Lajme

[Dilaver]

GJENDEN PAS 30 ORESH DY FEMIJET E ZHDUKUR

Pas 30 ore kerkimesh jane gjendur 2 femijet Martin e Ndrec Lala, perkatesisht 12 dhe 11 vjec, nga fshati Dom i Pukes, te cilet konsideroheshin te zhdukur. Ata u gjenden nga familjaret te stresuar dhe te uritur ne nje peme ne pyllin afer fshatit te tyre te rrethuar nga ujqrit. Femijet kishin dale dje nga shtepia e tyre per te mbledhur arra, por jane perballur me ujqrit. Per t(iu shpetuar ata hipen ne nje peme pa patur as mundesine me te vogel per te zbritur pasi kafshet e egra nuk jane larguar per asnje cast nga pema.

[fadil]

Kabineti për Qeverisje së Mirë e vlerëson inkurajuese vizitën e fundit të Eides Kosovë

Në mbledhjen e rregullt të Kabinetit për Qeverisje të Mirë, të drejtuar nga lideri Hashim Thaçi, u shqyrtua situata politike aktuale në Kosovë.


Në deklaratën e lëshuar pas mbledhjes në të tjera teksohet se Kabineti për Qeverisje së Mirë vlerëson se vizita e fundit e z. Kai Eide është inkurajuese dhe shpreh optimizmin se amabasodori Eide do ta vlerësoj pozitivisht progresin e këtyre gjashtë viteve në Kosovë. "Kabineti për Qeverisje të Mirë vlerëson se skandalet e njëpasnjëshme të qeverisë aktuale, me theks të veçantë në skandalin e kryeministrit Kosumi, të cilin e pranoi edhe publikisht, për marrjen e mitos në shumë rreth tridhjetëmijë euro, tregon për shkallën e lartë të papërgjegjësisë dhe thellimit të korrupsionit moral, financiar dhe politik.Për shkak të involvimit të drejtpërdrejtë të Kryeministrit Bajram Kosumi në korrupsion, ligjet antikorrupsion dhe etika qytetare imponojnë kërkesën parimore për dorëheqjen e menjëhershme të tij, gjegjësisht lirimin e tij nga detyra e kryeministrit, siç ndodh kudo në shoqëritë demokratike. Me këtë rast i bëjmë thirrje kryeadministratorit të Kosovës z. Jessen-Petersen dhe organeve kompetente të drejtësisë që të fillojnë hetime të menjëhershme për zbardhjen e këtyre skandaleve të cilat po i kushtojnë imazhit të Kosovës dhe po vëjnë në pikëpyetje etablimin e institucioneve demokratike dhe të përgjegjshme vendore. Gjithashtu, kërkojmë që të ndërmirren masa urgjente për mbrojtjen e shërbimit civil të Kosovës nga ndërhyrjet dhe spastrimet politike nga qeveritarët aktualë të cilët janë vetë objekt i hetimeve të rënda policore. Tani është koha të dëshmohen në vepër slloganet e shumëpërmendura se do të ketë zero tolerancë ndaj krimit dhe se askush nuk është mbi ligjin. Në të kundërtën, besimi i qytetarëve në sundimin e ligjit dhe në paanshmërinë e sistemit të drejtësisë në Kosovë do të rrënohet edhe më shumë" thuhet në deklaratën nga takimi i sotëm i Kabinetit për Qeverisje të Mirë.

[MemphiSx]

Phyyyyyy mos lejoni bre me qit Lajme 't'qajtorev :D :D

Mos lejoni me ja hup vleren Rubrikes t'lajmes ;)

[Gentiani]

Ish-diplomati amerikan, Richard Holbrooke flet për Kosovën në gazetën zvicerane “NZZ am Sonntag”. Ai deklaron se nëse bashkësia ndërkombëtare i largohet përgjegjësisë për Kosovën, atëherë në rrugët e Prishtinës do të rrjedhë gjak

