Lajme

[Zana_ch]

Doneli: Perëndimi do të ndjekë tani me vëmendje zhvillimet në Kosovë Intervistoi Ardita Simiçia
31-01-2006



Presidenti Rugova ishte një figurë dominuese në politikën e Kosovës, një fakt tregues se politikat e tij paqësore dhe qëndrimi i moderuar kishin gjetur vend në zemrat e shqiptarëve, thekson analisti i Institutit Amerikan Enterprise, Tomas Doneli. Ky fakt, thekson analisti, eliminon shqetësimet për radikalizimin e mundshëm të politikës në Kosovë. Zoti Doneli paralajmëroi se Perëndimi do të ndjekë me vëmendje zhvillimet dhe se është tani përgjegjësia e klasës politike në Kosovë për të treguar pjekuri dhe moderim:

Zëri i Amerikës: Zoti Doneli, si do të ndikojë vdekja e Presidentit Rugova në klimën politike në Kosovë. Shumë analistë kanë ngritur shqetësimin se mund të nxisë radikalizimin e frymës politike. Si mendoni ju?

Tomas Doneli: Ka deri diku vend për shqetësim. Këtë shqetësim e kanë shprehur edhe Shtetet e Bashkuara dhe Evropa. Por mendoj se ky shqetësim është ekzagjeruar. Nuk është e rastit që Dr. Rugova ishte figura dominuese në politikën e Kosovës: arsye ishte qëndrimi i tij paqësor, dhe aftësia për të bashkuar fraksionet. Ai ishte përfaqësues i aspiratave për pavarësi, por ishte njëkohësisht një njeri paqësor dhe me këtë qëndrim ai gjeti vend në zemrat e kosovarëve. Kosova ka njohur dhunë ekstreme dhe të gjithë shpresojmë që askush të mos dëshirojë më dhunë. Shpresojmë se edhe pas vdekjes së Dr. Rugova, fryma e tij të mbijetojë. Mendoj se momenti për radikalizim ka kaluar, që pas përfundimit të konfliktit dhe mendoj se kosovarët e kuptojnë se procesi politik që ka filluar dhe që po mbështetet nga Shtetet e Bashkuara dhe evropianët ka shumë gjasa t’i çojë drejt pavarësisë. Logjika e do që ata të tregohen të moderuar. Nëse tregohen disi të duruar, procesi pritet të përfundojë me pavarësinë. Në këtë moment, nxitja e fraksioneve nuk do të bëjë tjetër veçse do të ngadalësojë procesin.

Zëri i Amerikës: Si Shtetet e Bashkuara, ashtu edhe Bashkimi Evropian u kanë bërë thirrje udhëheqësve të Kosovës që të zgjedhin një President të ri, i cili të punojë drejt konsensusit. Sa e realizueshme mendoni është kjo, ndërkohë që edhe kur Presidenti Rugova ishte ende gjallë pamë prirje për luftën për pushtet:

Tomas Doneli: Deri diku kështu është politika. Në demokraci politika ka pikërisht këtë mision: të ndihmojë njerëzit të zgjidhin marrëdhëniet politike dhe marrëdhëniet në strukturën pushtetore. Megjithë anët pozitive të karakterit të Presidentit Rugova, ai ishte nganjëherë i pavendosur dhe në disa raste e kishte të vështirë të tregonte një rol të fortë udhëheqës. Pra ky moment ofron një mundësi për një brez të ri të udhëheqësve të Kosovës të marrin situatën në dorë. Ndoshta nga kjo luftë për pushtet do të dalë në skenë një figurë e re, një udhëheqës i cili të jetë njëkohësisht i fortë dhe i vendosur në politikën e brendshme për të bashkuar në një qëndrim të vetëm forcat politike, por të vazhdojë edhe procesin për ta çuar Kosovën drejt fazës së re të jetës së saj politike, e cila me pak durim, ka shumë shanse të jetë pavarësia.

Zëri i Amerikës: Pasi të rifillojë procesi i negociatave, sa i vështirë mendoni se do të jetë ai? Cilat janë disa nga pengesat kryesore që mendoni se do të ndeshen?

Tomas Doneli: Havier Solana është shprehur se do të ketë një ngadalësim të procesit. Evropianët do të presin për të parë nëse do të vërtetohen shqetësimet e tyre për radikalizim. Pra udhëheqja e Kosovës ka tani përgjegjësinë për të treguar se çdo gjë do të shkojë si duhet. Këtë shqetësim e kanë edhe vende të tjera në rajon. Do të ketë një periudhë ndërprerjeje, por shpresojmë të jetë sa më e shkurtër. Ka gjithashtu të ngjarë që pasi të shohim një udhëheqje të re të dalë në skenën politike të Kosovës, procesi mund të përshpejtohet. Nëse në skenë dalin udhëheqës të vendosur dhe të fortë ka shumë të ngjarë që procesi të vazhdojë. Për shumë vite kemi hedhur këtë valle të gjatë rreth urës së pavarësisë, dhe tani ka ardhur koha ta kalojmë këtë urë.

Zëri i Amerikës: Procesi i decentralizimit është një ndër temat e para që do të diskutohet në negociatat për status. Shqiptarët në Kosovë kanë ngritur idenë që të njëjtat të drejta që kërkon Beogradi për pakicat serbe në Kosovë duhet t’u njihen edhe shqiptarëve në Luginën e Preshevës. A mendoni se ekziston një paralelizëm ndërmjet këtyre dy situatave?

Tomas Doneli: Nuk mendoj se çështja thelbësore është forma e decentralizimit. Çështja thelbësore janë të drejtat legjitime të pakicave dhe mbrojtja e tyre nga qeveria. Decentralizimi është më tepër një strategji negociimi. Por parimi i vërtetë është që qeveritë, qofshin në Beograd, Prishtinë apo kudo gjetkë duhet t’u garantojnë pakicave të tyre mbrojtje. Çështja e decentralizimit është thjesht një term për çështjen më thelbësore të garancive për të drejtat e pakicave. Zgjidhja e problemit qëndron tek parimi. Decentralizimi, si mekanizëm, nuk është në vetvete një zgjidhje më e mirë se një qeveri e centralizuar. Në përvojën amerikane, një qeveri legjitime qendrore u ka siguruar mbrojtjen më të mirë pakicave. Pra një qeveri qendrore që ka fuqinë për të mbrojtur pakicat që ndodhen larg kryeqytetit është garancia më e mirë e të drejtave politike të pakicave. Është e rëndësishme të shmanget një proces që çon në kantonizim. Prirja që ka marrë debati mbi decentralizimin është shqetësuese, pasi mund të shndërrohet në shtytje drejt ndarjeve territoriale, në vend që t’i shërbejë një bashkimi më të fortë. Pra ky debat, në vend që të marrë në shqyrtim parimin e të drejtave të pakicave drejtpërdrejt, e ka shndërruar këtë parim në një temë të dorës së dytë.

Zëri i Amerikës: Në qoftë se do të ishit në vendin e Martii Ahtisarit dhe do të uleshit me palët në tryezën e bisedimeve, çfarë do të bënit?

