Lajme aktuale nga vendi ! - Page 17

**Zero Cool** · 09-09-11, 10:39

Plani për aksionin II të policisë

Përfaqësuesit e institucioneve vendore dhe ata të misioneve ndërkombëtare të akredituar në Kosovë kanë diskutuar gjatë gjithë ditës së enjte mundësinë e dërgimit të policisë dhe doganierëve kosovarë në pjesën veriore të vendit, pas skadimit të marrëveshjes së KFOR-it më 16 shtator.

Akoma nuk është e qartë se çfarë roli dhe çfarë fuqie do kenë ata në veri, derisa plani për veriun është diskutuar ndërmjet ambasadorit amerikan, Christopher Dell, sheﬁt të EULEX-it, Xavier bout de Marnhac, komandantit në largim të KFOR- it , Erhard Buehler dhe kryeministrit të Kosovës, Hashim Thaçi.

Sipas burimeve të “Zërit”, këta zyrtarë janë ende duke shqyrtuar detajet ﬁnale të asaj që do të ndodhë një ditë pasi do të përfundojë marrëveshja 11- pikëshe që po implementohet nga KFOR-i.

“E vetmja gjë që nuk dihet sigurt është roli i saktë që do kenë doganierët vendorë në veri, nëse do të kenë rol ekzekutiv apo do të jetë rol KMM (këshillues, monitorues dhe mentorues)”, tha një zyrtar që të enjten ishte i pranishëm në disa prej takimeve, për të shtuar se “ende nuk është vendosur as vendi ku doganierët kosovarë do të dërgohen fizikisht më 16 shtator”.

Pjesë e diskutimit është nëse doganierët kosovarë të dërgohen ﬁllimisht në njërën pikëkalimi kuﬁtar apo në të dyjat, Portën 1 dhe Portën 31.

**Zero Cool** · 09-09-11, 10:40

Rumunët sulmojnë Sorosin për Kosovën

Mediat rumune kanë në shënjestër të kritikave miliarderin dhe drejtuesin e fondacionit për Shoqëri të Hapur, George Soros.
Sorosi ka kërkuar nga kryesia e Bashkimit Evropian që pesë shtetet e BE-së që nuk kanë njohur Kosovën, ta bëjnë një akt të tillë sa më parë, përfshirë këtu edhe Rumaninë.

Pasi përhapjes së lajmit, mediat rumune kanë botuar shkrime me titujt “Juda nga Budapesti”, “Fushata e Zombieve” etj. ku Soros akuzohet se ka punuar për Ushtrinë Çlirimtare të Kosovës, se është shërbyes aktual i Shërbimit Inteligjent të Kosovës, ateist dhe njeri që ka bashkëpunuar me kriminelët nëpër botë!

Mediat rumune kanë shkruar për lidhjet e Sorosit dhe biznesmenëve shqiptaro-amerikanë, si Shaip Muja dhe Dino Asanaj.

“Tani kuptuam përpjekjen e Sorosit, kur në Parlamentin rumun u përpoq që të nxis Qeverinë e Rumanisë të investojë në minierat e Kosovës. Soros nuk është dhe nuk do të jetë kurrë një person që punoi për Rumaninë”, shkruan një gazetë proqeveritare rumune, transmeton INA. “Ai është një hungaro–amerikan i cili mundohet ta shkatërroj Rumaninë”.

**Zero Cool** · 09-09-11, 11:43

KFOR: Gjenerali Byler ia dorezon detyren gjeneralit Drevs

Gjenerali gjerman, Erhard Drevs, sot e merr detyren e komandantit te KFOR-it nga bashkevendesi Erhard Byler.

Aktualisht, misioni paqeruajtes nderkombetar i NATO-s ne Kosove, KFOR, ka afro 5500 ushtare.

Ky nderrim i komandes po behet ne periudhen e ripertritjes se tensioneve ne pjesen veriore te Kosoves, e cila eshte e banuar me popullate shumice serbe.

