Lajme aktuale nga vendi !

KFOR-i ndal aksionin


22-10-2011 00:29 CET


(E plotësuar) Forcat e KFOR-it janë tërhequr nga aksioni për të larguar barrikadat që çojnë drejt pikës kiftare në Jarinje, respektivisht heqjen e barrikadës në Rudare, afër se cilës janë mbledhur serbët lokalë në një numër të konsiderueshëm.
Raportohet se, tërheqja e forcave të KFOR-it prapa nga kanë ardhur, është duartrokitur nga turma e serbëve të mbledhur.
***
Forcat e KFOR-it sapo kanë filluar një aksion të ri për t’i hequr barrikadat në veri të Kosovës, tash në drejtim të pikës kufitare në Jarinjë.
RTK raporton se në drejtim të kësaj pike janë duke shkuar me dhjetëra automjete të rënda dhe forca të mëdha të KFOR-it.
Ndërkaq, siç raportojnë mediat serbe, forcat e KFOR-it janë nisur drejt Rudarit, ndërsa në rrugë janë ndeshur me serbët lokalë, të cilët po qëndrojnë në barrikadat e vendosura në atë pjesë.
Në këto momente, siç raportohet më tej, forcat e KFOR-it dhe serbët e mbledhur mbi barrikada, të cilët po brohorasin parulla nacionaliste, po qëndrojnë përballë njëri-tjetrit në rrugën që shpie drejt Jarinjës.
KFOR-i u ka bërë thirrje atyre të largohen nga barrikadat përndryshe do të jetë i detyruar të përdorë forcen.
Komandanti i KFOR-it, Erhard Drews, u tërhoqi të premten vërejtjen serbëve se në rast se nuk largojnë barrikadat në veri, ushtarët e misionit do të jenë të detyruar ta përdorin forcën.
Drews tha se dëshiron që barrikadat të largohen në mënyrë paqësore, por theksoi se nëse nuk ndodh një gjë e tillë, misioni i NATO-s në Kosovë “do të jetë i detyruar” ta zbatojë mandatin e tij për të rivënë lirinë e lëvizjes në pjesën e Kosovës të kontrolluar nga serbët.
Të enjten, paqeruajtësit ndërkombëtarë hoqën disa barrikada në veri-aksione këto që vazhduan edhe gjatë së premtes.
Komandanti i KFOR-it Drews ka lënë mundësinë që të shtunën të zhvillojë një takim me përfaqësuesit serb në veri të vendit. Mirëpo, përgjigja e tyre ka qenë e shpejtë dhe në një farë mënyre refuzuese.
Kryetarët e zgjedhur nga zgjedhjet ilegale serbe në katër komuna të kësaj pjese të Kosovës, siç raporton BETA, kanë thënë se janë të gatshëm të bisedojnë për çështjen e barrikadave, por vetëm me komandantin e KFOR-it dhe pas tërheqjes së forcave të KFOR-it. /Zëri/
1

[Neferta]

Ministri për veriun?!




Për integrimin më të lehtë të veriut.(lexo per dezintegrimin e veriut jugut lindjes qendres perendimit fushes dhe maleve na duhet nga nje karkalec i bores dmth qeverija veriun e konsideron si oaze te ndare dikund ne ndonje kontinent tjeter) ndryshimi i tekstit nga une
Interpretimi nga aspekti qeveritar i kërkesës së Komisionit Evropian për agjendën gjithëpërfshirëse për veriun, sipas Goranit, do të nënkuptonte krijimin e një ministrie të tillë, e cila do të duhej të ndihmonte në integrimin përmes mjeteve ekonomike e politike

[taraku-1]

Postimi origjinal është bërë nga Neferta

Ministri për veriun?!




