Poezi te perzgjedhura nga Linka_Pz

[Linka_pz]

Dashuria

Koha është të duhemi,
të kesh besim ne mua kur të them: Trime,
të kem besim në ty kur më thua: Trim.
Por kokën time kryeneçe shumë kurthe ngrite,
shumë e pushkët mbushi babai yt, fisi yt,
një mijë e një të zeza kurdise ku do t'ma zije pritën.
E nën një kulm banonim,
nga frëngjia me ditë më peshove,
me ditë lexoja Shekspirin në hijen e Kullës,
se mos do të takoj te kroni i shpresave.
Ma ruaj syrin, dashuria ime,
ma ruaj shpinën nga dielli, nga acari!
Kam frikë se ma therin syrin cubat e territ,
kam frikë se më vrasin pas shpine të pabesët.
Dashuria ime, ma zgjat dorën ta kapërcejme këtë
ujë të madh,
i huaj s'jam as vij nga tokë e vdekshme.

Në fund të livadhit të kositur a po sheh:
ai kali i bardhë është yni tash e përgjithmonë.
Më shikon drejt në sy, lëri zënkat, fjalët, sharjet.
Unë do të sjell Lulen nga zemra e bjeshkës,
do ta ndez llambën në kullë,
do ta hedh farën në tokën e re.
Kur të desha, çoje dashuri pas shtatë katundeve
e të rënat të forta i kishe.
Kur më deshe, çoja dashuri me një grua të marrë
e mëhalla jehonte nga shpifjet.
Na ikujeta, trime, si s'menduam pak edhe për vete.
Koha është të duhemi.

[Linka_pz]

NJE SHKREPESE

Ndizme, vella nje shkrepese
nen qiellin e zi,
Nje shkrepese te brishte shprese
ne erresiren me shi.
Ne erresiren e dhjamur si pelte,
Kur ndihet te zbrese acar.
E dini c'do te thote nje shkrepese,
Nje fije e holle si bar?


Dritero Agolli

[Linka_pz]

E shkruar ne vitet e hershme te ilegalitetit

ZGJUAR JAM

Asnjëherë nuk endem i vetmuar
Asnjëherë në gjum nuk jam
Syhapur dhe me gishtin në nagant endem
Dhe në shtrat, zgjuar jam
I zgjuar
Në pritje. Pres!

Pres trokitje tinzake apo thyerje dyersh
Presë pritë
I zgjuar jam, ditën dhe natën
Marr frym dhe pres
E..., sa koh të gjatë i prita
Dhe..., akoma pres
Jam gati...

N. Kuka

[Linka_pz]

Ku jane pushtuesit


Blejmë këpucë të grisura.
Lotët tanë të mbaruar
I huazojmë reve barkthara
Qiellin rrobëshqyer e ulim rrëzë kokës
Këto ditë të tmerrshme ndjellim fatkeqësi,
Osetërmet që s'mund t'i shpëtosh.
Qyteteve,rrugëve qarkojnë paqeruajtësit
Të heshtur,indiferentë,të cuditur
Për ardhjen e tyre.
Këmbë të huaja ketu s'kanë shkelur
Vecse ne veshim këpucët e të tjerëve
E na rrijnë tamam.
Armët e tyre heshtin,
tonat qëllojnë vetveten,
duke shpresuar tek mëkatet.
Elinda Marku

[*B*u*K*i*]

Nje zog ne dritare ndalon
dhe thote ne udhetim po shkon.Zog do me besh nje nder dhe mua
t'i cosh nje leter vajzes qe une dua?
Rruges per te vajza,letra na i ra
zogu u habit djali c'fat qe ka?!
Iku larg kaloi fushe e mal
dhe te dritarja e vajzes u afrua ngadale.
Zogu ne vetmi filloi te qante
se ne dore ajo nje unaze mbante.
I turperuar u zu ne faj
se te shprehej se kish kollaj.
Qe hallin vajza t'i kuptonte
nje kenge dashurie nisi te kendonte.
Vajza sapo kengen degjoi
menjehere djalit i telefonoi.
BuKi

[Albonita]

Postimi origjinal është bërë nga Linka_pz

Me mungon:
Dhembja ne gjoksin tim
me rendon shum per ty
kur malli me buzeqesh,
dhe ne zemer po me rri.

