Cfar mendoni per Adelina Ismajlin?

[Legend]

]Pas koncerteve të shumta në të gjithë Ballkanin, në Europë dhe Amerikë, këngëtarja mbyll turin 3-vjeçar të sukseseve të saj. Në pritje lançimi i projektit të radhës në tregun europian

Adelina Ismaili, sfidat dhe sukseset e YLLIT qe nuk njeh deshtim


Gjithçka ishte realizuar ashtu siç ishte parashikuar. Që nga audio, e cila kap shifrën prej 200 mijë eurosh, dritat laser, skena mbi 2 metra e lartë enkas për performancën e saj, sigurimi shtetëror, DJ (i angazhuar vetëm për kohën sa ajo ishte në skenë), reklamat 1 metër më të mëdha, sesa të të gjithë këngëtarëve të tjerë, suita presidenciale në hotelin e mbajtur sekret, ujë i porositur nga krahina e Rugovës që do t’i shërbehej në dhomën e ndërtuar vetëm për të, në të cilën çdo gjë duhej të ishte në ngjyrë të bardhë dhe të artë.
E pagëzuar “Diva e muzikës së lehtë shqiptare”, Adelina Ismaili e di fort mirë sesi duhet përmbyllur një turne i suksesshëm. Një mbrëmje spektakolare që ishte parashikuar dhe ishte zgjatur për 3 vite me radhë nëpër gjithë shtetet e banuara me shqiptarë në Ballkan, katër herë në Europë dhe 3 herë në Amerikë për të promovuar allbumin e fundit “Fenix”. Turneu më i suksesshëm i karrierës 25-vjeçare të Adelinës, siç e tha edhe vetë në koncertin e fundit që u mbyll me hit-et më të dëgjuara të këngëtares.

Mes lotëve dhe krenarisë
Me këmbën e lënduar nga koncerti i kaluar, Adelina u tregua një profesioniste e vërtetë. Edhe pse me dhëmbët e shtrënguar nga dhimbja ajo nuk ndaloi për asnjë minutë në performancat e saj. Ishte koncerti “i lamtumirës” para projektit të ri dhe një atmosferë jashtëzakonisht e ndezur, por edhe me shikimet mallëngjyese të fansave më besnikë, vërehej që nuk arrinte të përballonte peshën e krenarisë së saj, "krenarisë së çmendur të një mbese të Balshajve", siç e tha vetë atë natë. Adelina u dorëzua para emocionit kur falenderoi fansat që i ndenjën besnikë në kohërat më të vështira. Motrën Ema, “që më fali buzëqeshjen kur mendoja që është vjedhur nga hajdutët”, motrën Zanfina, “që më fshinte ballin e lotët, derisa më merrte gjumi. Ikte të qante fshehurazi dhe kthehej më përqafonte lehtas kur mendonte që po flija". Nënën Mona, së cilës publikisht iu drejtua: "ma bëj hallall për çdo copë shpirti që ke sakrifikuar për ëndrrat e mia. Nëse parajsa vërtetë është nën këmbët e nënës, atëherë më dhëntë Zoti fuqinë të jem copëz kalldrëmi nën këmbët e tua nënë". Menaxherin e saj me fjalët; “Të faleminderit që më mësove të frymoj prapë, që më tregove se është krenari të jesh Adelina Ismaili, që besove në mua, atëherë kur nuk besoja as unë" dhe... Kosovën me fjalët, "të puthsha dheun më të ëmbël në botë Kosova ime, që gjithmonë ke arritur të më bësh ta adhuroj edhe tmerrin që ecën në ty”!
Kur të gjitha shikimet po vërenin tensionin e krijuar nga ndjenja të përziera, Adelina filloi këngën, "E bukura More" ndër lot, gjë që e ekzaltoi publikun deri në atë masë, saqë u regjistruan fansa të të gjitha moshave dhe gjinive duke qarë, me duart lart dhe çakmakë që ndriçonin. Duke qenë e limituar në kohë për shkak të albumit të ri, i cili po përgatitet për tregun europian, Adelina Ismaili që në muajin maj kishte shprehur keqardhjen (në një nga intervistat e rralla televizive) që nuk do të arrijë të përsërisë turneun ballkanik. Ndryshe nga viti i kaluar, ku Adelina përshkoi shumicën e qyteteve shqiptare, përfshirë Shqipërinë, Kosovën, Maqedoninë dhe Malin e Zi, duke thyer rekorde në numër të biletave dhe duke u përsëritur në shumë vende koncertet në një kohë rekord, këtë vit ajo kishte vendosur që të mbante vetëm tre koncerte, edhe atë në Ulqin. “Kishte shumë arsye. U zgjodh Ulqini si vend që do të frekuentohej nga shqiptarët e gjitha viseve këtë vit, sipas parashikimeve që na arritën në fillim të vitit, por edhe sepse kishim indikacione që mjaft vende ishin bërë "zonë e minuar" për të sabotuar suksesin e koncerteve dhe Adelina në mënyrë kategorike refuzoi të shkojmë me atë rrezik. Por vendimtar ishte fakti që Adelina me çdo kusht dëshiroi që koncerti të zhvillohej në vendin ku ka lindur gjyshja e saj dhe në pamundësi që të bëhej në Malësi, ku mungojnë kushtet për organizime të tilla, u vendos Ulqini dhe diskoteka më e afërt me Kullën e Balshajve që ishte pronë e babait të gjyshes së Adelinës. Shumicën e projekteve në karrierën e saj ajo ia ka kushtuar gjyshes dhe natyrisht që respektuam dëshirën e saj që edhe koncerti përmbyllës i turneut "Fenix" t’i kushtohej asaj”, shprehet për GO zëdhënësja e saj.