Muajin e kaluar, NATO-ja pat derguar perforcime, per shkak te ketyre tensioneve.

**Zero Cool** · 09-09-11, 16:08

Dyshohet për varrezë masive në Medvegjë

Ekspertë të EULEX-it nga Departamenti i Mjekësisë Ligjore (DML) kanë qenë në një vend të dyshuar për varrezë masive në rajonin e Medvegjës në Serbinë Jugore, për të observuar lokacionin, ndërkaq nuk japin detaje tjera lidhur me këtë rast, me arsyetimin se kumtimi i rezultateve i takon autoriteteve të Serbisë.
Në njoftimin e EULEX-it thuhet se informacioni i pranuar nga Komisioni për Persona të Zhdukur i Qeverisë së Kosovës, pretendon se një numër i panjohur i shqiptarëve të Kosovës, viktima të konfliktit të viteve 1998-1999, mund të jenë varrosur aty.

Alan Robinson, bashkëkryesues i EULEX në DML, ka thënë “Ne kemi dërguar një ekip të gjerë të ekspertëve të mjekësisë ligjore në lokacionin e supozuar. Roli i tyre është shumë i qartë: të veprojnë si observues dhe të sigurojnë se metodologjia e duhur e mjekësisë ligjore është duke u aplikuar gjatë zhvillimit të operacionit në terren”.

Më tej thuhet se EULEX-i/DML është angazhuar aktualisht në hulumtimin dhe vlerësimin e disa lokacioneve potenciale për të qenë varreza masive në Vushtrri, Mitrovicë, Gjakovë dhe Prizren.

Deri më tani në 2011, mbetjet mortore të 51 personave të zhdukur më parë iu janë dorëzuar familjeve të tyre.

**Zero Cool** · 09-09-11, 16:20

VV i përgjigjet Kushtetueses për imunitetin

Grupi Parlamentar i Lëvizjes Vetëvendosje, pas kërkesës së hartuar dhe të dorëzuar nga Qeveria e Republikës së Kosovës në Gjykatën Kushtetuese, në lidhje me imunitetin e deputetëve, dhe sipas nenit 22.2 të Ligjit për Gjykatën Kushtetuese të Republikës së Kosovës, ia ka kthyer përgjigjen Gjykatës Kushtetuese.
Grupi Parlamentar i Lëvizjes Vetëvendosje konsideron se çështja e imunitetit të deputetëve dhe e shtrirjes së këtij imuniteti në kohë dhe hapësirë është mjaft mirë dhe qartë e rregulluar me dispozitat kushtetuese dhe ligjore në fuqi.

Neni 75 i Kushtetutës së Republikës së Kosovës thekson se “Deputetët e Kuvendit gëzojnë imunitet nga ndjekja penale, paditë civile ose shkarkimi për veprimet dhe vendimet e tyre brenda fushëveprimit të përgjegjësive të tyre si deputetë të Kuvendit. Imuniteti nuk pengon ndjekjen penale te deputetëve të Kuvendit për veprimet e ndërmarra jashtë fushëveprimit të përgjegjësive të tyre si deputetë të Kuvendit”; kurse, në paragrafin 2 i njëjti nen e ndalon arrestimin dhe ndalimin e deputetit të Kuvendit përderisa ajo/ai është duke i kryer detyrat e saj/tij si deputet i Kuvendit, pa pëlqimin e shumicës së të gjithë deputetëve të Kuvendit.

Grupi Parlamentar i Lëvizjes Vetëvendosje konsideron se esenca e kuptimit të këtij neni konsiston në atë se deputetët e Kuvendit të Republikës së Kosovës nuk mund të jenë objekt i ndjekjes penale ose padive civile për shkak të shprehjes së lirë të mendimeve pavarësisht formës dhe, po ashtu, kjo normë kushtetuese u garanton atyre të drejtën që lirisht të votojnë apo mos të votojnë për çdo vendim që merret në Kuvend.