Tomas Doneli: Pikësëpari, do të përpiqesha të theksoja qëndrimin e zotit Rugova. Si të gjithë politikanët, ai nuk ishte i përkryer, por dëshira e tij për politika paqësore, shpresoj të jetë trashëgimia që na la pas. Mendoj se ka ardhur koha t’i afrohemi direkt urës së pavarësisë. Ky është një proces i vështirë, por nuk do të bëhet më i thjeshtë me kalimin e kohës. Kosova ka përjetuar një periudhë qetësimi që pas konfliktit dhe mendoj se ka ardhur koha për negociatat përfundimtare. Shtetet e Bashkuara dhe me sa duket edhe evropianët e kanë pranuar se pavarësia është e vetmja zgjidhje e pranueshme. Do të jetë e vështirë të bindet edhe Beogradi për këtë, por gjendja në Ballkan ka ndryshuar. Pasi të kalojë një periudhë e logjikshme zije për Presidentin Rugova, do të vijë koha për punë serioze për të shënuar përparim jo vetëm në Kosovë, por në mbarë rajonin që ishte ish-Jugosllavia. Është koha që popujt e rajonit të mësojnë përsëri të bashkëjetojnë në paqe dhe të kapërcejnë shkatërrimet që kaluan në 15 vitet e fundit

[Dilaver]

Në Sfeqishtë të Hanit të Elezit mbrëmë janë vrarë tre vëllezër

Hani i Elezit, 1 shkurt - Mbrëmë rreth orës 20 në fshatin Sfeqishtë të Hanit të Elezit ka ndodhur një tragjedi e rëndë - vrasje e trefishtë. Sipas shtypit të sotëm, me armë zjarri janë vrarë vëllezërit Vehbi (26), Adil (21) dhe Nuramin Shkreta (17), djemtë e Nejazi Shkretës nga ky fshat. Kjo vrasje e trefishtë është konfirmuar mbrëmë edhe nga policia, por pa dhënë hollësi për ngjarjen tragjike. Zyrtarja për informim e SHPK-së, Sabrije Kamberi, përveç që e ka konfirmuar rastin e rëndë, ka thënë se vrasjen policisë ia kishite paraqitur një fshatar i Sfeqishtës, fshat mu në vijën kufitare me Maqedoninë. Sipas policisë, kufomat i ka gjetur axha i viktimave Xhevat Shkreta, i cili edhe ka njoftuar policinë. Kamberi ka njoftuar se në vendin ku ka ndodhur vrasja e tre vëllezërve Shkreta, afër shtëpisë së tyre në fshatin Sfeqishtë, janë gjetur shumë gëzhoja.
Motivet e vrasjes së trefishtë nuk dihen, sikur as autori.

[Zana_ch]

SHBA: STATUSI I KOSOVES ZGJIDHET NE 2006-N

Perkushtimi kryesor i Shteteve te Bashkuara lidhur me procesin per percaktimin e statusit perfundimtar te Kosoves eshte qe negociatat per kete te permbyllen gjate ketij viti, tha sot i derguari i posacem i Shteteve te Bashkuara te Amerikes per statusin e Kosoves, Frank Wisner, i cili mbreme ka arritur ne Prishtine dhe ka takuar ekipin negociues te Kosoves. Dje nderkaq, zoti Wisner bisedoi ndare me udheheqes te institucioneve, me udheheqes opozitare dhe me perfaqesues te serbeve te Kosoves. Ambasadori Wisner tha pas takimit me kryeministrin Kosumi se kishte sqaruar edhe me shume qendrimet e Grupit te Kontaktit: "Grupi i Kontaktit ne Londer ka nxjerre perfundime qe hapat e metejshem te krijojne nje ambient qe do ta beje te mundur nje zgjidhje paqesore te negociuar," tha ambasadori Wisner, i cili parmbreme tha se Shtetet e Bashkuara duan te sigurojne qe procesi per statusin te shkoje ne drejtimin e duhur, qe te mos kete kthim ne gjendjen e para vtit 1999, qe te mbrohen kufijte e Kosoves, funksionimi i institucioneve te ligjshme dhe te mbrohen te drejtat e pakicave. Wisner perseriti dje se procesi duhet te permbyllet gjate ketij viti: "SHBA eshte e perkushtuar dhe e vendosur per ta kerkuar paqen, per ta ndjekur ate, per t(i cuar keto negociata deri te permbyllja e tyre dhe qe kjo te behet sa me shpejt qe te jete e mundur dhe te sigurohemi qe kjo do te ndodhe gjate ketij viti," tha zoti Wisner, nderkohe qe kryeministri Bajram Kosumi duke vleresuar qendrimet e Grupit te Kontaktit dhe te qeverise amerikane tha: "Eshte nje hap perpara drejt sqarimit edhe me te mire te rruges se Kosoves drejt statusit perfundimtar te Kosoves dhe une e falenderova ambasadorin Wisner per punen e tij, falenderova qeverine amerikane per ndihmen qe eshte duke dhene ne qartesimin e procesit per statusin perfundimtar te Kosoves", tha kryeministri Kosumi. Nderkaq, kryetari i Partise Demokratike ne opozite, Hashim Thaci, tha se Kosova eshte e gatshme te garantoje respektimin e te drejtave te pakicave, reformimin e pushtetit lokal , bashkepunimin me vendet fqinje e prioritete te tjera, por jo te negocioje edhe sovranitetin:

"Mbi te gjitha nuk mund ta negociojme sovranitetin e Kosoves. Do t(i bindim edhe Brukselin edhe Uashingtonin se 2 milione qytetare te Kosoves e meritojne ta kene shtetin e vet te pavarur."

Zoti Thaci tha se ambasadori Wisner kishte shprehur qendrimin amerikan se edhe vullneti i qytetareve te Kosoves duhet te merret parasysh per percaktimin e statusit. Nderkaq, sipas kryetarit te partise Ora, Veton Surroi, mesazhi i zotit Wisner ishte shume inkurajues, pasi reflekton debatin e bere ne Grupin e Kontaktit ne Londer dhe qe eshte nga njera ane deshmues per rritjen e nivelit te seriozitetit te bashkesise nderkombetare, edhe per sa i perket avancimit te procesit, edhe nga aspekti i asaj se si mund te formesohet procesi negociator: "Ceshtja qe me duket se eshte vendimtare ne paraqitjen e zotit Wisner dhe Grupit te Kontaktit eshte se do te varet jashtezakonisht shume dhe ne forme thelbesore se si do te perfundoje ky proces, perkatesisht qe pala kosovare eshte pala me e interesuar per ate se cfare do te jete perfundimi i ketij procesi."

[Zana_ch]

Nju Jork, 3 shkurt - Mbledhja e Këshillit të Sigurimit të Kombeve të Bashkuara kushtuar Kosovës në vend të 7 shkurtit do të mbahet më 14 shkurt. Në këtë mbledhje për gjendjen në Kosovë pritet të raportojë shefi i UNMIK-ut Soren Jesen Petersen.
Po ashtu në këtë mbledhje do të marrë pjesë edhe kryeministri Bajram Kosumi, por në cilsinë e mysafirit. Kosumi bëri të ditur se pas mbledhjes do të ketë takime me përfaqësuesit e ndryshëm të vendeve anëtare të KS.

[Zana_ch]

Uashingtoni i cilson joreale kërkesat e Beogradit për Kosovën

Uashington/Londër, 3 shkurt - Ministri i Jashtëm i Unionit Serbi-Mali i Zi Vuk Drashkoviq ka mbetur i zhgënjyer nga takimet që ka pasur në Uashington me ligjvënës dhe me nënsekretarin e Shtetit Nikolas Bërns. Madje, siç pohon edhe vetë Drashkoviq, Bërns i ka thënë atij se "qëndrimet e Beogradit për Kosovën janë joreale dhe se dëmtojnë realizimin e asaj që është reale".
Por edhe nga asnjë takim Drashkoviq, si është shprehur vetë, nuk bart mesazh optimiste. Sipas tij, Haga është pengesë e pakapërcyeshme në përfshirjen e Beogradit në Partneritetin për Paqe, në NATO dhe se rrezikohen bisedimet për stabilizim-asociim, ndërsa një pozicion shumë i dobët i Beogradit është rreth Kosovës.
"Gjithkund bëhet vërejtje, ndërkaq Bërns këtë e ka nënvizuar posaçërisht, se disa kërkesa dhe qëndrime tona me rastin e bisedimeve për statusin e ardhshëm të Kosovës janë joreale dhe se dëmtojnë realizimin e asaj që është reale", është shprehur Drashkoviq, njofton BBC.
I pyetur të sqarojë se çfarë konkretisht pala amerikane e konsideron joerale në kërkesat e Begradit, Drashkoviq ka thënë se "joreale janë të gjitha ato që nuk respektojnë një nga parimet nga kryesore të Grupit të Kontaktit, se në asnjë rast nuk ka kthim në gjendjen para vitit 1999". "Në të vërtetë konsiderohet se këto negociata në një pjesë kanë përfunduar ende pa filluar", është shprehur Drashkoviq.