Një koncert dedikuar njerëzve të zemrës, i dyti në Ballkan për nga suksesi
Adelina Ismaili është këngëtarja, së cilës më së shumti kolegët i kanë sabotuar koncertet në të kaluarën e saj, duke mos kursyer edhe format ekstreme siç ishin kërcënimet anonime me vrasje dhe lajmërimet anonime të bombave, gjëra këto të konfirmuara asokohe nga Policia e Kosovës. Kujtojmë këtu edhe skandalin “e famshëm” në një festival në Tiranë, ku kolegët e votuan Adelinën me më së shumti zero pikë, gjë që detyroi producentët të ndërrojnë sistemin e votimit duke e bërë transparent atë. Adelina zgjodhi Ulqinin, si një zonë më neutrale, por edhe e shtyrë nga ndjenjat, sipas zëdhënëses së saj. Tre koncertet e para janë realizuar në diferencë prej 1 jave ndërmjet, por rezultuan shumë të suksesshme, pasi publiku vërtetoi edhe njëherë se Adelina është këngëtarja e vetme shqiptare që arriti të ketë 4 mijë vetë të pranishëm në vetëm një koncert, duke u renditur kështu e dyta këngëtare më me shumë publik në tërë bregdetin e Malit të Zi, ku performojnë kryesisht yje nga tërë Ballkani. Pas Dino Merlin, i cili kapi shifrën prej 4 mijë e 500 bileta të shitura dhe para Jelena Karleusa, e cila ne Budva u këndoi 3 mijë fansave. Koncerti i katërt nuk ishte parashikuar, por mbi 800 njerëz të mbetur jashtë që kishin bllokuar rrugën që shpien tek Plazhi i Madh në natën e koncertit të tretë, e detyruan Adelinën që të bënte edhe koncertin e katërt, ku surpriza e përmbylljes së turneut ishin fansat e shumtë që kishin udhëtuar nga Austria e Zvicra,Tetova, Presheva Ferizaj, Prishtina, Shkodra e Durrësi të organizuar me njëri-tjetrin nëpërmjet rrjeteve sociale enkas për këto koncerte.

"After Party" luksoz për fansat
Gjithçka duket se eci për mrekulli. Kjo vihet re edhe nga fotot e postuara në facebook. Madje dhe “After Party” i organizuar vetëm për fansat. Siç duket, Adelina vendosi të "shkelmojë" modestinë, duke mbyllur një diskotekë tjetër të Ulqinit, ku kolegë të saj kishin performuar netët e tjera dhe të festojë vetëm ajo me stafin dhe fansat e saj, duke ndaluar hyrjen e çdokujt tjetër. "Po, ishte dëshirë e Adelinës që të mbyllte diskotekën në fjalë atë natë vetëm për qejfin e saj dhe të fansave. Natyrisht, pati reagime nga këngëtarë, të cilët atë natë duhej të performonin aty, por kryem pagesën e tyre të rregullt që të mos shqetësohej askush nga të ftuarit e Adelinës dhe Iliadaentertainment (produksioni amë i Adelina Ismailit ku ajo është bashkëpronare v.j. Party eci për mrekulli”, shton zëdhënësja. Edhe pse shpresuam që do të zëmë ndonjë foto të Adelinës së ekzaltuar së paku nga party, mësuam se Adelina u çua të kërcejë vetëm kur në sfond u dëgjua kënga e re e motrës, Zanfinës dhe "Anarchy in UK". Një kombinim i çuditshëm, por siç duket Adelina vërtet ende nuk e ka problem të bëjë vetëm dhe vetëm atë që i do qejfi asaj. Aktualisht, diva e muzikës së lehtë shqiptare gjendet me pushime, ndërkohë që për pak ditë pritet dhe lançimi i projektit të saj të parë në disa shtete evropiane. Që edhe punët më të vështira mund të kombinohen me kënaqësi, këtë gjithmonë na e ka dëshmuar Adelina Ismaili.

[winona]

...valla bukuroshe eshte mos gjelozoni hej,une e adhuroj muziken e Adelines sidomos disa kenge qe i ka ajo i dua shume,edhe seksi eshte s'ka fjale.

[Legend]

Adelina realizon këngë në Francë me Faudel, i njohur si mik i Presidentit Sarkozy

“Jam e lumtur… Dhe ky është suksesi më i madh i ekzistencës sime. Këngët, klipet, projektet, të gjitha vijnë dhe shkojnë. Nuk jam llastuar, por edhe sikur të jem, kam arsye (qesh). Lumturia ime varet vetëm nga ndjenja që çdo mëngjes zgjohem e buzëqeshur dhe çdo mbrëmje ndihem e mikluar. Asgjë tjeter s`ka rëndësi». Kështu e fillon rrëfimin e saj në këtë intervistë këngëtarja e njohur kosovare, Adelina Ismaili. Gazeta jonë ka siguruar intervistën e këngëtares së parë kosovare, e cila arriti të jetë artiste në qarqet më të larta të muzikës franceze, gjykuar nga fakti që bashkëpunon me njërin ndër producentët më të shquar francezë, Frederick Château, bashëpunim me këngëtarin Faudel, i njohur si «Princi i muzikës në Rai» , një ndër të rrallët që është fitues i çmimit botëror në muzikë (WMA në MTV) dhe mik i Presidentit Sarkozy, si dhe të jetë artistja e parë shqiptare në muzikën moderne botërore. Ne ju sjellim sekretet e suksesit të Adelina Ismailit, peripecitë, jetën në Paris, hakmarrjet dhe të vërtetën e heshtur për këmbën e lënduar.

Na trego fillimisht si erdhe deri te vendimi që të fillosh një karrierë në dy vende europiane, duke lënë pak mënjanë karrierën në Kosovë dhe posaçërisht në Shqipëri.