Për integrimin më të lehtë të veriut.(lexo per dezintegrimin e veriut jugut lindjes qendres perendimit fushes dhe maleve na duhet nga nje karkalec i bores dmth qeverija veriun e konsideron si oaze te ndare dikund ne ndonje kontinent tjeter) ndryshimi i tekstit nga une
Interpretimi nga aspekti qeveritar i kërkesës së Komisionit Evropian për agjendën gjithëpërfshirëse për veriun, sipas Goranit, do të nënkuptonte krijimin e një ministrie të tillë, e cila do të duhej të ndihmonte në integrimin përmes mjeteve ekonomike e politike

Ministri(autonomi) ne kuader te Kosoves, por spo guxojn prej populli me pranue..qikaq e ki nje her per nje her, ne mujshum me bo naj ndryshim e mos me pranue....

hajde hajri e daft..

[Fshatari]

Postimi origjinal është bërë nga Neferta

Ministri për veriun?!




Për integrimin më të lehtë të veriut.(lexo per dezintegrimin e veriut jugut lindjes qendres perendimit fushes dhe maleve na duhet nga nje karkalec i bores dmth qeverija veriun e konsideron si oaze te ndare dikund ne ndonje kontinent tjeter) ndryshimi i tekstit nga une
Interpretimi nga aspekti qeveritar i kërkesës së Komisionit Evropian për agjendën gjithëpërfshirëse për veriun, sipas Goranit, do të nënkuptonte krijimin e një ministrie të tillë, e cila do të duhej të ndihmonte në integrimin përmes mjeteve ekonomike e politike

Pergjigje e gatshme per Keshillin e Evropes :
- Separi keto ministri:
- 1 per gjysmen e Maqedonise per integrimin e shqiptareve ne shtetin e Kosoves;
- 1 per Luginen e Presheves, per integrimin e shqiptarve ne shtetin e Kosoves, dhe
-1 per malin zeshkan per integrimin e shqiptarve ne shtetin e Kosoves.

Ky eshte plani gjtheperfshires qe i pershtatet diktatit te evropes plake e ku..., siç e dime ne mire.

[Neferta]

Postimi origjinal është bërë nga Fshatari

Pergjigje e gatshme per Keshillin e Evropes :
- Separi keto ministri:
- 1 per gjysmen e Maqedonise per integrimin e shqiptareve ne shtetin e Kosoves;
- 1 per Luginen e Presheves, per integrimin e shqiptarve ne shtetin e Kosoves, dhe
-1 per malin zeshkan per integrimin e shqiptarve ne shtetin e Kosoves.

Ky eshte plani gjtheperfshires qe i pershtatet diktatit te evropes plake e ku..., siç e dime ne mire.

Te gjitha ministrit jan edhe shum ka bile po asnje ministri nuk i drejton keto pune fjetur, nuk ka boshllek ministror po ka mospune ne instiucione

PDK ia redaktoi tekstin Jahjagës?


Artan M. Haraqija | 22-10-2011 23:39 CET


Fjalia e fundit që presidentja Atifete Jahjaga e ka lexuar në 12-vjetorin e themelimit të Partisë Demokratike të Kosovës, ishte se partia e Hashim Thaçit “e ka dhe do ta ketë përkrahjen time”. Fjalët e mira që gjenden me bollëk në letrën e lexuar nga Atifete Jahjaga, e cila me Kushtetutë duhet të jetë simbol unifikues i vendit, ka shumë mundësi që të jenë shkruar nga vetë zyrtarët e PDK-së.
Gazeta “Zëri”, ka marrë vesh jozyrtarisht se fjalimi i lexuar nga Jahjaga në ditëlindjen e 12-të të PDK-së, i është dërguar fillimisht partisë së kryeministrit Thaçi për aprovim.
“Partia Demokratike e ruajti bazën e një partie moderne, të konsoliduar e të organizuar, duke pasur përherë entuziazmin e përkushtimin e liderëve, të udhëheqësve dhe të anëtarëve të saj të devotshëm”, thuhet ndër të tjera në fjalimin që e lexoi Jahjaga në aktivitetin e mbajtur më 17 tetor.
Pothuajse të gjitha partitë politike në vend dhe përfaqësuesit e shoqërisë civile reaguan duke thënë se me këtë përmbajtje, Presidenca ka shkelur një nga parimet kryesore të punës së këtij institucioni, atë të qenit unifikues i vendit. Këshilltari i lartë politik i Presidencës, Ramush Tahiri, thotë se ai mban përgjegjësi për tekstin, por e mohon mundësinë që ai fillimisht t’i ketë shkuar PDK-së për aprovim.
(Shkrimin e plotë mund ta lexoni në numrin e sotëm të gazetës “Zëri”)