Holbrooke: Është humbur momenti për zgjidhjen e statusit të Kosovës


Ish-ndërmjetësi amerikan në konfliktet e Ballkanit, Richard Holbrooke deklaroi në një intervistë për gazetën zvicerane “NZZ am Sonntag” se “gjatë katër viteve të fundit të presidencës së George W. Bush-it, Amerika nuk ka lëvizur asnjë gisht për Bosnjën dhe Kosovën, përveç se ka tërhequr trupa ushtarake dhe ka humbur ndikimin”. “Por, administrata e dytë e Bush-it, tani është zgjuar nga gjumi. Ministrja e jashtme, Condoleezza Rice ka mbledhur rreth vetes një ekip të mirë, prej të cilëve disa, si nënsekretari Nick Burns, kanë punuar me mua dhe kanë marrë pjesë në arritjen e marrëveshjes së Daytonit”,- thotë Holbrooke.
Lidhur me të ardhmen e Kosovës, diplomati Holbrooke u shpreh: “Kosova është shumë më e rrezikshme se Bosnja. Bosnja është një shtet i varfër, por banorët e saj me shekuj kanë jetuar paqësisht me njëri-tjetrin. Kosova është krejt ndryshe. Ajo i përngjan një fishekzjarri që mund të shpërthejë në çdo kohë”.
Holbrooke tha se patjetër duhet të hiqet dorë nga politika “standardet para statusit”. Kjo formulë, sipas tij, përherë ka qenë një ‘fluskë’, një politikë qesharake. “Në fakt në çdo mbledhje, në të cilën bisedohet për të ashtuquajturat standarde – qoftë ndarja e ujit apo e energjisë, apo të drejtat e refugjatëve, dhe ish të burgosurve të luftës – fjala është vetëm për statusin, pra çështja është: a do të jetë Kosova krahinë serbe, apo do të bëhet e pavarur? Kësaj çështje nuk mund t’i shmangeni. (...) Përherë kam tërhequr vërejtjen se “standardet para statusit” do të shtynin zgjidhjen dhe do të ngriheshin tensionet”.
Tito dhe Kosova
Në pyetjen e gazetës, nëse formula e standardeve ka një logjikë, sepse nuk dëshirohet që të krijohen kufij të rinj ndërkombëtarë, si dhe në pyetjen se përse duhet të hiqet dorë nga ky parim, i cili kishte vlejtur për “Dayton”-in, Holbrooke u përgjigj, se problemi i Kosovës është më i komplikuar: “Shpesh merren parasysh vetëm republikat jugosllave, por duhet po ashtu të merret parasysh se Kosova nën Titon, nuk u bë republikë, vetëm për arsye se në të, serbët do të kishin mbetur pakicë. Nga ana tjetër, Tito pranoi se Kosova ishte një rast i veçantë. Pra, të dy palët kanë argumente. Kësaj i duhet shtuar, se ju nuk mund të trajtoni si këdo tjetër, një territor ku 90 për qind e popullsisë janë të pakënaqur me përkatësinë e tyre shtetërore”.
64- vjeçari Holbrooke tha se çështja e Kosovës mund të zgjidhet, por do të jetë shumë më vështirë, se sa mund të ishte mes viteve 2000-2003. “Atëbotë Beogradi ka qenë i gatshëm për një marrëveshje, forcat e NATO-s kanë qenë më të fuqishme se sot. Tani tensionet mes serbëve dhe shqiptarëve janë shtuar, në fund të gushtit u vranë dy të rinj serbë. Dhe lajmi më i keq për të gjithë: kryetari kosovar Ibrahim Rugova lëngon nga kanceri në mushkri. Është humbur momenti (për zgjidhjen e çështjes së Kosovës). Kjo është diçka e keqe, sepse të shfrytëzosh çastin, është një ndër fshehtësitë më të rëndësishme të diplomacisë”.
I pyetur mbi propozimin e Zvicrës për një Kosovë me sovranitet të reduktuar, Holbrooke tha se nuk e njihte propozimin, por “një gjë është e qartë: Kosovës nuk mund t’i jepet pavarësia e plotë brenda një nate. Hapat në këtë drejtim, duhet të kushtëzohen me garanci të udhëheqjes shqiptare për të drejtat dhe sigurinë e pakicës serbe. Serbët kanë qenë shtypës, por tani ata duhet të mbrohen nga aktet e dhunshme. Situata i përngjan asaj në Shlezi pas Luftës së Dytë Botërore, kur polakët vranë dhjetëra-mijëra gjermanë. Diçka e ngjashme do të përsëritej, nëse urrejtja etnike në Kosovë do të përshkallëzohej. Nuk duhen pasur iluzione: nëse bashkësia ndërkombëtare i ikën përgjegjësisë, atëherë nëpër rrugët e Prishtinës do të rrjedhë gjak.