[Zana_ch]

Pas zisë kombëtare nuk do të vonohet procedura për zgjedhjen e Presidentit të ri, thotë Daci


Prishtinë, 3 shkurt - Kryetari i Kuvendit të Kosovës Nexhat Daci, është shprehur se pasi të kalojnë ditët e zisë kombëtare nuk do të vonohet procedura për zgjedhjen e Presidentit të ri të Kosovës, ndërsa Parlamenti do ta kryejë detyrën e vet kushtetuese. Pasi kjo nuk është një zgjedhje krejt e re, ku partitë politike do të duhej t'i matnin forcat politike, i mbetet LDK-së të propozojë kandidatin e saj. Këto komente Daci i bëri gjatë takimit me ambasadorin Frenk Uizner dhe zëvendësndihmësen e Sekretares së Shtetit Rozmaari Di Karlo.
Sipas një njoftimi për shtyp të zyrës së tij, Nexhat Daci ka thënë se e përkrah kandidaturën e Fatmir Sejdiut për President, Ndërkaq duke marrë parasysh deklarimet e subjekteve politike, duke përfshirë edhe disa nga opozita, atëherë ai është i bindur se Presidenti i ri i Kosovës, që do të ishte njëherësh edhe udhëheqës i Ekipit Negociator të Kosovës, do të zgjidhet me më shumë se dy të tretat e votave, që do të siguronte një deklarim plebishitar.
Kosova do të jetë një shtet normal evropian, pa eksterritore brenda saj dhe pa kushtëzime të sovranitetit dhe të pavarësisë së saj. Të gjitha normat dhe standardet ndërkombëtare do të respektohen, ndërsa Kosova dhe Serbia do të mund t'i ndihmonin njëra tjetrës në rrugën drejt anëtarësimit në Bashkimin Evropian dhe në integrimet evroatlantike.
Kryetari i Kuvendit të Kosovës ka siguruar delegacionin amerikan se Kosova do të ndjekë rrugën e Presidentit Rugova për miqësi të përhershme me SHBA të, duke kërkuar njëherësh ndihmën amerikane në ekspertë të lëmenjve të ndryshëm dhe në krijimin e kapaciteteve qeverisëse të Kosovës, sidomos në lëmin e sigurisë dhe të mbrojtjes.

[Zana_ch]

Eshtë hedhur në ajër vetura zyrtare e Kryeshefit të Ekzekutivit të
Komunës së Kaçanikut

Kaçanik, 3 shkurt - Në oborrin e Qendrës së Mjekësisë Familjare në Kaçanik është hedhur në ajër vetura zyrtare e Kryeshefit të ekzekutivit të Komunës së Kaçanikut, Agron Shurdhani. Sipas burimeve policore, përveç dëmeve materiale, nuk ka pasur viktima në njerëz.
Policia e Ferizajt tha se fuqia e shpërthimit ka qenë e tillë që ka dëmtuar edhe xhamat e Qendrës Mjekësore Familjare të Kaçanikut.
Kryeshefi i Ekzekutivit të Kaçanikut Agron Shurdhani këtë sulm e konsideroi si politik.

[Zana_ch]

KOSOVËN E KA KAPË RRYMA



Nga Ridvan Berisha

Largpercuesi i shembur ne fshatin Likoshan te Drenices
Javët e fundit vetëm Prishtina, kryeqyteti i Kosovës, me sa duket i ka shpëtuar reduktimeve të gjata të energjisë elektrike. Thuajse të gjitha rajonet tjera të Kosovës kanë qenë të mbuluara nga terri dhe nga orari i pakontrolluar i reduktimeve. Kjo situatë e vështirë energjetike ka nxitur revoltën dhe dhunën e qytetarëve. Në disa qytete të Kosovës si, Mitrovicë, Gjilan, Gjakovë dhe disa vende të tjera, grupe qytetarësh, të hënën e kësaj jave, kanë protestuar për ndërprerjet e gjata të energjisë elektrike.
Furnizimi me energji elektrike është përkeqësuar edhe më shumë pas një sulmi të javës së kaluar që pasoi rrëzimin e qëllimshëm të largpërçuesve mes fshatit Qirez dhe Likoshan në komunën së Drenasit, derisa zyrtarët e hetuesisë së SHPK-së kanë deklaruar se janë në veprim për të gjetur shkaktarët e këtij dëmi. Banorët e këtij fshati i takojnë kategorisë C, kategori kjo për të cilën KEK-u nuk garanton furnizim të energjisë elektrike. Ndërkohë që zyrtarët e KEK-ut kanë reaguar ashpër ndaj këtij sulmi, duke thënë se për kthimin në funksion të lartpërçuesve të rrëzuar nevojitet angazhimi dhe ndihma e ekspertëve të huaj. Pa dyshim se rrëzimi i këtij largpërçuesi që Kosovën me Malin e Zi, Kroacinë dhe Europën ka vonuar përpjekjet e KEK-ut për të siguruar importin e energjisë elektrike dhe njëherit ka dëmtuar rëndë edhe interesat e konsumatorëve kosovarë.
Zëvendësministri i Ministrisë së Energjetikës, Agron Dida, ka thënë se “dëmi është direkt dhe indirekt. Dëm direkt është ai ekonomik që për riparimin e këtyre shtyllave nevojiten më shumë se 500 mijë euro; dhe, dëmi indirekt, që ka të bëjë me destabilizimin e sistemit të energjisë, ngase vështirësohet importi dhe eksporti i energjisë nga Kosova në Mal të Zi dhe në gjithë Europën”.
“Nuk është i besueshëm fakti se në Drenicë nuk paguhet energjia elektrike, por është e besueshme se këtu është një gjendje më e rëndë”, ka dekleruar kryetari i Komunës së Drenasit, Gani Sylaj, duke shtuar se problem tjetër për këta banorë është edhe pagesa paushall prej 70 eurosh për energji elektrike. Sylaj e dënoi shkatërrimin e largpërçuesit dhe nuk dëshi të spekulojë se kush mund të fshihet prapa këtij dëmi të madh kundër KEK-ut.


Protestat për rrymë


Në Mitrovicë, më 30 janar 2006, dy pjesëtarë të Shërbimit Policor të Kosovës kanë marrë lëndime nga një grup prej rreth 40 të rinjsh, të cilët po protestonin kundër ndërprerjeve të shpeshta të energjisë elektrike në lagjen “Gazmend Baliu”, në Shipol të Mitrovicës.
Zëdhënësi i policisë për rajonin e Mitrovicës, Larry Miller, tha se sulmi ndaj oficerëve të policisë ka ndodhur në kohën kur disa nga personat e përfshirë në protestë kanë tentuar ta largojnë ngasësin e një kamioni nga kamioni i tij.
Sipas tij, dy të dyshuarit janë arrestuar dhe më vonë janë liruar me urdhërin e prokurorit, ndërkohë që policët janë në kërkim të dy të dyshuarve të tjerë, të cilit ishin të përfshirë në këtë sulm. Gjatë kësaj javë autoritetet komunale dhe përfaqësuesit e UNMIK-ut kanë ndërmarrë disa përpjekje për të qetësuar banorët dhe për t’u dhënë atyre përgjigjën për kaosin energjetik.

Po ashtu edhe në Gjilan, me 30 janar, qinda qytetarë filluan t’i japin nënshkrimet në peticionin “Mjaft KEK”, që është iniciativë private e një gjilanase, ndërsa për shkak të mungesë së energjisë elektrike, disa drejtori komunale të Vitisë dhe gjimnazi i qytezës kanë shkuar në pushim të detyrueshëm. Drita Ramadani, një gjilanase e revoltuar me “terrin e rëndë”, si e tha ajo, të hënën ka nisur një iniciativë private për nënshkrimin e peticionit “Mjaft KEK” nga qytetarët, i cili do t’i dërgohet përgjegjësve të KEK-ut në qendër. Përfaqësuesit e këtyre komunave kanë qartësuar KEK-un për këtë regjim të pakontrolluar të reduktimeve dhe njëherit u kanë bërë thirrje qytetarëve që t’i paguajnë faturat e energjisë elektrike.