Reichel: Mjafton “Ahtisaari” për Veriun


23-10-2011 09:20 CET


Ambasadori gjerman në Kosovë, Ernst Reichel, ka thënë për “KIM Radio”, që është me rëndësi që të gjithë ta kuptojnë se ideja për ndryshimin e kufijve në Kosovë thjesht nuk është më gjë e mundshme.
Reichel ka deklaruar që nuk beson në mundësinë që veriu i Kosovës të ekzistojë si njësi politike, dhe ka vlerësuar se është i panevojshëm çfarëdo i ashtuquajtur Plani Ahtisari plus, për të cilin po spekulohet, raporton Koha Ditore.
"Sa i përket Planit të Ahtisaarit, mendoj që ai tashmë është shumë zemërgjerë. Ai serbëve në Kosovë, por edhe komuniteteve të tjera u ofron mjaft liri dhe unë çdokujt do t’i kisha sugjeruar që së pari ta lexojë atë plan dhe të njihet me atë që shkruan aty, para se të fillojë të flasë për ndryshimet”, ka thënë ai.
Ai ka theksuar që është shumë me rëndësi të kuptohet që KFOR-i dhe EULEX-i duhet ta zbatojnë mandatin e tyre në tërë territorin e Kosovës.
“Porosia ime e dytë për të gjithë, pra edhe për serbët në veri të Kosovës, është që të mendojnë se a është vërtet aq keq të jetojnë në Kosovë, ku sipas ligjeve ekzistuese u janë të siguruara të gjitha të drejtat. Jo vetëm sipas ligjeve të Kosovës, por edhe praninë e bashkësisë ndërkombëtare, e cila është garanci që ato ligje do të zbatohen”, ka thënë ai.
Reichel ka theksuar që Beogradi tashmë një kohë të gjatë “po përpiqet që ta kushtëzojë dialogun me bisedime për kufij në veri të Kosovës që nuk është fare temë e dialogut”.
“Beogradi kërkon që tre zyrtarët kosovarë të doganës të tërhiqen nga të gjitha pikat kufitare dhe këto janë faktikisht parakushtet për dialog që as për palën kosovare as për Bashkimin Evropian nuk janë të pranueshme”, ka thënë ai.
I pyetur për t’i komentuar disa pohime nga Beogradi që shtetet kryesore perëndimore po e sjellin në situatë që të jetë humbës i plotë, sa i përket Kosovës, Reichel ka vlerësuar që “Beogradi po paraqet kërkesa joreale, e kjo assesi nuk e ndihmon, ngjashëm siç nuk e ndihmon as të lidhet për disa iluzione”.
“Neve në Evropë na duhet Serbia e shekullit 21 e jo Serbia e shekullit 19 dhe nëse Serbia dëshiron të jetë pjesë e BE-së, atëherë kjo është e mundshme vetëm për Serbinë e shekullit 21”, ka theksuar ai.
Kjo, sipas fjalëve të tij, mes tjerash, do të thotë që Serbia duhet të jetë në marrëdhënie të mira me fqinjën e saj që përsëri do të thotë që Serbia do të duhet që në ndonjë mënyrë të mësohet më ekzistimin e Kosovës.
"Qëllimisht kam thënë që Serbia duhet të pajtohet me ekzistimin e Kosovës, por kjo nuk do të thotë që duhet ta njohë atë”, ka thënë Reichel.
Ajo që ne në BE nuk e duam është konflikti, sepse konflikti i pazgjidhur territorial nuk mund të jetë pjesë e BE-së. Duhet të gjendet një rrugë me të cilën Serbia dhe Kosova mund të bashkëpunojnë në kushte normale, ka thënë ambasadori gjerman.

