Intervistat e Hashim Thaqit qe nga viti 2001 e deri me tani...

[MemphiSx]

Postimi origjinal është bërë nga Arb

Shkinishten po ia dojke fort bre. Maraki i tij me fol shkinisht. Cudi qysh ia ka msu baba, roje mali, shkinishten. Athu ne Broje aq shume eshte mesu shkinishtja a?

Jepju traktora shkijeve, jepju...

Djali i udbashit, vazhdon punen e babes...

Hajde zhivelli kosmetaaa,cishtu pi cakrrojke goten hashimi :D

[murrizi]

Postimi origjinal është bërë nga Arb

Shkinishten po ia dojke fort bre. Maraki i tij me fol shkinisht. Cudi qysh ia ka msu baba, roje mali, shkinishten. Athu ne Broje aq shume eshte mesu shkinishtja a?

Jepju traktora shkijeve, jepju...

Djali i udbashit, vazhdon punen e babes...

po bre ropt, nime fort po ja thojka shkinishtes...
ev drenic eu, qe isha pre qe din drenicaku me fol serbqke.

[GURI SYLAJ]

E bilahin qitu une jam kunra .Bash kish me mu ba qefi sikur t'a fliste serpqen mire e rrjedhshem .
Po ,tybe me sa une di ,pa e dite mire gjuhen amtaren nuk muj e mson asni guhe tjeter qysh duhet. Sa me i ba qef vetit e mjegull miletit po se per mashallah jo kurr!!

[Llapjani_HH]

Thaçi: ‘Në Kosovë nuk ka struktura paralele’

Kryeministri i Kosovës, Hashim Thaçi, ka mohuar se në Kosovë ka struktura paralele të financuara nga Serbia.

Tensionet dhe problemet në veri, sipas kryeministrit Thaçi, shkaktohen nga individ të caktuar dhe jo nga struktura të organizuara. Këto komente ai i bëri gjatë një seance të Kuvendit të Kosovës, ku bëri të ditur se strategjia për veriun e krijuar nga qeveria dhe bashkësia ndërkombëtare do të mundësoj integrimin e komunitetit serb në institucionet e vendit.

“ Dua të theksoj se formulimi strukturë është një nocion shumë i gjerë dhe për këtë arsye e bëra këtë dallim. Në anën tjetër unë nuk mund ti vë hi syve opinionit publik, por do të ballafaqohem me gjendjen jo të përgjegjshme në veri të Mitrovicës dhe pikërisht kjo është edhe arsyeja kemi nxjerr strategjinë që unë do ta quaja integruese për demokratizimin edhe të asaj pjese të Kosovës dhe integrimin e të gjitha komuniteteve”, deklaroi Hashim Thaçi, kryeministër i Kosovës.

Ndërsa, në anën tjetër partitë opozitare kanë kërkuar nga Qeveria e Kosovës që strategjinë për kontrollin e veriut, ta dërgoj Kuvend për debat, para se të filloj implementimi i saj. “Grupi Parlamentar do të insistoj në mënyrë strikte në debat për atë që është shtruar me kërkesë të LDD-së, dhe asnjë lloj dokumenti tjetër në atë debat nuk do të merret si dokument i parlamentit. Është e mirëseardhur qeveria që kur të dojë mendimet e veta i dërgua për debat, por ne e kemi kërkuar debatin dhe shumë seriozisht LDD me gjithë ekspertizën që e ka edhe në parti edhe në shoqërinë akademike do të propozoj një tekst për një dokument të fuqishëm që duhet ta nxjerrë në debat parlamenti”, u shpreh Nexhat Daci, kryetar i LDD-së.

“ Konsiderojmë se përderisa nuk vije në parlament drafti i përpiluar, ne nuk kemi besim se mund të kaloj një strategji e tillë për arsye se duhet të ketë mbështetjen nga Kuvendi i Kosovës dhe të gjithë atyre që janë të involvuar në këtë proces”, tha Ahmet Isufi, nënkryetar i AAK-së. Grupi Parlamentar i Lidhjes Demokratike të Dardanisë kohë më parë ka kërkuar nga kryeministri Hashim Thaçi që të raportoj në Kuvend në lidhje draft-strategjinë për veriun e Kosovës. Kjo kërkesë e LDD-së ka ardhur, siç thuhet, pas mungesës së transparencës së ekzekutivit kosovar në lidhje me planet për veriun
ALSAT M

Nëse sipas Thaqit nuk jan struktura paralele, qfarë janë ato pra?
Struktura që ndihmojn Thaqin ta ndaj Mitrovicën?
Struktura që ndihmojn Thaqin të pasurohet duke kontrabanduar me mall nga atje?

