Lajme Aktuale....

Politizohet vrasja

Policia ka arrestuar 12 persona, tre prej të cilëve djem të Gani Krasniqit, kandidat për deputet i Vetëvendosjes.

E marte 4 Janar 2011 16:08
Varg i gjatë i njerëzve ia kishin mësyrë restorantit “Kështjella” në Banjë të Malishevës. Dy net më parë, Skënder Limaj ishte gjallë dhe rrinte aty, me familje.
Por dy ditë më vonë në këtë vend, që është pronë e familjes së tij, tashmë ishte hapur dera për të pranuar ngushëllime. Skënderi u vra në sy të fëmijëve të tij.
Të hënën, qindra qytetarë morën pjesë në varrimin e Limajt, i cili u vra nga disa persona që dyshohet se janë të familjes Krasniqi nga fshati Carrallukë i Malishevës. Përveç të ndjerit, në sulmin e armatosur ka mbetur i plagosur edhe vëllai i tij, Azem Limaj dhe nipi i tyre, Ilir (Behlul) Limaj.
Askush nga familja e të vrarit nuk deshi të thotë asnjë fjalë, ndërsa banorët e tjerë thonë të jenë tronditur nga ngjarja, të cilën e cilësojnë të tmerrshme.
Ata që ishin në vendin e ngjarjes thonë se ngjarja ka ndodhur si në filma aksion.
“Kanë hyrë, kanë qenë shumë veta, njëherë i kanë rrahur njerëzit me shufra hekuri, e pastaj kanë gjuajtur në ta”, thotë një person për Express, i pranishëm në hallakamën e asaj nate. Natën e kobshme, ai thotë të ketë qenë mysafir në restorant dhe rrëfen se Skënder Limaj është vrarë në prani të tre fëmijëve të tij.
Por bashkëvendësit e Limajt nuk flasin as për motivet e mundshme që mund të kenë shtyrë të ndodhë kjo tragjedi. Ragip Begaj, banor i fshatit, thotë se Skënderi ka qenë djalë i mirë, i urtë dhe asnjëherë nuk ka pasur problem me askënd. Por Begaj, i cili punon në Kuvendin Komunal të Malishevës, hedh dyshime se vrasja mund të ketë ndodhur për motive politike.
“Ata (Vetëvendosja v.j.) i kanë hupë zgjedhjet, e ne (PDK’ja v.j.) i kemi fituar. Kjo mund të jetë arsyeja”, thotë Begaj për Express.
Por, ai nuk sqaron nëse i vrari dhe të plagosurit kanë pasur ndonjë problem të mëhershëm me familjen Krasniqi nga Carralluka.
Begaj pranon se ka ndodhur një incident ditën e zgjedhjeve, më 12 dhjetor, por mohon se këta nga familja Limaj kanë pasur dorë në të. “Djalin e dëshmorit e ka rrahur dikush tjetër, jo këta nga familja Limaj”, thotë Begaj për Express.
Por jo vetëm në Banjë, ku u bë varrimi i Skënder Limajt, shkonin njerëz për ngushëllime. Pothuajse e njëjta pamje ishte edhe në shtëpinë e Gani Krasniqit në Carrallukë, në të cilën kishte shumë mysafirë.

Nisi më 12 dhjetor
Krasniqi, ish-kryetar i Komunës së Malishvës, tre djemtë e të cilit janë arrestuar si të dyshuar në lidhje me vrasjen, nuk ishte në gjendje të flasë. Jo vetëm Krasniqi, por askush nga familja e tij nuk deshi të thotë asnjë fjalë për motivet e mundshme në lidhje me këtë ngjarje, duke refuzuar të tregojnë se kush është arrestuar nga familja e tyre.
Por në një komunikatë gjatë ditës së hënë, Policia e Kosovës për rajonin e Prizrenit, ka publikuar emrat e 12 personave të arrestuar të cilët dyshohen se janë të përfshirë në këtë rast.
Sipas policisë, tash për tash ata janë duke u mbajtur në paraburgim. Tre nga të arrestuarit janë janë djemtë e Gani Krasniqit, i cili në zgjedhjet e fundit parlamentare ishte kandidat për deputet nga Lëvizja Vetëvendosje. Personat e tjerë të arrestuar, të gjithë janë nipa dhe të afërm të tij. Njëri nga të arrestuarit është Hazir Krasniqi, i cili ditën e zgjedhjeve, sipas Lëvizjes Vetëvendosje, është kërcënuar me vrasje nga Behlul Limaj. Ndërkohë, djali i këtij të fundit është plagosur të shtunën, në incidentin e ndodhur në restorant.
Po ditën e zgjedhjeve, Lëvizja Vetëvendosje ka deklaruar se është kërcënuar nga militantë të PDK’së në komunën e Malishevës edhe Berat Krasniqi, djali i dëshmorit të kombit, Ymer Krasniqi. Policia njoftoi se edhe Berat Krasniqi është në mesin e të arrestuarve. Përveç kësaj, policia sqaroi se është vënë në kërkim të një personi tjetër, i cili ndodhet në arrati, kurse hetuesit kanë deklaruar se listës së të arrestuarve mund t'i shtohen edhe të dyshuar të tjerë.