Edhe në Gjakovë, me 30 janar, dhjetëra banorë të qytetit dhe të disa fshatrave, në mënyrë të organizuar kanë protestuar në shenjë pakënaqësie me mungesën e energjisë elektrike.

Këto protesta, të cilat u mbajtën në të njëjtën ditë në disa qytete të Kosovës, i kanë shtyrë autoritetet e KEK-ut dhe institucionet tjera të mendojmë më seriozisht për funksionalitetin dhe riorganizimi e planit të reduktimeve ABC.

Konsumatorët e kategorisë A, që prej kësaj jave e deri në zgjidhjen e problemit me import të energjisë, do të furnizohen me energji elektrike 4 më 2 në favor të dritës, kategoria B 3 orë me rrymë dhe 3 pa të, ndërsa kategoria C zyrtarisht do të ketë 2 orë energji dhe 4 orë nuk do të ketë rrymë.

Ministri e Energjetikës dhe Minierave (MEM) , Ethem Çeku, dhe shefi i shtyllës të IV të UNMIK-ut Joachim Ruecker, të cilët njëherësh janë dhe anëtarë të Bordit të KEK-ut, theksuan së këtë vendim bordi i KEK-ut e ka marrë pas shtimit të kërkesave të konsumit të energjisë që tash për tash është në pikën më të lartë mbi 1200 megavat, ndërkohë që KEK-u po prodhon vetëm 550 megavat.

Çeku dhe Ruecker thanë se një ndër shkaktarët që ka ndikuar në orarin e ri të furnizimit është edhe pengesat dhe vështirësitë që janë hasur në transportimin e energjisë së importuar që kalon nëpër territorin e Serbisë.
Sipas ministrit Çeku dhe shefit të shtyllës IV, Ruecker, ky regjim i furnizimit me energji elektrike do të zgjatë me së shumti deri në fund të muajit shkurt.
E tërë kjo situatë e rëndë energjetike në Kosovë ka ardhur jo vetëm për shkak të importit të çrregullt me energji elektrike nga vendet e rajonit dhe të prodhimit jostabil të termocentraleve të KEK-ut, por edhe nga njëpjesë e madhe e fajit që e mbajnë edhe konsumatorët të cilët ose nuk e paguajnë energjinë elektrike ose e vjedhin atë. Ky ka qenë justifikimi që këto ditë e kanë dhënë autoritetet kompetente.

KEK ka filluar me zbatimin e planit të ashtuquajtur ABC në fillim të dhjetorit të vitit të kaluar. Sipas këtij plani, KEK-u konsumatorët i ndanë në tri grupe: A, B dhe C. KEK aktualisht prodhon mbi 550 megavat orë energji.
Zemërimi në rritje i qytetarëve për funksionalitetin e dobët të KEK-ut ndoshta mund të kalojë në dhunë të paparashikuar nëse autoritetet nuk japin shpjegimet e duhura për sistemin energjetik në Kosovë.
Bashkësia ndërkomëtare që prej përfundimit të luftës si dhe institucionet e Kosovës kanë shpenzuar qindra miliona euro për të mëkëmbur termocentralet e KEK-ut. Gjashtë vjet më pas, ky investim duket se është bërë pa analiza të sakta për faktin që kjo javë e dëshmoi jofunksionalitetin e vërtetë të TC të KEK-ut.
Sipas analistëve, autoritetet e KEK-ut duhet të mendojnë edhe për lartësinë e çmimeve të faturimit të energjisë elektrike. Kosova aktualisht shënon një ecje mjaft të ngadalshme të zhvillimit ekonomik, një numër i madh i njërëzve janë të papunë, pensionistët vazhdimisht shprehin brengat e tyre për pagat e ulëta, prandaj ndoshta ulja e çmimeve të faturimit të energjisë mund të konsiderohet një zgjidhje e përkohshme për pakësimin e pakënaqësive të qytetarëve.

Zgjidhjen e njërit prej problemeve më të mëdha të Kosovës, KEK-ut, mund ta garantojnë investitorët e fuqishëm, mirëpo edhe kjo zgjdhje mund të dështojë nëse qytetarët nuk i bëjnë pagesat për energjinë e shpenzuar.

[Zana_ch]

"Noje cyrhrer cajtung": "Të vërtetat e pakëndshme për Serbinë"






Gazeta "Noje cyrhrer cajtung" (Neue Zürcher Zeitung) në artikullin e saj me titull "Të vërtetat e pakëndshme për Serbinë", shkruan për indinjimin serb ndaj pozicionimit të diplomatit britanik Xhon Sauers për Kosovën, i cili ka thënë se Londra përkrah pavarësinë e kushtëzuar të Kosovës.
Kjo ka ndodhur, shkruan gazeta, pas takimit të Grupit të Kontaktit ku u tha që të bihet dakord në një marrëveshje për Kosovën para fundit të vitit, si dhe që përfundimi i bisedimeve duhet të jetë i pranueshëm nga popullsia e Kosovës. "Megjithëse formulime të tilla janë të paqarta esenca e tyre është e qartë: 90 për qind e popullsisë 2 milionëshe të Kosovës është për ndarjen nga unioni serbomalazez".
Gazeta më tej shkruan se kritika ndaj diplomatit britanik në mediat serbe të lë përshtypjen e mungesës së sigurisë.
Ashtu si reagimet ndaj Ministres së Jashtme zvicerane dhe Presidentit slloven, edhe reagimi i tanishërm serb thotë se me shprehje të tilla kërkohet të vendoset përfundimi i bisedimeve.
Sipas kësaj gazete zvicerane, i dërguari amerikan Frank Uizner, i ka kërkuar Beogradit që t`i thotë të vërtetën popullit dhe ta bëjë të qartë se për shkak të politikës së Millosheviqit dhe të radikaleve serbë të Sheshelit, Serbia e ka humbur Kosovën.

[Zana_ch]

Kryeministri i Kosovës Bajram Kosumi, ligjeroi në në shkollën e
Drejtësisë Ndërkombëtare në Nju Jork

nga - Dervish Jahjaga & Beqir SINA, Nju Jork

2006- Rruga e Kosovës drejtë Pavarësisë është e hapur

Columbia School of Law - Nju Jork: I ftuar zyrtarishtë me statusin e vëzhguesit në mbledhjen e Këshillit të Sigurimit, ku Kosova përfaqësohet nga shefi i administratës së Kombeve të Bashkuara, Soren Jessen-Petersen, kryeministri i Kosovës dr Bajram Kosumi, ka shfrytëzuar rastin të zhvillojë edhe një axhend tjetër, në Nju Jork. Kryeministri i Kosovës Bajram Kosumi, që mbëriti, të djelën në Shtetet e Bashkuara të Amerikës, vetëm një ditë para takimit, që do të mbahet në pallatin e "Qelqët", përkatësishtë, në selinë e Kombeve të Bashkuara në Nju Jork, seancën e parë për këtë vitë, në Këshillin e Sigurimit, mbajti një ligjëratë të rendësishme në shkollën e Drejtësisë Ndërkombëtare, në Nju Jork, në tre qëndrat më të rëndësishme të kësaj shkolle.