Kërcënon Daqiç: Dhunës do i përgjigjemi me dhunë


23-10-2011 10:04 CET


Zëvendëskryeministri i Serbisë, Ivica Daqiç, ka thënë prapë se demarkacioni është zgjidhja më e mirë për problemet në Kosovë. Ai thotë se duhet të vazhdojnë bisedimet, por Beogradi nuk do të shikojë qetë se si pushteti në Prishtinë “po niset në spastrimin e serbëve me njëfarë ‘Stuhie’ të re”.
“Ndoshta sot disa kërkesa të serbëve nuk janë reale, por ajo që sigurisht është joreale është që serbët do të mbesin të jetojnë me Kosovën e pavarur. Prandaj, është mirë që bashkësia ndërkombëtare të bisedojë me serbët. Po ashtu, nuk jam i sigurt nëse të gjithë faktorët në bashkësinë ndërkombëtare e duan zgjidhjen paqësore”, ka thënë Daqiç për Alo, transmeton Telegrafi.
“Unë i takojë linjës së ashpër kur është fjala te Kosova. Mendoj se Serbia duhet të caktojë disa linja të kuqe. Nëse Turqia mund të thotë se sulmi në Sarajevë është sulm në Turqi, ashtu edhe sulmi në pjesën veriore të Mitrovicës është sulm në Serbi. Nëse Rezoluta 1244 nuk respektohet, atëherë nuk mund të presin nga ne që të respektojmë diçka që askush nuk respekton. Pse nuk kthehen 1000 policë e ushtarë tanë në Kosovë? Bashkësia ndërkombëtare nuk do të flas për këtë. Unë këtë gjithmonë e ceki dhe gjithmonë hasi në gjykimin se kjo nuk është reale. Prandaj, unë mendoj se nëse shqiptarët sulmojnë veriun e Kosovës, Serbia duhet të përgjigjet”.
Në pyetjen se a mendon me këtë përgjigje intervenimin e forcave të Serbisë, ai përgjigjet: “Me dhunë nuk mund të përgjigjesh duke e kthyer faqen tjetër”.
“Pra, nëse Thaçi niset në ofensivë kundër serbëve, me siguri nuk do ta shohim duarkryq ‘Stuhinë’ e Kosovës”.

Vetëvendosje kundër marrëveshjeve për riatdhesim


22-10-2011 15:22 CET


Marrëveshjet mes Qeverisë së Kosovës dhe vendeve të BE-së për riatdhesimin e qytetarëve kosovarë janë kritikuar nga Lëvizja “Vetëvendosje”. Për këtë subjekt politik, marrëveshjet nuk janë në favor të qytetarëve të Kosovës.
Qeveria e Kosovës, deri më tani, ka nënshkruar 14 marrëveshje me vendet evropiane për riatdhesimin e qytetarëve emigrant në vendet e BE-së. Puhie Demaku nga Lëvizja “Vetëvendosje” tha se këto marrëveshje nuk janë në favor të qytetarëve të Kosovës.
“Këto marrëveshje prekin drejtpërdrejtë jetën e shtetasve të Kosovës kudo që jetojnë ata. Ne duam të tërheqim vëmendjen pikërisht te mënyra se si po bëhet kjo se si po nënshkruhen marrëveshjet dhe ne jemi për marrëveshjet në parim, por nuk jemi për marrëveshje pa parime”, ka thënë Demaku.
Faton Topalli tha se ka analizuar marrëveshjen për transferimin e të burgosurve, që është përgatitur për nënshkrim në mes të Qeverisë së Kosovës dhe Qeverisë së Zvicrës.
Ai tha se për këtë marrëveshje është njoftuar nga autoritetet zvicerane, meqë Qeveria ende nuk e ka bërë publike. Kthimi i shtetasve të Kosovës në Zvicër për ta vuajtur dënimin në Kosovë është i mundshëm në rastet kur ata bëjnë vepra penale, të cilat dënohen me ligj në të dy vendet, ka thënë Topalli. /rtk/