Mirëpo, sipas kësaj Lëvizje për të gjitha veprimet e tjera të kryera jashtë fushëveprimit dhe përgjegjësive të tyre si deputet, këto dispozita kushtetuese nuk e pengojnë ndjekjen penale nga organet kompetente.

“Si rrjedhojë e kësaj, Grupi Parlamentar i Lëvizjes Vetëvendosje konsideron se imuniteti nuk mund të shërbejë si mburojë për ata deputetë që kanë kryer veprat penale të krimit të organizuar, korrupsionit dhe vepra tjera që dëmtojnë rëndë pasurinë dhe shëndetin e qytetarëve të Republikës së Kosovës”, thuhet ndër të tjera në përgjigje.

**Zero Cool** · 09-09-11, 21:13

Pahor si ndërmjetësues në mes të Thaçit dhe Tadicit

Me ftesë të kryeministrit slloven, Borut Pahor, kryeministri i Kosovës, Hashim Thaçi, ka filluar të premten pasdite një vizitë zyrtare në Republikën e Sllovenisë. Kryeministri Thaçi do të ketë takim me kryeministrin slloven, ndërsa temë bosht e takimit, thuhet se do të jetë thellimi i bashkëpunimit mes dy vendeve dhe perspektiva evropiane e Kosovës.
Por në fakt ky takim është paralajmëruar ditë më parë nga kryeministri slloven, pas takimit të tij me kancelaren gjermane, Angela Merkel dhe pritet që “Pahor të luaj rolin e ndërmjetësuesit mes kryeministrit të Kosovës dhe presidentit të Serbisë”.

Kryeministri i Sllovenisë gjatë takimit me kancelaren Merkel, javën e kaluar, kishte paralajmëruar se parashikon të takohet edhe me kryeministrin e Kosovës. Ai nuk kishte pranuar që të flas për detaje rreth këtij takimi, por sipas medieve serbe, kishte folur rreth “mundësisë së marrëveshjes mes Beogradit dhe Prishtinës”.

Sllovenia, kishte potencuar Pahor, në esencë ka pikëpamje identike me kancelaren gjermane për çështjen e Kosovës, edhe në “një mënyrë të menduar më detajisht se që atë e paraqiti Merkel në Beograd”. Ai atë ditë theksoi se kishte pasur “një bisedë shumë të rëndësishme” me presidentin serb, Boris Tadic, dhe e kishte paraqitur qasjen e tij për zgjidhjen e problemit të Kosovës, të cilin ka thënë se e ka prezantua në Berlin dhe Washington.

**Zero Cool** · 10-09-11, 09:32

Interesat personale mbi interesat kombëtare

Në një kabllogram të Ambasadës Amerikane në Prishtinë të shkurtit 2010, të cilin e ka publikuar WikiLeaks, ambasadori Christopher Dell flet për dyvjetorin e pavarësisë së Kosovës dhe sfidat e shtetit më të ri në Evropë.
Sipas publikimeve të WikiLeaks, Dell merret edhe me partitë politike të Kosovës, të cilat sipas tij duhet kërkojnë mbështetje përtej bazave rajonale dhe të bashkëpunojnë më mirë në ndjekjen e interesave kombëtare.

Sipas tij, në Kosovë ende nuk ekzistojnë dimensionet e së majtës e të djathtës. Partitë e mëdha politike ende nuk kanë zhvilluar platformat që shtrihen përtej riafirmimit të premtimeve te mbështetësit e tyre kryesorë. LDK ende e sheh veten si bartës të standardeve të presidentit të ndjerë Ibrahim Rugova. PDK dhe AAK janë dorë e zgjatur e UÇK-së dhe vazhdojnë të kërkojnë mbështetje te bazat e tyre rajonale.

“Këto identitete të mbetura shpesh errësojnë prioritetet dhe inkurajojnë kohë pas kohe liderët të harrojnë se interesat kombëtare duhet të kenë përparësi”, citohet të ketë thënë Dell në kabllogramin e shkurtit 2010.

