Aplpe - Mac OS X Lion

**Zero Cool** · 31-08-11, 23:17

Bien aksionet e Apple pas largimit

Lajmi për largimin e Steve Jobs si shef ekzekutiv i kompanisë Apple, ka patur impaktin e tij të menjëhershëm në tregje, ndërsa aksionet e kësaj kompanie kanë pësuar një rënie drastike.

Piku i kësaj rënie u shënua që në fillim me hapjen e lajmit të dorëheqjes së tij me minus 2.5%, por grafiku vijoi ulje-ngritjet e tij deri në mbylljen me -0.66%, pra shumë ulët 373.69 $.

Steve Jobs, i cili ka qënë nën trajtim mjekësor për shkak të sëmundjes së kancerit, la të enjten detyrën e tij si shef ekzekutiv, ndërsa vetë do të qëndrojë si pronar i kompanisë Apple.

Vendin e tij e ka zënë, zv/shefi i kompanisë Tim Cook, i cili njihet nga kolegët si një njeri shumë i aftë në menaxhimin e Apple.

Vendin e tij e ka zënë, zv/shefi i kompanisë Tim Cook, i cili njihet nga kolegët si një njeri shumë i aftë në menaxhimin e Apple.

**Zero Cool** · 11-10-11, 13:12

OS X Lion i pasigurt

Pra, sistemi më i avancuar operativ në botë ka një të metë shumë të thjeshtë dhe jo të avancuar: fjalëkalimi i llogarisë së shfrytëzuesit mund të ndryshohet nga cilido shfrytëzues lokal. Po, nëse në kompjuter ndodhen llogaritë O, S dhe X, secili nga shfrytëzuesit e ndonjërit nga këto llogari mund të ia ndryshoj tjetrit fjalëkalimin.

Tashmë dihet se në OS X shfrytëzuesve root para versionit 10.7 (Tiger, Leopard dhe Snow Leopard), relativisht lehtë mund të ju thyhen fjalëkalimet e shfrytëzuesve, por risi e vërtetë është se ky problem është paraqitur prapë në Lion në një formë edhe më të keqe. Tani për ndryshimin e fjalëkalimit më nuk duhet pasur privilegjet root.

**Zero Cool** · 26-04-12, 15:20

Gjysmë milion kompjuterë Mac të infektuar

Sipas një ndërmarrje ruse për anti-virus, më tepër se gjysmë milionë kompjuterë të ndërmarrjes Apple janë infektuar me trojanin Flashback.

Raporti i vet tregon që në rreth 600,000 Mac është instaluar ky trojan – që ka mundësi t’i bëjë sulmuesit si rrëmbyes dhe të përdoret si një “botnet”

Ndërmarrja, Dr Web, thotë që më tepër se gjysma e atij numri të sipërpërmendur të kompjuterëve janë në Shtetet e Bashkuara.

Apple ka lëshuar një përditësim të sigurisë, por përdoruesit të cilët nuk e kanë instaluar atë arnim mbesin ende të pambrojtur ndaj trojanit.

Flashback ishte gjetur së pari gjatë shtatorit të vitit të kaluar kur hulumtuesit e anti-virusit e raportuan softuerin duke mos qenë si vetvetja si një përditësim i Flash Playerit. Sapo ishte shkarkuar, ky trojan deaktivizonte disa nga softuerët për siguri në kompjuterë.

Versionet e mëvonshme të trojanit shfrytëzonin dobësinë në gjuhën programuese Java për të mundësuar instalimin e kodit nga faqet e rreme pa lejen e përdoruesit.

**Zero Cool** · 30-04-12, 21:49

Fushatë e re e sulmeve në Mac

Kriminelët me sulmet keqdashëse janë sërish në gjueti për viktimat që përdorin Mac, duke e përdorur pak më ndryshe dobësinë në Java të përdorur nga boti Flashback për të shtyrë një sulm të ri në ueb, raporton ndërmarrja e sigurisë Sophos.

Kjo paraqet një taktikë që është marrë nga bota e Windowsit. Një dobësi në ndërfaqen e zakonshme të softuerit – në këtë rast Java – është shfrytëzuar shumë herë nga fushata të ndryshme keqdashëse, zakonisht në një varg të shpejt.

Dallimi kësaj here është që sulmi është një platformë dinake që po i godet përdoruesit e Mac dhe Windows.

Nëse takohet me një sistem të paarnuar Windows, sulmi instalon një derë të pasme ndërsa për kompjuterët Mac sulmuesit shkarkojnë një skript në Python për të kryer të njëjtin veprim. Megjithëse jo edhe aq i ndërlikuar, ky sulm ua mundëson hakerëve një kontroll nga larg i kompjuterëve Mac.

