Poezi te perzgjedhura nga Linka_Pz

[Linka_pz]

FALJA

Zot i math e i vërtetë
Që kreve ç'shohëm në jetë,
Edhe të tjerë që janë
Pa funt pa krye pa anë,
Edhe kudo je ti vetë,
Syri yn tekdo shikon,
Që nga lint e gjer tek përndon,
Më çdo vënt të sheh fuqinë,
Urtësin' e madhërinë,
Falna gjithë mirësitë,
Epna dituri e dritë,
Tregona udhën' e mirë,
Mos na lerë n'errësirë,
Dhurona gjithë të mirat,
Mërgona nga të pështirat.

Zot! falna vëllazërinë,
Dashurin' e miqësinë,
Epna dëshirë të msojmë,
E të mirat të punojmë,
Bëna të but' e të qetë,
E të urt' e të vërtetë,
Jetënë ta trashëgojmë.

Naim Frashëri

[luan_i]

Linka_pz.

Për ty vetëm përgëzime në përzgjedhje poezishë. Me të vërtetë të mrekullueshme. Të lumtë!

[Linka_pz]

Ktheje kokën… ashtu mos ik


S’e ke mire që s’më flet
Ti e di të kam MIKE
Të paktën kokën ktheje pak,
Vetëm syrin ta shikoj.

… Aty ndrin një dritëz e bukur,
Që krejt udhën ma ndriqon.
Unë s’kam faj, s’jam fajtor.
Ah kjo zemra, kjo të kërkon.

Ktheje kokën, folmë në emër,
Edhe shihmë drejt në sy.
Në ke shpirt, në ke zemër,
Në ke gjak… në je njeri.

Me te drejten e Autorit .

[Linka_pz]

Vaji i Nositit

Ah, s’qenka liqeri i asaj dite qershori,
Trishtueshëm mbi vale ikën Nositi.
Brigjeve dëgjohet një këngë e trishtë vaji,
E më thotë edhe mua të iki, të iki.

Të iki e të qaj Nosit vëllai,
Për dashurinë, holluar si fije peri,
Se për mua s’të bie ndërmend ty,
Se mua s’më do më as liqeri.

Trishtueshëm mbi vale ikën Nositi,
Më thot edhe mua të iki, të iki,
Larg prej këtej, larg E bukura ime
Për pak ngushëllim, për pak ngushëllim.

Këngë të trishtë vaji po këndon Nositi
Edhe unë, ja.. po iki, po iki.

Me te drejten e Autorit .

[Linka_pz]

Atdheu


E para mjegull e Shtatorit
Porsi qefini te mbuloi
Sa shpejt nga syte atdhe me humbe
Sa shpejt erresira te gllaberoi
Si djerse te ftohta ndrinin naten
Mbi ballin tend te argjendte yj`
`Me tel me gjemba gjoksi yt
I lidhur mbeti ne kufi.
Ashtu te lashe i shtrenjti vend
Dherrugen mora per ketej
Ku valle me con kjo rruge e larget?
Kur valle serish tek ti do te kthej?
Floriri i vargjeve te mia
U shkri per ty me dhembshuri
Tani si hekur shpirti im
Me lot u ndryshk dhe u nxi...
Si djerse te ftohta ndrinin naten
Mbi ballin tend te argjendte yj`
Me tel me gjemba gjoksi yt
I lidhur mbeti ne kufi.
Ashtu te lashe i shtrenjti vend
Dhe rrugen mora per ketej
Ku valle me con kjo rruge e larget?
Kur valle tek ti do te kthej?


Bilal Xhaferri

[Linka_pz]

Pse…


Nga mbrapa të ndjekë…
Më ndjekë edhe ti
Më shoqëron, të shoqëroj, fjalë nuk ndërrojmë
Në sy njëti tjetrin s’shikojmë dot

Vallë… pse kjo heshtje, në vlim zjarresh
Pse s’më vjenë, pse nuk më pret
Apo heshtjen ke zgjedhë ti
Për t’më vrarë tinëzishtë

Por s’ka dert Mikesha ime
Edhe vdekjen do e pres
Se ndofta atëher do kujtohesh
Se unë rilindë, por nuk vdes.

N. K

[Linka_pz]

TOKË E ÇUDITSHME


Kosova është një dhembje më shumë
se dhembjet
Trollin e ashpër
të ashpër e mban
përmbi

Qiellin e errët
të errët e mbyll
në gji

Ajrin e ftohtë
të ftohtë si malet
e përbin
Ujin e zi
të zi e vjell
çudi....