Stabilitetin i Kosovës është i lëvdueshëm, thuhet po në të njëjtin dokument, por skena e politike e Kosovës është e përçarë, sepse partitë me mungesë të përvojës politike kanë tendencë të lartësojnë interesat e ngushta mbi qëllimet kombëtare.

**Zero Cool** · 10-09-11, 09:33

Shtatori i arrestimeve?

Në Fund të shtatorit dhe fillim të tetorit të këtij viti pritet të ndodhin disa arrestime të “peshqve të mëdhenj”.
Këto arrestime mund të ndodhin vetëm pas verdiktit që do ta japë Gjykata Kushtetuese e Kosovës për çështjen e imunitetit, kanë thënë burime të ditores Zëri, të afërta me Misionin e Bashkimit Evropian për Sundim të Ligjit – EULEX.

“Ata po duan t’i tregojnë muskujt”, thotë burimi, duke pohuar se qytetarët e Kosovës sivjet to të përjetojnë një “vjeshtë të nxehtë”.

“Do të ketë disa arrestime nga radhët e deputetëve, nuk bëhet fjalë vetëm për deputetin Fatmir Limaj”.

Zyrtarët e misionit EULEX nuk janë në gjendje të konfirmojnë se kur do të ndodhin arrestimet.

EULEX është duke pritur se çfarë do të vendosë Gjykata Kushtetuese, por ne nuk mund të paragjykojnë se çfarë do të vendoset atje. E gjithashtu, nuk mund të paragjykojmë nëse do të ketë ndonjë aksion të EULEX-it në këtë drejtim”, ka thënë shefi i Zyrës për informim në EULEX, Nicholas Hawton.

**Zero Cool** · 10-09-11, 12:55

Kosova dhe Maqedonia zotohen per forcim te bashkepunimit

Kryeministri i Republikes se Kosoves, Hashim Thaci priti ne takim zevendeskryeministrin e Qeverise se Republikes se Maqedonise, Musa Xhaferi, i cili po qendron per vizite zyrtare ne vendin tone, me ftesen e zevendeskryeministrit te Qeverise se Republikes se Kosoves, Hajredin Kuci.

Ne takim eshte biseduar per marredheniet e mira dypaleshe ne mes te Kosoves dhe Maqedonise dhe per bashkepunimin nderfqinjesor.

“Republika e Kosoves eshte e perkushtuar ne ndertimin e marredhenieve te mira me te gjithe fqinjet e vet, ne funksion te thellimit te bashkepunimit rajonal, qe eshte nje nder parakushtet kryesore per integrimin e plote te te gjitha vendeve te rajonit ne Bashkimin Evropian dhe ne NATO” – theksoi kryeministri Thaci dhe shtoi se “ ne kete kuader marredheniet mes Republikes se Kosoves dhe Republikes se Maqedonise jane te shkelqyera dhe ato vetem sa do te forcohen edhe me tej”.

Kryeministri i Republikes se Kosoves, Hashim Thaci dhe zevendeskryeministri i Qeverise se Republikes se Maqedonise, Musa Xhaferi ne takimin e sotem theksuan po ashtu rendesine e fuqizimit te bashkepunimit mes Kosoves dhe Maqedonise ne kuader te procesit te integrimeve evropiane, si dhe ne fushen e zhvillimit ekonomik te te dyja vendeve.

**Zero Cool** · 10-09-11, 13:53

Kurti: Kosova po i ndihmon Serbisë të hyjë në BE

Kreu i Vetëvendosjes, Albin Kurti, ka shprehur edhe njëherë qëndrimin e kësaj lëvizjeje kundër bisedimeve ndërmjet Kosovës me Serbinë. Ai ka thënë se bisedimet pa kushte me Serbinë janë të dëmshme për Kosovën dhe se nga kjo do të përfitojë vetëm pala serbe.