[Neferta]

Kercnimi i Daqiqit
Zëvendëskryeministri i Serbisë, Ivica Dacic, ka thënë prapë se demarkacioni është zgjidhja më e mirë për problemet në Kosovë. Ai thotë se duhet të vazhdojnë bisedimet, por Beogradi nuk do të shikojë qetë se si pushteti në Prishtinë “po niset në spastrimin e serbëve me njëfarë ‘Stuhie’ të re”.
“Ndoshta sot disa kërkesa të serbëve nuk janë reale, por ajo që sigurisht është joreale është që serbët do të mbesin të jetojnë me Kosovën e pavarur. Prandaj, është mirë që bashkësia ndërkombëtare të bisedojë me serbët. Po ashtu, nuk jam i sigurt nëse të gjithë faktorët në bashkësinë ndërkombëtare e duan zgjidhjen paqësore”, ka thënë Dacic për Alo.
“Unë i takojë linjës së ashpër kur është fjala te Kosova. Mendoj se Serbia duhet të caktojë disa linja të kuqe. Nëse Turqia mund të thotë se sulmi në Sarajevë është sulm në Turqi, ashtu edhe sulmi në pjesën veriore të Mitrovicës është sulm në Serbi. Nëse Rezoluta 1244 nuk respektohet, atëherë nuk mund të presin nga ne që të respektojmë diçka që askush nuk respekton. Pse nuk kthehen 1000 policë e ushtarë tanë në Kosovë? Bashkësia ndërkombëtare nuk do të flas për këtë. Unë këtë gjithmonë e ceki dhe gjithmonë hasi në gjykimin se kjo nuk është reale. Prandaj, unë mendoj se nëse shqiptarët sulmojnë veriun e Kosovës, Serbia duhet të përgjigjet”.
Në pyetjen se a mendon me këtë përgjigje intervenimin e forcave të Serbisë, ai përgjigjet: “Me dhunë nuk mund të përgjigjesh duke e kthyer faqen tjetër”.
“Pra, nëse Thaçi niset në ofensivë kundër serbëve, me siguri nuk do ta shohim duarkryq ‘Stuhinë’ e Kosovës”.

[Llapjani_HH]

Drenicë: Policia ndërhyn ndaj protestuesve

Tre persona janë lënduar sot, pas ndërhyrjes së Njësisë Speciale të Policisë së Kosovës ndaj protestuesve, në fshatin Polac të komunës së Skenderajt në Drenicë, të cilët po kërkojnë asfaltimin e rrugës së fshatit të tyre.

Pas bllokimit të rrugës nga banorët e këtij fshati, policia e Kosovës ka ndërhyrë, duke rrahur disa prej banorëve, ndërsa ka arrestuar edhe shtatë persona.

Ngjarja ka ndodhur pak pasi protestuesit i vizitoi kryetari i komunës së Skenderajt, Sami Lushtaku.

Protestuesit, të cilët ankohen se tash e sa vjet kanë mbetur pa rrugë të kalueshme, janë sugjeruar nga kryetari Lushtaku që të mos protestojnë dhe të mos e pengojnë realizimin e projektit për rrugën.

Më pas disa banorë të Polacit kanë shkuar para stacionit të Policisë në Skenderaj për të kërkuar lirimin e të arrestuarve dhe sqarime për veprimet e tyre.