[MemphiSx]

Po mos t'kishte struktura paralele,sdot kishte plan per integrimin e Mitrovices!

Peterseni tha,ket plane te qeveris sdo ta lejojn strukturat paralele qe te implementohet,cka bie ndesh me deklarimet e rrejshme te kryeministrit!!

[fadil]

Thaçi kërkon ndihmën e GDN’së për Veriun


Nga Express më 08.02.2010 në ora 12:57

(Update)
Kryeministri Hashim Thaçi në Vjenë, ka thënë se Qeveria e Kosovës është e vendosur që në veri të vendit të vendoset rendi dhe ligji.

Kryeministri në takimin e Grupit Drejtues Ndërkombëtar për Kosovën, të hënën ka vënë në pah planin (strategjinë) për veriun dhe liberalizimin e vizave.

“Ne jemi treguar të përmbajtur dhe do të vazhdojmë të kujdesshëm në veprimet tona, por përfundimisht jemi të vendosur për rendin dhe ligjin në veri të Kosovës, ashtu siç e parasheh Kushtetuta e Republikës së Kosovës dhe Plani gjithëpërfshirës për statusin e Kosovës”, ka thënë kryeministri Thaçi.

Sipas tij plani nënkupton vazhdimësinë e reformimit të pushtetit lokal dhe mbajtjes së zgjedhjeve të lira dhe demokratike. “Ky plan është në interes të qytetarëve në veri sepse me te, krijohet Komuna e Mitrovicës veriore, e cila do të jetë në shërbim të të gjithëve”, ka theksuar kreu i Qeverise kosovare.

Sipas tij, banorët ne veri do të votojnë për udhëheqësit e tyre legjitim dhe ai udhëheqës nuk do t’i shikoj interesat e ngushta personale, sepse do të jetë i kushtëzuar me ligj dhe nga qytetarët, për të punuar për ta.

“Qeveria që udhëheq unë është e gatshme dhe e vendosur të luajë rolin e saj duke vënë në dispozicion të zbatimit të këtij plani të gjitha resurset e veta njerëzore dhe materiale. Për këtë qëllim jemi të gatshëm të formojmë grupe punuese speciale ku do të jenë të përfshira edhe partitë opozitare, sepse kjo është çështje e karakterit nacional. Kërkoj mbështetjen tuaj të plotë në zbatimin e këtij plani”, ka thënë kryeministri Thaçi, në takimin e Grupi Drejtues Ndërkombëtar për Kosovën.

Sipas tij modeli i komunave të reja dhe i Shtërpcës, do të mund të funksionojë në veri edhe për Leposaviqin, Zubin Potokun dhe Zveçanin.

Çështja tjetër e rëndësishme të cilën e ka potencuar, Thaçi, ka qenë edhe liberalizimi i vizave për kosovarët.

Ai me këtë rast ka kërkuar liberalizim sa më të shpejtë të vizave për kosovarët në mënyrë që qytetarët kosovarë të udhëtojnë sit ë gjithë popujt tjerë të Ballkanit dhe të mos jenë të izoluar që pastaj të kërkojnë rrugë ilegale të udhëtimit të cilat mund të përfundojnë në tragjedi.

Kryeministri, ka përmendur rastin Tisa, si pasojë e mos liberalizimit të vizave.
Në takimin e Grupit drejtues ndërkombëtar për Kosovën, është diskutuar për zhvillimet politike në Kosovë. /kosovapress/

Fillon takimi i GND'së

Në Vjenë të Austrisë ka filluar sot takimi i përfaqësuesve të shteteve anëtare të Grupit Ndërkombëtar Drejtues për Kosovën, ku temë diskutimi do të jenë zhvillimet aktuale në Kosovë. Në këtë takim po marrin pjesë kryeministri i Kosovës, Hashim Thaçi dhe përfaqësuesi Civil Ndërkombëtar, njëherit përfaqësues special i BE, Piter Feith.