13/09/2005
KATEGORIA: Kosove

[Fshatari]

PRISHTINE (14 Shtator) - Bashkimi Evropian ka shume probleme dhe deshiron qe te zgjidhe sa me shpejt problemin me Kosoven, ne menyre qe asaj t`i jape pavaresi. Keshtu shkruan gazeta polake "Zhecpospolita" duke iu referuar burimeve diplomatike ne BE. E perditshmja autoritative polake ben te ditur se percaktimi i fillimit te bisedimeve per ardhmerine e Kosoves do te varet nga raporti i te derguarit te posacem te Kombeve te Bashkuara, i cili pritet te jete negativ.

"BE-ja, e cila e vezhgon situaten ne Kosove, nuk do t`i jape rendesi te madhe raportit. Keshtu do te mund te realizohet skenari i kryetarit te Kosoves Ibrahim Rugova, sipas te cilit, Kosova deri me 12 qershor te vitit 2006 te jete e pavarur", shkruan gazeta polake. "Zhecpospolita", shton me tej se nje nder arsyet per pershpejtimin e percaktimit te statusit te Kosoves eshte semundja e kryetarit kosovar, i cili, si ithtar i rruges se padhunshme drejt pavaresise, eshte i vetmi qe mund te arbitroje ndermjet politikaneve te hidheruar shqiptar te Kosoves.

Gazeta nuk perjashton mundesine qe pavaresia e Kosoves te jete e kushtezuar, por paralajmeron se Beogradi zyrtar nuk do ta pranoje kete, meqe per autoritetet serbe eshte e pranueshme formula "me pak se pavaresi me shume se autonomi, ose ndarje e Kosoves ne pjesen serbe dhe ate shqiptare". "Heret a vone shumica shqiptare do t`i deboje serbet nga enklavat e tyre", deklaroi per gazeten polake Daniell Server nga Instituti per raportim per lufte dhe paqe, duke shtuar me kete rast se ndarja nuk eshte zgjidhje e mire. em/em(MakFaksBalkanweb)

[Fshatari]

Grupi i krizave ka harruar që edhe Presheva duhet të bëhet qendra e dytë administrative e Kosovës lindore. Në të kundërten, propozimi i GNK-së ngjan shumë i zbehtë, i njënanshëm, subjektiv dhe si i tillë i parealizueshëm.
Nuk duhet lënë tri komunat e pastra shqiptare (Preshevë, Bujanocë e Medvegjë) nën çizmën e skllavit! Kjo do t'ishte e pamundshme!
Si duket, GNK-ja injoron këtë problem : leadershipi kosovar mund t'ia komunikojë krejt lehtë këtë problem aq të ndieshëm, të dhembshëm e të pazgjidhur të kësaj toke autentike shqiptare ku krimi serb ndaj tyre ka qenë i vazhdueshëm, monstruoz dhe i pandëshkuar!
Kaq për sa i përket propozimit serbofil të GNK-ve!

Teksti i lajmit të plotë :
"PRISHTINE (14 Shtator) - Grupi Nderkombetar i Krizave ka nxjerre sot nje raport, ku propozon rruget per zgjidhjen e situates ne Mitrovice, si domosdoshmeri per ecurine e procesit te statusit perfundimtar te Kosoves. Grupi i Krizave thote se integriteti teritorial esthe politika e duhur per Mitrovicen, pasi ndarja e saj do te sillte me shume tensione ne Kosove dhe mungese stabiliteti gjetke ne Ballkan.

