Ekonomia gjermane

[ARI_03]

Tregtia tërheq me ulje çmimesh
Shoku i parë i çmimit nuk ndodhi: tregtia me pakicë në Gjermani ka reaguar ndaj rritjes së taksës mbi vlerën e shtuar me ulje cmimesh pjesërisht të fuqishme. Firmat kanë bërë garë me njëra tjetrën me skonto dhe klientët e pranuan me kënaqësi ofertën. Bukë apo gjalpë në dyqane të lira apo orë luksoze tek argjendari, në asnjë rast klientit nuk i është dashur të paguajë më shumë. Por e sigurtë është gjithashtu kaq të lira sa tani mallrat nuk do të mbeten për kohë të gjatë.
Disa nxitojnë në zonën e këmbësorëve, të tjerët e kanë me enge. Dita e parë e punës e vitit, e para me një taksë mbi vlerën e shtuar prej 19%. Njerëzit vazhdojnë megjithatë të hyjnë në dyqane dhe të blejnë, por shumë janë të thartuar: „Unë mendoj se është thjesht e padrejtë pasi dëshmon për mungesën e ideve të qeverisë. E vetmja zgjidhje për politikanët duket se është të gërmojnë gjithnjë e më thellë në xhepat e qytetarëve.“ – thotë një kalimtar.
Kurse një tjetër mendon: „Veçanërisht të padrejtë konsideroj aplikimin e TVSH-së së rritur edhe mbi mallrat për fëmijë. Nga njëra anë flasin për lehtësim të familjeve me fëmijë e nga ana tjetër mallrat për fëmijë janë gjithashtu të shtrenjta.“
Ndërkaq duhet thënë se thuajse në asnjë dyqan çmimet nuk janë rritur brenda natës. Shumë produkte janë bërë madje më të lira. Tregtarët përpiqen të tërheqin klientët me skonto dhe okazione siç ndodh zakonisht pas Krishtlindjeve. Por ka edhe një arsye tjetër pse gjithçka nuk është ende më e shtrenjtë. Disa gastronomë apo tregtarë i kanë ngritur çmimet qysh vitin e kaluar duke llogaritur më parë TVSH-në e shtuar. Për këtë arsye ekonomistët nuk presin që cikli i biznesit të vuajë hapur nga rritja e tatimit. Presidenti i Shoqatës Federale të Bankave Popullore dhe Raiffeisen, Chrisopher Pleister: „Jemi të mendimit se do të ketë vetëm një ulje të përkohshme. Më pas konsumatorët do të rikthehen në rritmet normale dhe konsumi privat do të rritet në mënyrë të moderuar me 0,3% edhe gjatë vitit 2007. Rritje që është megjithatë më e lartë se mesatarja e pesë viteve të fundit.“
Por disa specialistë të ekonomisë i druhen efektevet afatgjata të rritjes së TVSH-së. Një prej tyre është Johann Eekhoff nga Universiteti i Kölnit: „Pas një rritjeje ekonomike do të përjetojmë sërish hapa prapa. Majde nuk mund të flitet për rritje të mirëfilltë ekonomike, flasim vetëm për norma rritjeje që ende janë shumë shumë të ulëta. Por sapo këto norma rritjeje të ulen pak do të ndiejmë gjithë peshën e kësaj barre të re fiskale.“
Një prognozë e tillë është megjithatë e kontestuar. Ekonomistë të tjerë janë të mendimit se TVSH-ja në Gjermani në krahasim me vendet e tjera europiane është në nivel mesatar. Eksportet dhe përmirësimi i konjukturës në vend janë shumë më vendimtare për ekonominë se sa rritja e vlerës së shtuar është shprehur presidenti i Institutit Ifo, Hans-Werner Sinn:
„Rritja e TVSH-së nga pikpamja konjukturale nuk është aspak aq problematike sa vlerësohet shpesh. Është e vërtetë se atëherë fuqia blerëse e familjeve bie por paratë i shkojnë shtetit i cili i shpenzon ato. Kjo do të thotë se nuk ka mungesë të fuqisë blerëse vetëm sepse paratë i shkojnë shtetit, kemi të bëjmë vetëm me një transferim të fuqisë blerëse nga qytetarët tek shteti.“
Se cili do të jetë në fund efekti i rritjes së TVSH duket se nuk mund të parashikohet nga askush në mënyrë definitive. Por një gjë është e sigurtë: udhëtimi me makinë është bërë brenda natës më i shtrenjtë, po kështu transporti me tren e tramvaj dhe edhe benzina kushton më shumë. Të paktën në këto raste indinjimi është me vend.