Natyrshëm. Nuk kishte mbetur më asnjë sukses për t’u arritur në Kosovë për mua. Kisha arritur në një stad ku mund vetëm të zbrisja më poshtë, më lart nuk kishte ku. Në Shqipëri mungoja, në mungesë kohe që t’i arrija të dyja, edhe pse realisht Shqipëria më dha shumë më shumë sesa Kosova. Ky është një fakt. Erdha dhe doja me çdo kusht të bëja një kthesë fillimisht në jetën time, pastaj të sprovohesha si artiste. Debutimi në Zvicër me DVD-në e albumit «Fenix» pati një sukses të konsiderueshëm dhe remiksimi i këngës «Tribalb» ishte suksesi më i madh, duke pasur parasysh që show biznesi në Zvicër është shumë pak i zhvilluar. Gjithsesi, jo vetëm ndihma por gjeneratori i çdo suksesi tim këto 3 vite është menaxheri im. Më motivonte edhe atëherë kur unë nuk besoja as në veten time, lëre pastaj profesionin. Unë doja vetëm qetësinë dhe këndelljen. Fitova më shumë sesa do mund të ëndërroja dhe kjo është meritë e tij. Vendosëm të fillojmë pa ndihmën e askujt, absolutisht askujt. Dhe donim diçka të madhe, jo vogëlsira. Na duhej diçka më e madhe, më sfiduese për mua fillestaren, e cila nuk ka qenë fillestare kurrë (qesh).

Erdhe në Francë dhe arrite të bashkëpunosh me top emra francezë. Pse Parisi?

Parisi është vendi ku lindi kultura europiane, e cila pastaj bartet në vendet e tjera. Më pëlqen influenca e emisioneve franceze në programet tona argëtuese kohëve të fundit. Në fillim mërzitesha kur ngatërronin Albania me Armenia. Mbaj një repertor të tërë të këngëve tona dhe pa mëshirë i bëja të dëgjonin ritmet unike të Veriut apo polifoninë e Jugut (qesh). Këtu kupton sa të dëmshëm jemi ne për njëri- tjetrin. Shaktërrojmë punën e njëri-tjetrit, saqë në fund arrijmë të mos na njohë askush. Nuk dimë të përfitojmë as nga tjetri, as nga vetja. Këtu kam kuptuar sa të vetmuar jemi në botën e kulturës jashtë Ballkanit, ku të gjitha meloditë kanë filluar të tingëllojnë njësoj. Parisi është vend që të jep të gjitha mundësitë të tregosh veten, por edhe të bartësh përgjegjësinë për atë që bën. Është vend që të bën të dashurohesh me të, por më së shumti të dashurosh vetën.

Cilët janë realizuesit, bashkëpunëtorët, thënë thjesht, më kë punove në debutimin tënd?

Kënga është punuar nga Frederic Château, në studio Asdorve këtu në Paris. Që ta qartësoj, Fred më shumë është i njohur si bashkëpunëtor i Sir Paul McCartney në Francë, dhe producent i Natasha St Pier, Helene Segara etj. Tani së fundmi, realizues i projektit «Corne Afrique» për UNICEF 2011, në bashkëpunim me gjashtëdhjetë artistët më të shquar francezë; David Halliday, Yannick Noah, Florent Pagny, Jane Birkin etj. Njohja me Fredin ishte meritë e menaxheres, njëkohësisht dhe gruaja e Faudel, një grua që e dua jashtëzakonisht shumë. Tekstin në gjuhën angleze e kam shkruar unë. Gjithashtu dhe melodia e teksti në gjuhën shqipe janë nga unë. Teksti në gjuhët franceze dhe arabe është shkruar nga Faudel, në fakt kjo është e veçanta e tij, bashkëdyzimi i dy gjuhëve aq të ndryshme. Videoklipi është punuar nga Mazava Productions, në selinë e tyre në Paris, me regji të Marc Gurung. Skenarin e kemi punuar unë dhe Valerie Atlan, njëherazi dhe bashkëpronare e Mazava Production. Menaxherë të projektit janë Alfonso Barbiera dhe Val Krasniqi. Fitova dhe një menaxher nga kjo punë (qesh). Kënga «I love you more» është projekt i produksionit Iliada Entertainment dhe Xpert Events në koordinim me Universal Music. Në fakt, është dhe projekti i parë që paralajmëron albumin tim ndërkombëtar.

Kënga dhe klipi janë pëlqyer shumë nga fansat, madje në faqe të ndryshme shohim dhe komente nga të huajt. Na fol pak për mesazhin…

Këtë këngë gjithkush e kupton si do vetë. Ka shumë mesazhe, do thosha. Nëse nisem nga impakti që lë menjëherë, pa hyrë në analiza të thella, them që është një këngë e cila jo rastësisht ka katër gjuhë në vete dhe katër gjini muzikore. Është këngë pop, unë jam pop-këngëtare dhe, pavarësisht trendeve momentale, këtë herë nuk doja eksperimentime. Frëngjishtja është e natyrshme në këtë rast, dy kontrastet e mëdha të melodive zbuten me ëmbëlsinë e limituar të stilit francez në këngë. Dhe natyrisht, dy strofa të tëra në shqip. Unë mund të shkel gjithandej botës, por gjithmonë do të kthehem në vendin tim. Kjo jam unë, gjithmonë një shqiptare. Klipi është një ngjarje ku doja të isha më ndryshe, më e thjeshtësuar, ku vëmendja më shumë do përqendohej ne fabulën dhe mesazhet. Nuk donim asgjë të ekzagjeruar dhe për mua është problem të mos ekzagjerohem në look (qesh). Prandaj, konsultohesha me Zanfinën gati 8 herë në ditë. Ajo ka ideuar çdo imazh timin në klip, ka arritur të pamundurën, të më transformojë në zonjë (qesh). Edhe stilistja e Galliano ishte një ndihmë e madhe, ka vuajtur shumë me mua (qesh). Çdo skenë në klip ka një mesazh, prandaj nuk po ngutem. Në fakt, nuk jam ngutur kurrë. Më duhen vite të bëj diçka që nuk e kam bërë më herët. Nuk rrezikoj të kopjoj veten, nuk hyj në ata që puthin veten në pasqyrë (qesh).

Keni thënë publikisht që dëshironi një duet me Zanfinën këtu. Jeni ende me atë mendje?