Takimi do të zhvillohet në dy sesione. Në njërin prej sesioneve do të diskutojnë përfaqësuesit e shteteve anëtare që e përbëjnë Grupin ndërkombëtar Drejtues për Kosovën. Ndërsa, në sesionin tjetër shefi i ekzekutivit të Kosovës, Hashim Thaçi do të prezantojë zhvillimet aktuale në vend. Kështu tha, për Radio Kosovën (RTK) zëdhënësi i qeverisë së Kosovës, Memli Krasniqi.

“Ky është një takim i radhës i grupit mbikëqyrës ndërkombëtar ku do të prezantohet puna e bërë nga ana e institucioneve të vendit si dhe e prezencës ndërkombëtare në veçanti e zyrës ndërkombëtare civile, ICO. Do të jetë një sesion ku fjalën kryesore do ta ketë kryeministri i Republikës së Kosovës, zoti Hashim Thaçi, i cili do të prezantojë zhvillimet, progresin dhe të arriturat e qeverisë së Kosovës si dhe institucioneve të vendit ndërmjet këtyre dy takimeve dhe që do të prezantojë edhe perspektivën dhe vizionin për punët që na presin në të ardhmen dhe sfidat që kemi përpara”, tha Krasniqi.

Theks të veçantë në raportimin e tij, kryeministri Thaçi do të ketë edhe zbatimin e Kushtetutës dhe zbatimin e plotë të ligjeve në gjithë territorin e Republikës së Kosovës. Ky takim shtoi zëdhënësi i qeverisë, Memli Krasniqi, do të paraqesë bashkëpunimin që institucionet e vendit kanë pasur me grupin mbikëqyrës ndërkombëtar dhe vlerëson rëndësinë e tij për të ardhmen e vendit.

“Gjithçka do të jetë në vazhdën e një koordinimi dhe bashkëpunimi të ngushtë që kanë pasur institucionet e Kosovës me grupin mbikëqyrës ndërkombëtar. Ne besojmë që edhe konkluzionet do të jenë të rëndësishme për punët dhe për sfidat që na presin në të ardhmen e afërt dhe afat mesme, tha Krasniqi.

Kryeministri i Kosovës, Hashim Thaçi gjatë ditës do të ketë edhe një takim me ministrin e punëve të jashtme të Austrisë, Michael Spindelegger.

Në takimin e me përfaqësuesit e Grupit Ndërkombëtar Drejtues për Kosovën do të rishikohet edhe mandati i Zyrës Civile Ndërkombëtare. Zëdhënësi i kësaj zyre Edi Megafi, ka bërë të ditur se ndryshimet e mundshme në mandatin e Feith do të lidhen me progresin që kanë arritur institucionet kosovare në fusha të ndryshme.

Grupi Ndërkombëtar Drejtues për Kosovën është formuar pas shpalljes së pavarësisë dhe përbëhet nga vendet që e kanë njohur Kosovën.

[Llapjani_HH]

[fadil]

Thaçi: "Periudhë vendimesh historike"

"Derisa para dy vitesh Kosova e shpalli pavarësinë, e fitoi statusin e vendit të pavarur, sovran dhe demokratik, sot lirisht mund të them se Kosova ka përfituar me perspektivën evropiane", thotë për Radion Evropa e Lirë, kryeministri i Kosovës, Hashim Thaçi.

RADIO EVROPA E LIRË
Zoti kryeministër, dy vjet nga shpallja e pavarësisë së Kosovës, si do ta vlerësonit këtë periudhë, po t’i bënit një bilanc?



HASHIM THAÇI
Dua të theksoj se kjo periudhë ka qenë periudha e vendimeve historike për vendin tonë, e shpalljes së pavarësisë, e konsolidimit të shtetit tonë, e vënies së ligjshmërisë, e angazhimeve të gjithanshme në kuptimin edhe të reformave, qoftë në politikë qoftë në ekonomi, qoftë në legjislacion, si dhe periudhë e perspektivës evropiane.

Kosova ka përfituar 65 njohje të fuqishme ndërkombëtare. Është anëtarësuar në Fondin Monetar Ndërkombëtar dhe në Bankën Botërore.

Gjithashtu, jemi në prag të anëtarësimit edhe në Bankën për Zhvillim dhe Rindërtim Evropian. Pra, Kosova është duke ecur në trendet e sigurta të angazhimeve integruese, edhe në NATO, edhe në Bashkim Evropian.