Autoritetet e shkollës i krijuan mundësinë kryeministrit të Kosumi, të flasë për Kosovën e të ardhmen e saj para një auditori me studentë nga e gjithë bota, ku morën pjesë rreth 100 vetë. Kryeministri i Kosovës dr Bajram Kosumi, dhe delegacioni që e shoqëronte atë, morën pjesë në këtë takim para auditorit të kësaj shkolle, mes profesorëve , politikanve, analistëve dhe studentëve të politikës ndërkombëtare. Ligjireta që mbajti Kryeministri i Kosovës, zoti Kosumi , kishte si subjekt një këndëshikim të tijin me temën: "Kosova dhe Procesi i Statusit Final". Zoti Kosumi, bëri në pika të përgjithëshme një retospektivë të qartë, pothuajse të të gjitha zhvillimeve në Kosovë, në njërin prej auditorve të kësaj shkolle, sallën e qujatur "Jerome Greene Hall" . Më pasë ai zhvilloi edhe një takim tjetër me komunitetin shqiptarë në "Brunos" restaurant në Manhattan ku mori pjesë edhe shefi i administratës së Kombeve të Bashkuara, Soren Jessen-Petersen .


Në fillim ai shfaqi kënaqësin dhe faleminderojë përzemersisht dy profesorët e shkollës ndërkombëtare të drejtësisë "Columbia School of Laë" në Nju Jork, prof. Ed Luck(SIPA) dhe prof. Carne Ross. që i dhanë mundësin atij të flasë para një auditori kaq të gjërë të kësaj shkolle. "Diskutimi im dhe takimi me ju auditorin e kësaj shkolle, po bëhet në një moment kur Kosova po "shikon" të ardhmen e saj.


Kosova tash gjendet në momentet më të rëndësishme të historisë së vetë


Kryeministri, e përshkroi shkurtimisht udhëkryqin historik në të cilën ndodhet Kosova dhe foli për aspiratën e popullit të saj për të fituar pavarësinë :" Kosova, tha ai tash gjendet në momentet më të rëndësishme të historisë së vetë. Procesi i pritur për vite të tëra, sikur ka filluar. Ka filluar procesi i vendosjes për Statusin Final të Kosovës. Sekretari i Përgjithëshëm i Kombeve të Bashkuara zoti Anan, ka caktuar zotin Marti Ahtisaari, të udhëheq bisedimet dhe të negociojë bisedimet. Dhe pikërishtë, nesër Këshilli i Sigurimit, do të debatojë për çështjen e Kosovës. Unë sapo erdha këtu nga një takim pune me ambasadorët e Këshillit të Sigurimit, çka tregon se Kosova është në "top" axhendën e politikës ndërkombëtare."


Nga ana tjetër ai u shpreh se:"Besoj se brenda disa muajve - para përfundimit të vit 2006- çështja e Kosovës, do të jetë e zgjidhur. Çka do t'u flasë edhe unë lidhur mbi rëndësinë e këtij procesi fillimisht. Kosova, është një vend i vogël , megjithëse nuk është bërë ende një regjistrim e saktë. Aty ka rreth dy miljon e 300-400 mijë banorë, ku të gjithë mendojnë rreth statusit final. Në të gjithë medien e masmedien në Kosovës, tema kryesore, është statusi final.



Mirpo, pohoi ai :"Populli i Kosovës, beson që viti 2006 - do të jetë ai që Kosova të realizojë ëndërrën e tij, shtetin e tij, të fitoj shancin e vet për të ndërtuar të ardhmen e tij. Nuk kamë ndërmend t'ju flasë se sa shumë ka punuar populli i Kosovës, në këtë linjë. Pasi ka punuar shumë dhe me dekada të tëra. Pra disa ditëve vdiq edhe presidenti i parë i Kosovës. Dhe gati gjysma e Kosovës, e përcollën me të gjitha nderimet për në banesën e fundit. Ajo ishte një dëshmi e fuqishme se populli i Kosovës, do t'a vazhdojë ëndërrën e Presidentit Rugova për Kosovën shtet të pavarur dhe sovran.


Kështu që ne në Kosovë "De facto" dhe praktikisht jemi të përgaditur që ky proces të përfundojë në 2006- vitin që sapo kemi nisur. Dhe që ne më 1- janar 2007 të fillojm si shtet i pavarur e sovran. Një parim tjetër i rëndësishëm, që përcakton Grupi i Kontaktit, është ai që çdo gjë duhet të jet në përputhje me dëshirat e vet popullit të Kosovës. Populli i Kosovës, e ka artikuluar shumë mirë vullnetin e vet, për shtet të pavarur e sovran të Kosovës.


Ne i kemi dhënë mbështetje të fuqishme Grupit të Kontaktit dhe parimeve të deklaruara nga ky grup.


Ndërkohë, zoti Kosumi, pranojë se:" Kosova, ka tre çështje që ngrisin shqetësime për procesin e nisur . 1 - Ajo që quhet program i gjërë për standartet në Kosovë. 2 - Standartet para statusit - në një kohë që problem nuk janë më standartet. 3- Kosova ka një progres të madhë në këto gjashtë vjetët e fundit. Janë vetëm gjashtë vjet dhe është bërë një ndryshim historik. Vetëm para gjashtë vjetëve ju kujtojë se Kosova ishte e shkatërruar mbi 80%. Sot, nuk sheh shenjë të luftës, ose të shkatërrimit në Kosovë. Në Kosovë, çdo gjë është e re. Kosova, tregon se ka një shoqëri evropiane e demokratike.



Ai tha se :"Këshilli i Sigurimit të OKB-ës, tre herë e ka vlersuar pozitivisht procesin e standarteve në Kosovë. Dhe i drëguari i posaqëm për vlersimin e procesve në Kosovë, ambasadori Kai Aide, në raportin e tij foli me nota shumë pozitive. Gjithashtu, edhe ne kemi një planë mujorë, ose disa mujorë për realizmin e standarteve. Ne jemi duke përgatitur dokumentin "Rruga e Kosovës drejt Evropës" që është një vizion për anëtarësimin e Kosovës në Bashkimin Evropian, u tha auditorit kryeministri i Kosovës, dr Bajram Kosumi.



Sipas tij,:" Në Kosovë, sot, janë duke u krijuar rapoerte të reja, që të tregojnë se çdo qytetar i Kosovës, është sovrani i saj. Kosova, shpreh bindjen kryeminstri, do të jetë shtet i të gjithëve - jo vetëm shtet i një popullësie , por shtet i ligjit dhe i drejtësisë për të gjithë qytetarët e saj. Ne do të krijojmë një imazh të mirë, si mbrenda e jashtë Kosovës. Do të krijojm tek Kosova, shtetin që shikon tek fqinjët e tij mikun e armikun atë që e do bashkëpunimin dhe jo lufton. Ai paraqiti Kosovën një shtet të ardhëshëm të Kosovës që drejtohet nga parimet e fqinjësisë së mirë ku përfshihen marrëdhënie normale e pozitive edhe me Sërbinë.


Në Kosovë, ai tha se ka pasur katër herë zgjedhje të lira e demokratike. OSBE -ja i ka organizua dhe mbikëqyrur. Ato janë cilësur si më model në rajon. Institucionet e Kosovës, janë të reja por janë stabile e racionale. Ato kanë filluar të ndërtohen nga zeroja, deri tek kjo që kanë arritur sot. Qeveria e Kosovës, ka përgatitur 75- projektligje për një vit, çka është e pazakont për një Qeveri të re. Të gjitha këto ligje janë të përafërta me standartet e ligjeve Evropiane. Ekonomia e Kosovës, ishte e rrënuarr komplet. Por, u arritë që për pesë-gjashtë vjet të ngrihen rreth 35 - 40- mijë firma të vogla e të mëdha private. Edhe pse buxheti i Kosovës ende i vogël funizohet nga të hyrat e qytetarëve të Kosovës, tha në vijim ai.