Zanfina është gjithçka për mua. Si engjëll prej njeriu që është, ka duruar padrejtësitë dhe fabrikimet më të ndyra të estradës sonë. Nuk mund t’i ikë ndjenjes së fajit që çdo gjë i bëhet për shkakun tim. Po të mos ishte motra ime, sot do ishte shumë më e suksesshme se gjysma e këngëtareve ballkanase. Jam betuar se do të hakmerrem ndaj çdokujt që ka guxuar të lëndojë ndjenjën e saj. E dua sepse e meriton, por edhe për faktin që producenti im e kërkoi në këngë. Imazhi skenik i saj është absolutisht unik, dhe kjo këtu çmohet shumë. Këndimi i saj është gjithmonë vetëm i saj, jo kopjim. Rrugët e Parisit janë me miliona vajza që imitojnë me sukses. Por prapë mbeten në rrugë. Po, do të kem duet me Zanin këtu dhe jam e entuziazmuar që ajo do fillojë një karrierë ndërkombëtare. E kisha shumë vështirë ta bindja, më duket që lëkunda bjeshkën kur arrita t‘i mbush mendjen (qesh). Dueti me Zanin është dhuratë për punën time.

Edhe pse pa asnjë promovim, projekti ka arritur një numër rekord klikimesh në Youtube. Pse s’e keni promovuar ende askund?

Çdo e mirë ka të keqen e vet. Lëndova këmbën dhe çdo gjë është shtyrë në afat të pacaktuar. Nuk mund të shfaqem në promovime kështu. Nuk është ndonjë lëndim serioz siç mendohej, por më censuron shumë lëvizjen nga vendi në vend. Kemi anuluar dhe koncertet, gati gjithçka. Po mundohem të mbaj moralin lart, vetëm mua mund të më ndodhë të kem një projekt europian para vetes dhe të mos mundem të shfaqem askund (qesh). Non stop jam mes dy realiteteve, bashkëpunëtorëve që më japin kurajë dhe mjekut që rrudh vetullat sa herë i them që dua të aktivizohem. Duhet të pres, ndonëse kjo pritje po më streson. Prandaj u dakorduam ta «gjuajmë» në Youtube për fansat. Suksesi në Youtube vetëm sa po shton mosdurimin tim. Por, shëndeti mbi të gjitha.

Gjithsesi, duket që nuk jetoni keq këtu, jeni në qarkun e shtatë të Parisit që duket mjaft i shtrenjtë ?

Ah, lindja e diellit mbi Paris nuk ka çmim. Dua ta shikoj nga këtu çdo mëngjes (qesh). Kam edituar DVD në Zvicër, remiksin e këngës «TribAlb», kam edituar albumin «The best of» në portalet më të mëdha dhe tri vite kam pasur turne gati në çdo cep bote ku ka shqiptarë. Them se mund t‘ia ofroj vetes një jetë normale këtu, një kafe mëngjesi në Brasserie, ndonjë shëtitje kur kam kohë të lirë në Champs Elysses, ku çdo sekondë është fashion parade (qesh) dhe një drekë apo darkë që këtu zgjat me orë të tëra, sidomos kur mundohesh të merresh vesh me kamerierin në gjuhën angleze. Ende s’flas frëngjisht (qesh)

Çfarë mund të presim në të ardhmen?

Jam vetëm 31 vjeç, por jeta ime ka qenë në skenë. Doja fund, por doli fillim. Ka filluar. Kam dhe dy këngë që kanë mbaruar këtu dhe do finalizojmë ngadalë albumin. Unë nuk parapëlqej të krijoj sensacione pa mbaruar punë, ka ikur koha e «boom»-eve të rrejshme mediatike. Sensacionet e kota po kthehen kundër artistit. Por edhe po të doja, unë e kam jashtëzakonisht të vështirë të shfaqem në mediumet tona. Në anën tjetër më ka marrë malli (qesh). Por për momentin e kam të pamundur,duhet te jem në dispozicion të produksionit dy muaj për promovimin.

[Legend]

ADELINA ISMAILI,ZYRTARISHT NJË YLL EUROPIAN,E PARA SHQIPTARE NË UNIVERSAL MUSIC

Që Parisi është një mrekulli as që diskutohet,por ajo për cka ishim atje ishte dicka në vete :Intervista ekskluzive me Divën e muzikës së lehtë shqiptare,Adelina Ismaili e cila tash e një vit jeton dhe vepron në këtë metropol kulturor europian.Gazeta jonë ka shkruar gjithmonë për të rejat nga Adelina,qoftë kur ajo doli në Zvicër dhe korri suksesin e parë internacional me remixin e këngës « Tribalb » në bashkëpunim me yllin e muzikës House,DJ Mr Pink,qoftë për turneun e saj tre vjeqar shumë të suksesshëm në të gjitha trojet e banuara me shqipëtarë,por së fundmi dhe për lanqimin e projektit në Paris që thuhet se ishte mbajtur sekret deri në momentin e fundit.Shumë këngetare që veprojnë në vende të huaja lajmërojnë me vite punën e tyre internacionale,dhe në fund asgjë.Adelina jo se na suprizoi me arritjët e saj,sepse nuk e kemi dyshuar asnjëherë.Por këtë herë ishte më ndryshe,apo erdhi më shpejt sesa që menduam.Sapo kishte mbaruar turneun,dhe ne morrëm rrugën për Paris. Në një apartament vërtet luksoz në qarkun e 7 të Parisit,na priti ashtu siq ka qenë gjithmonë :E buzëqeshur,e ngrohtë dhe e afërt sikur të ishim takuar dje.Duket shumë e lumtur dhe e relaksuar,me një look të një dame të vërtetë që po jeton momentet e saj…

Përshëndetje Adelina.Pas suksesit të remixit « Tribalb » në Zvicër erdhe në Paris.Pse Parisi ?