Sali Beqiraj

[Linka_pz]

Kalamajtë e Lgjes sime


Dimër i madh, acar
Bardhësia verbon sytë
Dhe ashti ndrydhet, mërdhinë
Shtresa akulli dhe lumenjtë kan vënë

Kalamajtë rrëshqasin dëborës rrëshqimë
Ashtu, grupe grupe se çjanë bërë
Garojnë, kush i pari do shkojë në cak
I fundit denimin ka hak

Gëzohen kalamajtë e Lagjes sime
Edhe kur marrin denimin e radhës

Edhe kur të parët në cak arrijnë

Nuk çajnë kokën për PDK a LDK
As për Ahtissarin a për koalicione
Kalamajtë bëjnë jetën e tyre
Për ta Liria nuk njeh fund.

N. K.

[guri70]

bardhèsitè
e bjeshkève
loja e fèmijève me borè
ka vite qè mè mungojnè

[Linka_pz]

E megjithate une shkruaj poezi


Diku, midis ndjenjës dhe arsyes
emri yt
mbeti pezull!
Diku, midis ikjes dhe pritjes
malli im
mbeti pezull!
Diku, midis ndarjes dhe humbjes
gëzimi u hidhërua,
ëndrra mbeti ëndërr!

Elinda Marku

[Linka_pz]

Kodi moral


Parandjenje e erret,
shqetesim i thelle,
sinqeritet i terbuar,
perse qenkeni
dhe qenkemi bere?!...
jam zemeruar...
me inatin,
plus dhmbjen
minus engjejt keq'beres
shumezuar gjykimin,
perkryer perditshmerine,
pjesetuar fatin,
kerkuar rastin,
thjeshtuar eren,
dashur faljen,
falur lutjen,
vrare ngritjen e piedestalit
te ndeshkimit,
shto shtojcat ...
pa perfundimin.


Elinda Marku

[Linka_pz]

Poezia e humbjes


Ti asnjehere s'e kupton çfare humb
Lodron si nje mace ne hapesiren
E gjelber te syve te tu
Dhe une i fyer i poshteruar
Te pergjoj pas hijes sime
Behet vone, sa vone nga ndarja
Une mbi prush thyej shkarpa
Si idiot i fryj hirit
Ndizu zjarr
Dhe hedh aty lule, shami, vjersha
Rrobat e çdo gje qe kam
E ngel nje lakuriq i varfer, zhveshur
Qe zjarri dot me s'e ngroh.
Ti asnjehere s'e kupton çfare humb
lodron si nje gjethe ne lulishtet pa ane
Te syve te tu
Por une dua te te dua
Me çdo kusht...

Ervin Hatibi

[Linka_pz]

Nje heshtje e gjate


Nje heshtje e gjate mbreteron kete nate,
se di
pse ne cdo qelize ndjej frike,
ne xhamin e mbuluar nga tisi i nates
shoh nje dore,
ndjej nje ze
qe me thote, me prit.

[Linka_pz]

Mbeta nje cast


U perballa me dallget e jetes
ne kulmin e rinise,
zbulova rrenjet e se vertetes
mes sfides dhe pabesise.
Ngriva kallkan,
u zbardha si bore,
mbeta nje cast
me zemer ne dore.




Lorena Stroka

[Linka_pz]

Parajsa e gjymtuar

rubai

Çdo sundimtar, kur turmën mbanë me shpresë,
Parajsë e bën ndër sheshe Shqipërinë,
Ndërsa parajsa s’ndahet në dy pjesë
Siç ndahet Shqipëria shamizezë.

Ndaj sot çdo gjepur mund të themi,
PoShqipëri s’ngrihet në parajsë
Edhe sikur të bëhet kopsht Edeni,
Gjersa e mbanë Kosovën Polifemi.

Vërtetë e mburr Evropa Shqipërinë,
E bën parajsë, e josh ndër autostradë
Dhe ne të mjerët fare nuk e dime:
Parajsa nuk e njeh në mes kufinë…

Kështu ju them një menquri të lashtë,
Që gjyshi plak në oxhak dikur e gdhendi;
“Nuk bëhet Shqipëria sot Parajsë
Përderisa Kosova mbetet jashtë”…



Dritero Agolli