Në Polac kanë intervenuar 10 automjete me rreth 50-60 policë, njoftojnë mediet, por edhe pas kësaj rruga që lidh Vushtrrinë me Skenderajn vazhdon të jetë e bllokuar nga banorët.
BotaSot

Kjo është njësia speciale e beogradit asi Kosovës deshta me than që i rreh Shqiptart e i mbron shkiet edhe rusët.

Deri kur do t'durojn Shqiptarët???

[Neferta]

Antikorrupcioni !
Agjencia Kundër Korrupsionit ka iniciuar procedurë në gjykatat për kundërvajtje ndaj 21 zyrtarëve publikë për mosdeklarimin e pasurisë së tyre me marrjen e detyrës zyrtare.
Njoftimi për këtë është bërë nga AKK-ja, e cila në faqen e saj zyrtare ka treguar se zyrtarët ndaj të cilëve agjencia ka iniciuar procedurën e kundërvajtjes janë: Mimoza Ahmetaj nga Zyra e Kryeministrit, Kamuran Goranci, drejtor i Departamentit të Kulturës në MKRS, Nadire Vitija, ish-zyrtare e lartë e prokurimit në “Terkomos”, Sherafedin Mumxhiu, ish-anëtar i bordit në “Termokos”, Brikena Mulliqi, drejtoreshë në Ministrinë e Kulturës, Fatos Berisha, drejtor i Qendrës Kinematografike të Kosovës, Emin Emini, drejtor artistik i Teatrit Kombëtar të Kosovës, Driart Elshani, zyrtar në Ministrinë e Administratës Publike dhe Ilhami Gashi, sekretar i përgjithshëm në Ministrinë e Punëve të Brendshme.
Procedura e kundërvajtjes është iniciuar edhe ndaj këtyre zyrtarëve: Eljana Naka, Granit Berisha, Valdrin Lluka, Irfan Lipovica, Hasan Hasani, Përparim Krasniqi, Emin Gërbeshi, Milivoje Stojanovic, Kimete Bytyqi, Bastri Musmurati, Rifat Krasniqi, Dragisa Krestovic.
Zyrtarët e lartcekur nuk ju kanë përmbajtur afatit ligjor për deklarimin e gjendjes së pasurisë konform ligjit Nr.04/L-050 për Deklarimin, Prejardhjen dhe Kontrollin e Pasurisë të Zyrtarëve të Lartë Publik dhe Deklarimin, Prejardhjen dhe Kontrollin e dhuratave Për të Gjithë Personat Zyrtarë, respektivisht nenit 6 paragrafi 1.1 të këtij ligji.
“Po ashtu sipas nenit 17 paragrafi 2, Agjencia me rastin e inicimit të procedurës kundërvajtje ndaj zyrtarëve të lartcekur e njofton institucionin në të cilin punon ose ka punuar zyrtari i lartë, dhe po ashtu duke u bazuar në nenin 17 paragrafi 3, Agjencia e ka për obligim t’i publikoj emrat e zyrtarëve të lartë publik të cilët nuk e kanë deklaruar gjendjen e pasurisë ashtu siç është paraparë me këtë ligj”, thuhet në njoftimin e AKK-së. /rtk/