E ke parë dhe vet.Është djepi i kulturës europiane,ku më së paku dihet për shqiptarët dhe kulturën tonë.Posaqerisht muzikën.Ne jemi të bindur që e gjithë bota e di ku është Kosova,në fakt është e dhëmbshme sa pak dihet në qarqet kulturore për ne.Në fillim mërzitesha kur ngatëronin Albania me Armenia.Por mbaja një repertoar të tërë të perlave tona muzikore në Iphone dhe posa ulesha në tavolinë pa folur asnjë fjalë,lëshoja këngë (qesh).Muzika është gjuhë universale,dhe pasi shaktërroja muhabetin në tavolinë,shpjegoja cfarë është kjo muzikë (qesh)Këtu kupton sa të dëmshëm jemi ne për vetën.Aq shumë sabotohemi mes vete,saqë në fund arrijmë të mos na njohë askush.Vetëm këtu kam kuptuar sa të vetmuar jemi në botën e kulturës,dhe sa shumë duhet të bëjmë për të mirën e kulturës shqiptare.Parisi është vend ku vdes xhelozia,ku rilind kreativiteti në cdo cep e cdo kohë, ku loja me tinguj është e pakufishme.Është vend që të bën të dashurohesh në të,por më së shumti të dashurosh atë cfarë je.

Tingëllon paska nacionaliste për një këngëtare që do të jetë yll ndërkombëtar.Sa pranohet këtu kjo ?


Cdo artist që ka arritur diqka në jetë, vë etninë e vet para së gjithash.Artisti është promovues,lajmëtar i popullit,i vlerave të popullit të vet.Këtu dhe gjithkund në botë cmohesh për atë që je.Pastaj vie ajo që unë kam humbur shumë materialisht gjatë karrierës sime duke mos bërë kompromis në këtë pikë.Por përseri do pranoja të humbja gjithcka,vetëm me kushtin të jem kjo që jam.Tjetërsimi,posaqerisht vardisja nuk pi ujë në asnjë cep të botës.Të krenohesh që je shqiptare për mua nuk është vetëm një fjalë.

Kënga « I love you more » mbërthen në vete shumë melose,edhepse dominon zhanri pop.Një gërshetim i katër melodive dhe gjuhëve ishte një formulë suksesi apo një sfidë muzikore e radhës nga Adelina ?

A)Sfidë.Nuk ka formulë suksesi për një fillestare.Këtu lindin trendet muzikore të cilat pastaj bartën në tërë Europën,dhe më vonë edhe në Amerikë.Kur po bisedoja me realizuesin,pa fund herë i shpjegoja që muzika shqipe përshtatet edhe me zhanret moderne perendimore,edhe me tingujt lindor.Kënga është një udhëkryq kulturor,ashtu siq jemi vet ne shqiptarët,gjithmonë bashkues të botës perendimore dhe asaj lindore.Këtu sheh njerëz që vërtet e jetojnë jetën bashkë,pa gjykime fetare,racore,etj.Për franqezët është një gjë normale të jetojnë në harmoni me cdo popull tjetër.Duhej të bëhëj këngë për të treguar që ne këtë realitet e kemi jetuar gjithmonë.Rrezikonim që kënga të ketë dispërputhje melodike,por u punua gjatë.Pop muzika ka dominuar dhe dominon show biznesin botëror,tjerat janë zhanre të momentit që shuhen shpejt.Këtu i kupton të gjitha,sepse i jeton.

Faudel,një ndër emrat më të shquar të muzikës në Francë,apo si e quajnë ndryshe « Princi i muzikës Rai ».Miliona disqe të shitura,madje dhe aktor.Si u bë,sa ishte e vështirë të punohej me të ?


Më pëlqente kënga e tij « Mon Pays »(Vendi im).Flet për faktin që njeriu mund të jetë i lindur kudo,por vendi i tij është aty ku ndjehet i lumtur.Dhe aftësia e tij të gërshetojë dy kultura aq të ndryshme në muzikë-atë lindore dhe perendimore.Kontaktuam menaxherën e tij,njëherit edhe bashkëshortja e tij.Shumë punë dhe pak fat.U takuam dhe u prezantova shkurt,ia prezantova dhe idenë.Të bashkonim shumë botëra në një të vetme.Filluam menjëherë me realizimin.Më lehtë kam punuar me Faudel dhe stafin e tij,sesa me cdo bashkëpunëtor tjetër në karrierën time.Si shqiptare dyshuese që jam,non stop i thoja vetës : "S`ka gjë nga kjo punë,këta po e bëjnë shumë të lehtë,një projekt kaq i madh këta duan vetëm të kënaqen gjithë ditës ?Ska mundësi " Isha unë ajo që kisha harruar që realizimi i këngës është kënaqësi.Një ndihmë e madhe për mua ishte bashkëshortja e tij,një grua yll që bën punën e menaxherës,një nënë fantastike dhe një mike që ishte aty për mua në cdo sekond.



(vazhdon)

[Legend]

Realizatori i këngës është Fred Château,një emër botërisht i njohur për lanqimin e Natasha St Pier,Helen Segara,etj.Si u bë që realizues i këngës të ishte një gjigant si ai ?

Për takimin ishte përkujdesur stafi i Faudel.Tjerat ishin në duar tona.Mikëpritja e tij më befasoi,prisja dikë që do mbante hundët në qiell.Edhe anglishtja e tij perfekte gjë që këtu është befasi e këndshme (qesh) .Edhe aty njejt,prezantim i shkurtër i punës sime,prezantimi i idesë e cila e intrigoi dhe aty për aty filluam komponimin.Në një moment u ndal dhe më luti ti këndoja në mikrofon.Fillova të sforcohem dhe po këndoja dicka anglisht,kur më ndërpreu dhe me luti ti këndoj shqip.Prap fillova të nxjerr gjoja më të mirën dhe në kufje më erdhi zëri i tij : "Adelina,unë dua të dëgjoj ty.Vibrat dhe bërtimat kanë qenë këndim në shekullin 19.Dua personalitetin dhe ndjenjën tende.Jemi shekulli 21,primar është interpretimi skenik,thjeshtësimi i këndimit është gjithcka." Më erdhi si përcmim dhe ia futa thjesht.E këndova vetëm tre herë, me shpresën që do më ndërprente dhe të hiqja dorë nga kjo aventurë.Atij i pëlqente,mua jo.Në fund më tha : "E di si po ndjehesh,por po të doja kopje amerikane rrugët e Parisit kanë me miliona.Nëse do këngë popullore shqipe,e bëjmë ndonjëherë tjetër,duam kënge moderne.Do ta jap,dhe harroje që do fus efekte kompjuterike në zërin tënd.Pas y vitesh do të pëlqejë ty më shumë se mua tash ".Pas 2 muajve,kur po punonte projektin « Corne d` Afrique » me 60 këngëtar francez për Unicef,e pash në TF1 dhe i shkrova sms : "Urime,ju pash në TV".Ma ktheu : »Faleminderit,..Uh,më fal që paskam harruar.Ke dhe dy këngë gati,eja i dëgjo kur të duash ».
Unë jam realisht e mrekulluar nga puna me Fredin.



