Qeveria

[Zero Cool]

[Zero Cool]

Avdi Limani:


Turpi i Qeverisë dhe kukullave të saj



Ditë më parë Hajredin Kuçi me një pompozitet mediatik, për të cilat vetëm ai ka talent ta bëjë, u shpreh se së shpejti Qeveria do t’ia procedojë Kuvendit për miratim projektligjin për vlerat e Luftës. Të ftuar në takim me të qenë edhe të ashtuquajturit përfaqësues të shoqatave të dala nga lufta, të cilat më shumë janë përfaqësuese të qeverisë sesa të familjeve të dëshmorëve, invalidëve e luftëtarëve të UÇK-së. Mesazhi i djallëzuar i premtimit të Kuçit ishte ky: projektligji mund të miratohet vetëm përmes rrugëve zyrtare dhe jo përmes grevave në rrugë. Ky marifet i ligë i Kuçit duhet parë si një përpjekje e dëshpëruar e qeverisë për të heshtur zërin e kundërshtimit. Në qoftë se, qeveria do të ishte kaq e ndjeshme ndaj kërkesave të luftëtarëve të nëpërkëmbur të UÇK-së, ajo qysh moti do të duhej të bënte miratimin e një ligji të tillë, sepse fort mirë dihet që më së shumti pas luftës kanë pësuar luftëtarët e UÇK-së.

Fatmirësisht, veteranët që po grevojnë tash e sa javë, u shprehen të palëkundur të vazhdojnë protestën e tyre gjer në realizimin e plotë të kërkesës së tyre sa të ligjshme aq edhe të drejtë. Zyrtarët në Qeveri po bëjnë çkamos që projektligjin për luftën ta shtyjnë mundësisht sa më shumë dhe sa më afër kohës së zgjedhjeve në mënyrë që të korrin edhe një mandat të radhës prej votave të luftëtarëve. Sido që të jetë rrjedha e zhvillimeve, duhet të dihet se miratimi i projektligjit për vlerat e luftës do të vijë si pasojë e organizimit, grevës dhe presionit nga veteranët grevistë dhe jo nga të ashtuquajturat shoqata të luftës. Në mënyrën më cinike të mundshme, një Xhavit Jashari që i thotë vetës eksponent i shoqatës së Dëshmorëve, u mundua dëshpërueshëm të hedhë baltë mbi grevistët dhe qëllimet e drejta të tyre, duke thënë se ata janë të nxitur nga dikush, mirëpo s’dha as edhe më të voglin sqarim për akuzat e tij – dëshmi e qartë kjo mbi papërgjegjshmërinë dhe arrogancën e tij.

Le të dihet kjo se nuk është far sekreti: vetë Xhavit Jashari qëndron në postin e kryetarit të shoqatës së luftës, edhe pse mandati i tij ka skaduar prej kohësh. I njëjti gjatë kohës së luftës ka qëndruar në Slloveni, duke shijuar të mirat e jetës së qetë dhe konfore, për dallim prej luftëtarëve të UÇK-së të cilët dhanë gjithçka që patën për liri dhe çlirim të tokave të robëruara shqiptare.

Greva e luftëtarëve të UÇK-së ka meritën se që prej përfundimit të luftës ka qenë më seriozja dhe më këmbëngulësja: ajo s’ka rënë pre e mashtrimeve dhe presioneve të shumta të politikanëve. Prandaj, ajo duhet të bëhet shembull që do ndjekur edhe nga kategoritë e tjera shoqërore, që janë njësoj të nëpërkëmbura. Deri më tani, Qeveria dhe politika në përgjithësi kanë dërguar misione të tëra grevë-thyesish, të cilët dështuan paturpësisht. Është e udhës të përmenden disa nga emrat e politikanëve të papërgjegjshëm që synuan t’i zmbrapsin grevistët nga qëllimet e tyre të drejta dhe të ligjshme: delegacioni kuvendar i nisur prej Jakup Krasniqit, në përbërje të të cilit ishin: Rexhep Selimi i Vetëvendosjes, Myzeine Selmani i AKR-së, A. Zemaj e Anton Çuni i LDK-së, Ramiz Lladrofci e Latif Gashi i PDK-së, Ahmet Isufi i AAK-së. Ata ikën me bisht në shalë, siç thotë një fjalë, duke marrë një njollë turpi më shumë në personalitetin e tyre. Sa e pamoralshme: njerëz që shijojnë privilegjet më të mëdha monetare bëjnë përpjekje ta shuajnë kërkesën e ligjshme të luftëtarëve të UÇK-së, të cilët kanë mbetur në kufirin e luftës për ekzistencë.