Unë ju solla "fotografin" e Kosovës, e cila, tregon se në Kosovë gjithçka po shkon mirë. Por duhet pranuar se në Kosovë ka edhe vështërsi. Minoretitet, siguria , varfëria , papunësia dhe faktin që ende njërëzit nuk e kanë të qartë se kah do të jetë e ardhmja e tyre. Çdo gjë do të gjente zgjidhje nëse do të ndërtonim shtetin tonë, të Kosovës. Pasi ne do të ngrem me shtetin e Kosovës, të gjitha mekanizamat për të zgjidhur të gjitha problemet e vështërsit që ka Kosova. Në fund auditori shtroi një serë pyetjesh të cilave kryeministri i Kosovës, Bajram Kosumi ju përgjegjë me mjaft kompetnecë. Ai i përforcoi të gjitha këto opinione duke iu përgjigjur sejcilit prej tyre - studentëve e profesorve .



Eskluzivisht për Shkodra Kryeministri i Kosovës Bajram Kosumi thotë :




Zoti Kryeministër na e përshkruani si e përjetuat vdekjen e presidentit të Kosovës dhe si e tejkalua dhimbja ?


Kryeministri B. Kosumi : Ishte një humbje e madhe për Kosovën .Me vdekjen e presidentit Rugova dhe me mënyrën sesi u organizuan institucionet e Kosovës, e vetë populli i Kosovës, përcolli këtë humbje për t'i bërë nderimet e fundit duke tregua në të gjitha aspektet me të vërtet një pjekuri e madhe. Kjo, tregoi një pjekuri që ishte edhe më e fuqishme, në kohën kur të gjitha forcat politike, në rradhë të parë Lidhja Demokratike e Kosovës, bënë propozimin në kohën e momentin e duhur për zgjedhjen e presidentit pasë ardhës. Gjithçka, për mendimin tim ishte një arritje e madhe edhe kur Kuvendi i Kosovës, votoi njëhereshit kandidaturën e presidentit Sejdiu. Ky ishte një veprim, i cili, mori vlersimin e mbarë popullit shqiptarë, politikës dhe ndërkombëtarve. Kjo, dhe shumë sfida para kësaj të cilat kanë ndodhur në këto 12- muajët e fundit, e kanë vënë në pahë se Kosova - e populli i saj, klasa politike janë të pjekura politikishtë të qeverisin vetveten - për të pasur shtetin e vet, dhe të marrin mbi veten të gjitha obligimet dhe përgjegjësitë që ka shteti i ri.



Çfarë do të thotë për Ju personalishtë, pjesmarrja për herë të parë si Kryeministër në një takim të Këshillit të Sigurimit të Kombeve të Bashkuara, vendi ku flitet për Kosovën ?


Kryeministri B. Kosumi : Është një ngjarje jashtë zakonishtë e madhe. Pa dashur të përdor në këtë rastë fjalë të mëdh,a vetë rëndësia që ka ky takim tregonë më së miri dhe rëndësin e madhe që ka pjesmarrja ime si pëfaqësues insitucional i Kosovës. Është hera e parë që Kosova, është e ftuar zyrtarishtë në takimin e parë vjetor të KS-ës, tek flitet për Kosovën. Edhe pse pa të drejtën e fjalë,s megjith atë vetë prezenca jonë këtu tregon, se "rruga e Kosovës drejt statusit final" është e hapur. Kosova shumë shpejt ka për të qënë anëtare me të drejta të plota e Organizatës së Kombeve të Bashkuara.


irpo , loja e politikanëve të Beogradit ka të tjera ngjyra . Dekleratat e tyre sot, janë të çuditëshme!?!. Nga Beogradi, ka zëra që thonë se :" Në se Kosova do të marrë pavarësinë ne këtë do t'a konsiderojmë okupim". Si e komentoni ju këtë ?



Kryeministri B. Kosumi : Këto janë deklerata që duhet të na shqetësojn shumë në këto momente kur thuhen dhe pse thuhen !?!. Dhe jo të shihen si një shqetësim vetëm për ne , por në këtë rastë mendoj se edhe bashkësia ndërkombëtare duhet të jetë e shqetësuar dhe të këthej kokën pasë e të shohë se çfarë mund të ndodhë. Njëhereshit këto deklerata duhet të shqetësojn më së shumti edhe vetë popullin sërbë. Këto mbi të gjitha duhen parë si deklerata që nuk e ndihmojnë aspak procesin që ka nisur Kosova dhe bashkësia ndërkombëtare po e mbështet. Ato janë deklerata që e ngulfatin procesin. Dhe askush nuk do të lejojë që ky proces të ngulfatet nga deklerata të këtilla. Fatëmirësisht fati Kosovës tash është në rrugë të mbarë dhe në kohën e duhur dhe do të zgjidhet edhe në kohën e duhur. Kosova, do të jetë shteti ligjor i të gjithëve , shteti që do të ketë të gjitha shanset të krijojë edhe të ardhmen e vetë, shteti i sigurt që ua garanton sipas ligjeve të gjitha të drejtat si shqiptarëve , e minoriteteve të tjera në Kosovë. Në këtë aspekt ne do të japim edhe garancin ndërkombëtare. Por na intereson që edhe vet populli në Kosovë kurrë të mos e ndjejë veten të vetmuar ose të frustuar politikisht e margjinuar . Por populli i Kosovës të jetë pjesë e procesit. Ai të arrijë të kuptojë se Kosova do të jetë e të gjithë qytetarëve të saj qofshin ata shqiptarë, sërbë, turk, romë e boshnjak.


Vendosur në të njëtat "shina" si e shihni mbështetjen dhe përkrahjen e procesve në Kosovë, si nga SHBA-së por edhe nga Evropa ?




Kryeministri B. Kosumi : Nuk ka asmë të voglin ndryshim midis dy përkrahjeve dhe mbështetjeve si ato që na vinë nga SHBA-ës si edhe ato që na vinë nga Evropa e komunitetin ndërkombëtar i angazhuar për zgjidhjen e çështjes së Kosovës. I vlersojm të gjithë. Në plan të parë është Grupi i Kontaktit i cili në çdo qëndrim gjenë koncensues për zgjidhjen e problemeve. Mirpo veç SHBA-ës dhe Unionit Evropian duhet vlersuar edhe koncensuesi që ka pasë edhe Rusia si pjesë e Grupit të Kontaktit ku bëjnë pjesë edhe Italia, Gjermania, Anglia, Kanadaja e Franca. Duhen vlersuar dhe marrë seriozisht të gjitha ato qëndrime që ka marrë ky grup. Të gjitha këto e bëjnë edhe më të leht pavarësinë e Kosovës.


Së fundi çfarë kishit për të thënë për diasporën ?



Kryeministri B. Kosumi : Diaspora, shqiptare si në Evropë, apo në Shtetet e Bashkuara të Amerikës, ka qënë tregues i fuqishëm dhe pjesë e të gjitha proceseve që kaloi dhe po kalon Kosova. Ajo(diaspora) qe dhe është aktive dhe e fuqishme në të gjitha momentet kur e lypi nevoja për Kosovën. Dhe gjithçka që është arritur në Kosovë sot, aq sa është vepër e popullit të Kosovës, është edhe vepër e kësaj diaspore. Ajo(disapora) në saj të lidhjeve të forta që ka krijuar me miqët e mëdhenjë të popullit shqiptarë, i ka vendosur mirë urat e lidhjes mes atdheut të tyre edhe vendeve ku ata jetojnë e po punojnë

[Zana_ch]

Kosumi tha se pjesëmarrja e tij në KS ishte një hap i vogël, por shumë i rëndësishëm për Kosovën



Nju Jork, 15 shkurt 2006 - Me të përfunduar mbledhja e Këshillit të Sigurimit në Nju Jork, Kryeministri Bajram Kosumi ka dhënë një konferencë për media. Ai u ka deklaruar gazetaërve se pjesëmarrja e tij në debatin e KS për Kosovën ishte një hap i vogël por shumë i rëndësishëm për Kosovën.

"Unë jam i nderuar me pjesëmarrjen në këtë mbledhje, jam i nderuar për atë që është diskutuar për Kosovën në KS. Në Kosovë ka një progres shumë të madh. Gjashtë vjet pasluftës ka një ndryshim hitorik në Kosovë.Ne tash po hyjmë dhe po përgatitemi për një fazë të re.