Isni Kilaj tregon përgjegjësit
Ngjarja e së shtunës ka filluar që të politizohet. Kryetari i Malishevës, Isni Kilaj, përgjegjës për ngjarjen e bën Lëvizjen Vetëvendosje dhe dy drejtuesit e saj, Albin Kurti dhe Glauk Konjufca. “Ngjarjes sё 1 janarit i parapriu politika nxitëse e deklaratave tё Albin Kurtit dhe Glauk Konjufcёs, tё cilat duhet tё jenё argumente tё fuqishme pёr drejtёsinё qё duhet tё marrin veprime tё duhura ligjore. Unё bёj thirrje pёr maturi pёr tё gjithë nё kёto raste”, thuhet në një komunikatë për shtyp të kryetarit të Malishevës. Kilaj dënon sulmin ndaj familjes Limaj, duke vlerësuar se vrasja e babait, nё prani tё fёmijёve tё tij, ёshtё vepër krimi e terrori. “Sulmi, vrasjet mizore, torturimi i familjes Limaj i shokoi tё gjithё qytetarёt e komunёs sё Malishevës. Sulmi ishte sjellje dhe veprim mesjetar. Ne, tё gjithë qytetarët e komunës sё Malishevёs, qё njihet si vend i qetë dhe dashamirës, distancohemi nga kёto veprime tё shëmtuara”, thuhet në komunikatë.

Selimi: Deklaratë fyese
Deklaratën e Isni Kilajt e quan shumë fyese dhe të ulët njëri nga kandidatët për deputetë të Lëvizjes Vetëvendosje, Rexhep Selimi. Kjo deklaratë e bërë në ditën e varrimit të Limajt, sipas Selimit, është shfrytëzim i një tragjedie. “Në kohën kur ka ndodhur një vrasje, një krim i rëndë të shfrytëzohet për deklarata politike është shumë e ultë”, tha Selimi për Express.

Vetëvendojsa: Të mos politizohet krimi
Lëvizja Vetëvendosje ka reaguar pas ngjarjes së 1 janarit në Malishevë, duke e cilësuar atë si krim të rëndë, me pasoja tragjike për familjen e të vrarit dhe të plagosurve. Vetëvendosja kërkon që kjo ngjarje të mos politizohet. “Sot, më tepër se kurrë, është e nevojshme të mos e humbim kthjelltësinë si shoqëri dhe të dallojmë se ku janë problemet e vërteta të Kosovës. Problemet personale nuk duhet të politizohen dhe as problemet politike nuk duhet të personalizohen”, thuhet në komunikatë. Më tutje, Vetëvendosja thotë se dënon këtë akt që rezultoi me një vrasje dhe dy plagosje, shpreh keqardhjen e saj, si dhe ngushëllimet për familjen e të vrarit dhe të plagosurve. Ky reagim i kësaj lëvizjeje vjen pas akuzave të ndërsjella që kanë ndodhur ndërmjet degës së saj në Malishevë dhe asaj të PDK’së për zgjedhjet e fundit të 12 dhjetorit.

12 të arrestuarit
Policia e Kosovës ka publikuar emrat e të arrestuarve për ngjarjen e së shtunës në Banjë të Malishevës, të cilët po mbahen në paraburgim. Ata janë:
Emin (Gani) Krasniqi
Berat (Imer) Krasniqi
Durim (Ilaz) Krasniqi
Sylejman (Gani) Krasniqi
Mehedin (Gani) Krasniqi
Hazir (Skënder) Krasniqi
Shkumbim (Skënder) Krasniqi
Dardan (Skënder) Krasniqi
Ilaz (Ramadan) Krasniqi
Ramë (Ilaz) Krasniqi
Astrit (Sheremet) Krasniqi
Ilir (Hisen) Bytyqi

Policia është vënë në kërkim të një personi tjetër, i cili ndodhet në arrati, kurse hetuesit kanë deklaruar se listës së të arrestuarve mund t'i shtohen edhe të dyshuar të tjerë. /express/

[Oqeani]

Me 169 vota pro dhe 8 kundër miratohet rezoluta e Dik Martit



Edhe puna e ktyne bajraktarve tuuuuuuu Ks - sikur violina e Nasradinit !