Arrite për vetëm një vit pas largimit nga Kosova,të bashkëpunosh me emra big internacional,madje dhe me Universal Music.A mund të quhet kjo arritje dhe një hakmarrje për zërat që thonin se « Adelina jashtë kufinjëve shqiptar nuk mund të bëj asgjë »?

Nuk arrin askush asgjë po nuk u pëlqye puna e tij.Dhe këndimi natyrisht,pa harruar aparencën e cila luan një rol të rëndësishëm në show biznesin modern.E pëlqyen këngën,klipin,projektin në përgjithësi.Kjo është e tëra.Mund të mos pëlqehej,dhe asgjë në botë nuk do ndihmonte.Unë jam e vetëdijshme që vij nga një vend i vogël,dhe si e tillë puna duhej të ishte shumë e madhe në krahasim me tjerët.Doli dhe një hakmarrje e natyrshme e cila nuk ndodhi qëllimisht.Nuk mbaj mendjen tek theshethëmet kur punoj.Posaqerisht kur bashkëpunoj me njerëz të mëdhenj.Por më vonë mu kujtua sa shumë gjykohesha.Pastaj më erdhi ajo buzëqeshja që unë në fakt kam rrëzuar dhe një mit që fynte me dekada punën dhe talentin tim.Tash e kanë para hundëve.Kënaqësia ime është hakmarrja më e mirë.Dhe dhurata më e cmuar për ata që i dua e më duan…

Klipi është pëlqyer shumë,na trego dicka për realizimin.

Në fillim donim të bashkëpunonim me një produksion tjetër,por në momentin që më arriti sinopsisi,nuk e shihja vetën aty.Ishte i infuencuar nga klipe që kam realizuar në të kaluarën,me ekzagjerime « lady gageske » në look,dhe skena të errëta.Menjëherë e kam hedhur tutje.Pastaj kaluam te Mazava.Më pëlqeu ngjarja shumë dhe fillova të punoj në dukjen,aktrimin,karakterin që duhej të transmetoja.Në filim mu duk klip panoramesk,shumë i mbushur me pamje nga Parisi.Ndoshta kur jeton këtu dhe i sheh ato gjëra cdo ditë,harron që Parisi është një qytet që nuk mjafton te shikohet një jetë të tërë.Por kur lexova që Adele po planifikonte të realizonte klip me pamje nga Parisi,as që mendova më,u gjuajta në punë menjëherë (qesh).Ekipi ishte një ushtri e tërë,bëmë audicionin për figurantat,zgjedhjen e lokacioneve dhe lejet per xhirim nga Komuna që zgjatën një shekull për mua,përzgjedhjën e stilistes,grimerit,floktarit,fotografit,kamerave,e tj.,dhe një mori detaje tjera që po merrnin shumë kohë.Në fakt unë po mësoja si është të punosh profesionalisht.Pastaj 3 ditë dhe 3 natë xhirim intenziv.Vetëm shkuarja e ekipit nga Montmarte deri te Alexander III ishte 4 orë me vetura.Pastaj montazhi…Po të mos ishte durimi dhe pozitiviteti i Valerie (realizatorja e Mazava Productions) unë sigurt e di që do ndërpreja xhirimet.Nga gjithë ato të mira,fillova të llastohem (qesh).Në fakt,ata vazhduan punën menjëherë,une ika në pushime.Isha lodhur shumë,por edhe e kënaqur.

Kthimi yt cilësohet më i fuqishëm se kurr,edhepse nuk ke qenë aktive në mediume shqipe.Si arrin të jesh në maje për kaq shumë vite,madje duke qenë dhe këngëtarja më e paguar ?


Unë nuk kam ikur kurr.Thjesht,nuk mund të arrija të jem dhe në mediume.Anash fakti që mediume të caktuara tentonin të deformonin punën time,pastaj kurr nuk i iknin më dot,neglizhonin tërësisht.Punohej në lanqimin e " Tribalb Rmx" që duhej të prekte house kompilacionet më të famshme në botë,lanqimin e albumit "Best Of" në portalet më të mëdha ligjore në gjithë botën,në lanqimin e DVD « Fenix » në tregun zvicrran,në turne tre vjeqare ku më e pakta kisha koncerte dy herë në muaj,punohej dhe në këngën këtu.Nuk mund të klonohem në pesë-gjashtë Adelina,nuk kam teori ti arrij dhe mediumet.Ndihmë e madhe është stafi i Iliada Entertainment dhe Xpert Events.Ata për të cilët veproj,fansat i mbaj të informuar non stop për të gjitha që po bëj.Nuk është klipi kthim,por nejse,kështu vlerësohet tek ne (qesh).Nuk preferoj të flas për pagesat,është një moskulturë gati e turpshme.Jam në maje të kurorëzimit të një karriere 25 vjeqare,sepse ëndrrat më të guximshme i realizoj me vullnetin e një optimisteje gati fëmijërore dhe këmbëngultësinë e qeliktë të një femre që qëndron me dy këmbë në tokë.
Kur jemi te klipet,një sukses të madh ka pasur dhe klipi i Zanfinës e cila nuk kursen fjalët e mira për ty.Ndonjë bashkëpunim siq keni thënë më herët ?