Thaçi prish Kurtin me Demaçin


29-10-2011 00:12 CET


(E plotësuar) Kundërshtimi i veprimtarit Adem Demaçi që pas zgjedhjes eventuale në postin e presidentit të vendit t’i thotë “jo” nominimit të Hashim Thaçit për kryeministër dhe në këtë formë ta “pensionojë” nga pushteti liderin e Partisë Demokratike të Kosovës (PDK), ka bërë që ai t’i prishë raportet me lëvizjen “Vetëvendosje”.
Gjithçka kishte ndodhur pas zgjedhjeve të fundit parlamentare, kur kërkohej që partitë politike të arrijnë konsensus për ta votuar një kandidat për president, ndërsa drejtuesit e “Vetëvendosjes” ishin të interesuar që nëpërmjet presidentit të ardhshëm ta pamundësojnë nominimin e Thaçit për kryeministër.
Burime të besueshme të “Zërit” brenda kësaj lëvizjeje thonë se gjatë bisedimeve me Demaçin, anëtarët e lëvizjes i kanë ofruar atij kandidimin për president, por gjithashtu e kanë kushtëzuar atë.
“I kanë thënë Demaçit se ne mund të të mbështesim për president, por me kusht që ti të mos e propozosh Hashim Thaçin për kryeministër, e më pas Demaçi është nxehur shumë dhe na ka thënë se ju jeni të vegjël të më qitni kushte mua”, ka thënë burimi i gazetës që ka folur në kushte anonimiteti.
Sipas këtij burimi, kjo ka bërë që të ftohen raportet mes veprimtarit Adem Demaçi dhe ish-bashkëpunëtorit të ngushtë të tij, liderit të “Vetëvendosjes”, Albin Kurti.
Rreth dështimit për t’u bërë president, një ditë më parë është prononcuar vetë Demaçi, i cili ka fajësuar anëtarët e lëvizjes “Vetëvendosje” që nuk e kanë mbështetur për këtë pozitë. Por, ai nuk ka treguar pse nuk e kanë mbështetur ata.
“Këta kanë qenë pengesë dhe nuk kanë propozuar asgjë. Ata (një grup qytetarësh shqiptarë që jetojnë në SHBA) që kanë propozuar, kanë kërkuar që unë të jem president. Dhe ata (“Vetëvendosje”) kanë refuzuar dhe e kanë fituar kontestin, e u bë qysh deshën ata”, ka deklaruar ai për mediat e vendit.
Për çështjen në fjalë disa ditë më parë ka folur edhe shefi i Grupit Parlamentar të Partisë Demokratike të Kosovës (PDK), Adem Grabovci. Ai ka thënë se kjo parti e ka mbështetur Demaçin për president dhe këtë ia ka thënë atij nëpërmjet një “mësiti”, i cili lajmin në fjalë ia ka kumtuar Demaçit në banesën e tij.
Por, nuk ishin vetëm anëtarët e PDK-së që kishin trokitur në derën e Demaçit.
Burime të “Zërit” të afërta me Demaçin thonë se anëtarët e “Vetëvendosjes” pasi kanë dëgjuar se Demaçi do të bëhet president, e kanë vizituar atë dhe ia kanë bërë me dije se “Pacolli nuk është problem, por problem për Kosovën është Thaçi”.
“Kur i kanë thënë kështu, Demaçi është bindur se s’ka asnjë mundësi për bashkëpunim me anëtarët e kësaj lëvizjeje. Ai më pas ka thënë se nëse e rrëzojmë Thaçin, kë do ta biem në vend të tij. Pastaj ka thënë se duke më lënë pa pozitën e presidentit, po mbeteni edhe ju pa pushtet”, tregon personi i afërt me Demaçin.
Ndërkaq, analisti politik dhe autori i librit për biografinë e Demaçit, Shkelzen Gashi, thotë se sipas informatave të tij, kushti i udhëheqësve të “Vetëvendosjes” për Demaçin ka qenë që ai si president i ardhshëm të mos e kandidojë Thaçin për kryeministër dhe t’i ndërpresë menjëherë bisedimet me Serbinë.
“Është normale që ‘Vetëvendosja’ ka qitë kushte, sepse si parti duhet të shikosh nëse presidenti ta zbaton programin politik ose jo, por Demaçi ka refuzuar të flasë për kushte”, shprehet Gashi.
Ai thotë se Adem Demaçi që nga viti 2008 është afruar jashtëzakonisht shumë me Hashim Thaçin, prandaj nuk ka pranuar ta “shkatërrojë” atë afërsi.
“Një ditë para shpalljes së pavarësisë janë takuar këta dy (Thaçi e Demaçi) dhe Thaçi i ka premtuar që do t’ia plotësojë disa kushte, do t’i japë shofer, veturë, pension kombëtar edhe shtëpinë e tij ku ka funksionuar zyra e UÇK-së në Prishtinë do ta shpallë muze. Përjashtuar shtëpinë, këto tjerat ia ka plotësuar”, thotë Gashi, duke shtuar se premtimi kryesor i Thaçit për Demaçin ka qenë që në të ardhmen PDK-ja do ta kandidojë atë për president të Kosovës.
“Vetëvendosja” pëlqen heshtjen
Drejtuesit e lëvizjes “Vetëvendosje” të premten nuk janë treguar të gatshëm të merren me “çështjen Demaçi” dhe as me akuzat e tij. Zyrtari për informim në këtë lëvizje, Erzen Vraniqi, ka thënë se kanë marrë vendim që të mos prononcohen për këtë çështje. “Kemi marrë vendim që mos të merremi me këtë çështje, nuk do të prononcohemi fare”, ka thënë ai nëpërmjet telefonit.