Derisa para dy vitesh Kosova e shpalli pavarësinë, e fitoi statusin e vendit të pavarur, sovran dhe demokratik, sot lirisht mund të them se Kosova ka përfituar me perspektivën evropiane, që i është dorëzuar nga Komisioni Evropian; e ka fituar statusin e vendit evropian.

RADIO EVROPA E LIRË
Përmendët 65 vendet që e kanë njohur Kosovën. Disa thonë se ky numër përfaqëson peshën, pra kualitetin. Por, ka të tjerë që thonë se kjo dinamikë nuk është e mjaftueshme. Ju çfarë mendoni?



HASHIM THAÇI
Nuk duhet shikuar në numra njohjet e pavarësisë së Kosovës, duhet shikuar edhe kush e ka njohur pavarësinë e Kosovës - e kanë njohur vendet më të fuqishme, megjithëse duhet të kemi respekt për secilin vend.

Pra, pesha e njohjeve është shumë e fuqishme, ajo e ka fuqizuar shtetin e Kosovës. Në të njëjtën kohë, duhet të potencoj se njohjet i kanë pasur edhe vështirësitë e veta, në veçanti apelin e Serbisë në Gjykatën Ndërkombëtare të Drejtësisë.

Prandaj, dua të besoj se edhe para opinionit të shprehur nga Gjykata Ndërkombëtare, do të kemi njohje të reja, por do të vazhdojnë njohjet e tjera edhe pas opinionit, që nuk do të jetë obligativ i Gjykatës Ndërkombëtare. Dhe, ky opinion ne duam të besojmë pa pretendime politike, se nuk do të jetë krejt bardh e zi, por do të jetë në përputhshmëri me realitetin në Kosovë.

RADIO EVROPA E LIRË
Prisni ndonjë mendim të prerë nga Gjykata Ndërkombëtare e Drejtësisë?


HASHIM THAÇI
Gjykata Ndërkombëtare e Drejtësisë nuk jep ndonjë vendim të prerë. Ajo shpreh opinionin për çështjen e caktuar, një opinion ky jo obligativ.

RADIO EVROPA E LIRË
Zoti kryeministër, integrimi i veriut të vendit vazhdon të jetë një sfidë jo e lehtë. Së fundi, është diskutuar shumë për një strategji integruese. Cilët janë mekanizmat që do t'i shfrytëzoni për jetësimin e saj?


HASHIM THAÇI
Më në fund, pas dhjetë vitesh, institucionet e vendit tonë, pra Qeveria e Kosovës dhe ato ndërkombëtare, kanë hartuar një plan gjithëpërfshirës për veriun e Mitrovicës, plan ky që parasheh katër pika; e para, sundimi i ligjit, e dyta është formimi i komunës së re në veri të Mitrovicës, pastaj organizimi i zgjedhjeve të lira në tri komuna, Leposaviq, Zveçan, Zubin-Potok, po në të njëjtën kohë edhe angazhimi socio-ekonomik, pra angazhimi për zhvillimin ekonomik, krijimin e vendeve të reja të punës, rritjen e mirëqenies sociale dhe në këtë drejtim Qeveria e Kosovës do të ndajë edhe një fond të veçantë.

Dua të besoj se ky angazhim do të jetë shumë i vendosur, me gjithë pengesat, me të cilat mund të ballafaqohemi në këtë proces jashtëzakonisht të rëndësishëm të vënies së ligjshmërisë, normalitetit, stabilitetit dhe pretendimeve për zhvillim ekonomik.

Pra, do t'i shfrytëzojmë të gjithë mekanizmin tonë ligjor dhe demokratik.

RADIO EVROPA E LIRË
Ka ndonjë afat kohor për jetësimin e kësaj strategjie?


HASHIM THAÇI
Gjërat aty kanë qenë të ngatërruara tash e dhjetë vite, por afati është që të fillohet shumë shpejt.
RADIO EVROPA E LIRË
Zoti kryeministër, vitin që lamë pas, Serbia,Mali i Zi dhe Maqedonia u shpërblyen me liberalizim vizash, ndërsa Kosova ka mbetur, thënë kushtimisht, në listën e pritjes. Pse mendoni se ndodhi kështu?


HASHIM THAÇI
Duhet kuptuar se edhe Maqedonia tash e 18 vite merret me tranzicionin demokratik, ndërsa ne, tash e dy vite e kemi shpallur pavarësinë.