[Guri i madh]

Postimi origjinal është bërë nga Oqeani

Me 169 vota pro dhe 8 kundër miratohet rezoluta e Dik Martit



Edhe puna e ktyne bajraktarve tuuuuuuu Ks - sikur violina e Nasradinit !

kta po pergaditen me ju dhan shkjeve traktora bile edhe do tok qatje ne veri te kosoves se ne veri ftoft po ju vjen ktyre

BBC mbyll shërbimin në shqip

Shërbimi Botëror i BBC-së ka njoftuar se do të mbyllë shërbimet në pesë gjuhë - maqedonisht* portugalisht për Afrikën* serbisht* dhe shqip; si edhe shërbimin në anglisht për rajonin e Karaibeve.
Kjo është pjesë e reagimit të tij ndaj shkurtimit në financimin e tij në formë Granti nga Ministria e Jashtme (Foreign & Commonwealth Office) e Mbretërisë së Bashkuar.
Ky shkurtim është pjesë e një ristrukturimi të Shërbimit Botëror të BBC-së për të plotësuar objektivin prej 16 përqind në kursime që u njoftua gjatë Rishikimit të Shpenzimeve nga qeveria më 20 tetor të vitit të shkuar.
Drejtori i Lajmeve Globale të BBC-së Peter Horrocks tha: "Këto mbyllje nuk janë pasqyrim i punës së shërbimeve apo programeve individuale. Ato janë jashtëzakonisht shumë të rëndësishme për audiencat e tyre dhe për BBC-në.
"Kjo ndodh thjesht sepse duhet të bëhen kursime për shkak të shkallës së shkurtimeve në financimin nga Granti për Shërbimin Botëror të BBC-së nga Ministria e Jashtme e Mbretësirë së Bashkuar dhe ne duhet të përqëndrojmë përpjekjet tona në gjuhët ku ekziston nevoja më e madhe dhe ku ne kemi ndikimin më të madh."
Të mërkurën Shërbimi Botëror pritet të njoftojë se rreth 650 punonjës të tij - një e katërta e stafit - do të humasë vendet e punës* shumica në vitin e parë* pjesa tjetër në vitet pasardhës

Anita Haradinaj lind fëmijën e tretë

Bashkëshortja e ish-kryeministrit dhe kryetarit të Aleancës për Ardhmërinë e Kosovës Ramush Haradinja* Anita Haradinaj* të hënën ka lindur fëmijën e tretë* të cilin e kanë pagëzuar Trim.
Me rastin e kësaj lindjeje shumë urime nëpërmjet telefonit i janë dërguar Ramush Haradinajt në Hagë nga familjarët* miqtë dhe dashamirët. Haradinajn e kanë uruar edhe personeli mjekësor nga klinika ku kishte lindur bashkëshortja e tij.
Ndërkohë* vet Haradinaj ka uruar bashkëshorten dhe i ka dërguar asaj një buqetë lulesh.