Për Zanfinën do bëja dhe cka nuk bëhet.Jo vetëm për faktin që e kam motër dhe engjull mbrojtës.Kur po flisnim me bashkëpunëtorët këtu,tregoja dhe që kam një motër këngëtare dhe u tregova dy këngë të saj.E para gjë që kam dëgjuar ishte : "O Zot i madh,pse kjo nuk është sot këtu ?"Vendimet për bashkëpunime nuk i marr vet,ma kërkuan (qesh).Po,do të ketë bashkëpunim,por të gjitha me rend.E rëndësishme është që ajo pranoi.Tjerat janë më të lehta për mua,beso (qesh).Ajo bëri një klip ku përshkruhej në doza të vogla cfarë montime kam përjetuar unë.Dhe jam betuar që ata të cilët e sulmuan për këtë klip,një ditë do të paguajnë shtrenjtë.Të dyja jemi të edukuara të luftojmë për të mirën e përgjithshme,kundër primitivizmit dhe negativitetit.Jam e lumtur që do ta ketë një debutim internacional.Pak kush e di që 90% e imazhit tim,eshtë meritë e Zanit e cila më bombardon me ide të ndryshme.Është gjeniale për origjinalitet në look.Në fakt këtë ma ka thënë stilistja e Galliano kur po punonim për klip.Jam e lumtur që do të kem këngë me të.


Nuk fole fare,dhe për më pak se një vit arrite të nisësh karrierën në Europë duke lanquar këngë e klip.Na fol pak për promovimet e këngës « I love you more » ?

Senzacionet boshe kanë qenë gjithmonë ofendim për intelegjencën time.Ose punoj dhe nxjerr diqka për të cilën ia vlen të lodhet truri,ose mbyll gojë. Unë klipin e kam bërë për fansa,dhe për fansa do të jetë aty ku mund ta shohin të gjithë,shumë shpejt.Promovimi organizohet nga stafi menaxhues i producentëve.E vetmja që mund të them është se unë duhet të jem në dispozicion dy muajt e ardhëshëm.Ndoshta dhe më shumë.Lëndimi i këmbës sime erdhi ne momentin më vital të mundur.Nuk mund të pajtohem me faktin që një projekt kaq serioz nuk mund ta promovoj si duhet për shkak të këtij lëndimi që bën të pamundur shfaqjen time fizike aty ku kërkohet.Por,duhet të presim të gjithë.Kaq sa i përket promovimit.Sa i përket karrierës në Europë,mua më duket që është herët të bëj deklarime të mëdha.Për mua,kjo është një kthesë e madhe.Por këtë herë shumë profesionalisht.Cdo gjë është e ideuar dhe detajuar.Qoftë imazhi im ,qoftë këndimi,të gjitha.Jo të tjetërsohem aq sa të humb fansat e mi,por të jem më e përgjithshme edhe për publikun në Europë.Sfidë e cila po më pelqen,sepse kam harruar kur kam qenë fillestare.Më duket eksituese ideja të jem një fillestare këtu (qesh).

Dukesh shumë e lumtur…

Unë jam realisht e lumtur.Jo për sukseset në karrierë,ato janë produkt i kësaj lumturie që po e jetoj.Jam e lumtur në cdo aspket jetësor,karriera kurr nuk ka qenë prioritet imi.Gjithmonë kam besuar dhe vazhdoj të besoj që njeriu duhet të besoj në Zot dhe në vetën për të arrirë lumturinë konstante.Profesioni im është muzika dhe pas 25 vitesh unë them që jam mjeshtër i punës sime.Por sukseset në profesion janë ato që unë lejoj të shihen,prandaj dhe komentohen.Prapa cdo suksesi fshihet një ditë e cila fillon me ëmbëlsi dhe mbaron me pasion.Nuk kam më sekonda për botërat e vockla.I kam dhënë vetës urdhër tjetër në dekadën e re,dhe po e zbatoj.


Edhepse nuk mungon këndimi shqip,pse kënduat anglisht ketë herë ?

25 vite kam shkelur cdo podium,e rrahur cdo zhanër dhe temë në gjuhën shqipe.Pa përmendur që jam e para shqiptare që ka kënduar anglisht,kur isha 13 vjeqare në albumin : »S`kam adresë e po bie shi ».Elita e këngëtarëve botëror këndon anglisht,është gjë normale.Dhe nëse vazhdoj këtu,do të jenë në gjuhën angleze,kryesisht besoj.Edhepse,kur e mendoj më mirë,cdo rresht i kënduar në këtë këngë kur përkthehet në shqip është kuptimplotë.Cdo këngë e imja ka shumë kuptime.Dhe cdo këngë e imja do të ketë shumë kuptime,pavarësisht gjuhës në të cilën do këndohet.

(vazhdon)

[Legend]

Në klip nuk mungojnë statujat,por më shumë bie në sy permendorja e një femre.Është lënë rastësisht apo qëllimisht ?

Është sheshi Dalida,dhe është lënë më qëllim.Dalida ishte këngëtare e famshme franceze e lindur në Egjipt,me origjinë italiane.Simbolizon lavdinë e femrave.Gratë e famshme janë fushë studimi në universitetet franceze,kulti i femrës këtu cmohet lartë.Që nga viti 1870 në Francë gruas së arrirë i ngriten përmendore.Ndoshta dikush do kujtohet të bëj në Kosovë një përmendore për Shotë Galicën,apo Xhevë Lladrovcin.Apo Maria Krajan ose Katarina Josipin.Ose së paku për nënën e Adem Jasharit ,nëna Zahide që gati 95% të shqiptarëve nuk ia dinë as emrin…

Të merr malli për familjen,duke ditur sa je e lidhur me mamin ?

