Barcelona

[LaCoStA]

Messi luajti i sëmurë ndaj Osasunës





Lionel Messi dëshiron te jetë pjesë e Barcelonës edhe atëherë kur nuk ndihet mirë me shëndet. Në ndeshjen e së mërkurës ndaj Osasunës që Barcelona e fitojë 4-0 ai ka luajtur i sëmurë pasi që atë ditë në mëngjes kishte ethe dhe temperatura. Lajmin e ka zbuluar vetë trajneri Pep Guardiola i cili ka thënë se ishte vetë Messi ai që i kërkoj të luaj në atë gjendje.

“Messi nuk ndjehej mirë gjatë mëngjesit dhe për shkak etheve dhe temperaturës ne e dërguam në shtëpi. I thashë që të vijë ta shikojë ndeshjen, në rast se ndjehet më mirë, mirëpo ai tri orë para fillimit të ndeshjes më telefonoi dhe më tha se dëshiron të luajë, prandaj e vendosa në bankën rezervë, ka theksuar Guardiola.

[LaCoStA]

Guardiola më i mirë në botë





Pep Guardiola është zgjedhur trajneri më i mirë në botë për vitin 2011. Guardiola me epërsi bindëse grumbulloi 201 pikë, para Jose Mourinhos të Real Madridit me 112 pikë, dhe Alex Fergusnoit me 107 pikë.


Sipas Instituti Ndërkombëtar për Futboll për Histori dhe Statistika, Pep Guardiola u shpërblye për sukseset e tij ta panumërta me skuadrën e Barcelonës, duke arritur të fitoj tituj të rëndësishëm si Liga e Kampionëve dhe La Liga spanjolle.

Kështu duket klasifikimi i trajnerëve të vitit në botë:




1.Pep Guardiola (ESP) 201 FC Barcelona
2. Jose Mourinho (POR) Real Madrid 112
3. Sir Alex Ferguson (ESC) Manchester United 107
4. André Vila-Boas (POR) 78 Chelsea
5. Roberto Mancini (ITA) Manchester City 45
6. Muricy Ramalho (BRA) Santos 20
7. Ivan Jovanoviç (SER) Lefkosia APOEL 11
8. Jorge Luis Sampaoli (ARG) Universidad de Kili 11
9. Durimi Domingos (POR) Sporting Club 10
10. Jorge Daniel FOSSATI (Uru) El-sadd Doha 10 .
11.Jupp Heynckes (ALE) Bayern Munich 10
12. Arsene Wenger (FRA) Arsenal,9

[LaCoStA]

Mourinho dhe Ronaldo mungojnë në Topin e Artë



Real Madridi ka konfirmuar në një komunikatë zyrtare se Jose Mourinho dhe Cristiano Ronaldo do të mungojnë në ceremoninë e ndarjes së çmimit FIFA Topi i Artë, që do të mbahet në Zvicër.

Mos pjesëmarrja e Ronaldos dhe Mourinhos nuk vjen si shkas pse Messi do ta fitojë Topin e Artë, por pse Real Madridi një ditë pas ceremonisë ka ndeshjen kthyese ndaj Malagas në Copa del Rey.

“Real Madridi do të dëshironte që lojtari dhe trajneri të jenë të pranishëm në Zurich, por kjo nuk do të jetë e mundur pasi nuk mund të jemi kundër atyre që e kontrollojnë kalendarin e ndeshjeve”, theksoi një zëdhënës i klubit madrilen.

Ndarja e çmimit FIFA Topi i Artë bëhet më 9 janar dhe i nominuar për çmimin kryesor është Cristiano Ronaldo, kurse Jose Mourinho është i nominuar për trajnerin më të mirë të vitit që lamë pas.

[LaCoStA]

Messi: Jam i krijuar për Barcën



Barcelona është klubi më i mirë në botë dhe unë dua ta përfundoj karrierën këtu- ka deklaruar superylli argjentinas, Lionel Messi.

Messi ka fituar gjithçka me Barcën, ndërsa është në rrugë për ta fituar Topin e Artë për të tretën herë radhazi.

“Unë jam te klubi më i mirë në botë, asnjë skuadër tjetër nuk do të më plotësonte sikur Barcelona; shpresoj që të qëndroj këtu derisa të lodhen nga unë, që shpresoj të mos ndodhë kurrë”.

“Jam rritur në La Masia dhe jam njeri i krijuar te Barca”, ka thënë Messi për Marca.

[LaCoStA]

Benitez: Guardiola, trajner i vitit



Ish-trajneri i Liverpoolit dhe Interit, Rafa Benitez, mendon se menaxheri i Barcelonës, Pep Guardiola, duhet të shpallet trajneri i vitit 2011 nga FIFA.