Bërnjak, serbët rivendosin barrikadat


29-10-2011 13:19 CET


Serbët e veriut të Kosovës sërish kanë vënë pengesa në rrugë, afër vendkalimit kufitar në Bërnjak. Këtë e konfirmon Besim Hoti, zëdhënësi i Policisë së Kosovës për rajonin e Mitrovicës, i cili thekson se gjatë vendosjes së barrikadës nuk është shënuar ndonjë incident, që do të shkaktonte kundërvënien e forcave të KFOR-it.
“Sa i përket kalimit të rrugëve dhe barrikadave, të cilat janë prezente në rrugët magjistrale, i vetmi ndryshim është që një grup i serbëve sërish ka vendosur disa pengesa në rrugë, përkatësisht në Bërnjak, afër pikës kufitare 31 të Zubin Potokut, një ditë pasi që KFOR-i kishte larguar disa automjete transportuese, të vendosura si pengesa fizike në rrugë. Si do të reagohet më tutje, sigurisht se varet në radhë të parë nga forcat e KFOR-it dhe kërkesat që EULEX-i do t’i bëj KFOR-it”, ka thënë Hoti.
Ai ka shtuar se situata e tillë nuk ka reflektuar në aspektin e sigurisë në komunat e tjera më veriore të Kosovës. /rel/

Interpol: Emrat e të dyshuarve për vrasjen e Zymberit


29-10-2011 15:18 CET


Pesë nga gjashtë të dyshuarit për vrasjen e policit Enver Zymberi janë futur në listën e Interpolit, raporton Radio Dukagjini.
Pas kërkesës së bërë nga UNMIK-u, Interpoli, në ueb-faqe, ka publikuar fletarrest ndërkombëtar për Ratomir Bozhoviq, Radovan Radiq, Millovan Vllashkoviq, Sllobodan Vuçiniq dhe Dushan Jovanoviq.
Lëshimin e fletarrestit ndërkombëtar e ka konfirmuar për Radio Dukagjinin edhe zëdhënësi i UNMIK-ut, Oliver Salgado.
“UNMIK-u është autoriteti i vetëm në Kosovë që mund të bëjë kërkesa të tilla nga Interpoli. Kështu që të enjten, UNMIK-u ka kërkuar nga Interpoli që të lëshojë arrest ndërkombëtar për këta persona, pasi që janë pranuar të gjitha dokumentet juridike të nevojshme nga EULEX-i”, ka thënë Salgado.
I papërfshirë në listën e Interpolit, në ueb faqe mbetët Ratomir Kasaleviq. Mospërfshirja e Kasaleviqit mbetet enigma, raporton RTVD.
Enver Zymberi, pjesëtar i Njësisë Speciale të Policisë së Kosovës, është vrarë në fund të korrikut gjatë aksionit për vënien e ligjshmërisë dhe kushtetutshmërisë në pikat kufitare në veri të Kosovës. Ai është dekoruar post-mortum nga presidentja e vendit me urdhrin “Hero i Kosovës”. /Zëri/






zoom +