10 shtator 2011
Lëvizja Vetëvendosje të shtunën ka mbajtur mbledhjen e këshillit të përgjithshëm ku në rend dite ishte prezantimi i aktiviteteve të Vetëvendosjes dhe strategjia e veprimit për të ardhmen të këtij subjekti parlamentar.

Në fjalën e tij hyrëse lideri i Vetëvendosjes, Albin Kurti, ka thënë se me kritikën dhe idetë e saj kjo lëvizje po ia kthen historinë politikës dhe politikën historisë.

Ai edhe njëherë tregoi se sa të dëmshme janë për vendin bisedimet, të cilat po zhvillohen me palën serbe në Bruksel, bisedime të cilat sipas tij ndihmojnë Serbinë që të hyjë në Bashkimin Evropian (BE).

“Sa më shumë që po bisedohet me Serbinë aq më shumë po humbim territor dhe aq më tepër jo funksional po bëhet shteti ynë. Bisedimet pa kushte për Serbinë mund të jenë qëndrime parimore dhe gjithsesi janë bisedime të dëmshme. Politika e Qeverisë së Kosovës ndaj Serbisë është që ta shtyjë sa më parë Serbinë kah BE-ja, sepse ajo e sheh të vetmen rrugë të njohjes së Kosovës nga Serbia”, u shpreh Kurti.

Kurti nuk la pa përmendur edhe kontratën e Qeverisë së Kosovës me kompaninë “Bektel Enka” për autostradën Vërmicë-Merdare, derisa bëri fajtorë qeveritarët se me nënshkrimin e saj ata “po i lajnë borxhet e tyre me paratë e popullit”.

“Qeveria e Kosovës na ka dëshmuar që është vetëm për vete kontrata e “Bektel Enka” me qeverinë është si një kontratë paqeje midis ushtrisë ku njëra prej tyre ka kapitulluar dhe i pranon pra kushtet e përcaktuara me palën e dytë, mirëpo ne e dimë që Kosova nuk ka humbur kurrfarë lufte dhe e dimë që Kosova nuk i ka kujt borxh. Janë vetë qeveritarët që duket se kanë borxhe për mbetjen e tyre në pushtet, prandaj po i lajnë ato borxhe me paratë e Kosovës”, ka thënë Kurti, njofton Express..

Për dallim nga Qeveria e Kosovës, Lëvizja Vetëvendosje sipas Kurtit vepron dhe angazhohet për zhvillim ekonomik që bazohet në prodhim vendor dhe rritjen e shkallës së punësimit.

Pas fjalimit të Kurtit, Këshilli i përgjithshëm i Vetëvendosjes ka vazhduar mbledhjen pa praninë e medieve, ku në rend dite është diskutimi i strategjisë së ardhshme të veprimit të këtij subjekti politik.

**Zero Cool** · 10-09-11, 13:55

Hoxhaj: Pakoja e Ahtisaarit – rruga e vetme drejt paqes në Ballkan

Ministri i Punëve të Jashtme i Republikës së Kosovës, Enver Hoxhaj duke folur për pajtimin në Ballkan në një intervistë për agjencinë italiane ANSA ka thënë se e vetmja rrugë për pajtim është që Beogradi ta njohë pavarësinë e Kosovës, derisa pakoja e Ahtisaarit është zgjidhja e vetme që prodhon stabilitet në Ballkan.“Falë Planit të Ahtisaarit, përfaqësuesit special të Kombeve të Bashkuara, të drejtat e minoritetit serb në Kosovë garantohen më shumë se në çdo shtet tjetër në Evropë. 90% e këtij plani tashmë është implementuar”, ka shtuar Hoxhaj.

10 shtator 2011
Në këtë intervistë, ministri Hoxhaj përsëri ka akuzuar Beogradin për bllokadë në iniciativa rajonale. “Beogradi duhet të ndalet të luftojë Qeverinë e Kosovës, duhet të ndal bllokimin e Kosovës nëpër iniciativa rajonale që kanë të bëjnë me bashkëpunimin ekonomik dhe në fushën e sigurisë”, ka theksuar Hoxhaj.