Christian Baars

[ARI_03]

Bilanc vjetor pozitiv për energjinë e rigjenerueshme
Dielli, uji dhe era si dhe lëndët e para të rigjenerueshme vazhdojnë të jenë në pararojë në Gjermani si gjenerues energjie. Ky vlerësim rezulton nga shifrat që Shoqata Federale për Energjitë e Rigjenerueshme prezantoi të enjten (04.01) në Berlin.
Rritje në të gjithë linjën! Kështu mund të përmblidhet shkurt bilanci i paraqitur nga Shoqata Federale për Energjinë e Rigjenerueshme mbi ujin, erën, diellin, bioenergjinë dhe gjeoterminë. Pjesa në totalin e energjisë së konsumuar pra rrymë, ngrohje dhe karburante sipas këtyre të dhënave është rritur nga 6,8 në 7,7%. Për këtë arsye drejtuesi i shoqatës, Milan Nitzschke, nuk e sheh Gjermaninë të kërcënuar nga ngushtica energjitike pasi pjesa e burimeve tradicionale energjitike në konsumin e përgjithshëm është në rënie: "Zgjerimi i energjive të rigjenenerueshme sa i takon rrymës eletrike po ecën aq shpejt përpara sa nuk do të ketë asnjë problem për të zëvendësuar jo vetëm sasitë e energjisë bërthamore që do të mungojnë sipas ligjit për energjinë atomare por edhe një pjesë të energjisë nga fosilet."
Efekt dytësor pozitiv i përdorimit të burimeve alternative të energjisë është reduktimi i emetimit të gazrave të dëmshme për klimën si dioksidi i karbonit. Gjatë vitit të kaluar përmes përdorimit të energjive të rigjenerueshme janë emetuar 99 milionë tonë më pak nga gazrat përgjegjës për efektin serrë. Veç kësaj Gjermania bëhet kështu më pak e varur nga importet e energjisë, tha drejtuesi i shoqatës Nitzschke: "Kur përdoret energjia e rigjenerueshme përdoret më pak naftë dhe gaz veçanërisht sa i takon lëndëve për ngrohje dhe karburanteve. Nëse marrim parasysh edhe kostot e këtyre lëndëve atëherë kemi rreth 4,2 miliardë euro importe të kursyera energjie."
Presidenti i shoqatës Johannes Lackmann kritikoi politikën energjitike të qeverisë gjermane. Sipas tij ajo vazhdon të mbështetet tek burimet fosile ndërkohë që energjitë e rigjenerueshme shënojnë suksese të mëdha në eksporte. Por Gjermania duhet të ketë kujdes të mos e humbasë këtë kapital: "Edhe në vendet ku diskutohet mbi energjinë bërthamore si Indi dhe Kinë energjitë e rigjenerueshme zhvillohet më shpejt se ajo bërthamore. Kina për shembull është prodhuesi më i madh në botë i pajisjeve për ngrohjen diellore, solarëve. Dhe natyrisht teknika për to është atje në rritje. Këtë teknikë ata e kanë bërë tashmë të vetën prej kohësh.
Në Gjermani prej vitesh bëhet një gabim kardinal kur është fjala për vlerësimin e energjive të rigjenerueshme: "Bëhet gjithnjë krahasimi mes natyrës së paprekur të një lumi apo të një lëndine të gjelbër me një hidrocentral në këtë lumë apo me një mulli ere mbi lëndinë. Por nuk është kjo alternativa. Alternativa është miniera dhe fabrika e linjitit të cilat shkaktojnë ndotje të pamasa të ujërave nëntokësore. Pasi alternativa ndaj mullirit të erës dhe hidrocentralit nuk është heqja dorë nga konsumi i energjisë por prodhimi i saj në vend tjetër."
Megjithë disa probleme për të cilat ankohet, Shoqata për Energjitë e Rigjenerueshme nuk dyshon për arritjen e objektivave të fiksuara për t'u arritur deri në vitin 2010 në rang europian. Ato synojnë zëvendësimin me burime alternative të 12,5% të rrymës eletrike dhe të 6% të karburanteve. Vlera të cilat Gjermania thuajse i ka arritur.

