Arabia Saudite e 58-ta ne radhe.

[Dani11]

Pritet një bum njohjesh për Kosovën
Ministri i Jashtëm i Shqipërisë, Lulzim Basha në një intervistë për BBC-në ka paralajmëruar një valë të re njohjesh të pavarësisë së Kosovës nga vendet e botës islame.
E martë, 26 Maj 2009 09:10

Ai e ka cilësuar shumë të rëndësishme miratimin e një rezolute për Kosovën nga Organizata e Konferencën Islamike gjatë samitit treditësh të mbajtur në Damask të Sirisë.

Rezoluta, që u hartua nga Shqipëria, ndërsa u hodh në votim me propozim të Arabisë Saudite, u miratua me unanimitet nga 57 vendet anëtare të Organizatës, përkundër përpjekjeve të Serbisë për ta penguar miratimin e saj.

Basha e ka cilësuar miratimin e kësaj rezolute si një sukses të madh për Kosovën, për diplomacinë shqiptare dhe për përpjekjen e përbashkët për njohjen e Kosovës në planin ndërkombëtar nga një numër sa më i madh shtetesh brenda një kohe sa më të shkurtër.

"Unë jam shumë optimist se kapitulli i ri i njohjeve i hapur me Arabinë Saudite dhe që ka vazhduar me këto dy shtetet tjera do të vazhdojë edhe në javët dhe muajt që vijojnë dhe se kjo rezolutë dhe klima e përgjithshme pozitive, të cilën Kosova e ka ndërtuar nëpërmjet sjelljes së matur dhe të drejtë të autoriteteve të saj, qeverisë së Kosovës, shmangies së provokimeve, konsolidimit të shtetit ligjor, kuadrit ligjor në vend, duke përfshirë këtu edhe mbrojtjen e minoriteteve dhe stabilizimit tërësor të situatës brenda në Kosovë dhe në rajon, do të reflektohet padyshim me një bum njohjesh në periudhën që do të vijë", ka thënë Basha./bbc/