Nje nga propozimet qe bie me shume ne sy eshte ai per emerimin e nje Komisioneri te posacem per Mitrovicen, gjate periudhes se percaktimit te statusit, ne rangun e zevendesit te perfaqesuesit te Sekratarit te Pergjithshem te OKB-se. Grupi i Krizave thote se UNMIK-u dhe KFOR-i duhet te rimarrin ne dore gjendjen ne veri te lumit Iber, nen drejtimin e komisionerit. Po ashtu ne raport thuhet se stacionet e paligjshme policore te Beogradit duhet te hiqen nga veriu i Kosoves. Per te siguruar integritetin territorial, por pa ngjallur frike mes serbeve se nuk do te kene asnje lloj pushteti mbi jeten e tyre, grupi propozon vendosjen e dy ose tre ministrive ne Mitrovice, ne vend qe te jene ne Prishtine dhe madje mbase edhe Gjykaten e Larte.

Po ashtu sugjerohet nje stacion televiziv kombetar ne gjuhen serbe, si edhe disa elemente te qeverisjes qendrore te Kosoves, si per shembull qendra e sistemit arsimor, shendetesor dhe sherbimesh te tjera sociale per te gjithe serbet e Kosoves. Grupi i Krizave thote se si komuniteti nderkombetar, ashtu edhe qeveria e Kosoves duhet te synojne bashkepunimin e qeverise serbe ne kete drejtim. Ideja eshte qe pa marre nje status zyrtar si nje njesi me vete, veriut serb i Mitrovices i duhet dhene ne thelb nje status autonomie.

"Shqiptaret, -thuhet ne raport- duhen bindur qe mbeshtetja per keto nisma, do te lehtesonte presionin per ndarjen tek lumi i Ibrit". Grupi i Krizave, qe e ben te qarte se preferon qe rezultati perfundimtar te jete nje pavaresi funksionale me kushte per Kosoven, thekson gjithsesi se mos-ndarja e Kosoves nuk mund te realizohet vetvetiu. Dhe duke pasur parasysh pikerisht nje gje te tille, duket se Grupi i Krizave ne thelb propozon shnderrimin e Mitrovices ne qytetin e dyte me te rendesishem zyrtar te Kosoves, pas Prishtines dhe veriun e tij te banuar me serbe, kryeqendren administrative te gjithe serbeve te Kosoves. db/db(ZeriAmerikes/Balkanweb)".

[Dilaver]

Britania nuk e përjashton pavarësinë e Kosovës

Prishtinë, 15 shtator - Ministri britanik për Evropë Dagllas Aleksander deklaroi sot në Prishtinë se pavarësia e Kosovës është opsion për të ardhmen e saj.
"Pavarësia është një opsion për të ardhmen e Kosovës, por kjo mbetet në procesin e përcaktmit të statusit përfundimtar për të ardhmen e Kosovës", u shpreh ministri britanik, i cili që nga pasdita e djeshme ndodhet në Kosovë.
Ministri Aleksander vuri në dukje nevojën për një konsensus kombëtar në Kosovë para fillimit të bisedimeve për statusin përfundimtar. Njëherit ai shfaqi shpresën se raporti i ambasadorit Kai Aide do të hapë rrugën për procesin e statusit përfundimtar.
Ministri britanik tha se bisedimet për statusin janë vetëm një hap për të ardhmen e Kosovës, duke bërë thirrje që e ardhmja e Kosovës të ndërtohet mbi bazën e tolerancës, paqes, sigurisë dhe prosperitetit për të gjithë qytetarët e saj.
Dagllas Aleksander shprehu kënaqësinë për solidaritetin e popullit të Kosovës pas sulmeve të 17 korrikut në Londër, si një lëvizje drejt miqësisë midis dy popujve. Gjatë një takimi të shkurtër para një pllakati në qendër të Prishtinës ku shkruante "Britani e Madhe, populli i Kosovës është me Ju", ministri britanik konfirmoi se Londra do ta përkrahë Kosovën në procesin drejt statusit final dhe aspiratat për paqe e prosperitet.
"Dua t'ju siguroj sot se populli britanik do të qëndrojë me popullin e Kosovës dhe do të ndajë me ju ambiciet që keni për paqe e prosperitet për të ardhmen. Jam shumë i kënaqur me këtë lëvizje përpara drejt forcimit të miqësisë midis dy popujve tanë. Ju siguroj se populli britanik do të qëndrojë me ju në sfidat që do t'i keni gjatë javëve dhe muajve të ardhshëm", nënvizoi Dagllas Aleksander, i cili në këtë post ka trashëguar z.Denis Mekshejn, i cili disa herë ka vizituar Kosovën.

