Kështu fliste Vula e Pejgamberisë

[Albanam]

Të nderuar forumistë,

Paqa dhe mëshira e All-llahut qofshin mbi ju!

E pashë të arsyeshme që këtu te rubrika Feja të hapi edhe këtë temë, ku do të mund të postohen hadithe (fjalë) të Pejgamberit të fundit të All-llahut dhe Vulës së Pejgamberisë, Muhammedit [sal-lall-llahu alejhi ve sel-lem].

Ju ftoj që edhe ju të jepni kontributin tuaj në këtë drejtim.

Dhe ju lutem që t'i përmbaheni temës!

Me respekt,
Albanam

[Albanam]

“Kush i kalon netët e Ramazanit duke bërë ibadet, duke qenë i bindur në besimin islam dhe duke pasur qëllim të sinqertë, do t’i falen të gjitha gabimet e tij të mëparshme”.

[Albanam]

“E çuditshme është çështja e besimtarit. Çështja e tij është krejt mirë për të dhe nuk është e tillë për askënd tjetër. Nëse besimtarin e godet gëzimi, ai falënderon (All-llahun), e kjo i sjell dobi, kurse nëse e godet e keqja, ai bën durim (sabër), andaj edhe kjo i sjell dobi”.

[Albanam]

“Mendjemprehtë është ai që e kontrollon vetveten dhe punon për jetën pas vdekjes, kurse kokëtul është ai që ndjek dëshirat e epshit të vet dhe (pa kurrfarë merite) shpreson se All-llahu do t’ia falë”.

[Albanam]

“Ruajuni dhunës (padrejtësisë), sepse dhuna është errësirë në Ditën e Gjykimit; ruajuni koprracisë, sepse vërtet koprracia i ka shkatërruar ata popuj që kanë qenë para jush: ajo i ka shtyrë për derdhjen e gjakut të tyre dhe i ka shtyrë që ndalimet (haramet) t’i bëjnë të lejuara (hallall)”.

[Albanam]

“Kush i beson All-llahut dhe Ditës së mbramë, mos ta shqetësojë fqinjin e vet, kush i beson All-llahut dhe Ditës së mbramë le ta nderojë mikun (musafirin) e vet dhe kush i beson All-llahut dhe Ditës së mbramë, le të flasë mirë ose le të heshtë”.

[Albanam]

“Kush nga ju sheh një të keqe le ta ndryshojë me dorën e tij, e nëse nuk mundet ta bëjë, atëherë me gjuhën e tij, e nëse nuk mundet ta bëjë këtë, atëherë me zemrën e tij, porse ky është imani më i dobët”.

[Albanam]

“Assesi askush prej jush mos ta dëshirojë vdekjen e vet për shkak se e ka goditur ndonjë e keqe. E nëse është i detyruar, atëherë le të thotë: “O Zoti im, më le të jetoj përderisa jeta të jetë për mua më e dobishme, kurse më vdis nëse vdekja është për mua më e dobishme”.

[Albanam]

“Sinqeriteti shpie në mirësi, kurse mirësia shpie në Xhennet. Vërtet njeriu i cili vazhdimisht është i sinqertë (në besim dhe në të folur), tek All-llahu shkruhet besimtar i vërtetë. Gënjeshtra shpie në prishje (morale), kurse prishja shpie në Xhehennem. Njeriu që gënjen vazhdimisht, më në fund tek All-llahu shkruhet gënjeshtar”.

[Only God Can Judge Me]

"Askush nuk ka besuar si duhet ,përderisa nuk e dëshiron për vëllaun e tij atë që e dëshiron për vehten e tij"

[Albanam]

“Vërtet All-llahu nuk shikon në trupat tuaj as në fizionomitë tuaja, por shikon në zemrat tuaja”.

[Albanam]

“Vërtet All-llahu i ka përcaktuar cilat janë veprat e mira e cilat të këqija, pastaj i ka sqaruar ato: Kush dëshiron me zemër të bëjë një vepër të mirë por nuk mund ta kryejë, All-llahu në tërësi do t'ia shkruajë atë vepër si të kryer, kurse nëse dëshiron të bëjë një vepër të mirë dhe e kryen, All-llahu do t'ia shkruajë dhjetë deri në shtatëqind herë më tepër. Por nëse dëshi*ron të bëjë ndonjë vepër të keqe e nuk e kryen, All-llahu do t'i shkr*uajë një vepër të mirë në tërësi, kurse nëse dëshiron dhe kryen një vepër të keqe, atëherë All-llahu ia shënon vetëm një vepër të keqe”.

[Albanam]

“Vërtet All-llahu i Gjithëfuqishëm e pranon pendi*min e robit të vet deri para gargarës së tij (frymës së tij të fundit)”.

[Albanam]

“O nje*rëz, mos e dëshironi përleshjen me armikun, luteni All-llahun për shëndet, por kur të përlesheni me armikun, atëherë bëhuni të qëndrueshëm dhe di*jeni se Xhenneti është nën hije të shpatave”.

[Albanam]

“Kush dëshiron dhe kërkon sinqerisht nga All-llahu që të jetë shehid, All-llahu do t'ia japë gradën e shehidit edhe nëse vdes në shtratin e vet”.