Nga e ka prejadhjen pasuria e komandantëve të UÇK-së...?!

[Dilaver]

“Me shku në Besianë (ish Podujevë) pa pi çaj rusi e pa hagër pasul llapi, pa shëtitë qendrës përgjatë rrugës Zahir Pajaziti dhe pa i marrë njerëzit përgoje, kurgjo s’ke ba”, më tha tek stacioni i kombibusëve miku im Agroni me një buzëqeshje të lehtë. Ishte fillimi i qershorit dhe rrugës kishte aq shumë njerëz e vetura sa Goni nuk diti si ta shpjegojë ndryshe, përveç me ironinë e tij prej artisti. “Shoku jem, këtu ka me bollëk të papunë që shëtiten e përflasin, ka fukarallëk dhe përgojime sa të duash, por ka njerëz të mirë dhe ekstreme të skajshme, të mesëm ka pak ose hiq”, tha Goni derisa po i tregoja që kisha detyrë me ba një reportazh dhe unë kisha vendosur për ta kaluar tërë ditën e gjatë në këtë qytet verilindor të Kosovës që është larg nga kufiri me Serbinë vetëm 10 minuta ngasje me veturë.
Duke shkuar rrugës kryesore të Besianës, Goni tregonte për disa rrugë të shtruara në asfalt pas luftës, për objekte infrastrukturore dhe pas 5 minuta rrugë më ndali para një ndërtese të madhe ku u takua me dy miqt e tij Afrimin e Zamirin. “Kjo ndërtesë që është nisur nga pushteti komunist para 20 a 30 vjetësh kurr nuk u ndërtua dhe sot duket si një mamuth”, tha Goni, kurse u ndalëm pak më tutje në një qethtore. Një burrë i moshës mesatare dhe një djalë i ri na pritën ngrohtësisht e me buzëqeshje. Goni u ul menjëherë për t’i shkurtuar flokët, derisa në karrigen tjetër po rruhej një burrë rreth të 40-tave.


Nga e ka prejardhjen pasuria e komandantëve të UÇK-së...?!
“Ju kom thonë që nuk po ju shkojnë punët mirë, po k’tyne funkcionerëve s’po jau nin hiq. Qe ju shkoi ai deputeti i kuvendit në PDK e k’ta prap shkun për vikend në Ulqin, si me i pas pasë krejt punt n’terezi ”, thoshte ai burri tek po rruhej. Ndërsa Afrimi, shoku i Agronit, që ishte ulur prapa tij e në pasqyrë dukej përballë, pa ngurrim ndërhyri.
- Po ai far Qunaku nga Lluzhani s’asht hiq ma i mirë se ai që ja dorëzoi librezën, bile nuk asht kurrfarë qudie, tha Afrimi për të cilin e kuptova se ishte, siç po thoshin në Besianë, “me ledekenë (LDK)”.
- Kokshe i ri ti bre djalë, po ai që ja ka dhonë librezën asht, hej, komandant Remi që e shliroi kit ven, reagoi burri që po rruhej.
Djali i ri që po qethte Gonin, ndali makinën e rrymës dhe e lëshoi një fjali jo krejt të artikuluar, pastaj tha troq:
“Çka ka lidhje që u konë komandant, a paska ai të drejtë me ja vjedhë LDK-së njerëzit a? Po unë jom konë në sallë atë ditë kur ai majke ders për politikë dhe a e din çka i tha njani që kish luftu bashkë me të në UÇK? E veti qysh dhe me çka i ka mbaru shtëpiat në Llap e Prishtinë, kah i vjedh paret, kush ja mledh hala haraqin, qysh e bani gjithë at pasuni se para lufte o konë fukara e kët krejt llapi e din, bile marka kanë shitë në mes të qytetit...e nuk e di çka s’i tha se... e komandanti nuk diti hiq me ja kthy ni fjalë të meqme...qe qiky asht komandanti që ti po e mbronë”, fliste ky djali me nervozë, kurse Goni e luti miqësisht ta kryente qethjen ma shpejt sepse kishte punë.
- Edhe ti kokshe ledeke, a?
- Jo valla, unë kom shku te Behxhet Pacolli se po jepke pare, e k’ta të PDKsë, paret pi dojshin veç për veti...Ky Pacolli po e financon edhe Albin Kurtin e pse mos ma ja mjelë edhe na do pare?!
- Pse a keq e kan lonë edhe k’ta që jan ulë në fotele a, valla edhe k’ta u myten tuj vjedhë, tha me nervozizëm ai burri që sigurisht ishte i “pedekesë” (PDK).
- Jo more, po qiky Pacolli e la pa e ndërtu varrezën e dëshmorëve në Penuh se kish pa mendu që fiton PDKja e e merr naj tender...ti veq n’kofsh qorr se tash boll mirë po dihet që Pacolli asht i lidhun me Rusinë, PDK-ja me Rusinë e Greqinë dhe Albin Kurti me Serbinë...e krejt bashkë po i shërbejn shkaut...
- Mos fol bre djalë se del kush e ta bon naj t’keqe, i tha ky burri që mbronte PDK-në
- Mos po menon që po më tutë, boll kanë vra e kanë plagosë maskat e zeza të Hashim Thaçit. Hala s’ju ka ardhë dakiku me ju zbulu krejt se goxha me bisht kemi me ju dalë...


Shtëpia e komandant Remit në Prishtinë



vazhdon