Në fakt, s’të habit dhe aq presioni që të lartpërmendurit kanë ushtruar ndaj grevistëve: është ditur që moti që shumë prej tyre mu pas përfundimit të luftës kanë përfituar materialisht e financiarisht në emër të luftës. Por e papritura kësaj herë na erdh prej vetë partisë së Albin Kurtit, për të cilën kemi pasur përshtypjen e gabuar se do të sjellë pastërti morale në politikë. E tëra që ajo po sjell është apetiti i saj për të provuar edhe ajo vetë pushtetin. Në njërën anë, figurat kyçe të Vetëvendosje-s (Albin Kurti, L. Aliu me kompani) erdhën në tenda duke pretenduar se solidarizohen me grevën dhe kërkesat e luftëtarëve të UÇK-së, gjë të cilën e trumbetuan edhe në media. Por, në anën tjetër ‘zyrtare’, deputeti i Vetëvendosje-s, Rexhep Selimi erdhi me mision nga Kuvendi, që t’i spraps grevistët nga kërkesat e tyre.

Këtu ka diçka që s’shkon! Si është e mundur që jozyrtarisht, Albin Kurti i Vetëvendosje-s bëhet gjoja se i përkrah grevistët dhe kërkesat e tyre, kurse zyrtarisht Rexhep Selimi i Vetëvendosje-s mundohet që t’i zmpras grevistët nga po këto kërkesa. Do të doja të isha gabim, por kjo të shpie në përfundimin se Albin Kurti i Vetëvendosje-s po mundohet t’ua fitojë zemrat dhe mendjet e luftëtarëve që po mbajnë grevë, jo për tjetër gjë, po për planet e tij të mëtutjeshme për ngritje në politikë. Vetëvendosja e tij në Kuvend, deri më tani s’ka ngritur ndonjëherë zërin seriozisht as në mbrojtje të luftës çlirimtare e as në mbrojtje të kategorive të dala nga lufta. Këtë e dëshmon koha e publikimit të raportit të serbofilit Dick Marty, ku Albin Kurti nuk e kundërshtoi përmbajtjen fyese dhe raciste të këtij raporti, aq sa kjo ngriti (ndoshta me të drejtë) dyshimin se, ai pajtohej me përmbajtjen e këtij raporti, i cili e ‘eliminonte’ nga rruga, konkurrentin e tij politik, Thaçin dhe PDK-në.

Pra, Luftëtarët e UÇK-së që po grevojnë në mbrojtje të vlerave të luftës sonë çlirimtare duhet të dinë si të përballojnë sfidat që vinë nga partitë politike, që synojnë shfrytëzimin e gjendjes së rëndë të këtyre kategorive të luftës, në mënyrë që të përfitojnë politikisht pushtet për vete. Grevistët s’duhet të ndalin grevën, derisa kërkesat e tyre të ligjshme të zbatohen një për një. Po ashtu, grevistëve duhet t’u bashkëngjiten masivisht edhe shoqatat e ish të burgosurve politik, sepse edhe ata gjenden në të njëjtën pozitë të përbuzjes. Duhet të kuptohet që miratimi i Projektligjit të Luftës është mbrojtje e vlerave dhe dinjitetit të tërë shqiptarëve kudo që janë!

(Autori është ish i burgosur politik)

[Zero Cool]

KDI: Papjekuri sistematike e institucioneve të shtetit






Përveç mungesës së disa ligjeve anti-korrupsion, Kosova karakterizohet edhe me institucione që performojnë shumë dobët, u tha të enjten në konferencën “Kërkesat e BE-së kundër korrupsionit: Matja e progresit në Kosovë”, organizuar nga Instituti Demokratik i Kosovës (KDI).


Në hapje të tryezës, koordinatori i Projektit CIMAP, Esat Mazreku, ka thënë se të gjeturat kryesore në rastin e Kosovës tregojnë për një papjekuri sistematike të institucioneve themelore të shtetit.

Ndërsa, ish ministrja e Administratës Publike, Melihate Tërmkolli u shpreh se ky raport së paku do të vë në shesh mangësitë e këtij sektori.