Presidenti Barak Obama shpalos synimet e tij për vendin

Presidenti amerikan Barak Obama shfrytëzoi fjalimin e tij të dytë mbi gjendjen e vendit për të shpalosur synimet e tij për Shtetet e Bashkuara dhe për të bërë thirrje për investime në novacione* hulumtime* zhvillim dhe infrastrukturë.
Në fjalimin e përvitshëm që mbajti të martën në sallën e Dhomës së Përfaqësuesve në ndërtesën e Kongresit amerikan* Presidenti Obama foli për gjendjen e ekonomisë dhe tha se Shtetet e Bashkuara janë në rrugë të duhur për përparim. Por ai shtoi se vendi duhet të angazhohet më shumë për të ruajtur rolin udhëheqës dhe për t’i bërë ballë konkurrencës botërore në të ardhmen.
“Na duhet ta bëjmë Amerikën vendin më të mirë në botë për biznes. Duhet të marrim përgjegjësi për deficitin dhe për të reformuar qeverinë. Kështu populli ynë do të përparojë. Kështu do ta fitojmë të ardhmen.”
Zoti Obama tha se nuk dihet nëse industritë dhe vendet e reja të punës do të zënë fill në Amerikë ose në ndonjë vend tjetër.
Ai përmendi Kinën dhe Indinë si vende që kanë investuar në arsim* hulumtime dhe teknologji të reja për t’u bërë më konkurrente në botë. Mirëpo* ai tha se konkurrenca për vende pune nuk duhet t’i shkurajojë amerikanët* por t’i sfidojë ata.
Ai tha se investimet në hulumtime dhe në arsim mund t’i sjellin përfitime të shumta Shteteve të Bashkuara. Presidenti rikujtoi sesi sovietikët ua kaluan amerikanëve më 1957 me dërgimin në hapësirë të satelitit Sputnik* por se investimet amerikane më vonë e bënë të mundshme që Shtetet e Bashkuara të fitonin garën për të arritur në hënë. Ai tha se ato investime “sollën një valë risish” që krijuan industri të reja dhe miliona vende pune. Ai tha se brezi i sotshëm ndodhet në një çast vendimtar si në kohën e Sputnikut.
Sa i përket reformës në shëndetësi – të cilën republikanët thonë se duan ta shfuqizojnë ose ta zëvendësojnë – ai tha se është i hapur ndaj ideve për përmirësimin e ligjit* por se nuk është i gatshëm të mënjanojë aspektet që thotë se e kanë përmirësuar mbulimin me sigurim shëndetësor.
Duke folur për marrëdhëniet me jashtë* zoti Obama tha se Shtetet e Bashkuara kanë përmbushur detyrimin e tyre ndaj Irakut* ndërsa luftës atje po i vjen fundi* dhuna është pakësuar dhe është formuar një qeveri e re. Ai tha se Shtetet e Bashkuara janë duke e vazhduar luftën kundër Al-Kaidës. Presidenti tha se Shtetet e Bashkuara e kanë bërë të qartë se nuk do të zbrapsen dhe se do të mposhtin grupin terrorist.
Ndërkohë* në përgjigjen e republikanëve ndaj fjalimit të presidentit* përfaqësuesi nga Uiskonsin* Pol Rajën* akuzoi administratën për shpenzime të tepërta dhe tha se vendi duhet “të gjejë një rrugë të re” e jo të varet nga burokracia për të mbështetur novacionet* përballimin e konkurrencës dhe përcaktimin e zgjedhjeve të konsumatorëve.
Si rrjedhojë e një incidenti me armë zjarri në fillim të muajit me ç’rast u plagos përfaqësuesja nga Arizona* Gabrielle Giffords* disa demokratë dhe republikanë u ulën së bashku gjatë fjalimit.

[Makresh]

Qy Arben Zharkun e kan pyetur*.. po pse nuk e pyetnit edhe Anton Kçiren sapo ishit ??!

Eshte mir sikur te mos shfaqej ky film ne asnje televizion* sepse aty permendet emri i Zotit !

E kjo eshte penges per integrimin e hajvaneve ne evrope !…

[Makresh]

Me keqardhje e them* por Murati qe po shitet si filozof* na qenka larg te se vertetes.
Kombi s'eshte mbi Zotin !

Vetem injoranti i manipuluar ne kohen e pas-luftës* mund te mendon kesi-soji !
Naim Tërrnava ka qen mik i familjes se Shaban Jasharajt* ai thot qe 1 jav me par ishte ne vizit tek kjo familje*dhe se Shabani r.a. i kishte then qe ishin te vendosur qe te bien shehid nese eshte nevoja !
Ateher Murati ka mund te jet kalama* dhe te mos jet ne gjendje te kuptuarit* por te bie ne kurthat e ateistëve eshte perkeqardhje ! …

[Guri i madh]

Postimi origjinal është bërë nga Makresh

Me keqardhje e them* por Murati qe po shitet si filozof* na qenka larg te se vertetes.
Kombi s'eshte mbi Zotin !

Vetem injoranti i manipuluar ne kohen e pas-luftës* mund te mendon kesi-soji !
Naim Tërrnava ka qen mik i familjes se Shaban Jasharajt* ai thot qe 1 jav me par ishte ne vizit tek kjo familje*dhe se Shabani r.a. i kishte then qe ishin te vendosur qe te bien shehid nese eshte nevoja !
Ateher Murati ka mund te jet kalama* dhe te mos jet ne gjendje te kuptuarit* por te bie ne kurthat e ateistëve eshte perkeqardhje ! …

naim ternava jo te familja jashari po as ne prekaz nuk ka qen kurr para lufte *edhe ky naimi kur flet per prekaz ja fut kot sikur ju o preshevar


nese esht e politizuar drenica moas mendoni se do te futni ne vehabizem ose nen sheriat mos shihni andrra

qysh ka than MURAT JASHARI qashtu esht se drenica fare se qan hallin e fes relegjioni esht i fundit