Çmimi prestigjioz do të ndahet të hënën mbrëma në gala evenimentin e ‘FIFA Topi i Artë’ që do të mbahet në Cyrih, ndërsa Guardiola konkurron me Jose Mourinhon (Real Madrid) dhe Sir Alex Fergusonin (Manchester United).

“Është vështirë të zgjedhësh, por unë nuk dua t’i shmangem pyetjes”.

“Gjithmonë kam thënë se e favorizoj një mënyrë më karakteristike të interpretimit të futbollit, ambientin dhe vet jetën, që më dërgon te përgjigja: Pep Guardiola”, ka thënë Benitez për Mundo Deportivo.

[LaCoStA]

Rrëshqet Barcelona

Me rezultat prej 1-1, ka përfunduar derbi katalan mes Espanyolit dhe Barcelonës që u zhvillua të dielën mbrëma në Estadi Cornella-El Prat.

Në gjysmën e parë të takimit u shënua një gol, ndërsa Blaugranët nuk ishin aq bindës siç dinë të jenë zakonisht.
D
ani Alves dërgoi një top në drejtim të Cesc Fabregas, i cili me kokë e mposhti portierin Alvarez (16’), ndërsa me epërsi minimale të mysafirëve skuadrat shkuan në pushim.



Në fraksionin e dytë, lojtarët e Barcës mundoheshin ta imponojnë lojën e tyre, mirëpo jo rrallëherë rrezikoheshin nga skuadra vendase.

Ndërkohë që Blaugranët kërkonin golin e sigurisë, ndodhi e kundërta, shënoi Espanyoli.

Raul Rodriguez dërgoi një top në drejtim të Thievy Bifoum, ky i fundit e gjeti Alvaro Vazquezin, i cili me kokë e barazoi rezultatin (86’).



Në fund të takimit, Barcelona pati një rast të shkëlqyer për të shënuar, por edhe një mundësi penaltie, por kështu nuk mendoi arbitri, i cili gjatë gjithë mbrëmjes mori disa vendime kontroverse.

Ky barazim e lë Barcelonën pesë pikë prapa liderit Real Madrid.

[LaCoStA]

Messi favorit për të fituar Topin e Artë



Pas edhe një viti të jashtëzakonshëm gjatë 2011-tës, Lionel Messi është favoriti i basteve për të fituar çmimin e tertë Topi i Artë para Cristiano Ronaldos dhe Xavit.


Ceremonia Fifa Topi i Artë zhvillohet sot në mbrëmje në Zurich të Zvicrës dhe do ta shpërblejë lojtarin i cili supozohet të ketë pasur vitin më të mirë në botën e futbolli nga lista prej tre yjeve.

Cristiano Ronaldo është favoriti i dytë për të fituar FIFA Topin e Artë. Në shifrat e basteve ai ka një koeficient 10.00. Portugezi megjithatë nuk do ta ndjekë këtë ngjarje, e as trajneri i tij, Jose Mourinho.

Madje ylli i Real Madridit edhe vetë kishte deklaruar se më shumë preferonte Këpucën e Artë Evropiane se sa Topin e Artë. “Topi i Artë është rezultat i opinioneve të njerëzve, pasi bazohet në vota. Në anën tjetër, ky shpërblim [Këpuca e Artë] nuk varet nga votat e askujt”, kishte thënë ylli i Madridit.

Por portugezi mund të duket ca përbuzës me këto komente për shkak të gjasave më të mëdha të Lionel Messi për ta fituar titullin. Argjentinasi pati edhe një vit tjetër për t’u mbajtur mend duke shënuar më shumë se një gol për ndeshje për klubin gjatë dy sezoneve të kaluara.

Messi është në prag për të fituar Topin e Artë për të tretin vit radhazi. Koeficienti nëse vendosni bast për të është vetëm 1.07. Bashkëlojtari i tij te Bracelona, Xavi, po ashtu ka një koeficient të lartë në baste, 17.0, duke qenë favoriti i fundit.

Kush mendoni se do ta fitojë FIFA Topin e Artë? Jeni mendimin tuaj në hapësirën për komente!

[LaCoStA]

Guardiola: La Liga nuk ka mbaruar ende



Trajneri i Barcelonës, Pep Guardiola, ka thënë se skuadra e tij ende është në garë për titullin e La Ligës pas barazimit të mbrëmshëm 1-1 ndaj Espanyol.