“Problemet kryesore të administratës publike janë: politizimi i saj, mos zbatimi i ligjeve sidomos i atij për shërbyesit civil, mos zbatimi i reformave që dalin nga projekti i rishikimit funksional për administratën, për të cilën edhe pse janë harxhuar 4 milionë euro, ky projekt ka mbetur ende vetëm në letër”, ka thënë Tërmkolli, ndërkohë ka shtuar se për një luftë efikase kundër korrupsionit, nevojitet vetëm vullnet politik.

Në anën tjeter, Dastid Pallaska, njohës i fushës së drejtësisë theksoi se Kosova ka mjaft ligje për luftimin e korrupsionit, por sipas tij, mungojnë aktet nënligjore dhe rregulloret e ndryshme për të pas një luftë më efektive. “

Ndërkaq, Mazreku ka renditur po ashtu edhe një sërë rekomandimesh të cilat sipas tij do të ndihmonin në përmirësimin e gjendjes, ku ndër të tjera përfshihen: sigurimi i qasjes ne dokumente publike, monitorimi dhe verifikimi i deklarimit të pasurive, vendosja dhe zbatimi i kodeve të mirësjelljes, zbatimi dhe përforcimi, për gjyqtarët dhe shërbyesit civilë, si dhe miratimi i kodit të mirësjelljes për deputetët e parlamentit, eliminimi i ndërhyrjeve politike, identifikimi i hershëm i keqpërdorimeve etj.

Projekti CIMAP është dizajnuar në atë mënyrë që të mundësojë pasqyrimin e gjendjes së përpjekjeve anti-korrupsion të Kosovës në procesin e përmbushjes së standardeve të BE-së, dhe atë në tri institucionet kryesore, siç janë administrata publike, gjyqësori dhe legjislativi.

Ky projekt është zhvilluar në bashkëpunim me Sekretariatin e Transparency International dhe është shtrirë në 4 shtete: Kosovë Shqipëri Maqedoni dhe Turqi. Në Kosovë, projekti është përkrahur nga Komisioni Evropian , Ambasada Britanike dhe ajo Norvegjeze në Prishtinë.

[Guri i madh]

Riformatimi ua lëkund ulëset Beqajt, Hoxhajt e BujësPublikuar: 02.09.2011 - 09:06

Prishtinë, 2 gusht – Riformatimi i paralajmëruar i Qeverisë ka gjasa ta lërë pa post ministror Besim Beqajn, ndërsa edhe kolegu i tij nga resori i diplomacisë, Enver Hoxhaj, thuhet se nuk shihet si dikur me sy të mirë nga kreu i ekzekutivit, Hashim Thaçi.

Beqaj dhe Hoxhaj janë përmendur nga burime të afërta me kryeministrin e Kosovës, ndërsa arsyeja për largimin e tyre mund të kërkohet pjesërisht edhe tek konflikti në të cilin këta dy kanë rënë me Behgjet Pacollin, partnerin kryesor të koalicionit qeverisës të kryesuar nga Thaçi.

“Beqaj pothuaj e ka të sigurt largimin”, ka thënë burimi për “Kohën Ditore”, duke shpjeguar se ministri për Zhvillim Ekonomik tashmë ka një konflikt të hapur me zëvendëskryeministrin e parë, Pacolli, që lidhet me sektorin që ai e udhëheq, e për të cilin kreu i AKR-së është më se i interesuar. Për konfliktin tashmë ka folur publikisht Pacolli.

Sa për ministrin e Jashtëm, Enver Hoxhaj, i cili është edhe njëri nga nënkryetarët e Thaçit në Partinë Demokratike të Kosovës, burimi i gazetës ka thënë se nuk është vendosur përfundimisht që të largohet, ndoshta edhe për shkak të pozitës në parti, por se ka kohë që atë kryeministri nuk e sheh me syrin e favorshëm.

“Edhe Hoxhaj është ankuar vazhdimisht për shkak të Pacollit, duke pretenduar se ky po i ndërhyn në punën e shefit të diplomacisë, dhe kjo me kohë ka shkaktuar një kundërreagim të pafavorshëm te Thaçi”, thotë burimi, i cili shpjegon se Hoxhaj kohët e fundit është dëgjuar të ketë folur shpesh për mediet e huaja, sidomos ato gjermanofolëse, që në disa raste e ka irrituar edhe kryeministrin.

Megjithatë, për dallim nga Beqaj, i cili duket se për largimin nga kabineti “e ka biletën e prerë”, Hoxhaj mund t’i shpëtojë fshesës së Thaçit për shkak të pozitës që ka në PDK dhe bazës zgjedhore që nuk është edhe aq e vogël. Komuna prej nga vjen, Suhareka, në zgjedhjet e fundit ia ka shtuar votat PDK-së.