Krasniqi sfidon Thaçin


Drilon Zogaj | 11-02-2011 08:48 CET
Zgjedhja e presidentit të ri të Kosovës është shndërruar në sfidën kryesore të PDK-së për krijimin e qeverisë së re të udhëhequr nga lideri i saj* Hashim Thaçi. Tashmë* këtë post nuk po e kushtëzojnë faktorët ndërkombëtarë* por vetë zyrtarët e PDK-së* të cilët* ndryshe nga praktika e deritashme* insistojnë që edhe ky post t’i takojë PDK-së* konkretisht sekretarit të përgjithshëm të saj* Jakup Krasniqi.
Siç ka marrë vesh gazeta “Zëri” nga burimet e saja brenda PDK-së* Jakup Krasniqi pa pëlqimin e “krahut” të Thaçit* ka vendosur që seanca konstituive e Kuvendit të Kosovës të mbahet pas dy javësh* me qëllim që të sfidohet çdo ide dhe mundësi që presidenti të zgjidhet nga ndonjë parti tjetër që do të hynte eventualisht në koalicion.
Sipas këtyre burimeve* Jakup Krasniqi gëzon mbështetjen e një grupi relativisht të madh të deputetëve të PDK-së për të marrë këtë post* grupi i cili po i bën presion Thaçit për të mos ia dhënë atë karrige askujt tjetër* përfshirë edhe Behgjet Pacollit* i cili e ka kushtëzuar hyrjen në koalicion në shkëmbim të këtij posti.
Në të kundërt* deputetët e PDK-së* të cilët mbështesin Krasniqin për president* nuk do të votonin për asnjë kandidat tjetër të koalicionit* duke e bërë të pamundur zgjedhjen e tij* gjë që do të çonte në zgjedhje të reja.
Divergjencat brenda PDK-së rreth konstituimit të institucioneve janë vënë re edhe pas mbledhjes së Kryesisë së kësaj partie* e zhvilluar të enjten.
Përkundër faktit se Kuvendi i Kosovës i udhëhequr nga Jakup Krasniqi* ka vendosur që institucionet të fillojnë konstituimin më 24 shkurt* anëtari i Kryesisë së PDK-së Memli Krasniqi* ka thënë pas mbledhjes se PDK-ja po punon për formimin e institucioneve të reja para datës 17 shkurt* kur do shënohet trevjetori i pavarësisë.
“Është vullnet edhe qëllim i PDK-së që të arrihet një marrëveshje për qeverinë e ardhshme dhe për institucionet më së largu deri më datën 17 shkurt dhe ne ende po punojmë në atë drejtim”* ka thënë Krasniqi.
Lidhur me mundësinë që posti i presidentit t’i jepet liderit të AKR-së* Behgjet Pacolli* Krasniqi ka thënë se për këtë çështje që do të diskutohet në takimet zyrtare që do të fillojnë me AKR-në* Listën “Ibrahim Rugova” dhe me partitë e pakicave.
Në anën tjetër* Koalicioni për Kosovën e Re* partneri kryesor i mundshëm i PDK-së në koalicionin e ardhshëm qeverisës e kushtëzon hyrjen në Qeveri me ndarjen e postit të presidentit për liderin e saj* Behgjet Pacolli.
Kjo është konfirmuar sërish të enjten nga deputeti i këtij koalicioni* Ibrahim Makolli* i cili ka thënë se përmbushja e kësaj kërkese do të përcaktoj edhe hyrjen ose jo të AKR-së në koalicionin qeverisës. Në të kundërt* sipas Makollit* edhe AKR do të mbetet në opozitë.
Ndryshe* gjatë ditës së enjte Kryesia e legjislaturës së kaluar të Kuvendit të Kosovës* ka mbajtur mbledhjen e fundit* në të cilën kanë marrë pjesë edhe përfaqësuesit e partive* të cilat kanë fituar vende në Kuvend në zgjedhjet e fundit. Pas kësaj mbledhjeje* kryetari në largim i Kuvendit* ka bërë të ditur se Kuvendi i ri do të konstituohet më 24 shkurt.
Jakup Krasniqi* ka thënë se në këtë seancë konstituive* do të bëhet betimi i deputetëve të rinj* do të zgjidhet kryetari dhe pesë nënkryetarët e legjislaturës së katërt. Ai është shprehur i bindur se edhe deputetët e Lëvizjes “Vetëvendosje” do t’i respektojnë ligjet dhe rregullat e Kuvendit me rastin e betimit.
U.d. i presidentit ka thënë se formimi i institucioneve para ditës kur do të shënohet 3 vjetori i shpalljes së pavarësisë me 17 shkurt* do të ishte i mirëseardhur. Por* sipas tij* në rrethanat aktuale kërkohet një kohë pak më gjatë. “Është e rëndësishme që shkurti do ta përmbyllë këtë proces”* ka thënë Krasniqi.
Lidhur me përfoljet se ai do të mund të zgjidhet president i Kosovës* në mandatin e ardhshëm pesëvjeçar* Krasniqi ka thënë se kjo çështje i përket partisë së tij.

