Lajme - thashe e thëme

[Zero Cool]

Postimi origjinal është bërë nga Gjumashja

ooo beyoncee beyoncee oooo shakira shakiraaa

Edhe kto dyja janë me PuDuKy a ?

[Gjumashja]

Postimi origjinal është bërë nga Zero Cool

Edhe kto dyja janë me PuDuKy a ?

po more me pdk gjumashja e dardaneshena

lajmi per sheqiren qe ke e kendova kongen e tyneee

[Zero Cool]

Nicki Minaj, zhveshur në videoklipin e ri


Nicki Minaj ka vendosur që të shfaqet “topless” për videoklipin e këngës së saj më të re.

Në fotot e publikuara nga ‘The Sun’, këngëtarja amerikane duket e mbuluar vetëm me dy yje floriri në pjesën e gjoksit në këngën ku ka bashkëpunuar me French Montana Freaks.

Edhe pse është e famshme për veshjet e saj shumë ekstravagante në koncerte dhe videoklipe të mëparshme, ky ekspozim është më ekstremi i 30-vjeçares.

Muajin e kaluar Nicki Minaj tronditi Twitter-in (për aq sa mund të tronditet tashmë) me disa foto të saj ku tregonte pjesë të tjera të trupit.

[Zero Cool]

Modelja Lucy acaron besimtarët katolikë





Los Anxhelos, 0

Faqja e parë e një reviste për meshkuj ku shihet një modele duke pozuar me veshje prifti ka indinjuar miliona besimtarë katolikë në Shtetet e Bashkuara të Amerikës.

Liga Katolike, një nga organizatat më të rëndësishme fetare të Amerikës, ka kritikuar ashpër revistën ‘Loaded’ për kopertinën që ka marrë shkas nga dorëheqja e Papa Benediktit të XVI.

Lucy Pinder shihet me një veshje të bardhë shumë të hapur, një kryq rreth qafës dhe një kryq tjetër në dorë. Poshtë fotos mund të lexohet titulli “Pash Zotin!”

Bill Donohue, presidenti i Ligës Katolike, tha për ‘TMZ’: “Lucy Pinder nuk e ka problem të tërheqë vëmendjen e meshkujve, kështu që mendoj se nuk kishte pse të vishej si një prift dhe të tregonte dekoltenë e bollshme. Nëse Lucy qenka kaq trime, herën tjetër e këshilloj që të vishet si një femër islamike gjatë muajit të Ramazanit dhe të marrë malet me vrap pastaj.”

[Zero Cool]

Elhaida Dani, fituese e "The Voice of Italy"





29.05.2013

Mediat italiane shkru ajnë se fituesja e talent show-t "The Voice of Italy" sipas shumë gjasave, do të jetë pikërisht 20-vjeçarja shqiptare Elhaida Dani.

"Rete 24", në një artikull online shprehet se "këngëtarja e re, e lindur dhe e rritur në Shkodër, ka një zë të bukur e të fuqishëm, por ajo që bën më shumë përshtypje është fakti që ka marrë pjesë në disa talent show në vendin e saj".

Në shkrimin mbi Elhaidën përmendet pjesëmarrja në "Star Academy" dhe fitoret e saj në festivalin "Top Fest" dhe në "Champions League" në Rumani. "Elhaida duket super e favorizuar për të fituar këtë edicion të 'The Voice', megjithëse thuajse gjithmonë ka kënduar në anglisht", shkruan "Rete 24".

Të enjten, më 30 maj do të transmetohet në televizionin italian "Rai 2" nata finale e talent show-t "The Voice of Italy". Do të garojnë midis tyre katër këngëtarët e mbetur në skuadrat e Piero Pelu, Rafaela Carra, Noemi dhe Ricardo Cocciante. Këngëtarja shqiptare është e përzgjedhura e Cocciante-s. /balkanweb

[Zero Cool]

Kardashain fiton dy milionë nga fotot e bebes?







Los Anxhelos, 01.07.2013

Kim Kardashian nuk është një person që u ikë marrëveshjeve të biznesit, edhe kur në to përfshihet vajza e saj e porsalindur North West.