Një gol i vonshëm nga Alvaro ia mohoi fitoren Barcelonës, pasi Cesc Fabregas e kishte çuar kampionin në fuqi të Spanjës në epërsi pas 16 minutash lojë.
Barazimi e le Barcelonën pesë pikë prapa liderit të tabelës, Real Madridit, por kjo gjë nuk e shqetëson Guardiolën.

“La Liga nuk ka mbaruar ende, nuk mendoj se një pjesë e madhe e ligës na ka rrëshqitur. Ka ende shumë ndeshje të mbetura; ne kemi një skuadër shumë të mirë mbi ne, por ata kanë ndeshje të vështira përpara”.

“Synimi jonë i vetëm është të shikojmë te vetja, të vazhdojmë të bëjnë gjëra të mira siç bëmë sot dhe t’i përmirësojmë gjërat në të cilat nuk kemi vepruar aq mirë”, ka thënë Guardiola pas ndeshjes së mbrëmshme.

[LaCoStA]

Busquets i zhgënjyer me barazimin



Mesfushori i Barcelonës, Sergio Busquets, ka shprehur zhgënjimin e tij pas barazimit 1-1 ndaj Espanyol në derbin e mbrëmshëm lokal.

“Ne kishim ca momente të vështira në fund të pjesë së parë, pasi ata kishin shanse të pastra. Në pjesën e dytë ne ishim më të mirë se Espanyol, por ata barazuan”.

“Ne kishim mundësi të fitojmë, por në fund kjo nuk funksionoi. Edhe pse merituam më shumë, ne ishim kundër një rivali të vështirë dhe nuk mundëm të bëjmë asgjë më shumë për rezultatin”, ka thënë Busquets.

[LaCoStA]

Giuly: Messi më i miri në botë



Ish-sulmuesi i Barcelonës, Ludovic Giuli, ka deklaruar se Lionel Messi është pa dyshim futbollisti më i mirë në botë dhe se meriton Topin e Artë.

“Messi është më i miri në botë. Statistikat e tij të jashtëzakonshme mund të ndryshojnë një ndeshje”.

“Problemi është se ne nuk mund të shpërblejmë askë. Xavi është mik i imi dhe mendoj se ai është dashur ta fitonte Topin e Artë të fundit sepse ai fitoi gjithçka dhe ai ishte kampion bote. Në mënyrë që ta shpërblejmë Xavin, duhet të ndajmë një Top të Artë të dytë”, theksoi Giuly.

[LaCoStA]

Është sërish ai



Superylli i Barcelonës, Lionel Messi, e ka fituar për të tretën herë radhazi çmimin më të madh individual që ndahet në futboll- FIFA Topi i Artë.

Sulmuesi argjentinas ka mposhtur bashkëlojtarin e tij te Barcelona, Xavi Hernandez dhe rivalin e tij kryesor, Cristiano Ronaldo (Real Madrid), për ta arritur rekordin e Michel Platinit, duke e fituar tri herë radhazi këtë çmim prestigjioz.



Trajneri i Barcelonës, Pep Guardiola, fitoi çmimin e trajnerit më të mirë, ndërsa në konkurrencë pati Jose Mourinhon (Real Madrid) dhe Sir Alex Fergusonin (Manchester United), i cili u nderua me çmimin ‘FIFA Presidential Award’.



Çmimi për futbollisten më të mirë të vitit 2011, i shkoi japonezes Homare Sawa. Ylli i Santosit, Neymar, mori çmimin ‘FIFA Puskas Award’ për golin më të bukur, derisa çmimi ‘FIFA Fair Play’ i shkoi Federatës Japoneze të futbollit.




Përmbledhje e çmimeve të ndara nga FIFA:

Lojtari më i mirë- Lionel Messi
Lojtarja më e mirë- Homare Sawa
Trajneri më i mirë i meshkujve- Pep Guardiola
Trajneri më i mirë i femrave: Norio Sasaki
FIFA Presidential Award: Sir Alex Ferguson
Çmimi ‘Fair Play’: Federata Japoneze e Futbollit
Çmimi Puskas: Neymar


Formacioni i vitit (FIFPro World XI):
Portier: Iker Casillas (Spanjë, Real Madrid)
Mbrojtës: Dani Alves (Brazil, Barcelonë), Gerard Pique (Spanjë, Barcelonë), Sergio Ramos (Spanjë, Real Madrid), Nemanja Vidic (Serbi, Manchester United)
Mesfushorë: Andres Iniesta (Spanjë, Barcelonë), Xabi Alonso (Spanjë, Real Madrid), Xavi (Spanjë, Barcelonë)
Sulmues: Lionel Messi (Argjentinë, Barcelonë), Cristiano Ronaldo (Portugali, Real Madrid), Wayne Rooney (Angli, Manchester United)