[hasanmehmeti]

Vatikani ende nuk e njeh Kosovën


Postuar: 14:06 / 12.02.2011

Vatikani mbetet i vendosur që të mos e njohë pavarësinë e Kosovës. Zyrtarë të tij vazhdojnë të japin deklarata se nuk e kanë ndërmend të ndërrojnë qëndrim sa i përket kësaj çështje.
Përfaqësuesi i Vatikanit në Serbi, Orlando Antonini i ka deklaruar gazetës serbe Politika, të cilën e transmetoi koha.net, se qëndrimi i Vatikanit sa i përket pavarësisë së Kosovës është i njohur dhe ai nuk ka ndryshuar.

“Nuk besoj që Vatikani do të ulet dhe të bisedojë sërish për Kosovën, derisa nuk përfundojnë bisedimet e paralajmëruara mes Kosovës dhe Serbisë”, citon Politika të ketë thënë Antonini. /Telegrafi/

Kosovë: Viktima e dytë e gripit të derrit


13-02-2011 11:09 CET
Është regjistruar edhe viktima e dytë këtë vit nga gripi AH1N1. Një 16-vjeçar nga Podujeva është viktima si pasojë e këtij gripi. Ai ka vdekur të shtunën në orën 15:30 në QKUK.
Zëdhënësi i QKUK-së, Shpend Fazliu ka konfirmuar për mediat vdekjen e pacientit që ishte shtrirë në Klinikën Infektive. Sipas zyrtarëve të QKUK-së se deri më tani në Kosovë janë të regjistruara 156 raste me gripin e derrit.
Në janar të këtij viti një 46-vjeçare nga Prishtina vdiq në Klinikën Infektive nga ky grip.
Njoftohet se janë edhe tre pacientë gjendja e të cilëve është mjaft e rëndë, ndërkohë për momentin në mjekim në QKUK gjenden 43 të prekur nga ky grip vdekjeprurës.

Kisha mbi Kala, përleshen shqiptarët e maqedonasit


13-02-2011 14:32 CET
Një përleshje mes shqiptarëve dhe maqedonasve ka ndodhur të dielën në Shkup për shkak të ndërtimit të një kishe mbi Kalanë e Shkupit. Përleshja ka nisur pas një proteste që ishte lajmëruar nga 19 organizata joqeveritare shqiptare që do të organizohej në Shkup kundër ndërtimit të kishës në ambientet e Kalasë.
Protestues maqedonas të një organizate joqeveritare u përleshën me protestuesit shqiptarë. Personat kanë hedhur sende të forta si gurë dhe shkopinj në drejtim të njëri-tjetrit dhe si pasojë raportohet dhe për disa të lënduar, raportojnë mediet.
Në vendngjarje kanë shkuar dhe deputetë të partive shqiptare të cilët u përpoqën të qetësojnë situatën.
Ka qenë Lëvizja qytetare “ZGJOHU!” që kishte njoftuar të dielën se do të mbante protestë kundër ndërtimit të kishës në Kalanë e Shkupit, ndërkohë një iniciativë qytetare maqedonase gjithashtu kishte thirrur një protestë në mbrojtje të kësaj kishe.
Lëvizja “ZGJOHU!” nisi protestën në lokalitetin ku po ndërtohet kisha. Në njoftimin e Lëvizjes theksohet se qytetarët duhet t’i bashkëngjiten kësaj revolte për t’i dhënë fund “falsifikimit të historisë dhe përvetësimit të trashëgimisë kulturore dhe shpirtërore shqiptare nëpërmjet ndërtimit të kishës ortodokse në Kala dhe përpjekjeve për të shkatërruar shtëpinë e lindjes së nobelistes shqiptare Gonxhe Bojaxhiu”.
Në përkrahje të lëvizjes “ZGJOHU!” u bashkuan dhe Shoqata e Historianëve Shqiptarë në Maqedoni si dhe 18 shoqata të tjera joqeveritare.
Nga ana tjetër, iniciativa qytetare maqedonase ftuan maqedonasit që të tubohen po të dielën rreth mesditës për të mbrojtur kishën që po ndërtohet në Kalanë e Shkupit.
Në njoftimin e këtij grupi iniciator, bëhet thirrje që qytetarët maqedonas, pa dallime partiake, të ngrenë zërin për kishën dhe dëmin që i ishte bërë si dhe nevojën që ajo të mbrohet siç thuhet me “mure të gjallë”. Kanë mjaftuar thirrjet e të dyja palëve që protestuesit të mos ruanin qetësinë dhe të nisin acarimet deri në eskalim të situatës duke u goditur mes veti me mjete të forta.
Reagimet për ndërtimin e kishës u shtuan kur punëtorë të një kompanie ndërtimore u hetuan të martën në mbrëmje duke kryer punimet në objektin e kishës, edhe pse ishte arritur një marrëveshje qeveritare për ndërprerjen e punimeve dhe gjetjen e një zgjidhjeje që objekti në ndërtim të tërhiqet ose të shndërrohet në objekt tjetër.
Drejtoria për mbrojtjen trashëgimore e Ministrisë së Kulturës bëri të ditur se po ndërtohet një muze për ekspozimin e artefakteve të gjetura nga gjurmimet arkeologjike në Kala, ndërsa gjithashtu ky objekt mund të shfrytëzohej edhe për kryerjen e riteve fetare ortodokse, pasi që në këtë lokalitet ka ekzistuar kishë që datonte nga shekulli 13.