Marcel Fürstenau

[legenda]

Ari te falenderoj shuuume,per ndihmen,besoj se kemi interesa te perbashketa....
respekt per ty legenda

[ARI_03]

legenda eshte kenaqesi dhe privilegj per mua te kem aleate me interesa te perbashkta nje mike si ju,,

Me respekt per ju....
Arianiti

[legenda]

Te falenderoj shuuume per respekt te veqante,nuk di sa jam e denje ,gjithashtu edhe une te njejten gje mendoj per ty ARIANIT.
me respekt legendaaa...

Postimi origjinal është bërë nga ARI_03

legenda eshte kenaqesi dhe privilegj per mua te kem aleate me interesa te perbashkta nje mike si ju,,

Me respekt per ju....
Arianiti

[ARI_03]

Për mjaft vite Gjermania ishte e fundit në Bashkimin Evropian për zhvillimin koniunkturor. Madje në rrafshin ndërkombëtar, nga disa me shqetësim nga të tjerë me ligësi, flitej për sëmundje gjermane. Kjo ka përfunduar. Aktualisht Gjermania po përjeton jo vetëm rritjen më të madhe ekonomike që prej fillimit të viteve nëntëdhjetë, por më shumë: Gjermania është lokomotiva koniunkturore e Evropës. Në asnjë vend të Bashkimit Evropian nuk po rritet ekonomia më shpejt sesa në Gjermani, vendin me ekonominë më të madhe në Evropë dhe me dallim të dukshëm nga vendi i dytë. Rritja ekonomike është 2,5 për qind; askush nuk do të habitej sikur vlerësimi i saktë i zyrës federale të statistikave ta nxirrte atë edhe më të lartë. Perspektivat për vazhdimin e hovit ekonomik në vitin 2007 dha përtej tij janë tepër të mira. Veçanërisht e rëndësishme dhe e gëzueshme gjithashtu është rritja e nivelit të punësimit. Në muajin nëntor statistika zyrtare për papunësinë mbeti nën kufirin e katër milion të papunëve. Për këtë ka dy arsye të rëndësishme: nga njëra anë po jep efekte reforma e sigurimit kundër papunësisë; të papunët mbështeten më fuqimisht në përpjekjet e tyre për të gjetur punë, por prej tyre edhe kërkohet më shumë. Nga ana tjetër në fazën e rënies ekonomike sipërmarrjet e kanë ulur aq shumë numrin e punonjësve saqë ka rënë në përgjithësi niveli i punësimit. Me rritjen e numrit të porosive atyre u duhet ta rrisin më shumë sesa vitet e kaluara numrin e punëtorëve. Zvogëlimi i numrit të të papunëve do t’i japë vrull të ri koniunkturës. Kjo prek si forcimin e konsumit privat dhe lehtësimin e gjendjes së arkave publike ashtu edhe atmosferën në vend, këtë të fundit veçanërisht. Ekonomia gjermane është sot më e fuqishme se kurrë. Sipërmarrjet janë bërë më efecientë. Ato janë përqendruar në kompetencat e tyre bazë dhe kanë optimuar proceset e biznesit, kanë modernizuar produktet e tyre dhe procedurat e prodhimit duke u bërë më ndërkombëtare. Sot ka edhe sipërmarrje të mesme që janë të pranishme në tregun botëror, jo vetëm me filiale shitjeje, por edhe me prodhim. Në prodhimet gjermane të eksportit është rritur përqindja e pjesëve të para të livruara nga jashtë vendit, ku prodhohet me kosto më të ulët. Aftësia qëndron në organizimin e prodhimit pa humbje në cilësi. Në përmirësim natyrisht që ka kontribuar edhe politika e matur e sindikatave për pagat. Duke qenë se në gjashtë vitet e fundit kostoja e punës në Gjermani nuk është rritur as me gjysmën e normës së vendeve të tjera anëtare të Bashkimit Evropian, ka rënë kostoja e prodhimit për copë, gjë që e ka rritur në mënyrë të konsiderueshme aftësinë konkurruese të prodhimeve gjermane në tregjet ndërkombëtare. Gjermania do ta mbyllë përsëri vitin 2006 si kampion bote në eksport. Ftohja koniunkturore në Amerikë është e përballueshme sepse eksportet gjermane në pjesë të tjera të botës po zhvillohen në mënyrë mjaft dinamike. Këtu bëjnë pjesë Evropa Lindore dhe Rusia, por edhe Kina, India dhe Lindja e Afërme. Edhe monedha e fortë euro nuk do të lërë gjurmë të gjata frenimi, sepse nga njëra anë dega financiare bën oferta të mjaftueshme për t’u siguruar ndaj luhatjes së monedhës dhe nga ana tjetër euroja e fortë zhvlerëson importet dhe ndihmon në garantimin e stabilitetit të çmimeve. Pa dyshim ekonomia gjermane është në gjendje të mirë. Sipërmarrjet jo vetëm që shënojnë xhiro rekord, por edhe fitime të papara. Hovi ekonomik është aq i fuqishëm saqë koniunktura është e aftë të përballojë frenimin e pritur si pasojë e rritjes së tatimit mbi vlerën e shtuar. Për vitin 2007 perspektiva ekonomike është shumë e mirë.