Statistika për vitin 2011 për tre kandidatët për çmimin prestigjioz FIFA Topi i Artë:



LIONEL MESSI
Argjentinë
Paraqitje- 13
Gola- 4
Asistime- 10
Tituj me përfaqësuesen- 0
Barcelonë
Paraqitje- 57
Gola- 55
Asistime- 25
Tituj me klubin- 5



CRISTIANO RONALDO
Portugali
Paraqitje- 9
Gola- 7
Asistime- 1
Tituj me përfaqësuesen- 0
Real Madrid
Paraqitje- 51
Gola- 53
Asistime- 16
Tituj me klubin- 1



XAVI HERNANDEZ
Spanjë
Paraqitje- 9
Gola- 2
Asistime- 2
Tituj me përfaqësuesen- 0
Barcelonë
Paraqitje- 53
Gola- 8
Asistime- 12
Tituj me klubin- 5

[LaCoStA]

Platini: Messi bën gjëra madhështore



Presidenti i UEFA-s, Michel Platini, ka thënë se Lionel Messi e ka merituar plotësisht çmimin FIFA Topi i Artë.

Ylli argjentinas ka arritur rekordin e legjendës franceze duke u bërë lojtari i dytë që e ka fituar tri herë radhazi trofeun prestigjioz.

“Topi i Artë është diçka e veçantë. Është subjektiv, por aty ka kritere. Fakti që i kemi dhënë tri trofe një djaloshi si ai është logjik, sepse ai bën gjëra madhështore”.

“Siç kam thënë, ai është ndihmuar nga një grup i veçantë, siç është ai te Barca”, ka deklaruar Platini për Goal.com.

I pyetur nëse Messi mund të bëhet futbollisti më i mirë në botë, Platini është përgjigjur: “Ta lëmë ta përfundojë karrierën. Kur Ronaldinho e fitoi Topin e Artë (2005), unë thash se ai do të fitonte edhe shumë të tjerë, por ai nuk e bëri asnjëherë më”.

[LaCoStA]

Barcelona klubi më i mirë në botë në 2011



Barcelona është zgjedhur skuadra më e mirë në botë për vitin 2011. Sipas IFFHS-së Barca është e para me 367 pikë të tubuara, duke lënë Real Madridin mbrapa me 312 pikë si dhe Velez Sarsfieldin me 271 pikë.

Dy skuadrat nga Manchesteri, United dhe City zënë pozitat 4 dhe 5, ndërsa Santosi i Neymarit renditet i 6-ti.

Bayerni Muncheni gjerman nuk zë vend ne top 10, duke u renditur vetëm në pozitën e 12.

Klasifikimi:

1.FC Barcelona (ESP) 367,0
2. Real Madrid (ESP) 312,0
3. Vélez Sarsfield (ARG) 271,0
4. Manchester United (ING) 270,0
5. Manchester City (ING) 239,0
6. Santos (BRA) 238,0
7. Universidad de Chile (CHI) 235,5
8. Benfica (POR) 235,0
9. Oporto (POR) 231,0
10. Universidad Católica (CHI) 230,0

[LaCoStA]

Barcelona me fanela “ndryshe” me Osasunën



Skuadrës së Barcelonës i është pranuar që në ndeshjen e sotme ndaj Osasunës të paraqitet me një ndryshim të vogël në fanelat e saj. Barca sot do të ketë mbishkrime në fanela.

“Kampion Bote 2011” do të jetë mbishkrimi i Barcelonës në fanela, pasi që i është lejuar një gjë e tillë pasi që FIFA e shpalli Barcelonën si skuadrën e vitit.

Një gjë e tillë i ishte lejuar më parë edhe Milanit e Manchester Unitedit, pasi fituan këtë çmim. Ndeshja ndaj Osasunës do të jetë kthyese në garën për Kupën e Spanjës

[LaCoStA]

Barcelona e sigurt me Betisin



Është kthyer në 5 diferenca e pikëve ndërmjet Barcelonës dhe Real Madridit. Katalunasit kanë fituar në terrenin e tyre 4:2 ndaj Betisit.

Vendësit krijuan epërsinë e dyfishtë shumë shpejt me golat e Hernandez në minutën e 10 dhe të Messit në të 12. Martin ngushtoi në minutë n e 32, kurse për befasinë e të gjithëve Cruz barazoi në minutë n e 52.

Por, ndeshja duhej fituar gjithsesi dhe epërsinë e ktheu Alexis Sanchez në minutë n e 75. Vulën fitores ia vuri Messi me penalltinë e minutë s 86.