Populli i Kosovës është përgatitur për fazën pas Rezolutës 1244. Ky proces ka filluar me lejen e KS dhe unë besoj se gjatë vitit 1006 do të zgjidhet statusi final i Kosovës", ka thënë Kosumi. Ai ka shtuar se udhëheqja e Kosovës do të ndërtojë një të ardhme të mirë, një shtet demokratik, multietnik, një shtet evropian.

Kryeministri Kosumi në interesimin e gazetarëve tha se ka shumë gjëra që do të bisedohen ndërmjet Prishtinës dhe Beogradit, ka shumë gjëra që do të bisedohen ndërmjet Prishtinës dhe bashkësisë ndërkombëtare dhe do të bëhet krejt ç'është e mundur për të siguruar një të ardhme të mirë për të gjithë qytetarët e Kosovës.

Sipas tij, tashmë ka ardhur momenti kur do të mbyllet çështja e Kosovës, duke i dhënë kështu shansin popullit të Kosovës të krijojë fatin e vet dhe të bëjë jetën e vetë.

[Zana_ch]

Petersen tha se ndryshimi i statusit është zgjidhja më e mirë për stabilitetin në Kosovë dhe në rajon

Nju Jork, 15 shkurt 2006 - Kryeadministratori i Kosovës Soren Jesen Petersen në fjalën e tij në KS të OKB së ku u dabatua për zhvillimet në Kosovë ka falenderuar KS që kishte dhënë pëlqimin që në këtë takim shoqërohej nga Kryeministri Bajram Kosumi.

Ndër zhvillimet e fundit në Kosovë midis dy raporteve Petersen përmendi tri: vdekjen tragjike të Presidentit Ibrahim Rugova dhe zgjedhjen dinjitoze të Presidentit Fatmir Sejdiu, fillimin e bisedimeve për statusin përfundimtar dhe vazhdimin e përmbushjes së standardeve.

Duke bërë një homazh me këtë rast për Presidentin Rugova, Petersen ka thënë se ai gjatë gjithë jetës së tij ushqeu një vizion për Kosovën e lirë e demokratike dhe tolerante. Vdekja e tij ishte e rëndë për institucionet dhe popullin e Kosovës. Zija në Kosovë dhe përballja me këtë humbje të madhe ishte dinjitoze, që u vërejt nga të gjithë ata që panë përcjelljen e përmotshme të Presidentit Rugova.,Gjithë këtë e organizuan autoritetet lokale në atë mënyrë që secila shoqëri do të krenohej.

Petersen përgëzoi policinë e Kosovës gjatë ceremonialit të varrimit të Presidentit Rugova, duke thënë se 3500 policë kosovarë treguan profesionizëm duke ruajtur qetësinë dhe rendin e qindra mijëra njerëzve pjesëmarrës në varrim. Ai shtoi se reagimi i Kosovës ishte dinjitoz dhe i matur gjatë gjithë periudhës së zisë për Presidentin Rugova. Kjo ndodhi edhe të premtën e shkuar me zgjedhjen e Presidentit Sejdiu. Të nesëmen u mbajt takimi i Ekipi Negociator të cilët miratuan platformën e bisedimeve që do të mbahen në Vjenë më 20 shkurt.

Gjendja e statusquos në Kosovë nuk mund të vazhdojë tha Petersen dhe nënvizoi se ndryshimi i statusit është zgjidhja më e mirë për stabilitetin në Kosovë dhe në rajon. Petersen vërejti një ngadalësim në përmbushjen e standardeve, sidomos në çështjen e pakicave, siç është vërejtur edhe në raportin e Kofi Ananit. Kritika ka pasur efekt tha ai dhe nga 15 dhejtori është vërejtur përshpejtimi i angazhimit.

"Mospërmbushja e standardeve nuk mund të jetë arsyetim për mosvendosjen e statusit dhe duhet të ketë një angazhim të shtuar dhe veprim konkret e jo vetëm deklarime simbolike", tha Petersen.

Ai theksoi se takimi në Vjenë duhet të dëshmojë se delegacioni shqiptar i Kosovës pa marrë parasysh shqetësimet e pakicave sepse statusi i Kosovës për shumë shqiptarë paraqet shpresë, për serbët paraqet frikë, së këndejmi gjatë bisedimeve për statusin do të kemi parasysh edhe shpresat e shqiptarëv, por edhe frikën e serbëve.

Petersen kritikoi Beogradin për mosmbështetjen e serbëve në pjesëmarrjen në institucionet e Kosovës. Ai nënvizoi se UNMIK u është në fazën kritike, duhet të ndërtohet një shoqëri inkluzive, shumetnike të përkushtuar në demokraci dhe në paqe me fqinjët.

Lidhur me statusin, Petersen theksoi se shumica në Kosovë me të drejtë presin që shpresat e tyre do të realizohen dhe ka shtuar se me zgjidhjen e statusit populli i Kosovës më në fund mund ta lë të kaluarën dhe të drejtohet nga e ardhmja, tha ndër të tjera Petersen.

[Naki]

Përshtypje nga Seanca e Këshillit të Sigurimit



Nuk duhet të nxitohet me nxjerrjen e përfundimeve të prera






16 shkurt 2006 /TN

- Me gjithë mundësinë e përgjithësimit të përshtypjes se pavarësia e Kosovës është një “opsion real”, angazhimi që zgjidhja “të jetë e pranueshme për të gjitha palët”, shtron nevojën e të qenit vigjilentë të palës shqiptare -


Shkruan: Esat Stavileci, profesor i Universitetit të Prishtinës


Ndjekja e kujdesshme e fjalimeve të ambasadorëve në séancën e Këshillit të Sigurimit të Organizatës së Kombeve të Bashkuara për Kosovën të krijon përshtypjen e parë për “laryshi pikëpamjesh” rreth statusit të ardhshëm të Kosovës,por menjëherë pas kësaj dhe përshtypjen tjetër për “një lëvizje kah pavarësia” dhe “gatishmëri për ta mbështetur atë“, veçanërisht po qe se sigurohen të drejtat e pakicave sipas standardeve ndërkombëtare. Përshtypjen e tretë të krijojnë qëndrimet ende të rezervuara ruse dhe kineze.

Këto tri përshtypje krijohen pavarësisht mënyrës së nxjerrjes së përfundimeve,deduktive apo induktive. E para, niset “nga e përgjithshmja për të nxjerrë të veçantën”,ndërsa e dyta,niset “nga e veçanta për të nxjerrë të përgjithshmen”. Përfundimi i veçantë a i pjesshëm në mënyrën e parë nxirret “nga një tezë a një ide e përgjithshme”, ndërsa përfundimi i përgjithshëm nxirret “nga teza ose ide të veçanta a të pjesshme”.

Megjithatë,nuk duhet nxituar me nxjerrjen e përfundimeve,sepse përkundër deklarimeve,në dukje të parë,relativisht të qarta,çështja e Kosovës vazhdon të jetë “e mbështjellur me një mjegullnajë diplomatike”dhe ende paraqitet si “çështje më e ngatërruar për t’u vendosur përfundimisht”.

Vërtetë janë premtuese fjalët e dëgjuara në séancën e Këshillit të Sigurimit të Organizatës së Kombeve të Bashkuara se “Është shumë e qartë që nuk mund të lihen anash aspiratat e 90 për qind të popullatës së Kosovës, prandaj pavarësia është një opsion real, e dikush do të mund të thoshte se ky është opsioni i vetëm që do t’i sillte stabilitet të përhershëm Kosovës dhe tërë rajonit”, nga ambasadori britanik ose se “Duhet të jemi realë, pavarësia është një opsion i mundshëm” dhe se “Çfarëdo zgjidhje për statusin duhet të jetë e pranueshme për popullin e Kosovës”, nga ambasadori amerikan.