Mali i Zi, gjithashtu, merret me tranzicionin demokratik që nga rënia e komunizmit.

Por, edhe Serbia me këto angazhime, të cilat është duke i bërë në kuptimin e një veprimi afirmativ, për ta afruar Serbinë drejt Bashkimit Evropian, Brukseli ka lëvizur në qasjen ofruese dhe jo refuzuese.

Prandaj, këto dy vite për shtetin e Kosovës kanë qenë jashtëzakonisht të rëndësishme, sepse ne kemi fituar nga raporti i progresit perspektivën evropiane, një perspektivë kjo që disa vende të rajonit nuk e kanë fituar për 15 vite me radhë.

Pra, perspektiva e Kosovës është perspektivë evropiane dhe sa më tepër që të jenë vendet e rajonit në strukturat euroatlantike, aq më shpejt edhe Kosova do të jetë në NATO dhe në Bashkimin Evropian.

Duhet kuptuar gjithë një gjë: Kosova është vendi i fundit në rajon që e ka fituar lirinë; Kosova është vendi i fundit në rajon që e ka fituar dhe shpallur pavarësinë; Kosova është në proces shtet-ndërtimi, prandaj angazhimet 18- vjeçare të disa vendeve të rajonit në tranzicion, nuk mund të krahasohen me dy vite të shtetit tonë, që, gjithashtu, jemi duke e kaluar procesin e tranzicionit dhe të reformave demokratike.

Por, një gjë është e sigurt, Kosova shumë shpejt dhe nuk do të jetë e fundit që do të jetë pjesë e NATO-s dhe e Bashkimit Evropian. Përkundrazi, Kosova është storie e suksesit të plotë.
RADIO EVROPA E LIRË
Zoti kryeministër, si të tillë, e shihni Kosovën afër apo larg integrimeve evropiane dhe euroatlantike në përgjithësi?


HASHIM THAÇI
Kosova kurrë ndonjëherë nuk ka qenë më afër integrimit në NATO dhe në Bashkim Evropian. Ky është zotim, ky është vizioni dhe ky është qëllimi, i cili do të realizohet shpejt. Pra, Kosova shumë shpejt do të jetë pjesë e NATO-s dhe e Bashkimit Evropian.
RADIO EVROPA E LIRË
Në planin e brendshëm, ka disa muaj që koalicioni qeverisës midis partisë tuaj dhe Lidhjes Demokratike të Kosovës, është shndërruar në temë debatesh, madje edhe ndërmjet përfaqësuesve të partive të partnerëve të koalicionit. Ju vetë keni paralajmëruar riformatizimin e përbërjes së Qeverisë. Kur do ta bëni këtë?


HASHIM THAÇI
Dua të theksoj se riformatizimi ka filluar nga dorëheqja ime si deputet në Kuvendin e Republikës së Kosovës dhe do të vazhdojë me hapa gradualë, të kujdesshëm, të matur dhe efektivë.

Ky riformatizim, apo rifreskim, ndodh, mund të them, me integrimin e njerëzve nga kategori të caktuar të shoqërisë çdo ditë në institucionet dhe Qeverinë e Kosovës. Ndërsa, angazhime konkrete pres në javët e ardhshme.

Ne kemi një bashkëpunim të shkëlqyeshëm me partnerin e koalicionit, mund të ketë zëra të ndryshëm jo-ndikues në këtë çështje. Prandaj, koalicioni ka efektivitet në punë, ka angazhime të përbashkëta shtet-ndërtuese, por edhe të përgjegjësive pushtetare.

Është e vërtetë që ky koalicion është bërë për interesa të shtetit, po edhe për ndarjen e përgjegjësive të pushtetit. Është një bashkëpunim i mirë, efektiv i suksesit të koalicionit, të shtetit tonë.

Ndërsa, duhet kuptuar dhe ndarë fushatat elektorale në nivel lokal nga funksionimi efektiv i institucioneve në nivel qendror.

Pra, institucionet kanë mandat të plotë, zgjedhjet do të organizohen në vitin e ardhshëm në kohë të rregullt, në afatin e rregullt kushtetues

[Guri i madh]

Hashim Thaqi gabon hahahaha

[Oqeani]

Lene rehat herifin, u ba "derrase" dika !!!! vikend hesapi !!!