Qeveria “harron” Ditën e Pavarësisë


14-02-2011 15:32 CET
Filloristët pas një kohe mund të mësojnë në librat e historisë se më 17 shkurt të vitit 2008 ishte Hashim Thaçi ai që e lexoi Deklaratën e Shpalljes së Pavarësisë së Kosovës, por ata nuk do të mund ta gjejnë askund se më 17 shkurt të vitit 2011, i njëjti person, ani se në krye të Qeverisë, organizoi diçka për kremtimin e pavarësisë.
Qeveria në largim e Kosovës me në krye Hashim Thaçin nuk ka planifikuar asnjë aktivitet të organizuar institucional për të shënuar përvjetorin e tretë të shpalljes së pavarësisë.
Zëdhënësi i Qeverisë në largim, Memli Krasniqi ka thënë se mungesa e institucioneve të reja ka bërë që ekzekutivi të mos ketë hartuar ndonjë agjendë për hir të trevjetorit të pavarësisë, shkruan Koha.
Mirëpo, drejtoresha për Kulturë, Sport dhe Rini në Komunën e Prishtinës, Vlora Dumoshi, ka treguar që udhëheqja e kryeqytetit për shënimin e përvjetorit të tretë të pavarësisë ka ndarë një shumë në vlerë prej shtatë mijë eurosh. Ajo ka bërë me dije se për ta festuar sa më mirë trevjetorin e pavarësisë, Komuna e Prishtinës ka filluar përgatitjet që afro një muaj.
“Me rastin e përvjetorit të pavarësisë, Komuna e Prishtinës është duke u përgatitur që një muaj dhe do të organizojë një sërë aktivitetesh kulturo-artistike”, ka thënë Dumoshi.
E para për Kulturë, Sport dhe Rini në Komunën e Prishtinës ka nxjerrë në shesh edhe aktivitetet, me të cilat do të karakterizohet 17 shkurti në Prishtinë.
“Agjenda fillon nga mëngjesi, ku drejtuesit e Komunës së Prishtinës do të qëndrojnë te varri i ish-presidentit të Kosovës, Ibrahim Rugova, dhe te varrezat e dëshmorëve, pastaj në orën 11:00 është akademia solemne në Komunën e Prishtinës, ku bëhet inaugurimi i sallës së re, më pas në orën 12:00 është një shfaqje në teatrin “Dodona”, mandej në orën 13:00 është programi artistik për fëmijë që mbahet në sheshin ‘Nëna Terezë’”, ka treguar Dumoshi.
“Kurse në mbrëmje në orën 20:00 fillon programi për të rinj në bashkëpunim me Radiotelevizionin e Kosovës, dhe në fund në orën 22:00 do të shkrepen fishekzjarrët për dhjetë minuta pandërprerë”, ka thënë Dumoshi.

