Toka

[Zero Cool]

Zbulohet gjallesa me e vjeter ne Toke





Shkencetaret australiane kane analizuar AND-ne e disa bimeve te medhaja detare Poseidonia, ne nje thellesine 40 m, ne nje hapesire te gjere nga Spanja deri ne Qipro.

Analizat kane treguar se bima eshte rreth 12 000 – 200 000 vjecare, mesatarisht 100 000 vjecare. Kjo moshe eshte shume me e vjeter sesa specia me e vjeter e njohur deri tani, nje bime ne Tasmani qe mendohet te jete 43 000 vjecare.

Profesor Carlos Duarte nga Universiteti i Australise Perendimore tha se bima ka arritur nje moshe te tille per arsye se ajo mund te riprodhohet ne menyre joseksuale dhe gjeneron klone te vetat. Organizmat qe prodhohen vetem ne menyre seksuale e humbin gjeneraten e tyre.

“Ato vazhdimisht prodhojne dege te reja. Ato perhapen shume ngadale dhe mbulojne nje zone shume te madhe duke krijuar hapesire per tu perhapur. Me pas ato i ruajne lendet ushqyese brenda degeve te tyre duke u pergatitur keshtu per periudha te veshtira” –tha prof. Duarte.

Fashat e ndara te bimesise ne Mesdhe perhapen pothuaj ne 10 milje gjeresi, me shume se 6 000 tone. Por prof.Duarte tha se nderkohe qe kjo bime detare eshte nje nga organizmat me te riperteritshme ne bote, ajo ka filluar qe te dobesohet si pasoje e zhvillimeve bregdetare dhe ngrohjes globale. “Nese ndryshimet klimatike vazhdojne me kete ritem, e ardhmja e kesaj specieje eshte shume e keqe” –tha ai.

Kjo bime, e quajtur ndryshe edhe ‘bari i detit’ po kalon nje gjendje te veshtire per shkak te ndertimeve ne bregdete dhe perkeqesimit te cilesise se ujerave. Me ngrohjen e ujit, keto organizma levizin me ngadale ne gjeresite me te medha. Deti Mesdhe eshte i mbyllur ne anen veriore nga kontinenti Europian, keshtu qe bimet nuk mund te levizin. Gjendja duket shume e rende!

[Zero Cool]

Në galaksinë tonë ndodhen 8.8 miliardë planetë të ‘banueshëm’ si Toka








06.11.2013

Janë të paktën 8.8 miliardë planetë të ngjashëm me Tokën (që kanë ujë në formë të lëngshme dhe lëndë të tjera që i bën potencialisht të banueshëm) vetëm në galaksinë tonë.

Kërkimi shkencor i udhëhequr nga Erik Petigura dhe i ndjekur nga një grup astronomësh të Universitetit Berkeley në Kaliforni është publikuar në revistën shkencore ‘Pnas’.

Bazuar në të dhënat e mbledhura nga teleskopi “Kepler” i NASA-s mendohet se në Rrugën e Qumështit ndodhen 40 deri në 50 miliardë yje, nga të cilët sipas astronomëve të NASA-s 22 për qind kanë karakteristikat e Diellit tonë dhe rrethohen nga planetë me karakteristika të ngjashme me Tokën.
Nëse këtyre shifrave u shtohet edhe numri i yjeve më përmasa më të mëdha, numri i planetëve potencialisht të banueshëm (me karakteristika të ngjashme me Tokën) do të shtohej me 20 miliardë.

Sipas shkencëtarëve, hapi i mëtejshëm është studimi i atmosferës së këtyre planetëve me anë të teleskopëve të fuqishëm hapësinorë për të kuptuar nëse vërtet ndonjëri prej tyre është në gjendje të mirëpresë jetë. Vetë shkencëtarët e pranojnë faktin se jo të gjithë planetët e ngjashëm me Tokën mund të jenë potencialisht të ‘jetueshëm’. Për shembull, mund të kenë një atmosferë shumë të dendur, çka do t’i bënte ata shumë të shumë të nxehtë dhe të papërshtatshëm për mbijetesën e molekulave të ADN-së.