Mediat amerikane shkruajnë se Kim është në biseda për t’i shitur fotografitë e fëmijës ë saj të parë me Kanye West për një marrëveshje multi-milionëshe.

Spas TMZ një revistë tashmë i ka ofruar nënës së re dy milionë dollarë. Megjithatë, marrëveshja nuk duket se do mund të kompletohet me lehtësi me babanë e foshnjës, Kanye, që refuzon të përfitojë nga North.

“Kanye nuk dëshiron të përfitojë në këtë mënyrë dhe sigurisht kur është fjala për ‘të shitur’ vajzën e tij”, ka thënë burimi.

[Zero Cool]

Dashuria e vajzës së Sulejmanit të Madhërishëm, me arkitektin shqiptar Mimar Sinan






Gazetat turke kanë publikuar pak kohë më parë një lajm sensacional, që lidhet me dashurinë e fshehtë të sulltaneshës Mihrimah.

Vajza e vetme e Sulltanit të Madhërishëm, Mihrimah, mbetet në hijen e nënës së saj të famshme, ish skllaves Rokselana (Hurrem), e cila hyri në historinë e Turqisë si bashkëshortja e pabindur e perandorisë Osmane. I ati, sulltan Sulejmani i Madhërishëm e, quajti “Mihrimah - Trëndafili i Perandorisë Osmane”. Por, ajo e ndriçoi historinë e perandorisë si një personazh shumë i rëndësishëm, si një grua me një finesë të dukshme, tepër elegante dhe shumë e ndryshme nga nëna e saj.

Emrin ja vuri vetë Sulejmani. Mihrimah përmban Diellin dhe Hënën: i ati Sulejmani simbolizon Diellin që ndriçon tokën, ndërsa e ëma Hyrjem (lindur në stepat e Ukrainës në familjen e famullitarit, e quajtur Rokselana), ndriçon natën me dritën hënore.

Vajza e vetme të cilën Sulltani e donte veçanërisht më shumë se fëmijët e tjerë, e mbante shumë afër dhe kujdesej shumë për të. Por, ajo ndjehej si ai zogu i ndrydhur në kafaz, në pallatin e madh në Topkapi. Mihrimah nga karakteri nuk i ngjante as të ëmës dhe as të atit; nuk trashëgoi nga Sulejmani ndjenjën e shfrenuar të pushtetit, por as makutërinë e të ëmës së saj.

Duke qenë vajza e Sulejmanit të Madhërishëm, ishte e detyruar të ndiqte me zemër të thyer të gjitha ritualet e rënda të perandorisë Osmane, si fundin tragjik të vëllezërve të saj në luftën e pamëshirshme për fronin. Por, edhe rituale të tjera që ishin jashtë natyrës së saj.

Ajo ishte me karakter të butë dhe e ndjeshme, i donte shumë njerëzit e familjes, si hallat e saj, kushërinjtë dhe vëllezërit. Ishte më e lidhur me të atin se sa me të ëmën, dhe e dhënë pas artit e kulturës.
Në vitin 1539 Mihrimahi ishte 17 vjeç dhe e ëma vendosi ta martojë me një burrë me diferencë moshe shumë të madhe. Ai ishte Rrustem Pasha, të cilin ajo nuk e donte dhe nuk e deshi kurrë.

Me zemër të thyer iu bind rregullave të rrepta të Perandorisë. Martesën e saj ato e quajtën si një gjest mirësie të Rokelanës ndaj pashait të madh të perandorisë, të cilin Sulltani e kishte zgjedhur për dhëndër.

Por, faktet historike burimore tregojnë një të fshehtë shumë interesante: në atë kohë Bullgaria, si shumë shtete të tjera të botës, ishte pushtuar nga otomanët. Ishte viti 1558. 160 vjet pas pushtimit turk, vendi i quajtur Strellca, i famshëm për burimet e shumta me ujë mineral, u bë pronë e të bijës së Sulltanit të Madhërishëm si dhuratë e tij personale për vajzën e shtrenjtë. Këtë fshat të bukur ia kishte bërë dhuratë Sulltani Mihrimahit për martesën. Ndërsa, Rrustem pasha, si vakëf përfitoi vendin e quajtur Arbanas (i populluar nga shqiptarë).