[Guri i madh]

edhe kjo ësht intervist





Hashim Thaqi Pango i KOSOVES

[fadil]

Thaçi në konferencën e Bërdos


Kosova e përkushtuar për integrim në NATO dhe në BE
Në Bërdo afër Kranjit ka filluar konferenca ndërkombëtare mbi Ballkanin Perëndimor, “Bashkë në Unionin Evropian – Kontributi i Ballkanit Perëndimor për Perspektivën Evropiane”.
Kryeministri i Republikës së Kosovës, Hashim Thaçi, në sesionin plenar ka mbajtur një fjalë rasti.
"Me lejoni të filloj duke ju përshëndetur në emër të Qeverisë së Republikës së Kosovës dhe të qytetarëve të saj. Është një nder dhe kënaqësi e veçantë të jem këtu në këtë forum shumë të respektuar, në mesin e liderëve të shteteve të rajonit dhe përfaqësuesëve të lartë të Bashkimit Evropian. Një falenderim i veçantë u takon organizatorëve të këtij takimi, Kryeministres së Republikës së Kroacisë, znj. Jadranka Kosor dhe Kryeministrit të Republikës së Sllovenisë, z. Borut Pahor. Iniciativa e juaj është shumë e çmueshme dhe jemi këtu me bindjen se ky takim do të ndikojë në fillimin e një kapitulli të ri të bashkëpunimit rajonal dhe bilateral ndërmjet shteteve të Ballkanit Perëndimor.
Më lejoni në fillim të ju njoftoj se deri sot, Republika e Kosovës është njohur nga 65 vende të botës dhe është pranuar si anëtare në Fondin Monetar Ndërkombëtar, si dhe në Bankën Botërore. Jemi duke punuar që së shpejti të anëtarësohemi edhe në Bankën Evropiane për Rindërtim dhe Zhvillim. Me ndihmën edhe të partnerëve tanë ndërkombëtar në Kosovë, jemi duke implementuar Kushtetutën tonë moderne, të bazuar në Propozimin Gjithpërfshirës të Presidentit Ahtisaari.
Siç e dini, në fund të vitit të kaluar, ne organizuam zgjedhjet e para të lira në Kosovën e pavarur. Ky proces zgjedhor dëshmoi se institucionet dhe qytetarët e Kosovës mund të realizojnë zgjedhje të lira, demokratike, të drejta dhe të pranueshme. Shtete të shumta dhe vëzhguesit ndërkombëtarë, me të drejtë kanë vlerësuar se këto zgjedhje i kanë përmbushur standardet ndërkombëtare.
Shqiptarët, serbët dhe komunitetet e tjera votuan dhe i zgjodhën përfaqësuesit e tyre legjitim, dhe, si rezultat i këtyre zgjedhjeve, u krijuan edhe tri komuna të reja me shumicë serbe – Komuna e Graçanicës, e Kllokotit dhe e Ranillugut. Këto komuna tanimë kanë filluar funksionimin e tyre efikas me mbështetjen e plotë dhe të gjithëanshme të Qeverisë së Republikës së Kosovës dhe të partnerëve tanë ndërkombëtare.
Si çdo vend demokratik, në këto zgjedhje synuam pjesëmarrjen e të gjithë qytetarëve tanë, dhe ne këtë e kemi arritur me pjesëmarrjen më të madhe ndonjëherë të komunitetit serb të Kosovës, të cilët përmes pjesëmarrjes në këtë proces demokratik dërguan një mesazh të qartë: mesazhin e zhvillimit demokratik dhe të jetës më të mirë në kuadër të sistemit juridik dhe politik të Republikës së Kosovës.
Përkundër suksesit evident në pjesën më të madhe të Kosovës, serbët në pjesën veriore të vendit ende janë peng të ndikimit dezintegrues të Beogradit zyrtar dhe të individëvë të caktuar, apo të të ashtuquajturave “struktura paralele”. Për të tejkaluar këtë situatë, Qeveria që unë drejtoj, së bashku me Zyren Civile Ndërkombëtare ka hartuar një qasje gjithëpërfshirëse për të vendosur legjitimitetin institucional edhe në këtë pjesë të vendit, gjithnjë në funksion të përmirësimit të mirëqenies së qytetarëve tanë në veri, si në kuptimin social dhe ekonomik, ashtu edhe në atë legal dhe politik.