Mbrojtja e Haradinajt sfidon Prokurorinë


Selvije Bajrami | 14-02-2011 08:52 CET
Ekipi mbrojtës i liderit të Aleancës për Ardhmërinë e Kosovës, Ramush Haradinaj, ka paraqitur këto ditë ankesë të re rreth aktakuzës me të cilën pritet të fillojë rigjykimi në Tribunalin e Hagës, ku Haradinaj bashkë me Idriz Balajn e Lahi Brahimajn akuzohen për kryerjen e krimeve të luftës.
Ankesa e cila përmban dhjetëra faqe dhe e cila përshkruan detaje të papërshkrueshme deri më tani nga ana e mbrojtjes, ka për qëllim që ta sfidojë Prokurorinë me provat që ka paraqitur kjo e fundit.
Përmes ankesës e cila pritet të shqyrtohet brenda dy javësh, mbrojtja, sipas koordinatorit Michael O’Reilly, ka argumentuar se nuk qëndrojnë akuzat me të cilat pritet të fillojë gjykimi. Ai thotë se nuk kanë kërkuar që lënda të mbyllet në tërësi, por të paraqiten faktet që pretendon prokuroria, nëse veç ato ekzistojnë.
“Mbrojtja ka paraqitur një dokument voluminoz kundër aktakuzës së prokurorisë. Përveç argumenteve tona, që i posedojmë, kemi paraqitur edhe anën ligjore rreth mënyrës së mbajtjes së gjykimit në mënyrë që një gjë e tillë të ndodhë sa më shpejt”, ka thënë O’Reilly.
Argumentet e paraqitura, sipas tij, janë bërë me qëllim që të limitohet procesi i gjykimit në korniza dhe prova sipas të cilave, edhe është caktuar mbajtja e rigjykimit, e të mos devijohet çështja.
Apeli i dorëzuar në Dhomën e Apelit të Tribunalit të Hagës, një kopje të të cilit e posedon edhe gazeta “Zëri”, është e fokusuar në disa çështje duke përfshirë dëshmitarët.
“Grupi i organizuar kriminal, i supozuar për rigjykim duhet të kufizohet në një grup të organizuar kriminal për kryerjen e krimeve të ngarkuara në 6 pikat e akuzës, dhe nuk mundet për arsye të apelit të vetë Prokurorisë të deklarohet për të përfshirë veprime kriminale që nuk kanë të bëjnë me këto pika, apo veprime për të cilat z. Haradinaj është shfajësuar përfundimisht”, thuhet mes të tjerash në apelin e Prokurorisë.

Të gjitha supozimet e Prokurorisë që sipas ankesës kanë të bëjnë me veprime kriminale, nuk kanë absolutisht të bëjnë me 6 pikat për të cilat Haradinaj është shfajësuar përfundimisht. Këto pretendime, sipas mbrojtjes,duhet të hiqen nga padia e cila është në fuqi e me të cilën pritet të nisë rigjykimi.
“Sfera e rigjykimit është e kufizuar nga kushtet e caktuara të apelit të vetë Prokurorisë (dhe urdhrit rezultues të Dhomës së Apelit) për thirrjen e dy dëshmitarëve, dëshmia e të cilëve duhet të konsiderohet në lidhje me dëshminë e pranuar nga gjykimi fillestar që ka të bëjë me 6 pikat e akuzës”, ka kërkuar mbrojtja.
Këto të dhëna, mbrojtja ka kërkuar që të merren parasysh nga Dhoma e Apelit të gjyqtarëve dhe ankesa si e tillë të pranohet. Mbrojtja ka kërkuar gjithashtu që të pranohen lehtësimet e kërkuara gjatë procedurës.
Mbrojtësi Michael O’Reilly ka shfaqur shpresën e tij se apeli i mbrojtjes do të shqyrtohet me kujdes, ndërsa ka pohuar se brenda dy javësh presin përgjigjen rreth ankesës së paraqitur. Por, për këtë ankesë sipas tij, nuk do të vendoset më datën 23 shkurt kur në Tibunalin e Hagës për Ramush Haradinajt dhe dy të akuzuarit e tjerë do të mbahet konferencë statusore.
Anëtarët e partisë të cilën e udhëheq Ramush Haradinaj, nuk dëshirojnë të komentojnë rreth ankesës së fundit drejtuar Prokurorisë, por kanë ripërsëritur shpresën se Haradinaj do të triumfojë sërish, siç ka triumfuar edhe më herët.
“Ne kemi vetëm një kërkesë tek organet kompetente, që sa më shpejt të përfundojë gjykimi, ngase jemi të bindur në pafajësinë e z. Haradinaj”, është shprehur Besnik Tahiri nga AAK-ja.
Ndryshe, Ramush Haradinaj dhe dy shokët e luftës janë në paraburgim që nga koha kur Tribunali i Hagës e ka kthyer në rigjykim të pjesshëm lëndën ndaj tyre, ku tre ish-luftëtarët akuzohen për krime lufte në Zonën Operative të Dukagjinit.