Ka zen vend dhe nuk luan dot
qe me ben syrin me lot!
qe me dridhet buza e that,
shpirti digjet flake-flake.

Shum rend qenka keshtu t'jetosh!
me dhembje, mall, e dashuri
perse zemra nuk gezohet dot,
perse shpirti rrin n'vetmi.

Kur ti lexosh keto rreshta
mendo se jam afer me ty
te tregojn shkronjat e zeza!
sa me mungon mua ti

Te pershendes Linka _Pz te uroj suksese ne te ardhmen edhe shum shkrime te tjera ne vazhdim met vertet je nje vajz Intelegente siq po i lezoj shkrimet tua, nje mbremje te qet nga Albonita.!!

[Linka_pz]

Postimi origjinal është bërë nga Albonita

Te pershendes Linka _Pz te uroj suksese ne te ardhmen edhe shum shkrime te tjera ne vazhdim met vertet je nje vajz Intelegente siq po i lezoj shkrimet tua, nje mbremje te qet nga Albonita.!!

Pershendetje ,Albonita ...te falenderoj per keto
fjale te bukura !

Te uroj gjdo te mire Linka_Pz.

[Linka_pz]

Kohë kujtesë


Ti tash na vjen (si në) shuplakë
pamëshirshëm
na gjykon
në përmasë të fajit
dhe ne të lodhur
deri në vdekje
(vetëm sa)
Pëshpërisim
Me (pa)fuqinë tonë
Një Kohë
Kujtesë...

Sarë Gjergji

[LISOS75]

ju lutem te korrigjoni autoresine e poezise "kerkome tek ndonje varg",poezi qe i perket autores Ardita Jatru dhe jo sic eshte shkruar nen te a. perona

[LISOS75]

Postimi origjinal është bërë nga Linka_pz

Fundvjeshte


Vjeshta u shty tek dimri kete vit,
Po, besoni ne fjalet e mia,
Ne rrugen me te bukur
Gjethet rane ne dimer.
Gjethet i shkeli nje vajze duke vrapuar,
Stina mori me vete kujtimin e hidhur te saj.

Alfred Perona

CILA DHE KU ESHTE RRUGA ME E BUKUR E JETES TUAJ?

[Linka_pz]

Jeton Kelmendi Paris

DIMRI I SHKËPUTJES SË MADHE
Ibrahim Rugovës

S’të kam parë
Kurrë
Kaq të heshtur
Guri ynë prej ari
Të shkosh përtej vetvetes
Matanë
A nuk gjete tjetër ditë

Të Kodra e Dëshmorëve
Gjatë
Ke për të pushuar
Ëndërro
Dhe lutu për Dardaninë
Tënde

Dimri i vetmisë të ka rënë
Ndër vetulla
Gjithçka erdhi me lotin
Mot i madh
Dita e shkëputjes
Janar, janari i zisë

Heshtak i asaj që s’flitej
Kolos i fjalës dhe i zhgjëndrrës
Si i mblodhe frymët
Ditën
Që kapërceu kufijtë

Malësor
Sa peshë të kishte fjala

[Linka_pz]

Ibrahim Rugova

Burri shqiptar Ibrahim Rugova,
Ecte si në legjenda me shallin rreth qafës,
Kërkonte Lirinë e ëndërruar në shekuj,
Rrëmbyer nga barbarët, vrasësit e fjalës.

Brengën e dhimbjes e mora me vete,
Këtu në Manhattan me studentët ta ndaja,
Nuk mund të filloja mësimin e zakonshëm,
Pa një minutë heshtje, si shqipe të qaja.

U ngritëm në heshtje me lot në sy,
Peshën e lotit mbanim mbi supe,
Biles dhe të huajt që ishin aty,
U bashkuan me ne, në zi e në lutje.

