Të veshura seksi në vendin e punës

[Dilaver]

Shumë gra dëshirojnë që të vishen bukur për punë dhe që atje të vërehen dhe të krenohen më dukjen e tyre…Ndonjëherë në këtë edhe teprohet gjë që, mes tjerash, mund ta shqetësojë edhe partnerin tuaj.

Po ku është problemi? Diçka tjetër është veshja në punë me të cilën ndjeheni rehat, si një grua serioze e punës, dhe nuk ka shumë meshkuj të cilët do të kishin vërejtje karshi përpjekjeve tua që me veshje të kontribuoni në atë që tjerët t’ju marrin më seriozisht.
Por veshja me të cilën dukeni edhe seksi, apo më shumë seksi sesa veshje pune, është diçka tjetër. Edhe i dashuri juaj mund të ketë idenë se ju nuk visheni ashtu për shkak të punës, por për atë që t’i pëlqeni dikujt tjetër (në punë apo në rrugë).
Dhe, si ta kuptoni që të dashurit tuaj po i gumëzhinë në kokë mendime të tilla? Ai do të kërkojë nga ju, në mënyrë jo aq subtile, që të visheni më thjeshtë. Por, të dashurit me ndjenjë pak më diplomatike do t’ju thonë diçka si: “Je veshur seksi për punë”.
Ky nuk është kompliment, është shenjë se ai po ju teston se çfarë po ndodh, por nuk ia lejon vetes që këtë pyetje ta bëjë me zë. Frikohet nga përgjigja që mund ta dëgjojë. Po ashtu frikohet se çfarë do të sjellë e ardhmja në lidhjen tuaj, nëse dyshimi del i vërtetë.
Dhe çfarë të bëni në situata të tilla? Mendoni sesi visheni dhe se, veshja që përdorni, a do t’ju sjell poenë në punë. Nëse doni, sqarojani edhe të dashurit tuaj se pse visheni mu ashtu, çfarë konkretisht arrini me këtë dhe bindeni se kjo nuk ua ndryshon ndjenjat tuaja ndaj tij dhe se nuk do ta rrezikojë lidhjen tuaj.
Nëse veshja seksi vërtetë nuk ju sjell kurrfarë poenësh në punën tuaj e njëkohësisht e shqetësoni të dashurin, mendoni për atë që të kaloni në një veshje më “të butë” në diçka që të dashurit tuaj i asocion në punë dhe jo si diçka provokuese.

Është bukur kur tjerët mahniten me dukjen tuaj seksi, por a është kjo më e rëndësishme sesa që personi i dashur të jetë i lumtur dhe që të mos dyshojë në ndjenjat tuaja? Këtë pyetje bëjani vetes kur të vendosni se çfarë do të vishni për të shkuar në punë.

Telegrafi