Por është gjithashtu e vërtetë se në kontekst të statusit të ardhshëm të Kosovës,u përmendën edhe kompromisi,edhe decentralizimi, edhe komunat me shumicë serbe,edhe statusi i veçantë për monumentet serbe,edhe ...”kushtëzime të tjera”me të cilat mund të përcaktohen modalitetet e statusit të ardhshëm të Kosovës.

Me gjithë “deklarimet optimiste”në séancën e Këshillit të Sigurimit të Organizatës së Kombeve të Bashkuara, sfidat me të cilat mund të ballafaqohet e ardhmja e Kosovës, nuk janë të vogla. Shumë ngjarje që kanë ndodhur me shqiptarët dhe Kosovën në të kaluarën,kërkojnë që të jenë shumë të vëmendshëm në nxjerrjen e përfundimeve në të ardhmen.

Për çfarë tërheqim vërejtjen.

E para, në emër të “kompromisit” që po theksohet,mund të bëhen “pazarllëqe të mëdha”. Me të dëmshmet mund të jenë ato që mund t’i referohen territorit të Kosovës, me gjithë deklarimet, zotimet, madje dhe qëndrimet se “nuk do të ketë ndarje të Kosovës”, ndërkohë kur Kosova, në fakt, ”është e ndarë“.

E dyta,në emër të “decentralizimit”që po imponohet si temë shqyrtimi para se “të vendoset për statusin”, pala serbe synon autonominë për serbët në veri të Kosovës, me gjithë deklarimet se gjoja nuk bëhet fjalë për “autonomi territoriale”. Përkujtojmë se procesi i decentralizimit ka filluar me parimin etnik dhe territorial; nuk është nisur me parimin joetnik dhe joterritorial.

Problemi qëndron aty se Serbia më shumë se për serbët e Kosovës,janë të interesuar për “territoret serbe” në Kosovë. Po nënvizojmë, edhe me këtë rast,se oreksi i Serbisë është ndarja e Kosovës në dy entitete,”në mënyrë që entiteti serb të mbetej i lidhur me Beogradin”.

E treta,në emër të krijimit të komunave me shumicë serbe,mund të kërkohet “lidhja zinxhirore e tyre”, e cila nuk do të mund të kuptohej ndryshe veçse si synim për nënndarje dhe ndarje të Kosovës.

E katërta,në emër të statusit të veçantë për monumentet historike,kulturore e fetare serbe,mund të kërkohet zbatimi i parimit të ex-territorialitetit.

Bashkësia ndërkombëtare është e ndërgjegjshme për favoret e pavarësisë së Kosovës. Ajo më shumë se me pyetjen: ”A thua pavarësia?”,është e preokupuar me pyetjen: ”Si deri tek pavarësia?”.

Nëse kërkesa e bashkësisë ndërkombëtare është për funksionimin demokratik të shoqërisë në Kosovë, ajo duhet të ndërgjegjësohet se funksionimi demokratik i shoqërisë në Kosovë nuk është i mundshëm pa pavarësinë e plotë të saj dhe se vetëm pavarësia e plotë do të thotë mundësi vendimmarrjeje të plotë,por edhe përgjegjësi të plotë.

Bashkësia ndërkombëtare duhet t’i njoh realitetet e reja në Kosovë dhe duhet të përligjë pavarësinë e Kosovës,me subjektivitet të pranuar juridiko-ndërkombëtar.

[Murgesha]

Daci: Dorëheqjen do ta jap nëse e kërkon LDK e jo Kryesia


Prishtinë, 3 mars - Kryeparlamentari, Nexhat Daci deklaroi mbrëmë për Televizionin e Kosovës se dorëheqjen do ta japë nëse e kërkon Lidhja Demokratike e Kosovës e jo Kryesia e këtij subjekti politik. "Unë jam nominuar për kryekuvendar nga ish-presidenti Rugova", tha ai.
"Është shumë e vërtetë, se dje (e mërkurë), Eqrem Kryeziu dhe Naim Jerliu kanë qenë për të më informuar. Unë u kam thënë se do ta respektoj vendimin e LDK-së...,, sepse tri mandate të deputetit i kam nga LDK-ja", ka theksuar Daci për RTK-në në një intervistë dhënë në Brezovicë.

"Unë do ta paraqes dorëheqjen në momentin kur të ma kërkojë LDK-ja, ajo që e ka të drejtën për këtë çështje. Kryesia e LDK-së është organ ekzekutiv të cilin e zgjedh Këshilli i Përgjithshëm i LDK-së që sipas statusit të LDK-së e bën politikën e LDK-së, ndërsa Presidenti i Kosovës Rugova është i zgjedhur nga kongresi i LDK-së, dhe ai e ka pasur mandatin të më nominojë".
Daci tha se nuk është antiamerikan, por se ka qenë "pengesë e interesave personale të ndonjë qytetari amerikan.
"Relacionet janë prishur për qëllime personale. Relacionet janë prishur në momentin kur është krijuar koalicioni LDK-AAK. Një numër i zyrtarëve amerikanë kanë qenë në zyrën e kryetarit të Parlamentit për ta urdhëruar që Ramush Haradinaj të mos zgjidhej kryeministër i Kosovës, sepse ka mundësi që të paditet dhe të shkojë në Hagë", ka theksuar Daci.
"Këto janë biznese krejtësisht private, krejtësisht personale dhe unë besoj gjithkush do t'i paguaj faturat e punëve të veta".
Sipas Dacit, ky është një tentim për shkatërrim të LDK-së, por "nuk do të jetë shkatërrim".
"Jam i bindur se do të shkatërrohen individët, të cilët nuk duan ta mbrojnë programin themeltar të LDK-së, nuk duan ta respektojnë statutin e LDK të Kosovës", u shpreh Daci për të shtuar:
"Në zgjedhjet e para që do të vijnë një ditë në LDK do të respektohen statuti dhe programet, duhet të mbahen zgjedhjet demokratike, duhet t'i nënshtrohemi filtrimit, të gjithë njerëzit në të gjitha nivelet dhe në qoftë se del nga ai filtër cilit do emër Daci do ta përkrahë dhe do ta respektojë".
Daci tha se nuk ka ndërmend të braktisë radhët e LDK-së. Ai shtoi se do të mbetet në LDK madje edhe nëse Eqrem Kryeziu do të jetë kryetar i saj.
Për nominimin e gjeneral Agim Çekut në krye të qeverisë, Daci tha se Çeku është një personalitet i verifikuar, por, siç u shpreh nuk i pëlqen mënyra me të cilën ka ardhur.
"Unë i kam dhënë përkrahje të plotë para gjithkujt dhe nuk ka pasur njeri në institucione që para meje i ka shkuar në zyrë (Çekut). Unë e çmoj shumë lart. Lojërat e këtilla gjithkush është mirë t'i mendojë, nuk është mirë të ketë ekuivalencë në mes gjeneral Çekut dhe Dacit", tha Daci në këtë intervistë për RTK.

[Murgesha]

SHBA: Dorëheqja e kryeministrit dhe shkarkimi kryeparlamentarit janë vendime të brendshme të Kosovës

Uashington, 3 mars - Departamenti amerikan i Shtetit deklaroi dje se dorëheqja e kryeministrit Bajram Kosumi dhe vendimi i Lidhjes Demokratike të Kosovës për të zëvendësuar kryetarin e parlamentit, Nexhat Daci, janë vendime të brendshme të zyrtarëve shqiptarë të Kosovës.
Në një deklaratë të Departamentit të Shtetit theksohet se Shtetet e Bashkuara presin që udhëheqësit e rinj të Kosovës të angazhohen në mënyrë konstruktive në bisedimet mbi statusin përfundmtar dhe të përshpejtojnë përpjekjet për përmbushjen e Standardave për Kosovën.
Shtetet e Bashkuara, thuhet më tej në deklaratë, janë të angazhuara të punojnë me të dërguarin e posaçëm të Kombeve të Bashkuara, Marti Ahtisari, dhe të dyja palët në bisedime për arritjen e një marrëveshjeje mbi statusin përfundimtar të Kosovës brenda këtij vit.