Populli Kosovës dëshmoi…

[Lapsi]

Populli Kosovës dëshmoi…

Si çdo pranverë që vjen e simbolizon një fillim dhe shpres të re, edhe zgjedhjet shprehin të njejtën gjë. Në këtë kontekst, populli është ai që gjithmon kërkon një shkëndijë të re të jetës, do freskim dhe dëshiron të hedhë hap drejt zhvillimit. Posedimi i shpresës është në proporcion të drejtë me besueshmërinë te partitë politike. Shqiptarët e Kosovës e kishin mundësinë për të hedhë hapin drejtë së ardhmes. Zgjedhjet demokratike në Kosove, në të cilat u votua për strukturat e reja udhëheqëse për pushtetin lokal, dëshmuan pjekurin politike dhe vetëdijen demokratike të popullit shqiptar në rrugen drejt zhvillimit të shtetit të pavarur të Kosovës. Besueshmëria e popullit kaloi çdo sfidë. Populli i Kosovës edhe kësaj here dëshmoi se di të bëje zgjedhje të lira dhe demokratike si dhe di të udhëheqin me shtetin. Edhe pse u krijua një hendek i madh ndërmjet partive politike, duke plasuar të pavërteta në opinion, kjo nuk ndikoi në vendosmërinë e popullit. Populli shehë shumë më largë se sa mendohet. Kësaj here me një bindje më të fuqishme u përkrahën partitë e krahut të luftës. PDK-ja e Hashim Thaçit dhe AAK-ja e Ramush Haradinaj janë partitë që kanë ritur besueshmërinë te populli. Kjo ndoshta është rezultat i prishjes së baraspeshës politike mbrenda LDK-së, që nuk kishte qëndrim të mirë ndaj PDK-së, edhe përkundër asaj që këta dy subjekte janë pjesë e qeverisë. Kundërthëniet qëndrojn në ate se LDK nuk është thelluar në shkaqet themelore të dështimit të rethit të parë, por ndjekte ujërat nga lumi drejt përrenjëve, nga ku e kanë burimin, por pa thënë gjë për shiun. Në vend se të shpjegojnë dhe të gjejnë se ku qëndron problemi i bllokimit të kanaleve të progresit ekonomik dhe politik, ata filluan të luajn me popullin. Deshtëm që të jenë në qendër të vëmendjes, dhe filluan të ecin me kokë e jo me këmbë, duke u paraqitur para popullit si viktimë. Edhe përkundër përpjekjeve të shumta, shpifjet nga më të ndryshmet nuk arritën t’ia prishin imazhin partisë më të madhe në Kosovë, PDK-së. Përshkak të autoritetit të pakontestueshëm dhe të peshës që ka, Hashim Thaçi nuk kishte nevojë për mbrojtje. Dihet se ai mbrohej vetë, mandej ka ditur të mbrojë Kosovën në situata më të vështira. E di se ekstremët asnjëherë s’ia dalin të puqen, çiftëzohen e pjellin dordolec të rinjë... Populli nuk u gjunjëzua para fjalëve boshe. Ata treguan pjekuri dhe maturi. Dëshmuan se zgjedhjet e para të organizuara nga qeveria e Kosovës pas shpalljes së pavarësisë i plotësojnë standardet Europiane. Dëshmuan se Kosova është pjesë e Europës demokratike, se e nesërmja e Kosovës është në NATO dhe UE. Gjërat e nevojshme ndodhin kur konsiderohen të domosdoshme dhe atëherë kur bëhesh i vendosur për t’i arritur. Njeriu është pak në vetmi e shumë në shoqëri, e i dobët si individ, kurse i fortë me vëllezër. Punët e mëdha nuk kryhen pos me angazhime të ngjeshura kurse në betejat vendimtare nuk mund të realizohet fitorja pos me bashkimin e forcave dhe lidhjen e duarve, me paraqitje reale të platformave duke mos sharë e ofenduar të tjerët. Thuhet që pa absoluten relativja kurrë nuk mund të kuptohet plotësisht, kurse pa të pandryshueshmen nuk mund t’i caktohet drejtimi rrjedhës së asaj që ndryshon. Populli i Kosovës dëshmoi... Rezultatet e punës varen nga dëshira dhe vullneti për me i çuar proçeset para.Zgjedhjet në Kosovë ishin edhe shembull për vendet e rajonit, për shtetin Shqiptar, e veçmas për maqedonin ku gjatë zgjedhjeve mbushen kutitë me ndihmën e kallashnikovëve nga partizanët partiak që terrorizojnë popullin shqiptarë. Edhe përkunder vleresimeve pozitive që jepen për zgjedhjet, vleresimi me objektiv, që është në harmoni me realitetin politik, është se në këto zgjedhje fitoi populli i Kosovës.
Forca që mund çdo dhunë, është forca e lirisë.



Agim Jakupi