Në dy vitet e pavarësisë së saj, Republika e Kosovës ka shënuar arritje në shumë fusha, por pa dyshim që si shtet i ri, ballafaqohet edhe me sfida të shumta. Këto sfida, që paraqesin edhe prioritetet e Qeverisë që unë drejtoj, janë theksuar edhe në Raportin e Progresit për Kosovën të vitit 2009 nga Komisioni Evropian dhe institucionet tona tashmë kanë koncentruar resurset e nevojshme me qëllim të tejkalimit të këtyre sfidave dhe përbushjes së kritereve dhe standardeve demokratike për integrim evropian.
Ne e mirëpresim qëndrimin e qartë dhe të theksuar në vazhdimësi nga përfaqësuesit e Bashkimit Evropian se Kosova, njejtë si i gjithë rajoni, ka perspektivë evropiane dhe se e ardhmja e saj është në familjen evropiane. Kjo është bërë e qartë edhe në Studimin për Kosovën, të publikuar vitin e kaluar nga Komisioni Evropian, që i ka hapur vendit tim perspektivën e sigurt për marrëdhënie tregtare me Bashkimin Evropian, për liberalizimin e vizave, si dhe për dialogun në procesin e Stabilizim – Asocimit.
Ne tashmë kemi pranuar pyetësorin për marrëdhënie tregtare me Bashkimin Evropian dhe presim që shumë shpejtë të marrim edhe udhërrëfyesin për liberalizimin e vizave, deri sa jemi të përqëndruar fuqishëm në dialogun për procesin e Stabilizim-Asocimit. Kosova dhe populli i saj e ka synim të qartë anëtarësimin në Bashkimin Evropian dhe në NATO, prandaj besojmë që përparimi i Kosovës në procesin e integrimeve Evropiane dhe Euro-atlantike do ta shpërblejë këtë vullnet të qytetarëve tanë.
Në këtë drejtim, duke mirëpritur hyrjen në fuqi të Traktatit të Lisbonës, ne besojmë se Bashkimi Evropian duhet të vazhdojë të mbajë derën e hapur për anëtarësim për të gjitha shtetet e Ballkanit Perëndimor, meqë procesi integrues është nxitja më efikase për thellimin e reformave të nevojshme dhe për arritjen e kushteve dhe kërkesave të Kritereve të Kopenhagës dhe të Procesit të Stabilizim – Asocimit.
Edhe procesi i liberalizimit të vizave për të gjitha vendet e rajonit tonë duhet të vazhdojë dhe përveç si një proces teknik i arritjes së standardeve të kërkuara, duhet të shihet edhe nga perspektiva humane e lirisë së lëvizjes dhe ofrimit të mundësive të reja për qytetarët e shteteve tona. Por, po ashtu, ne besojmë se ky proces nuk duhet të jetë politik apo të politizohet në çfarëdo mënyre.
Pjesë e rëndësishme e integrimit është edhe synimi për marrëdhënie të mira fqinjësore. Kosova ka raporte të shkëlqyeshme me Shqipërinë, Maqedoninë dhe Malin e Zi. Ne kemi vendosur marrëdhënie diplomatike në nivel ambasadorësh me Shqipërinë, Maqedoninë dhe së shpejti presim të emërojmë ambasadorët e ndërsjellë edhe me Malin e Zi.
Unë besoj se raportet tona fqinjësore vazhdojnë të dëshmojnë për rajonin tonë, por edhe më gjerë, se pavarësia e Kosovës është faktor i paqes dhe stabilitetit rajonal, duke sjellë edhe më shumë bashkëpunim mes shteteve të Ballkanit Perëndimor. Kosova është e përkushtuar për marrëdhënie të mira me fqinjët, me vendet e Bashkimit Evropian dhe me çdo vend tjetër, si një shtet mik i të gjithëve. Kosova është e gatshme të bashkëpunoj edhe me Serbinë për të gjitha çështjet e interesit të ndërsjellë.
Ne e ritheksojmë edhe këtu vullnetin dhe gatishmërinë tonë për të kontribuar në rritjen e nivelit të komunikimit dhe bashkëpunimit rajonal, me të gjithë dhe pa përjashtime, dhe mbesim me shpresë se takime të kësaj natyre do të mund të organizohen edhe në të ardhmen, gjithmonë në funksion të stabilitetit rajonal, zhvillimit ekonomik dhe integrimit evropian të rajonit tonë", ka thënë kryeministri i Kosovës, Hashim Thaçi.