[Dilaver]

Presidenti Rugova përgëzon qytetarët e Kosovës në 14-vjetorin e Referendumit për Pavarësinë e Kosovës

Prishtinë, 26 shtator - Presidenti i Kosovës, Dr. Ibrahim Rugova, ka përgëzuar sot qytetarët e Kosovës për 26 Shtatorin, ditën kur para 14 vjetësh u mbajt Referendumi për Pavarësinë e Kosovës.
Në mesazhin e Presidentit Rugova thuhet:
"Me rastin e 14 vjetorit të mbajtjes së Referendumit për Pavarësinë e Kosovës, Ju shpreh urimet e mia të përzemërta.
Dita e 26 Shtatorit të vitit 1991, dita e Referendumit për Pavarësi, do të mbetet në historinë më të re të Kosovës si njëra ndër ditët më të mëdha, sepse e konfirmoi vullnetin politik të popullit dhe të qytetarëve për pavarësinë e vendit tonë
Referendumin për Pavarësi i kurorëzoi Deklaratën e Pavarësisë dhe Kushtetutën e Republikës (korrik, shtator 1990), duke u bërë akti më madhor i popullit tonë për të siguruar ekzistencën dhe të ardhmen e pavarur përgjithmonë.
Dhashtë Zoti që sa më parë ta gëzojmë njohjen e drejtpërdrejtë të pavarësisë së Kosovës nga miqtë tanë", thuhet në mesazhin e Presidentit Rugova”.

[fadil]

Ftesës së Dacit nuk iu përgjigjën LDK dhe PDK... Kosovë

Kryetari i Kuvendit të Kosovës, Nexhat Daci bisedoi sot me përfaqësues të disa partive politike rreth arritjes së një konsensusi për grupin negociator para seancës së nesërme plenare.


Nënkryetari i Aleancës për Ardhmërinë e Kosovës, Naim Maloku shprehu edhe një herë përkrahje e partisë së tij për krijimin e grupit negociator, duke thënë se pavarësia e Kosovës është e panegociueshme, por se Kosova duhet të hyjë në atë proces. Ndërkaq, nënkryetarja e partisë ORA, Teuta Sahatçiu, tha se e përkrahin krijimin e grupit negociator, por kërkoi sinçeritet më të madh nga pozita.
Ftesës së kryeparlamentarit Daci, nuk iu përgjigjen përfaqësuesit e partive më të mëdha politike, ata të LDK-së dhe të PDK-së.

[Dilaver]

Deputetët e Kuvendit të Kosovës me shumicë votash miratuan deklaratën e Presidentit Ibrahim Rugova për ekipin negociator

Prishtinë, 28 shtator - Deputetët e Kuvendit të Kosovës me shumicë votash miratuan deklaratën e Presidentit Ibrahim Rugova për ekipin negociator për bisedimet eventuale për statusin e Kosovës.
Para votimit shefat e grupeve parlamentare të LDK-së dhe AAK-së i dhanë mbështetje të plotë vendimit të Presidentit Rugova për ekipin negociator, ndërkaq ai PDK-së bëri vërejtje ndaj ekipit. Sipas shefit të Grupit parlamentar të PDK-së Jakup Krasniqi, deklarata e Presidentit të Kosovës është e njëanshme dhe është bërë pa konsultim paraprak, duke kërkuar që grupi negociator të plotësohet edhe me anëtarë të grupeve etnike dhe të qytetarëve.
Ndërkaq lideri subjektit tjetër opozitar ORA Veton Surroi mbështeti deklaratën e Presidentit Rugova, por bëri disa vërejtje.