Në këtë drejtim ai ka kërkuar më shumë mbështetje nga Bashkimi Evropian. “Republika e Kosovës ka nevojë për rezultate të prekshme nga Bashkimi Evropian, por jo vetëm fjalë. Ne jemi jashtë çdo mirëkuptimi”, ka thënë Hoxhaj, duke iu referuar raporteve me BE-në.

Sipas Hoxhajt, në Bruksel gjërat po lëvizin ngadalë, ngase deri më sot, pesë shtetet anëtare ende nuk e kanë njohur Republikën e Kosovës. Duke folur për rritjen e numrit të njohjeve, Hoxhaj ka thënë se në botën arabe shihet një përparim i dukshëm.

''Unë besoj se pas rënies së regjimeve të caktuara në disa shtete arabe, regjime të cilat ishin miqtë e kundërshtarëve të pavarësisë, mendoj se ata do të ndryshojnë qëndrim ndaj pavarësisë sonë”, ka thënë ai.

Hoxhaj për ANSA po ashtu ka thënë se njohja nga Selia e Shenjtë është tepër e rëndësishme për Republikën e Kosovës.

Derisa sa i përket marrëdhënieve Itali – Kosovë, ministri Hoxhaj ka thënë se Roma është duke mbështetur fuqishëm Kosovën në rrugën e saj drejt anëtarësimeve euro-atlantike.

''Italia na dha mbështetjen e jashtëzakonshme në rrugën tonë drejt BE-së dhe në përmbylljen e procesit të njohjeve. Bashkëpunimi ynë do të fokusohet në infrastrukturë, energji, bujqësisë, ushqim dhe turizëm”, ka paralajmëruar Hoxhaj.

**Zero Cool** · 10-09-11, 13:58

Serbët bllokojnë makinat në pikën 31

Dhjetëra makina janë bllokuar në vendkalimin kufitar 31 në veri prej bashkësisë së ekonomistëve serbë të Zubin Potokut.

10 shtator 2011
Protestuesit serbë kanë përsëritur se në veri nuk janë të nevojshme doganat e Prishtinës.

Një ditë më parë dhjetëra punëtorë të Kompanisë Energjetike “Elektrokosmet” nga veriu i Mitrovicës kanë protestuar të premten në urën mbi lumin Ibër kundër shtrirjes së pushtetit të Republikës së Kosovës në tërë territorin e saj.

Ndërkohë edhe sekretari i Ministrisë për Kosovën në qeverinë e Serbisë, Oliver Ivanovic, në një intervistë ekskluzive për TCH paralajmëron kryeministrin kosovar Hashim Thaçi që të mos marrë më vendime siç ishte

ai i 25 korrikut, pasi në rast se do të përsëritet një gjë e tillë, reagimi i serbëve do të jetë i njëjtë. Po ashtu, përfaqësuesit serbë në qeverinë e Kosovës, Ivanoviq i quan vegël të kryeministrit kosovar.

**Zero Cool** · 10-09-11, 19:05

Edita Tahiri inicon padi ndaj Vetëvendosjes

Zëvendëskryeministrja e vendit, njëherësh edhe shefja e delegacionit të Kosovës në bisedime me Serbinë, Edita Tahiri, ka inicuar sot padi ndaj protestuësve të Lëvizjes Vetëvendosje, të cilët e sulmuan me domate dhe i shpuan një gomë të veturën zyrtare të shtunën, derisa ajo po kthehej nga Brukseli ku kishte nënshkruar marrëveshje me Serbinë për vulave doganore dhe kthimin e dokumenteve kadastrale.

05 shtator 2011
Ekonomisti

“Edita Tahiri ka kontaktuar sot stacionin e Policisë Qendra për të inicuar padi ndaj protestuësve të Lëvizjes Vetëvendosje. Pasi rasti nuk ka ndodhur në Prishtinë por në regjionin e Fushë Kosovës, i kemi rekomanduar që të hap rastin atje”, kanë berë të ditur burime të Ekonomisti-t brenda Policisë së Kosovës.

