Termat e huaj bastardojnë gjuhën

[Zero Cool]

Thuhet se gjuha ruhet aty ku shkruhet, apo parë nga këndi i të vërtetës së sotme, kjo fjali kështu edhe mund të lexohet, "Gjuha rruhet aty ku shkruhet"! Unë më shumë i druaj të kundërtës së fjalisë me domethënie të saktë. Ajo duke u shkruar me fjalë të huaja, mbase gjoja duke i shqipëzuar me ndonjë mbrapashtesë shqipe, ajo në të vërtetë është duke u gjymtuar rëndë. Në këtë zgafellë të errët më paraqitet një xixë shprese. Lum për neve, që politikanët tanë nuk shkruajn sa duhet, se vaj halli nëse do t'i lihej edhe kjo çështje atyre në dorë, ngase jemi dëshmitarë i dëshmisë së tyre për fillimin e njohjes së ndonjë gjuhe të huaj, duke e prerë pastaj me sëpatën e anglishtes trungun e gjuhës shqipe.