[Dilaver]

Hetime kundër 1O policëve serbë për vrasjen e 5O anëtarëve të familjes Berisha në Therandë

Beograd, 29 shtator - Këto ditë do të nisin hetimet kundër një grupi policësh serbë të dyshuar për krime lufte në Therandë (ish-Suhareka). Hetimet kundër 1O policëve serbë do të zbatohen për shkak të krimeve të kryera gjatë vitit 1999 - vrajses së 5O anëtarëve të familjes Berisha.
Trupat e anëtarëve të familjes Berisha bashkë me shqiptarët e tjerë të vrarë në Therandë janë transportuar në një varrrezë masive në pologonin e policisë në Batajnicë afër Beogradit, ekzistimi i së silës është bërë e ditur në vitin 2OO1, njoftojnë mediat serbe. Në mesin e dyshuarve për këtë krim janë edhe disa
zyrtarë të lartë të policisë serbe në atë kohë me detyrë në Kosovë, ndërkaq disa prej tyre dhe sot janë në poste me përgjegjësi.

[fadil]

Thaçi i propozon Kuvendit rezolutë për pavarësinë Kosovë

Kryetari i Partisë Demokratike të Kosovës, Hashim Thaçi propozoi miratimin e rezolutës për rikonfirmimin e vullnetit të qytetarëve të Kosovës për shtet të pavarur. Në vazhdim të seancës plenare të Kuvendit të Kosovës Thaçi tha se të gjithë si qytetarë jemi deklaruar për shtet të pavarur, por jo edhe si deputetë.


Kryeparlamentari Daci tha se ky propozim do të shtrohet ne procedurë të rregullt. Këtë qëndrim e përkrahën edhe shefat e grupeve tjera më të mëdha parlamenatre në Kuvend.

[Krokodilli]

Organizata serbe “Tigrat” merr përgjegjësinë për sulmin ndaj kolonelit të SHPK-së Jankoviq

Një organizatë që veten e quan Garda e Vullnetarëve Serbë “Tigrat”, përmes postës elektronike ka marrë përgjegjësinë për sulmin ndaj kolonelit të SHPK-së, Dejan Jankoviq, në Kaçanikun e vjetër. Në këtë deklaratë, kjo organizatë e quan Jankoviqin “tradhtar të popullit serb”.


Nuk ka konfirmime zyrtare për ekzistimin e kësaj organizate, e cila e quan veten pasardhëse e “Tigrave” të Arkanit.

[Dilaver]

Pas lajmit të z. Krokodili pason tjetri:

Pjesëtarët e SHPK-së kanë arrestuar dy pjesëtarë të xhandarmërisë serbe

Ferizaj, 3O shtator - Në aksin rrugor Doganaj - Shtërpcë mbrëmë pjesëtarët e SHPK-së kanë arrestuar dy persona serbë. Gjatë një kontrolli është vërtetuar se në bazë të dokumenteve ata janë pjesëtarë të xhandarmërisë serbe, por të veshur si civilë. Ata me vete kishin armë. Të dy ata u janë dorëzuar organeve të hetuesisë.


Burimi; QIK

[MemphiSx]

Prishtinë, 3O shtator - Presidenti i Kosovës, Dr. Ibrahim Rugova, me dekret të veçantë e ka dekoruar Profesor Bardhyl Çaushin me Medaljen e Artë të Pavarësisë për merita të Tij për lirinë dhe pavarësinë e Kosovës gjatë viteve '90.
Ky dekorim bëhet me rastin e gjetjes së eshtrave dhe varrimit të Prof. Bardhyl Çaushit.
Dorëzimi i Medaljes do të bëhet së shpejti në një ceremoni të veçan