shtizë e pastaj del jashtë, duke e lënë shtizën e ngujur në gjarpër. Gjarpëri ia ka kthyer goditjen me të njëjtën shtizë dhe nuk dihit se cili prej tyre ka dhënë shpirt i pari, gjarpëri apo djaloshi. Pastaj shkuam te Pejgamberi dhe i shpjeguam se çfarë kishte ndodhur, duke i thënë: “Lute All-llahun që të na e ngjallë sërish”, ndërsa Pejgamberi a.s., na u drejtua: “Kërkojini hallallin shokut tuaj. Në qytetin e Medinës ka xhinë, të cilët e kanë pranuar islamin, prandaj, kur të shihni diçka (të parëndomtë) , tërhiqjani vërejtjen për tri ditë që të largohet e nëse nuk ikën pas tri ditësh, atëherë vriteni, sepse në këtë rast kemi të bëjmë me shejtan”. (9)





Po ta kishte mbytur gjarpërin në atë moment djaloshi në fjalë, kjo gjë nuk do t’i ndodhte. Mirëpo, është e qartë, i paska ardhur exheli. Në këtë ka këshilla e mësime. Sido që të jetë, ky hadith i Pejgamberit është dëshmi se xhinët kanë aftësi për t’u shndërruar në çdo formë.







“Në rregull”, i thash. “Pas gjithë kësaj le t’i kthehemi mundësisë së shndërrimit, sepse unë dëshiroj edhe disa sqarime në këtë drejtim. Prandaj, të kalojmë tani në gjendjen e dytë (tjetër) apo rrethanën tjetër, në të cilën është e mundur për t'ju parë ne. Më parë the se kjo është gjendja e sihrit, apo situata kur pihet uji, në të cilin është kryer sihri”.







“Posi”, tha ai.” Atëherë është fare e lehtë të dukemi”.







Megjithatë, kjo çështje kërkon një sqarim paksa më të gjërë.”







“Po, gjithsesi. Me lejen e All-llahut, sot do t’i zbuloj disa gjëra, për të cilat deri më tani nuk është shkruar asgjë te ju njerëzit, ndërkaq që për to dinë vetëm disa individë të paktë”.







vazhdon me:



TË DUKURUT E XHINIT NË GJENDJEN E SIHRIT APO NË GJENDJE KUR DIKUSH E PIN UJIN, NË TË CILIN ËSHTË KRYER SIHRI









!!!!