Luftove mençurisht, pa shpatë gjakosur,
Salloneve mondane në çmendinë e kohës,
Ta merrje Kosovën në gjoksin e nënë Lokeve,
Shqyer nga kuçedrat në kthetrat e lojës.

Me vizionin tënd, trondite botën,
Kosovën martire, drejt Pavarësisë e çove,
U çane lajmet, flasin Presidentët,
Për vdekjen tënde të parakohshme.

Simboli I bashkimit mbete përgjithmonë,
IBRAHIM RUGOVA, burr I rrallë,
Globi I botës, si zgavër duket,
Pret Kosovën, me shekuj ndarë.

Këze (Kozeta) Zylo, Manhattan, NY
22 Janar, 2006

[LISOS75]

Postimi origjinal është bërë nga Linka_pz

Ibrahim Rugova

Burri shqiptar Ibrahim Rugova,
Ecte si në legjenda me shallin rreth qafës,
Kërkonte Lirinë e ëndërruar në shekuj,
Rrëmbyer nga barbarët, vrasësit e fjalës.

Brengën e dhimbjes e mora me vete,
Këtu në Manhattan me studentët ta ndaja,
Nuk mund të filloja mësimin e zakonshëm,
Pa një minutë heshtje, si shqipe të qaja.

U ngritëm në heshtje me lot në sy,
Peshën e lotit mbanim mbi supe,
Biles dhe të huajt që ishin aty,
U bashkuan me ne, në zi e në lutje.

Luftove mençurisht, pa shpatë gjakosur,
Salloneve mondane në çmendinë e kohës,
Ta merrje Kosovën në gjoksin e nënë Lokeve,
Shqyer nga kuçedrat në kthetrat e lojës.

Me vizionin tënd, trondite botën,
Kosovën martire, drejt Pavarësisë e çove,
U çane lajmet, flasin Presidentët,
Për vdekjen tënde të parakohshme.

Simboli I bashkimit mbete përgjithmonë,
IBRAHIM RUGOVA, burr I rrallë,
Globi I botës, si zgavër duket,
Pret Kosovën, me shekuj ndarë.

Këze (Kozeta) Zylo, Manhattan, NY
22 Janar, 2006

LINKA_PZ TE FALEMINDERIT PER PERZGJEDHJET E VARGJEVE DHE PER ME TEPER PER PERKUSHTIMIN "PEDAGOGJIK" TE CILIN E USHTRONI NE POST. TUAJA.
MENDOJ SE DO TE ISHTE ME INTERESANT OSE ME INTRIGUES ZBULIMI I VELLOS SE PASIONIT TUAJ NE TREGUESIN PASIONALO-PERJETUES THJESHT SI NJE FAKTOR FRYMESUES.PRA MENDOJ SE INTERLOKUTORIA E MISHERUAR NE PERSONIN TUAJ, PER SA I PERKET SHIJES (PERZGJEDHJES) POETIKE , MOS TE JETE NJE INERCI INSTIKTIVE,POR NJE KERKIM SUBIEKTIV I BOTKUPTIMTE I NATYRES TUAJ POETIKE.UROJ TE JETE E FUNDIT PER MOTIVIN E SINQERTE SE EDHE ANONIMI I NENSHKRUAR ESHTE PJESE E PERZGJEDHJEVE TUAJA.
PERSHENDETJE TE PERZEMERTA.