[ARI_03]

Shitblerje, oferta, njoftime, shpallje, blerje, shitje gjithçka në autoscout24.de dhe mobile.de,ju ofron sherbimin e ofertave (njoftimeve) private per automjete për persona privat dhe tregtar.
Vetëm në Autoscout24.de dhe mobile.de mund te gjeni mbi 1.500.000 vetura.....

http://www.autoscout24.de/

http://www.mobile.de/,

Mund të gjeni:
Veturë të përdorura
Veturë të re
Automjete/Makineri
Motoçikleta
Pjesë për çfarëdo lloj veture,

GebrauchtwagenNeuwagenTeile&ZubehörMotorradNutzfahrzeugeFinanzierenVersichernMagazin//

[Prishtinasja_]

Universitetet gjermane në internet ne te cilat keni mundesi te studioni Ekonomin !

Baden – Württemberg :

• FHGTW Pforzheim (http://www.hs-pforzheim.de)
• FH Reutlingen (http://www.hochschule-reutlingen.de)
• FH Biberach (http://www.fh-biberach.de)
• Uni Freiburg (http://www.uni-freiburg.de)
• Uni Heidelberg (http://www.uni-heidelberg.de)
• PH Karlsruhe (http://www.uni-karlsruhe.de)
• Uni Stuttgart (http://www.uni-stuttgart.de)
• Uni Ulm (http://www.uni-ulm.de)

Bayern:

• FH Ansbach (http://www2.fh-ansbach.de)
• Uni Augsburg (http://www.uni-augsburg.de)
• Uni München (http://www.uni-muenchen.de)
• Uni Regensburg (http://www.uni-regensburg.de)
• Uni Würzburg (http://www.uni-wuerzburg.de)

Bremen:

• Uni Bremen (http://www.uni-bremen.de)

Hamburg:

• Uni Hamburg (http://www.uni-hamburg.de)