“Beqaj nuk ka bazë zgjedhore në parti, nuk është as kuadër i afërt me PDK-në, derisa Hoxhaj është nënkryetar, dhe kjo mund të peshojë në favor të tij”, ka thënë burimi i gazetës.

Hoxhaj dhe Beqaj kanë ndërmarrë disa veprime së fundi, që nga publiku mund të shihen si relaksim marrëdhëniesh ndërmjet tyre dhe Pacollit.

Beqaj ka qenë në darkën që të martën ka shtruar Pacolli në vilën e tij, kur ka shënuar 60-vjetorin e lindjes. Por, nuk kishte ndenjur shumë.

Ndërkaq, Hoxhaj e ka quajtur si mrekulli aktivitetin lobues që Pacolli ka bërë në Afrikë, pas të cilit tri vende njohën Kosovën shtet. Megjithëkëtë, kishin demonstruar përplasje nëpërmjet deklaratave publike për përvetësim meritash sa i takon njohjes së Kosovës nga Shën Lucia, një vend i Amerikës Qendrore.

Të enjten kreu i ekzekutivit nuk ka dashur të flasë për riformatimin dhe as për marrëveshjen që ka me AKR-në, për t’ia lëshuar edhe një ministri.

“Ne jemi në bashkëpunim shumë të ngushtë dhe jemi duke e implementuar agjendën tonë të plotë”, ka thënë kryeministri Thaçi pas mbledhjes së Qeverisë.

Gazeta ka raportuar në fillim të javës se kreu i ekzekutivit do ta bëjë procesin e riformatimit në kohën kur i duhet që në llogari të AKR-së ta heqë nga Qeveria një ministër të partisë së tij, PDK-së. Kjo për ta përmbyllë marrëveshjen e bashkëqeverisjes me të. Informata nuk është konfirmuar nga zyrtarë të këtyre subjekteve. Por një burim i gazetës ka thënë se “nuk do të ketë ndryshime të mëdha në Qeveri” dhe se “Qeveria nuk do të freskohet vetëm me ndërrimin e ministrave të PDK-së”.

Pos Beqajt e Hoxhajt, rrota e riformatimit po ashtu pritet të shkelë edhe një ministër të PDK-së, Ramë Bujën, ministria e të cilit thuhet se i është premtuar tashmë Pacollit me marrëveshjen e koalicionit, e ku pritet të vihet nënkryetari i AKR-së, Ibrahim Gashi. Buja është i vetmi nga ministrat e PDK-së që i takon të ashtuquajturit “grupi i ish-të burgosurve politikë”, që përbën opozitën përbrenda PDK-së.

Pacolli, po ashtu thuhet se kërkon Ministrinë e Zhvillimit Ekonomik, por Thaçi, sipas burimit, nuk është i gatshëm të heqë dorë nga kjo ministri e fuqishme, dhe t’ia lërë tërë ekonominë në duar Pacollit.

Një burim i afërt me Pacollin ka treguar se Gashi, që aktualisht është numri dy në diplomacinë kosovare, prej kohësh po i bën presion atij për ta bindur Thaçin që ta implementojë marrëveshjen që do ta bënte atë ministër.

Gazeta ka siguruar përmbajtjen edhe të një SMS-je që Gashi ia ka adresuar Pacollit, me të cilën i kërkohet të përfshihet në Qeveri që në fillim të mandatit.

“Kryetar, kështu më tha Hajredini (zëvendëskryeministri Kuçi v.j.): Duhet të insistosh që dikush të mos i mbajë dy poste e unë të mbetem jashtë se për zotën po ndihem shumë i tradhtuar”.

Gashi i ka thënë edhe gazetës se është i gatshëm të heqë dorë nga posti i zëvendësministrit të Punëve të Jashtme, sapo kryeministri të vendosë për ta liruar një ministri për AKR-në.

“Nuk mundem tash ta konfirmoj plotësisht, por nëse do të ketë një ministri tjetër, mund të ketë lëvizje prej anës sime nga posti i zëvendësministrit”, ka thënë ai.

Edhe gjatë mandatit të shkuar, kur Qeveria drejtohej nga PDK-ja e LDK-ja, kryeministri Thaçi kishte riformatuar Qeverinë. Këtë e kishte bërë në gjysmë të mandatit të rregullt qeverisës.