“Ky sulm është mjaft ndryshe nga sulmi i mëhershëm Flashback dhe mund të tregojë që banda të tjera kiberkriminale janë duke hulumtuar mundësitë e infektimit të kompjuterëve Mac,” tha Graham Cluley i Sophos.

“Megjithëse përdoruesit e Windows në përgjithësi janë mjaft të mirë me mbrojtje me anti-virus, përdoruesit e Mac janë vetëm duke e zgjuar nevojën,” tha Cluley.

Lajmi i mirë është që dobësia CVE-2012-0507 do të arnohet nga shumë përdorues si pasojë e ndikimit të publicitetit të Flashback; lajmi i keq është që dobësia është mjaft e vonshme sa disa nuk do ta bëjnë arnimin.

**Zero Cool** · 10-09-12, 17:54

Ja se si të përdorni edhe Mac edhe Windows në të njëjtën kohë

Ju ndoshta e dini që mund të përdorni Windows-in në pajisjen tuaj Mac nga mundësia e të dy sistemeve operative për shkëmbim të së njëjtës teknologji të përpunimit.

Ajo që mbase nuk e dini është se madje mund t’i përdorni që të dy në të njëjtën kohë përmes softuerit emulues si Parallels.

PCMag.com raporton që versioni i ri tani mbështet aplikacionet e Windows 8 që funksionojnë në një Mac, qoftë në sfond ose në ekran të plotë.

Nëse e keni një MacBook Pro me një paraqitje Retina, aplikacionet në ndërfaqen “Modern” të Windows 8 do të përfitojnë nga rritja e rezolucionit të paraqitjes.

Në fakt, Parallels thotë që Desktop 8 mund të përdor çfarëdo programi në një Mac, “ pa marrë parasysh nëse është një aplikacion për OS X, Windows, Google Chrome, Ubuntu, ose madje Android.”

Poseduesit e versionit të tanishëm, Desktop 7, mund të bëjnë shkarkimin e Windows 8 që tani nga Ueb faqja e Parallels për 49.99 dollarë dhe nëse ju e keni blerë Desktop 7 pas datës 25 korrik, përditësimi në Desktop 8 është falas.

Versioni i plotë ka çmimin prej 79.99 dollarësh, me një version në dispozicion për studentë prej 39.99 dollarë.

**Zero Cool** · 10-09-12, 18:04

Trojani i ri i Mac, instalohet në mënyrë sekrete, pa kërkuar fjalëkalim

Sapo është zbuluar një Trojan i ri që godet pjesë të ndryshme të Mac OS X pavarësisht llogarisë së përdoruesit ku është instaluar.

Virusi vetë-instalohet automatikisht, në mënyrë të fshehur (nuk ka nevojë për ndërveprim nga përdoruesi) dhe nuk kërkon as fjalëkalimin e përdoruesit për të infektuar Apple Mac. Ai lidhet me IP adresën: 176.58.100.37 çdo 5 minuta dhe pret për instruksione.

Antivirusi i Mac, Intego, azhurnoi programin e tij sapo u vu në dijeni të këtij virusi, që e ka quajtur “OSX/Crisis”. Ky Trojan është si gjithë të tjerët: kur instalohet, krijon një skedar të fshehtë përmes së cilit transmeton të dhëna. Por shqetësimi më i madh rreth tij është fakti se pavarësisht nëse instalohet përmes llogarive të përdoruesve me të drejta Admin apo jo, ai shton pjesë të tjera (skedarë dhe follderë) të cilët fshehin aktivitetin e tyre.

Nëse instalohet në një sistem me të drejtat e Admin, ai shton një rootkit përmes së cilit bëhet ‘i padukshëm’. Malueri krijon 17 skedarë në këtë rast dhe 14 të tilla kur instalohet përmes një llogarie pa të drejta Admin. Pjesa më e madhe e tyre kanë emra të ndryshëm por ka edhe disa që janë të përcaktuar, si psh:

/Library/ScriptingAdditions/appleHID/(në të gjitha rastet)

/System/Library/Frameworks/Foundation.framework/XPCServices/(kur instalohet nga një llogari me të drejta Admin)

Por interesant duket fakti se skedari është i instaluar në mënyrë të tillë që i vështirëson punën inxhinierisë së kundërt. Ky lloj virusi është më i shpeshtë tek Windows. Ai gjithashtu prek vetëm OS X 10.6 Snow Leopard dhe OS X 10.7 Lion. Zgjidhja më e mirë rekomandohet azhurnimi i herë pas hershëm i antivirusit të Mac.