Ata kanë treguar se zëvendëskryeministrja Tahiri, pas rekomandimeve të marra ka kontaktuar me qendren e policisë në Fushë Kosovë dhe ka hapur rast ndaj aktivistëve të Vetëvendosjes.

Aktivistë të Lëvizjes “Vetëvendosje”, të shtunën kanë sulmuar me domate veturën e kryenegociatores në bisedimet me Serbinë, Edita Tahiri, në Aeroportin Ndërkombëtar të Prishtinës “Adem Jashari”. Sulmi ka ardhur pas një aksioni të organizuar nga VV pas kthimit të saj nga Brukseli, në shenjë proteste ndaj vazhdimit të dialogut me Serbinë.

Nga ky aksion policia e Kosovës ka arrestuar 34 aktivistë të VV-së, e në mesin e tyre edhe dy deputete, të cilat i ka liruar menjëherë.

**Zero Cool** · 10-09-11, 19:13

Tadic: Serbia nuk dëshiron konflikte

Presidenti i Serbisë, Boris Tadic, ka deklaruar se ruajtja e të drejtave legjitime të popullit serb në Kosovë dhe anëtarësimi në Bashkimin Evropian janë dy interesat më të larta të pandashme shtetërore të Serbisë.

Siç transmeton B92, Tadic ka thënë se vendi e tij dëshiron që të lë pas vetes konfliktet nga e kaluara, të cilat gjithmonë i kanë paguar qytetaret. Ai ka theksuar se Serbia dëshiron të gjejë një zgjidhje, e cila edhe serbëve edhe shqiptarëve do t’u siguronte paqe dhe jetë pa frikë për fëmijët e tyre.

Sipas tij, dialogu nuk është gjithmonë i lehtë dhe kërkon që të punohet qetë dhe me durim dhe kërkon seriozitet. Presidenti serb i ka paralajmëruar partnerët evropianë se çdo aksion i njëanshëm i Prishtinës në veri të Kosovës dëmton dialogun.

Tadic e ka përsëritur thënien e tij tashmë të njohur se “Serbia dëshiron të zgjidhë konfliktin historik të serbëve dhe shqiptarëve në Kosovë” duke thënë se kjo mund të arrihet vetëm përmes dialogut.

Oqeani · 10-09-11, 20:15

Citim:

Postimi origjinal është bërë nga Zero Cool

Tadic: Serbia nuk dëshiron konflikte

Presidenti i Serbisë, Boris Tadic, ka deklaruar se ruajtja e të drejtave legjitime të popullit serb në Kosovë dhe anëtarësimi në Bashkimin Evropian janë dy interesat më të larta të pandashme shtetërore të Serbisë.

Siç transmeton B92, Tadic ka thënë se vendi e tij dëshiron që të lë pas vetes konfliktet nga e kaluara, të cilat gjithmonë i kanë paguar qytetaret. Ai ka theksuar se Serbia dëshiron të gjejë një zgjidhje, e cila edhe serbëve edhe shqiptarëve do t’u siguronte paqe dhe jetë pa frikë për fëmijët e tyre.

Sipas tij, dialogu nuk është gjithmonë i lehtë dhe kërkon që të punohet qetë dhe me durim dhe kërkon seriozitet. Presidenti serb i ka paralajmëruar partnerët evropianë se çdo aksion i njëanshëm i Prishtinës në veri të Kosovës dëmton dialogun.

Tadic e ka përsëritur thënien e tij tashmë të njohur se “Serbia dëshiron të zgjidhë konfliktin historik të serbëve dhe shqiptarëve në Kosovë” duke thënë se kjo mund të arrihet vetëm përmes dialogut.

ahahha Gjithemone i kan pas zgjedhur siç kan dashte vet, me polici e ushtri, e tash me muhabet si dredht po ju del !!!