Hashim Thaqi,nuk pritet ne Familjen Haradinaj!!

[GjIlAnAsI_cSi]

I bashkon, nata e madhe

Kryeministri Hashim Thaçi dhe Kryetari i AAK’së Ramush Haradinaj kanë ngrënë së bashku Iftar, të martën, në Natën e Madhe. Kanë folur dhe kanë buzëqeshur. Por, kjo nuk do të thotë se rivaliteti mes tyre ka marrë fund. Në fakt, nga sot ata do ta ashpërsojnë gjuhën. Listat e kandidatëve të tyre, në mesnatë, janë dërguar në KQZ. Tash, do të kërkojnë vota shtëpi për shtëpi.

Nga Përparim Isufi & Faton Ismajli më 16.09.2009 në ora 7:51
Kryeministri i Kosovës, Hashim Thaçi dhe Kryetari i Aleancës për Ardhmërinë e Kosovës, Ramush Haradinaj janë ulur në një tryezë të martën mbrëmë në Iftarin e Natës së Madhe, të shtruar nga Myftiu, Naim Tërnava.

Dy rivalët më të mëdhenj politikë në Kosovë kanë folur dhe i kanë buzëqeshur njëri-tjetrit në një hotel të Prishtinës për më shumë se gjysmë ore, për herë të parë që nga viti 2004.

Në ndeja të ndryshme jozyrtare, Thaçi e Haradinaj sikur janë marrë vesh t’i rrinë larg njëri-tjetrit brenda një perimetri të caktuar. Por atë që se bënë ambasadorë e misionarë të tjerë, e bëri Myftiu Naim Tërnava, Kryetar i Bashkësisë Islame të Kosovës.

Ai mbrëmë ka shtruar një iftar për liderët e Kosovës dhe në tavolinën kryesore ai ka zënë vend në mes të rivalëve, Thaçit e Haradinajt.

Kështu, prej natës së mbrëmshme, këta dy i kanë shtuar albumit të tyre edhe një fotografi të rrallë.
Ndeja Thaçi-Haradinaj erdhi në ditën kur stafi në partitë e tyre, sikur edhe te të tjerat, vlonte duke plotësuar formularë me të dhëna të kandidatëve të cilët deri para mesnatës duhej të dorëzohej në Komisionin Qendror të Zgjedhjeve.