Me të ardhurat e këtyre vakëfeve dhe vakëfeve të tjera, çifti filloi të merrej me bamirësi si dhe me aktivitete kulturore.

Mihrimahi porositi shqiptarin e famshëm në të gjithë perandorinë, arkitektin Sinan - që ishte arkitekti kryesor i perandorisë - të ndërtonte ndërtesa të veçanta. Sipas urdhrit të saj, ai ndërtoi xhaminë e quajtur “Mihrimah” në Odrin, “Iskile” në Stamboll dhe shumë imarete (ambiente bamirësie, streha ku shpërndahej ushqim falas për të varfrit dhe të pastrehët). Sinani ka ndërtuar edhe xhaminë e madhe që gjendet në qendër të Sofjes.

Sinani u dashurua marrëzisht me Mihrimahin, së cilës zjarri i dashurisë ia pushtoi zemrën. Vetëm atëherë e bija e Rokselanës e kuptoi ndjenjën më të lartë të dashurisë. E përmendur për inteligjencën natyrale në mënyrë që ta përcillte sa më bukur ndjenjën e dashurisë, ajo iu përkushtua artit të pikturës tradicionale në ujë, të quajtur ebru. Jeta e saj ishte si pikturat që bënte mbi sipërfaqe: disa figura vetëm i prekte, të tjerat shkriheshin. Pikturat e saj ishin plot me dashuri për arkitekt Sinanin, por edhe me vuajtje, me ndrydhje të shpirtit që pikonte lot…

Por, çfarë thonë kronikat e asaj kohe për dasmën e të mirës e të bukurës dhe Rrustem Pashës?

Ajo ishte pika e dobët e Sulejmanit të Madhërishëm. Dasma e tyre ishte me të vërtetë si në përrallat e njëmijenjë netëve. E paimagjinueshme...

Sinani nuk e harroi dashurinë e tij. Për të thuhet se Sinani ndërtoi një xhami të vogël në Edirnekapı, pa miratimin e Portës, por krye më vete. Legjenda thotë se më 21 mars (kur dita dhe nata janë të barabartë, që është edhe ditëlindja e Mihrimahit), në kohën e perëndimit të Diellit, nëse keni pamje të qartë të të dy xhamive të punuara nga ai, do të vini re se si Dielli shkon pas minares së vetme të xhamisë “Mihrimah”, ndërsa Hëna ngrihet në mes dy minareve të xhamisë së Uskudarit.

[Zero Cool]

Armina Mevlani sfidon Tunën, tregon “zogun”








Armina Mevlani, bukuroshja që eksperimenton në zhanre të ndryshme të spektaklit, modës dhe gazetarisë, ditën e diel ishte e ftuar speciale e emisionit humoristik “Apartamenti 2XL”.

Mevlani gjatë spektaklit ka interpretuar rolin e Dezdemonës, por gjatë shtrirjes skenike ajo ka nxjerrë në shesh “zogun”.

Pas Tunës që tashme e quan veten si “Zogu më i mirë prej krejtve” edhe Armina Mevlani ka provokuar me hiret e saj, kësaj radhë duke treguar dhe të brendshmet.

Edhe gjatë emisionit, humoristi Julian Deda nuk ia ka shqitur sytë “hapjes skenikë të këmbëve” të bukuroshes, madje duke iu drejtuar publikut: “Ore çfarë patë ju ëëë??” Armina së fundmi është përfolur edhe për një lidhje dashurore me djalin e ish-kryeministrit, Sali Berisha, Shkëlzen Berishën.

[Zero Cool]

Kim Kardashian u mbyll gojën kritikëve






Ka qenë objektiv talljesh kur u shëndosh gjatë shtatzënisë, por tani Kim Kardashian nuk ka asgjë për t’u tallur.







33-vjeçarja u ka mbyllur gojën kritikëve me një xhiro në bregdetin e Majemit duke treguar format e saj vetëm gjashtë muaj pas lindjes së vajzës North West.