Natyrisht…Edhepse i vizitoj,edhe më vizitojnë mall kam gjithmonë.Mami është shumë më e fortë se unë,gjithmonë ka qenë një grua e qeliktë.Pa ndalur ma përserit që jeta ime duhet të udhëhiqet nga unë dhe assesi të bie pre e atyre traditave të dëmshme ku « gyrbetqari » duhet të jetë babadimri i tërë farefisit.Ajo mbetet shtylla në të cilën mbështetem gjithmonë,posaqerisht gjatë këtij projekti ka qenë një ndihmë e madhe për mua.Ndihmonte me gjithcka,që nga suporti moral deri tek brengat tjera,si qëndroj finansiarisht,si po ecën,a kam ngrënë,a u shërua këmba,si vajti ai apo ky koncert,deri tek ato bisedat nënë e bijë.Ajo cdo sekond interesohet dhe saktësisht e di vlerën e gjithë kësaj kthese të madhe.Dhe sado që fsheh unë,ajo njeh cdo vështirësi nëpër të cilën kalohet kur ndërron botë.Nuk harron ti nderojë njerëzit e mi edhe kur unë hutohem në ato botërat e mia,si shigjetar tipike që jam (qesh).Dashuria e saj ndaj ardhmërisë sime si njeri,si femër Adelinë më bën të ndjej mallë të pafund për të.




Nuk ke fshehur kurr admirimin për veprën e Ismail Kadare.Meqë jemi këtu,ke takuar Kadarenë ?

Kadarenë e takoj sa herë dua,në librat e tij.Parisi është i madh,kurse respekti im për njeriun Kadare edhe më i madh.Ofendimi më i ultë që do mund t`ia bëja shkrimtarit Kadare është ti « parkohem » tek dera duke dhunuar privatësinë.Jeta private është e shenjtë.Meqë ra fjala,e kam takuar shumë moti në Prishtinë,ishte me zonjën e tij.Atëbotë kisha lexuar vetëm dy vepra të tij ,prandaj kisha « guximin e injorantit » të flisja me të për letërsinë në Kosovë dhe të bëja foto.Tash turpërohem nga sjellja ime.Nëse duhet ti them gjë,ia them publikisht.E tëra që mund të them është se i jap të gjithë nobelistët e letërisisë për një faqe të librit : »Letërkëmbim i zymtë ».

Dicka për fund për lexuesit dhe fansat,nga Parisi i bukur ?

A)Parisi është dhe më i bukur kur e jeton,por kurr aq i bukur sa malli im për dy « F » të mia të shenjta,familja dhe fansat.Fansat i përshëndes cdo ditë nga zemra,por dua ta shfrytëzoj dhe ketë rast t`iu them që ky është vetëm fillimi,por një fillim më ndryshe.Kurr nuk është vonë të jesh i suksesshëm dhe i lumtur,vetëm duhet besuar vetës dhe asaj që ndjejmë.Ju uroj shumë suksese dhe cdo të mirë.

[Legend]

Adelina Ismaili me “I love you More”,edhe në Zvicër.
12. November 2011
Pas suksesit të madh të “I love you more” në Ballkan,Diva Shqiptare Adelina Ismaili nuk e ka ndërmend të ndalet më kaq.Kënga e saj më e re “I love you more” në bashkëpunim me Faudel sapo filloi transmetimin edhe nëpër Televizionet Zvicërane.Klubi i fansave të Adelinës në “Facebook” njoftoi se transmetimi në disa nga televizionet më të mëdha muzikore në Zvicër filloi para pak orësh.Në ndëkohe ne mësuam që kënga tashmë është në Mtv Switzerland dhe promovimi i saj po vazhdon në vendet tjera europiane javën që vjen.Në ndërkohë priten dhe intervistat e para të Divës se Muzikës së lehtë shqiptare Adelina Ismaili në Zvicër dhe vende tjera.Adelina mbetet e "pakapshme" për momentin për mediumet shqiptare dhe ato ballkanase në mungesë kohe e cila për disa muaj është rezervuar nga Universal Music për promovimin botëror të projektit të saj të parë ndërkombëtar "I love you More".

[emine]

suksese Adelines,

[AlbaSoft]

Sex Boomb esht dhe ra kjo i msoj mu cullaku dhe modernizu estraden ton

Postimi origjinal është bërë nga AlbaSoft

Sex Boomb esht dhe ra kjo i msoj mu cullaku dhe modernizu estraden ton

...paramendo sa larg tani ka mbrri ajo, sepse dihet ajo eshte gjithmon nje hap para tjerve, po me duket po e di ku ka mbrri

[Daglasi]

Jam ka menoj me cka me shkue te kjo,
me aeroplan,
me tren,
me autobuz,
apo me ker,
ja kish vlejt vec nje drek/darke me kan me ta

Postimi origjinal është bërë nga Daglasi

Jam ka menoj me cka me shkue te kjo,
me aeroplan,
me tren,
me autobuz,
apo me ker,
ja kish vlejt vec nje drek/darke me kan me ta

....sa interesant besom qe as ne tavolin me te nuk isha ule e le ma diqka tjeter, kjo si njeri per mua eshte - 0.

[Daglasi]

Postimi origjinal është bërë nga Hajra

....sa interesant besom qe as ne tavolin me te nuk isha ule e le ma diqka tjeter, kjo si njeri per mua eshte - 0.

Respektoj mendimin tende,edhe qe nuk jam dakort me kete mendim.

[LuLjaa]

Postimi origjinal është bërë nga Hajra

....sa interesant besom qe as ne tavolin me te nuk isha ule e le ma diqka tjeter, kjo si njeri per mua eshte - 0.

Pse Hajr çka ka t'keqe Adelina, a pe sheh boll e mire o qyy

PS. Veç çka ish ajo Adelina tjeter " Adelina Tahiri " ap ap ish tu jav kapercy krejve more :D

[emine]

Postimi origjinal është bërë nga AlbaSoft

Sex Boomb esht dhe ra kjo i msoj mu cullaku dhe modernizu estraden ton

kqyri tash krejt ektraden kure te dalin naper evrope,a man mend leci pate kesh do ternjerka e pe vesin ,pse pi kesh bre lec teshat ne shitore,tha nan jem mka than qka ta keshish e veshish,une se kam mendu se do ket sukses me ket kenge,po shumices pi pelqen tash po i tham suksese qe ja arrite qellimit