[Linka_pz]

Postimi origjinal është bërë nga LISOS75

LINKA_PZ TE FALEMINDERIT PER PERZGJEDHJET E VARGJEVE DHE PER ME TEPER PER PERKUSHTIMIN "PEDAGOGJIK" TE CILIN E USHTRONI NE POST. TUAJA.
MENDOJ SE DO TE ISHTE ME INTERESANT OSE ME INTRIGUES ZBULIMI I VELLOS SE PASIONIT TUAJ NE TREGUESIN PASIONALO-PERJETUES THJESHT SI NJE FAKTOR FRYMESUES.PRA MENDOJ SE INTERLOKUTORIA E MISHERUAR NE PERSONIN TUAJ, PER SA I PERKET SHIJES (PERZGJEDHJES) POETIKE , MOS TE JETE NJE INERCI INSTIKTIVE,POR NJE KERKIM SUBIEKTIV I BOTKUPTIMTE I NATYRES TUAJ POETIKE.UROJ TE JETE E FUNDIT PER MOTIVIN E SINQERTE SE EDHE ANONIMI I NENSHKRUAR ESHTE PJESE E PERZGJEDHJEVE TUAJA.
PERSHENDETJE TE PERZEMERTA.

Pershendetje

Te falenderoj shume !

[Linka_pz]

ZGJOHU, NGRITU SHQIPËRI!
Shefki Ollomani

Re të zeza të kanë mbuluar,
Diell e Hënë të kanë errësuar,
s’je në ëndërr,
por je zhgëndërr,
në terr të zi e në robëri,
zgjohu, ngritu Shqipëri!

Laku n’fyt po t’shtrëngon,
pranga trupin ta mundon,
okupimi po t’shkatërron,
armiqt sulen me egërsi,
me ushtri e me djallëzi,
zgjohu, ngritu Shqipëri!

Mjaft Ti fjete dhe u përgjume,
mjaft Ti ndejte e ngujume,
mjaft Ti prite ditë përditë,
flake terrin bëhe dritë,
ndize zjarrin nga një shkëndi,
zgjohu, ngritu Shqipëri!

Më dhemb zemra kur rënkon,
kur nga dhembjet Ti gjëmon
m’hapet goja e s’mund të flas,
jap kushtrim e po bërtas,
por askush nuk më dëgjon,
po askush nuk më beson
i gjithë trupi të është shkri,
zgjohu, ngritu Shqipëri!

Kam shumë zjarr e shumë dhimbje,
kam shumë mall e shumë dridhje,
kam shumë vuajtje e dashuri,
kam shumë dhembje e krenari,
kam shumë ankth e burrëri,
zgjohu, ngritu Shqipëri!

Shpatë e Damokleut të rrin mbi kokë,
”Pako” e ”Traktate” hartojnë me okë,
Rezoluta (1244) e 14 Pika,
gjithësecila më e mprehtë se thika,
trupin copa ta copëtojnë,
shpirt e zemër të dërrmojnë,
trojet Tua t’i pushtojnë,
marimangat thurrin robëri,
kameleonët endin tradhti,
zgjohu, ngritu Shqipëri!

Serbia jepë autonomi,
bota jepë gjysmëpavarësi,
ç’janë këto hile një dreq e di,
gjithçka janë veç jo liri,
të ka hy n’Kullë bajlozi i zi,
zgjohu, ngritu Shqipëri!

Janë ndryshkë armët mbi tavan,
pastro shpatë e jatagan,
dil në shesh dhe n’mejdan,
shpërthe vrullshëm si vullkan,
Ja vdekje – Ja liri,
zgjohu, ngritu Shqipëri!

Mos i le armët të ndryshken,
mos i le teshat të myken,
mos e le luftën në mes,
mos e le idealin t’vdesë,
mos harro - je Iliri,
zgjohu, ngritu Shqipëri!

Gjithë Kosova n’re të zeza,
nënat, motrat shamizeza,
frynë stuhia e shfrynë era,
lufta të troket te dera,
s’ka liri, s’ka pavarësi,
s’ka bashkim, as drejtësi,
rroki armët përsëri,
zgjohu, ngritu Shqipëri!

Zgjohu, ngritu del te dera,
se sërish po vjen pranvera,
se liria s’vjen çdo ditë,
flake terrin del në dritë,
del në dritë e në liri,
mos duro më tirani,
sllavo-grekë, as dredhi,
zgjohu, ngritu Shqipëri!

...shkruar nga:
Shefki OLLOMANI
/ Nëntor 2007/