Kim kishte zgjedhur një bikini të bardhë për të na lënë me gojë hapur edhe një herë tjetër.

[Zero Cool]

Bëhu mysliman, martohem me ty










Ish-miss Bahreini Shaila Sabt thotë se krenohet me yllin portugez të Real Madridit, Cristiano Ronaldon dhe se ajo është e gatshme edhe të martohet me të, por vetëm me një kusht, nëse Ronaldo pranon konvertimin në fenë islame.

Sabt, 24 vjeçare, e cila u shpall për Miss Bahreini në vitin 2010, deklaroi se ëndërron të martohet me portugezin, por që paraprakisht ai do të duhej të pranonte islamin, fe të cilës ajo i përket. Sabt po ashtu është e njohur edhe si aktore në Bahrein, ndërsa hobi ka gjimnastikën, boksin dhe hipizmin.

[Zero Cool]

Shqiptari i Kosovës hyri në Guinness







Autoritetet e Librit Guinness të Rekordeve, kanë certifikuar veprën gjigante “Mozaiku i vlerave” të realizuar nga Don Dominik Qerimi. Lajmin e ka konfirmuar për KultPlus, autori i kësaj vepre i cili është prift katolik dhe drejtor i Qendrës "Don Bosko" në Gjilan. “Mozaiku i vlerave”, përbëhet nga 51 mijë e 865 boça të pishave. Kjo vepër është e gjerë 15 metra dhe e gjatë shtatë metra, ndërsa në të janë portretizuar figura e humanistes Nëna Terezë, Gjergj Kastrioti Skënderbeu dhe Don Boskos. Ceremonia zyrtare e dorëzimit të çmimit do të mbahet më 8 shkurt në Gjilan.


Qerimi është prift katolik. U lind më 1971 në fshatin Janosh të Gjakovës. Aktualisht është drejtor i Qendrës “Don Bosko” në Gjilan.

“Mozaiku i vlerave” ka kaluar një proces të verifikimit prej datës 26 dhjetor 2013, kur janë dërguar të gjitha dokumentacionet dhe materialet e nevojshme pranë zyrës së Guinnessit.





Vepra ka hyrë në kategorinë e re të krijuar enkas për këtë mozaik, me titullin: “Largest pine cone mosaic” (Mozaiku më i madh në botë me boça pishash), me numrin e regjistrimit ID: 437233.

Vepra përbëhet nga 51 mijë e 865 boça të pishave të cilat janë mbledhur në një periudhë prej katër vitesh.

Vepra është përuruar më 21 dhjetor të vitit që lëmë pas, në mjediset e Teatrit të Qendrës Edukativo-Sociale “Don Bosko” në Gjilan.






“Një ndër karakteristikat që njeriu veçohet nga krijesat e tjera, është edhe fakti se njeriu nuk jeton vetëm nga ato që i plotësojnë nevojat dhe prirjet e tija fizike, por edhe nga nevojat dhe prirjet e tija shpirtërore, ndër të cilat mund t’i radhisim vlerat dhe virtytet. Andaj ky mozaik quhet ‘Mozaik i vlerave’, sepse ka për qëllim që të na bëj të dashurohemi dhe të na edukojë shpirtin në ato vlera, universale, kombëtare dhe lokale”, ka thënë Don Qerimi.

[Zero Cool]

Genta Ismaili ‘lëpihet’ në skenë







Tiranë, 12.02.2014

Paraqitja e këngëtares Genta Ismaili në ‘’X Factor Albania’’, është cilësuar si elektrizuese. Genta e shkundi e tundi gjatë një remiksi, i cili shkonte ‘’playback’’ në transmetim. Këngëtarja bëri shou, bashkë me balerinët që e shoqëronin në skenë.

Në një moment, Genta u lëpi me gjuhë nga njëri prej djemve që vallëzonte bashkë me të. Genta fitoi gjithë duartrokitjet e zjarrta të publikut, ndonëse jo edhe të kolegëve të saj që gjendeshin në panelin vlerësues. Ata, e duartrokitën shkurt, sa për të thënë.