Procesi ua kishte marrë postet ministrore 6 ministrave, prej 18 sa ka pasur kabineti qeveritar. Tre kanë qenë të PDK-së dhe tre të tjerë të LDK-së. Ata i kishte zëvendësuar me të rinj. Në të njëjtën kohë kishte krijuar edhe një ministri të re, atë të Integrimeve Evropiane, duke e vënë në krye të saj një njeri të PDK-së.

[Llapi]

Kryeçlirimtari e din vet se qfar ban e punon
mos ja bani ju fort dertin

[Llapjani_HH]

Postimi origjinal është bërë nga Llapi

Kryeçlirimtari e din vet se qfar ban e punon
mos ja bani ju fort dertin

Llapi, qa po ta merr menja për kto akuzat që po ja ban Fatmiri Hashimit?
Apo doni me shpall Fatmir Limën shpiun e bashkpuntor t'shkieve?

[Llapi]

Postimi origjinal është bërë nga Llapjani_HH

Llapi, qa po ta merr menja për kto akuzat që po ja ban Fatmiri Hashimit?
Apo doni me shpall Fatmir Limën shpiun e bashkpuntor t'shkieve?

na nuk e shpallum askend shpiun i shkieve pa qen
pse askush nuk me ka than mua ose familjes time shpiuna si psh. f.shehollit haaaaaa

[MemphiSx]

Postimi origjinal është bërë nga Llapi

na nuk e shpallum askend shpiun i shkieve pa qen
pse askush nuk me ka than mua ose familjes time shpiuna si psh. f.shehollit haaaaaa

E qe i bjen????

Se edhe Fatmiri don me ju dal shpijun a??? Hahahahah jo jo so ne pyetje ksaj here shpijunllaki...po interesat,hajnit,krimet qe i kan bo bashke!

Fatmiri i ka thon hashes..ti e din ku jam kan 6 muj dit...gjithkahhh jem kkon bashke,veq ne lufte as 1 dit ;)

[uck_aksh]

e gjith e verteta do te del ne shesh nga fillimi kush dhe qka ka ber se nje dit ata qe kan punuar bashkarisht do te ndahen edhe do ti shpalosin gjith te kqijat qka i kan ber popullit nga i pari politikan i kosoves deri i fundit por un gjithmon kam then se kenga dhe poezit nuk duhen te shkruhen menjeher mbas vdekje duhet te presim nje koh se pastaj nga nje president a kryeminister i pa harruar do tja thurrim kengen president e kryeminister trathtar prandaj historin duhet ta shkruajm per njerz shum vite pas vdekje mbasi te zbardhet e gjith veprimtaria e tij

[MemphiSx]

Plus as vet spi dike sa Zevendes KryeMinistra i ka ne Qeverin qe e udheheq vete :@

[Kaqanikasja]

Sa mir qe kemi kso njerz qe i dijn me mir punt e tjerve se te vetat si psh ketu me mir po i dini ju se sa ministra e zevendesministra i ka Thaqi se ay vet nxnnncncnccncncncncncncn me u marr shqiptart me punet e veta me shum se me te hujat shum me mir jemi

[prishtinasi]

Postimi origjinal është bërë nga Kaqanikasja

Sa mir qe kemi kso njerz qe i dijn me mir punt e tjerve se te vetat si psh ketu me mir po i dini ju se sa ministra e zevendesministra i ka Thaqi se ay vet nxnnncncnccncncncncncncn me u marr shqiptart me punet e veta me shum se me te hujat shum me mir jemi

Tregona ti, ky zavendesministrat i pagun prej xhepit te vete, apo me taksat tona!? Nese i pagun prej xhepit te vete, jom dakord me ty, veq aman tregona :)

[Kaqanikasja]

Postimi origjinal është bërë nga prishtinasi

Tregona ti, ky zavendesministrat i pagun prej xhepit te vete, apo me taksat tona!? Nese i pagun prej xhepit te vete, jom dakord me ty, veq aman tregona :)

nuki ke fjala te pagesat po ke fjala per tjera gjona ne at shkrim

[prishtinasi]

Postimi origjinal është bërë nga Kaqanikasja

nuki ke fjala te pagesat po ke fjala per tjera gjona ne at shkrim

Per diqka ke...nejse...

[Oqeani]

Nasredini kur po na bahet kryeminister !!!!!!!!!!!!!!!!!!!!!!!!!!!!!!!!!!